عزيزي المدخن .. بخصوص إنّك جبت لي القرف , ماتبغاني أجي الملعب مثلا ً ؟ - نادي الهلال السعودي - شبكة الزعيم

طنّ أزرق · #1 01/10/2010, 02:42 AM

.
.

الكتاب واضح من عنوانه هذا أولاً ..

ثانيا ً الله يسامح إللي أحرموني مباراة الهلال والغرافه (3-0) .. خمس مرات أقول لهم أخوي الصغير
فيه ربو .. يا ناس وقفوا دخان , يقولون : من قال لك تجي الملعب ؟ , ليييييين تعب الولد ووديته المستشفى
قبل نهاية الشوط الأوّل , وراحت علي المباراه , وأخذت أوكسجين مع أخوي لإن فيني ربو بعد !!

والله العظيم إنني من عام 1418 هـ لين إلحين وأنا أدعي للمدخنين بالصلاح ,إللي في الملعب
لكن إلحين والله إني صرت أدعي عليهم , حاجه من جد قرف .. المشكله كلهم ( بزارين ) .. كأنه مالقى
فرصه إنّه يدخّن بعيد عن اهله إلا في الملعب ..

أنا بأحضر بكرة الملعب , وأقسم بالله العظيم إن صار زيّ كل مرّه إني بأوّقف عن مساندة الهلال في الدوري
وفي المباريات إللي ماهي بـ نهائي أو خروج مغلوب ..

عبدالرحمن بن مساعد !! أنت رئيس نادي .. وجّه رساله للمدخنين , ورب الكعبه إني أعرف ناس كثير
مايجون عشان المُدخنين .. والله إنّهم مايدخنون لـ الكيف بقد ماهو هياط وقرف !!

تلقى كبار السنّ المدخنين طول المباراه سيجاره أو ثنتين أو ثلاث بالكثير ..! بس ذا ( المراهقيين )
ماخذينها كأنها عشاء أو وجبه رئيسيّـــــــــه !!!!!!!

شوفوا لنا حلّ .. ويإللي تدخن لا تحسب الناس كلهم مدخنين .. يآخي خاف الله , يمينك ويسارك ناس
مايدخنون , ووراك وقدامك ناس مرضى .. وأنت جالس تنفخ سمّك على الناس !!!!!
يآخي خاف الله خااااااااف الله ..

آخر مباراه بكره وليت يتعدّل الحال ..

أنشروا يا مشرفين , أنا من جماهير الهلال ويحق لي أبداء رأيي

طنّ أزرق · #2 01/10/2010, 02:44 AM

.
.

أنشروا أقلّ شيء لو مدخن واحد يوقف عن بث سمومه في المدرج نكون كسبنا صحّة المجموعه إللي حوله وراحتهم

الدخان الازرق · #3 01/10/2010, 08:24 AM

اجل مالك الا المنصة ياخوك

حنا شعب مدخن درجة أولى ... بعدين مباراة زحمة وعالم وأمم فوق بعض .. وجايب اخوك الصغير الله يهدينا وياك...

الصغيرين اخذهم لمباراة دورية عادية واجلس فيهم بعيييييد لحالهم واخليهم يستانسون... مو في الدرجة الثانية وفي نص الزحمة وعند الرابطة وتقول فيه ربو الله يهديك بس؟؟

على العموم الله يشفيك ويعافيك ولا تشوف شر يالحبيب ، واذا فيك ربو ياغالي .. شف لك مكان زين واجلس فيه بعيد عن الدخان والمشاكل... ولا اجلس في البيت ياخوي .. الزم ماعليك صحتك ترى!!

عبدالعزيز الخرعان · #4 01/10/2010, 08:56 AM

إقتباس

الرسالة الأصلية كتبت بواسطة الدخان الازرق


	اجل مالك الا المنصة ياخوك حنا شعب مدخن درجة أولى ... بعدين مباراة زحمة وعالم وأمم فوق بعض .. وجايب اخوك الصغير الله يهدينا وياك... الصغيرين اخذهم لمباراة دورية عادية واجلس فيهم بعيييييد لحالهم واخليهم يستانسون... مو في الدرجة الثانية وفي نص الزحمة وعند الرابطة وتقول فيه ربو الله يهديك بس؟؟ على العموم الله يشفيك ويعافيك ولا تشوف شر يالحبيب ، واذا فيك ربو ياغالي .. شف لك مكان زين واجلس فيه بعيد عن الدخان والمشاكل... ولا اجلس في البيت ياخوي .. الزم ماعليك صحتك ترى!!

