|
عزيزي المدخن .. بخصوص إنّك جبت لي القرف , ماتبغاني أجي الملعب مثلا ً ؟ . . الكتاب واضح من عنوانه هذا أولاً .. ثانيا ً الله يسامح إللي أحرموني مباراة الهلال والغرافه (3-0) .. خمس مرات أقول لهم أخوي الصغير فيه ربو .. يا ناس وقفوا دخان , يقولون : من قال لك تجي الملعب ؟ , ليييييين تعب الولد ووديته المستشفى قبل نهاية الشوط الأوّل , وراحت علي المباراه , وأخذت أوكسجين مع أخوي لإن فيني ربو بعد !! والله العظيم إنني من عام 1418 هـ لين إلحين وأنا أدعي للمدخنين بالصلاح ,إللي في الملعب لكن إلحين والله إني صرت أدعي عليهم , حاجه من جد قرف .. المشكله كلهم ( بزارين ) .. كأنه مالقى فرصه إنّه يدخّن بعيد عن اهله إلا في الملعب .. أنا بأحضر بكرة الملعب , وأقسم بالله العظيم إن صار زيّ كل مرّه إني بأوّقف عن مساندة الهلال في الدوري وفي المباريات إللي ماهي بـ نهائي أو خروج مغلوب .. عبدالرحمن بن مساعد !! أنت رئيس نادي .. وجّه رساله للمدخنين , ورب الكعبه إني أعرف ناس كثير مايجون عشان المُدخنين .. والله إنّهم مايدخنون لـ الكيف بقد ماهو هياط وقرف !! تلقى كبار السنّ المدخنين طول المباراه سيجاره أو ثنتين أو ثلاث بالكثير ..! بس ذا ( المراهقيين ) ماخذينها كأنها عشاء أو وجبه رئيسيّـــــــــه !!!!!!! شوفوا لنا حلّ .. ويإللي تدخن لا تحسب الناس كلهم مدخنين .. يآخي خاف الله , يمينك ويسارك ناس مايدخنون , ووراك وقدامك ناس مرضى .. وأنت جالس تنفخ سمّك على الناس !!!!! يآخي خاف الله خااااااااف الله .. آخر مباراه بكره وليت يتعدّل الحال .. أنشروا يا مشرفين , أنا من جماهير الهلال ويحق لي أبداء رأيي |
. . أنشروا أقلّ شيء لو مدخن واحد يوقف عن بث سمومه في المدرج نكون كسبنا صحّة المجموعه إللي حوله وراحتهم |
اجل مالك الا المنصة ياخوك حنا شعب مدخن درجة أولى ... بعدين مباراة زحمة وعالم وأمم فوق بعض .. وجايب اخوك الصغير الله يهدينا وياك... الصغيرين اخذهم لمباراة دورية عادية واجلس فيهم بعيييييد لحالهم واخليهم يستانسون... مو في الدرجة الثانية وفي نص الزحمة وعند الرابطة وتقول فيه ربو الله يهديك بس؟؟ على العموم الله يشفيك ويعافيك ولا تشوف شر يالحبيب ، واذا فيك ربو ياغالي .. شف لك مكان زين واجلس فيه بعيد عن الدخان والمشاكل... ولا اجلس في البيت ياخوي .. الزم ماعليك صحتك ترى!! |
بالنسبه عن نفسي انا تارك الحضور بالملعب من فتره طويله بسبب التدخين ورجعت في مباراة الغرافه وياليتي مارجعت شفت الهوايل من المدخنين بجنبي واحد الله واعلم انه اثنا المباراة شب بكت كامل!!!؟ يارب يمنع التدخين علشان نستمتع بالحضور والتشجيع والأستمتاع في المباراة |
أخوي كلامك صحيح و الله 100% وش ذنب المشجع يحرم من مشاركة الهلال فرحته في الملعب .... بعض الناس مرضى و يصعب عليهم احتمال السموم ذي ....... أنا اعاني منها كثير صراحه يعني لازم المدخن يعل الغير مدخن بسيجاره المفروض فيه إحترام لغير المدخن عاد لو أنا مدير الملعب بخصص جزء لغير المدخنين و جزء للمدخنين و تنتهي المشكله .... الدخان هلاك للصحه و غير إن المدخن يهلك نفسه فإنه يهلك الغير مدخن اللي بجواره |
