آآخ لو منعوا الدخان من الملعب .... بيكون أفضل قرار أتخذ في الرياضة السعودية

والله كلامك صحيح

والحمد لله اني ما ادخن

عاد تبون الصراحة قليل احضر مبارية الزعيم
كلها منهم وربي شي يقهر ايش
ذنبي مثلا انا ماحضر على شان بزر فرح انه يدخن مو رجوله ولا شجاعة
ياخوي بين الشوطين اقلب وجهك تحت ودخن الكرتون كله مو عند الناس
حسبي الله عليهم

لا بعض العالم يبوون يعلموونك انهم يدخنون يحسبونهاا حااجه حلووة

دق اللطمة وعيش حياتك

مب أنت لحالك يابعدي ، كلنا متاضايقين ، واللي يحبطني زود ويحسسني إنا لازلنا نرجع لورى والعالم تمشي قدام اقصد من الناحية الأمنية والتنظيمية في الملاعب .

الحين عند البوابات تفتيش صح ، لو تجيب بعك طفل وماسك بيده علبة عصير ولا ماء يقولون ممنوع لأسباب أمنية ، طيب والسجاااائر كيف يسمح لها بالدخول ؟؟؟؟؟

بيجي واحد ويقول ( تهريب ) طيب ماعليش ، يُعقل أن نصف المدرج أو جزء كبير من الحضور يدخن وكل بكتات السجائر داخله تهريب ؟؟

نرجع بالذاكرة شوي لورى أنا يوم مباراتنا مع الغرافة في قطر جنبي واحد يدخن وعلى ما أظن إنه خلص علبتين سجائر في المباراة ، أنا بغيت أطيح صفر بجنبه من الريحة وعثروة الدخان ، هذا والملعب مكشوف والحضور ليس كثيفاً ، كيف يكون الحال في ملعب الملك فهد وهو مغطى جزئياً والكثافة دائماً رهيبة فيه ...

لن يتحسن الوضع نهائياً ونحن على هذا الحال ، ومادام أن حضرة العساكر الموقرين على هذه الشاكلة فسلامي عليكم ياأمن الملاعب ..


همسة بإذن النمشان المدير العظيم : اي مشكلة تحدث أن مسؤول عنها وأي إثم يحدث تتحمل منه جزءاً إن لم يكن كل الأثم فأن المسؤول الأول والأخير عن تلك المضايقات والأمور الأخرى هو أنت .

اخوي اكيد في امكن مافيها مدخنين

وانت لاتروح في منتصف الملعب

راح امكنا فارقه ونشالله يكون مافيها مدخنين

العتب على الرئاسه العامه لرعاية الشباب متمثله في الإتحاد السعودي لكرة القدم وذلك بعدم وضعهم أماكن مخصصه للمدخنين شكلهم ينتظرون إتحاد بن همام يعطيهم أوامر مثل ما ألزمهم بضرورة وجود مقاعد للجمهور ولا بينكرشون من دوري أبطال أسيا ولا كان ماشفناها .

صدقني لو الإتحاد الأسيوي يقول لازم أماكن مخصصه للمدخنين راح يحطون أماكن لهم لكن لما نطالب حنا مامن مجيب .

يعني أمورنا ماتمشي إلا بالتهديد والوعيد وسلمني على أتحاد بن همام اللي خلانا نمشي صح .

يااخوي والله من جد معليش خلنا نستانس وبعدين خلاص نسوي

اتفاق اندخل عدد الحبات على عدد اهداف الزعيم

وبعدين يااخوي تبي تقنعني انك الحين بجد هلالي

الهلالي الصميم الصح العاشق الولهاان

ما يترك ناديه عشان دخااان هذا اذا كنت من الهلاليين

الي يضحي بدمه وروحه لعيون الهلال

إقتباس الرسالة الأصلية كتبت بواسطة عاشق 11 الذهبي اخوي دآمك تقول الي ما يدخن يجلسس في بيته ..,! انا اقول انت يالي تدخن اجلس الله لآيهينك فبيتك ودخن لين يطلع الدخان مع رآسسك يآخي في ناس جايه تشوف المباراه وبعدين قدر الي جنبك واصبر لين تخلص المباراه واطلع دخن على رآحتك ...! على العموم شآكر لكم .. ونسأل الله ان يعصمكم من هذا السسم القآتل والله يوفقك هلالنا يااارب تقبل تحيآتي

الله يهديهم
ويعينك ويشفيك انت واخوك
وشكرآلك

تشكي لي ابكي لك . . والدعوة بعد صايرة قلت ادب من الاغلب للاسف فبعضهم يرى انك مخطئ اذا طلبت منه عدم التدخين !!! فمه بيارة ويشيب زقارة والحمد لله على العافية من التدخين والحمدلله على العافية من الاحساس بالنقص لان الاحساس بالنقص اكثر سبب للتدخين والمدخنين الله يشفيهم ويعين زوجات المتزوجين منهم .
موضوع مهم جدا وياليت يؤخذ بشكل جدي من المسؤلين

يارجال انت انسان تبالغ

انا احظر الملعب وبعض الاحيان فيه ناس جمبي يدخنون بس عادي ما اتأذى منهم

لان الملعب مكان مكشوف هم ماحشروك في غرفه مغلقه

الله يعافيهم ولا يبتلينا

إقتباس الرسالة الأصلية كتبت بواسطة أبـــو فـيـصــل ياخي انت ماتستحي اولأً موضوع مثل فيسك ثانيآً وش الي يحرمهم الجنة ومدري وشو كل ذا عشان مباراة يا تافهه ثالثآً تلطم او البس شماغ او خذ لك مكان بعيد وفكنا من مواضيعك السخيفة صدق ناس ماتستحي تدعي بحرام اخوك الجنة عشان مباراة ياتافهه

للاسف تخلف مدري

احس الواحد يحس نفسه رجال لما يدخن

هههههههههههههه

لا و يجوف بعد عشان يرتفع في الرجوله

الله يهديهم ويصلحهم يارب

و الحمد لله على سلامت اخوك

لسى صغير و بيكرهٌ تشجيع الزعيم بسبت هاذولي

كلااااااااااام سليم والله يشفي اخوك من الربووو
وانااا ادخن بس الحمدلله ماجيب دخاان بالمعب لان في صغااار
وش ذنبهم ولازم نكون يد في لزعيم وجمااهيرر الزعيم
تقبل مروري