ياخي طيب كذا تفاخر انك تدخن ياخي استر على نفسك او قل الله يهديني ويفكني من هالسم اللي جالس اشربه وبعدين بما انك تقول ابعد ورح محل بعيد عن المدخنين طيب انت ليش ما تبعد وتفك الناس من هالسم اللي تبعثه حواليك او اقل شي انك تسويه ياخي بين الشوطين اطلع ودخن على كيفك وضر نفسك مو تضر غيرك وما اقول الا الله يشفيك ويعافيك انت من الموت البطئ

واللي بيقول ان الله ابتلاني بها الشي ( الله بيبتليك انك تدخن الا الشيطان اللي لاعب في راسك ) والله يهديك بس

الدخان الازرق · #5 01/10/2010, 01:37 PM

إقتباس

الرسالة الأصلية كتبت بواسطة عبدالعزيز الخرعان


	ياخي طيب كذا تفاخر انك تدخن ياخي استر على نفسك او قل الله يهديني ويفكني من هالسم اللي جالس اشربه وبعدين بما انك تقول ابعد ورح محل بعيد عن المدخنين طيب انت ليش ما تبعد وتفك الناس من هالسم اللي تبعثه حواليك او اقل شي انك تسويه ياخي بين الشوطين اطلع ودخن على كيفك وضر نفسك مو تضر غيرك وما اقول الا الله يشفيك ويعافيك انت من الموت البطئ واللي بيقول ان الله ابتلاني بها الشي ( الله بيبتليك انك تدخن الا الشيطان اللي لاعب في راسك ) والله يهديك بس

اررررررركد!!!

وش فيك جاي تركض ومطفي نورك؟؟؟ تركد ياخوي لا يطق فيك عرق!!

شلون عرفت اني ادخن؟؟؟؟؟؟؟

اقول لك حنا شعب مدخن درجة أولى!!! السعوديين بشكل عام ... يعني بتنصح واحد ولا اثنين ولا عشرين ولا الف ولا مليون؟؟؟ مافيه فايدة!!!

لاحول ولا قوة الا بالله ...

śзժ .. · #6 01/10/2010, 01:41 PM

إقتباس

الرسالة الأصلية كتبت بواسطة عبدالعزيز الخرعان


	ياخي طيب كذا تفاخر انك تدخن ياخي استر على نفسك او قل الله يهديني ويفكني من هالسم اللي جالس اشربه وبعدين بما انك تقول ابعد ورح محل بعيد عن المدخنين طيب انت ليش ما تبعد وتفك الناس من هالسم اللي تبعثه حواليك او اقل شي انك تسويه ياخي بين الشوطين اطلع ودخن على كيفك وضر نفسك مو تضر غيرك وما اقول الا الله يشفيك ويعافيك انت من الموت البطئ واللي بيقول ان الله ابتلاني بها الشي ( الله بيبتليك انك تدخن الا الشيطان اللي لاعب في راسك ) والله يهديك بس

كلامك يكفي ويوفي ماقصرت هو صادق بين الشوطين رح دخن على كيفك اما ماخذ هالدخان حلا ومستانس بعد الله يشفيك بس

عاشق 11 الذهبي · #7 01/10/2010, 02:09 PM

إقتباس

الرسالة الأصلية كتبت بواسطة الدخان الازرق


	اجل مالك الا المنصة ياخوك حنا شعب مدخن درجة أولى ... بعدين مباراة زحمة وعالم وأمم فوق بعض .. وجايب اخوك الصغير الله يهدينا وياك... الصغيرين اخذهم لمباراة دورية عادية واجلس فيهم بعيييييد لحالهم واخليهم يستانسون... مو في الدرجة الثانية وفي نص الزحمة وعند الرابطة وتقول فيه ربو الله يهديك بس؟؟ على العموم الله يشفيك ويعافيك ولا تشوف شر يالحبيب ، واذا فيك ربو ياغالي .. شف لك مكان زين واجلس فيه بعيد عن الدخان والمشاكل... ولا اجلس في البيت ياخوي .. الزم ماعليك صحتك ترى!!

اخوي دآمك تقول الي ما يدخن يجلسس في بيته ..,! انا اقول انت يالي تدخن اجلس الله لآيهينك فبيتك ودخن لين يطلع الدخان مع رآسسك يآخي في ناس جايه تشوف المباراه وبعدين قدر الي جنبك واصبر لين تخلص المباراه واطلع دخن على رآحتك ...!
على العموم شآكر لكم .. ونسأل الله ان يعصمكم من هذا السسم القآتل

والله يوفقك هلالنا يااارب

تقبل تحيآتي

الدخان الازرق · #8 01/10/2010, 03:06 PM

إقتباس

الرسالة الأصلية كتبت بواسطة عاشق 11 الذهبي


	اخوي دآمك تقول الي ما يدخن يجلسس في بيته ..,! انا اقول انت يالي تدخن اجلس الله لآيهينك فبيتك ودخن لين يطلع الدخان مع رآسسك يآخي في ناس جايه تشوف المباراه وبعدين قدر الي جنبك واصبر لين تخلص المباراه واطلع دخن على رآحتك ...! على العموم شآكر لكم .. ونسأل الله ان يعصمكم من هذا السسم القآتل والله يوفقك هلالنا يااارب تقبل تحيآتي

والله ياخوي مادري وش فيكم شبيتو علي ...

انا اقول السعوديين اكثر ناس في العالم يستهلكون الدخان!!

يعني لو يتركون السعوديين ( بس السعوديين لحالهم ) لو يتركون التدخين,,,

اتوقع مصانع انتاج الدخان بتقفل!!

انا اقول لو تقد من الحين لبكرا تنصح وتطالب وتستنكر وتشجب ... ماحد درا عنك ... ليش؟؟؟

لاننا شعب مدخن من الدرجة الأولى... هذا كل اللي اقصده.

لا عندنا نظام مثل الدول المتقدمة ولا فيه احترام للعالم والخلق ، ولا فيه مراعاة لحقوق الناس.

( اذا كان من حقك ان تدخن ، فأنا من حقي ان اتنفس هواءً نظيفاً )

عبارة اتمنى اشوفها في كل الامكان اللي يمنع فيها التدخين. ومع كل هذا راح تشوف ناس تدخن ولا عليها من احد أبد.

ببساطة ... ماعندنا قانون نهائياً!!

إتيــ ـحيادي · #9 02/10/2010, 05:48 AM

إقتباس

الرسالة الأصلية كتبت بواسطة الدخان الازرق


	اجل مالك الا المنصة ياخوك حنا شعب مدخن درجة أولى ... بعدين مباراة زحمة وعالم وأمم فوق بعض .. وجايب اخوك الصغير الله يهدينا وياك... الصغيرين اخذهم لمباراة دورية عادية واجلس فيهم بعيييييد لحالهم واخليهم يستانسون... مو في الدرجة الثانية وفي نص الزحمة وعند الرابطة وتقول فيه ربو الله يهديك بس؟؟ على العموم الله يشفيك ويعافيك ولا تشوف شر يالحبيب ، واذا فيك ربو ياغالي .. شف لك مكان زين واجلس فيه بعيد عن الدخان والمشاكل... ولا اجلس في البيت ياخوي .. الزم ماعليك صحتك ترى!!

يعني اللي عنده ربو مو من حقه يشوف المباراة ؟؟

أنا أقول حسبي الله على المدخنين و المدخنات
المشكلة ما وقفت على الملعب ، المشكلة حتى في الكوفي شوبات و المنتزهات و المطاعم
حسبي الله ونعم الوكيل

أنا عن نفسي إن شفت أحد يدخن جنبي طقعت ، مثل ماهو يقرفني لازم أقرفه في عيشته

برج حايل · #10 02/10/2010, 09:24 AM

إقتباس

الرسالة الأصلية كتبت بواسطة إتيــ ـحيادي


	أنا عن نفسي إن شفت أحد يدخن جنبي طقعت ، مثل ماهو يقرفني لازم أقرفه في عيشته

انا معك بالموضوع ولكن بعيد عن هذا كله اقسم بالله انك محشش ياصاحب الرد
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

والله اسلوبك رهيب لو اتبعوه الظاهر رجعت سنة الغبار من جديد خخخخخخخخخ

عـزام · #11 02/10/2010, 03:27 PM

إقتباس

الرسالة الأصلية كتبت بواسطة الدخان الازرق


	اجل مالك الا المنصة ياخوك حنا شعب مدخن درجة أولى ... بعدين مباراة زحمة وعالم وأمم فوق بعض .. وجايب اخوك الصغير الله يهدينا وياك... الصغيرين اخذهم لمباراة دورية عادية واجلس فيهم بعيييييد لحالهم واخليهم يستانسون... مو في الدرجة الثانية وفي نص الزحمة وعند الرابطة وتقول فيه ربو الله يهديك بس؟؟ على العموم الله يشفيك ويعافيك ولا تشوف شر يالحبيب ، واذا فيك ربو ياغالي .. شف لك مكان زين واجلس فيه بعيد عن الدخان والمشاكل... ولا اجلس في البيت ياخوي .. الزم ماعليك صحتك ترى!!

يماااااااااااااااااااااااااااااااااااااااااااااااااالي

مسوي حبتين ونص لا والف لا تبي تدخن اقلب وجهك وابعد عن العقلاء
والواجب اللي زيك وامثالك هذولا تحشرهم ورى الحارس ودخنوا الين يطلع الدخان مع مـ تكرمون

واللي يدخنووون الله يعافيهم ولا يبلانا والا ياخذهم ويفكنا منهم

الله لا يكثرهم

ع وااااااافي صاحب الموضوع

أبو طارق20 · #12 11/10/2010, 04:13 PM

إقتباس

الرسالة الأصلية كتبت بواسطة الدخان الازرق


	اجل مالك الا المنصة ياخوك حنا شعب مدخن درجة أولى ... بعدين مباراة زحمة وعالم وأمم فوق بعض .. وجايب اخوك الصغير الله يهدينا وياك... الصغيرين اخذهم لمباراة دورية عادية واجلس فيهم بعيييييد لحالهم واخليهم يستانسون... مو في الدرجة الثانية وفي نص الزحمة وعند الرابطة وتقول فيه ربو الله يهديك بس؟؟ على العموم الله يشفيك ويعافيك ولا تشوف شر يالحبيب ، واذا فيك ربو ياغالي .. شف لك مكان زين واجلس فيه بعيد عن الدخان والمشاكل... ولا اجلس في البيت ياخوي .. الزم ماعليك صحتك ترى!!

اشكالك يجبروني اعلم ابوه انه يدخن

ياخي دامك زاحف انت وما تتحمل تك عند ابوك واخوانك وزقققر وفل امها ياراعي الكيف

عزوزالخبوبي · #13 01/10/2010, 08:33 AM

بالنسبه عن نفسي انا تارك الحضور بالملعب من فتره طويله بسبب التدخين ورجعت في مباراة الغرافه وياليتي مارجعت شفت الهوايل من المدخنين بجنبي واحد الله واعلم انه اثنا المباراة شب بكت كامل!!!؟

يارب يمنع التدخين علشان نستمتع بالحضور والتشجيع والأستمتاع في المباراة

الهلالي بيانكو · #14 01/10/2010, 08:34 AM

أخوي كلامك صحيح و الله 100% وش ذنب المشجع يحرم من مشاركة الهلال فرحته في الملعب .... بعض الناس مرضى و يصعب عليهم احتمال السموم ذي .......

أنا اعاني منها كثير صراحه يعني لازم المدخن يعل الغير مدخن بسيجاره المفروض فيه إحترام لغير المدخن عاد لو أنا مدير الملعب بخصص جزء لغير المدخنين و جزء للمدخنين و تنتهي المشكله ....

الدخان هلاك للصحه و غير إن المدخن يهلك نفسه فإنه يهلك الغير مدخن اللي بجواره

خليلو15 · #15 02/10/2010, 09:22 PM

إقتباس

الرسالة الأصلية كتبت بواسطة الهلالي بيانكو


	أخوي كلامك صحيح و الله 100% وش ذنب المشجع يحرم من مشاركة الهلال فرحته في الملعب .... بعض الناس مرضى و يصعب عليهم احتمال السموم ذي ....... أنا اعاني منها كثير صراحه يعني لازم المدخن يعل الغير مدخن بسيجاره المفروض فيه إحترام لغير المدخن عاد لو أنا مدير الملعب بخصص جزء لغير المدخنين و جزء للمدخنين و تنتهي المشكله .... الدخان هلاك للصحه و غير إن المدخن يهلك نفسه فإنه يهلك الغير مدخن اللي بجواره

أتفق مع الأخ المفروض يكون فيه مكان مخصص لغير المدخنيين

وأستغرب بلد فيها تطبيق الشرع وينتشر فيها الخراب وخاصة الدخان

أتمنى أن يصدر قرار بمنع إستيراده نهائياً