مممن ججججد وش ذآ التدخين حنى نحذرهم لآتدخنون كأنآ نقـول يالله دخنـو ماأقول إلا الله يعييين كل طفل أو رجـآل أو كبير سن بيحظر ويشوف هالمدخنيين من جججد الله يعينهم والحمدالله إنـي ( بـــــــــنـــــــــت ) ’’ وبالتوفيق لك أخوي ,, :rose: وإحظر اليوم إذا شفت مره مره مزودينهآآ بزيآآده يعني حذرهم وإذا مانفع توكل على الله وإطلع :ranting: .. ويآآرب وفق الهلال يآآرب أميين ,,:wub: |
والله انك صادق المدخنين ذولي عينه وصخه فاسده |
والله اني لي 7 سنوات ادخن والان بفضل من الله داخل في شهري الرابع تارك الدخان والله ياانها معاناه والحين حسيت فيها للي مايدخن ويجلس عند ناس يدخنون وعلى قولك اللي توه يدخن يدخن بدون كيف سجارة ورا سجارة ياخي الله يعينك بس هذا اللي اقول لان لو بقولك المفروووض يكون فيه مكان لغير المدخنين بالملعب هذا حلم من الخيال اذا بالمطارات ندخن ولا احد يحاسبنا >>> يوم كان يدخن طبعا :) شلون بالملاعب |
الله يعييينك انا مافيني ربوو وبالقووه اسسستحمل الي جنبي اقووله لا تدخن يقوول طيييب كااني اكللم الكررسسسي :ranting: بسسس خللها على ربك :) |
اخوي اكيد في امكن مافيها مدخنين وانت لاتروح في منتصف الملعب راح امكنا فارقه ونشالله يكون مافيها مدخنين |
إقتباس:
واللي بيقول ان الله ابتلاني بها الشي ( الله بيبتليك انك تدخن الا الشيطان اللي لاعب في راسك ) والله يهديك بس |
هههههههههههه قل لهم دخنوا وخذ معك ولاعة >> الدعوة عناااااااااااد شكلها ^^ يمكن تنفع:naughty: |
و آلله يآخوك آنآ معتزل آلملآعب من مبطي وغير كذآ معتزل نص آخويآي بسبب دخآنهم آنآ وش ذنبي يوم يدخن قدآمي وآحد مآقدرني طز فيه وفي خوته فآل بآلك بملعب كآمل تآبع آلمبآرآه في آلبيت بلآ دخآن بلآ هم |
. . يقولون ليش مايكون مكان مخصص لغير المدخنين ؟؟؟؟؟ كأن المدخنين 70 أو 80 % .. يآخي المدخنين أقلعوهم ورى المرامي وفكونا من الزفت إللي يشربونه وأأذوناا فيه |
, الله يعين بس . . هذا الكلام اول يوم كان دخان بس الحين مثل مانشوف المقطع الي في اليوتوب شيشة .. الله يستر بكره مايقولون بكرة كل واحد يجيب معه ابره وحشيش ولا مايدخل ياناس ابغاء اعرف الحين مدام المدخنين مايبغون يبطلون بالطيب ليش ماينزلون قرار يمنع الدخان اذا كانوا يبغون جمهور وحظور كبير .. انا شخصيا اعرف ناس كثير والله مايحظرون بسبت الدخان . ولا على الاقل الي يبغاء يدخن يدخن بين الشوطين ويفك الناس من السموم الي يبثها في الجو والله انا دايم احظر مباريات الهلال اشوف فوق الرابطه وعندنا فوق وفي كل مكان في الواجهه غيمممممه من الدخان . ياخي والله حرام طيب فيه مريض فيه شايب فيه طفل الجمهور ترى مو كله تدخين .. وانت اذا ماتهمك مصلحتك اهتم لمصلحة الجمهور . مانقول الى الله يصلح الحال .. والله يشفيك انت واخوك وماتشوفون شر .. ومره ثانيه اخوي اذا كنت تبغاء تحظر مباراة ومكان كويس وبعيد عن المدخنين لا تجي عند الرابطه تعال فوق اعلى شي مكان مافيه دخان الحمد لله .. لان كل الي مسوين رياجيل وزاحفين يرقصون تحت .. وتاخذ راحتك .. ’ |
| الوقت المعتمد في المنتدى بتوقيت جرينتش +3.
الوقت الان » 01:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd