كــــــــــــلام ســليم

بس عنوان الـــموضوع ههههههههههههه فــله مثلا :laugh:

:d:alzaeem::d

السلام عليكم ورحمة الله

اولاً : من حق الجميع -سواءً مدخن او غير مدخن- انه يحضر المباراة .

ثانياً : الاخوان المدخنين المفروض يراعون غير المدخنين ويقدرون ان فيهم المريض والصغير واللي يتأذى من الدخان .

ثالثاً : الاخوان غير المدخنين قدروا شعور المدخنين واطلبوا منهم بإحترام وأدب انهم يوقفون تدخين .

رابعاً : اللي يقول حرمت اروح الملعب بسبب اني اكره الدخان -من غير المرضى- .. يعني صدقني يعني ! .

خامساً : في دراسة وصل عدد المدخنين في السعودية الى اكثر من ستة مليون مدخن ! يعني لو المدخنين يقاطعون الملاعب كان فضت .

سادساً : ياليت يكون فيه تنظيم في الملاعب بحيث ان الواحد يروح الملعب قبل المباراة بـ عشر دقايق ويلقى مكانه محجوز, وبكذا المدخن بيمديه يتصبر ساعتين ولو ما تصبر فعلى الاقل غير المدخن ماراح يكون مضطر انه يتحمله الا ساعتين .

سابعاً : الله يهدي كل المدخنين ويبعدهم عنه .


والسلام ختام,,

صادق والله اتمنى يلقون لنا حل..
يعطيك العافيه اخوي..

الله يهداك المفروض تدعي لهم بالهداية,,, وانت تشمت فيهم؟؟؟؟

=

شف وأنا أخوك مشكلة مالها حل فامسنحيل أحد يبي يسمع كلامك
الناس جايه لفريقها مثل ما أنت جاي بس الله يعينك

اقسم بالله اخوياي وعيال عمي في الاستراحه
80 بالميئه هلاليه وكلهم مايدخنون يعني حوالي 15 واحد
المهم صرنا نكنسل على الملعب
وناضرة في الاستراحه بس عشان التدخين
وايذاء اشتقنا لزعيم
لازم نروح كلنا عشان ناخذ مكان كبير ونحاول نبعد اللي يدخن

بس معناااااات يعني بسنه نحضر مبارة ولاثنتين

ههههههههههههههههههههههههه والله اقرا الردود واضحك

بعض المدخنين عليهم اسلوب ..!! .. سبحان الله الواحد اذا قال الحق .. الطرف الثاني مايقدر يقول شي الا السب والتلعين

..

الكل عارف انه يضر المدخن .. والغير مدخن يضره اكثر

ماقول غير الله يصلحكم بس .. ياليت يوصل الكلام لأكبر مسؤول يمنعون التدخين في الملاعب

واللي يبي يدخن يدخن قبل لا يجي الملعب ..

والله أنك جبتها على الجرح

والله يهديهم ويعصمهم .. ولا يبتلينـا

وانــا يكرهني في حضور المباريات هذه الرائحة الكريهة والممتنه

ولا بد من وجود حل لهذه المشكله في ملاعنـا

(( فمن حقنـا أن نتنفس هواءً نقيـا ))

عبدالرحمن بن مساعد !! أنت رئيس نادي .. وجّه رساله للمدخنين , ورب الكعبه إني أعرف ناس كثير
مايجون عشان المُدخنين .. والله إنّهم مايدخنون لـ الكيف بقد ماهو هياط وقرف !!

بصراحه انا واحد من الي يتضايقون من التدخين وماحب احضر واجد بسبب التدخين لأني اكرة الدخان واعصب اذا شميت ريحتة صرت ما اتهنى بالمبارات

الحل مافيه حل لأنك تخاطب مجتمع اغلبيتة مدخن لكن فيه حل واحد وهو ( اذا صلح الفرد صلح المجتمع كلة)

يعني بصراحه ترى كلها 3 ساعات في الملعب وفيه بين الشوطين رح برا ودخن وش بيضرك ليش تضايق الناس ترضى احد يضايقك؟ او ترضى تكون في مكان فيه شخص متضايق منك؟ ما اتوقع

بتكلم من وجهة نظري عن الدخان اول شي الأنسان اذا حس بألام بس في الراس ضاق صدرة وخاف على عمرة وحاول يعرف اسباب الألم وقالو لة نقص حديد وراح يدور الوجبات الي فيها حديد وياكلها ويحس انة تحسن المدخن ليش يروح يدور لنفسة التعب؟ ويدري انة في يوم من الايام بيقول الله يمحي الدخان والي جاب الدخان لأنك عاجلا ام اجلا بتكون على السرير الأبيض بسبب الدخان الله يشفي الجميع منة

وبعدين انت كمدخن تعرف انك على غلط ليش تواصل عليه ماعندك القدرة تعالج اخطائك؟ اذا مانت بقد الشي ليش تسويه؟ دايم فكر وانت جاي تدخن ليش انا الحين ادخن؟ وش الفايدة؟ فيني نقص رجولة؟ ماحسيت برجولتي؟ ضعيف شخصية؟ صدقني ضميرك بيصحى بوقتها وتفكر صح

وبعدين أتحدى اي واحد سواء مدخن او غير مدخن يجيب لي فايدة وحدة بس من الدخان نذر علي لو جاب لأترك تشجيع الهلال واترك المنتدى واروح بنفسي ادخن

اضرارة:

اولا خساير فلوس بدون فايدة و على شي يضرك

ثانيا شوف كيف تصير نفسيتك وكيف ريحتك

ثالثا شوف كيف نظرة الناس ( الغير مدخنة ) لك

رابعا شوف كيف بتكون اسنانك وشفايفك حرام عليك ربي انعم عليك بشفايف واسنان ولا احلى منها وتخربها؟ الناس تحلي نفسها وانت تشين نفسك

ماودي اكمل كلام واكثر لكن والله من كرهي للدخان اني اكثر من مرة حلمت اني ادخن واقسم بالله العظيم اني اقوم من النوم ضايق صدري وكاره نفسي وخايف واحمد ربي انة حلم واقول لنفسي هالي يدخنون شلون متحملين نفسهم شلون مايستحقر نفسة؟

عموما الله يهدي الجميع يارب واتمنى من المدخنين وهم احرار بأنفسهم انهم بس يكونون على اعلى مستوى من الأحساس بالمسؤولية وتقدير مشاعر الغير



وشكرا:rose:

انا معااااااااكم بـــس لصاااار الروووس الكبااار تدخن في الملعب وقدام الكميرات وش تبي الى الجمهووور يسوي
وان شاااء الله يكون منع لدخان في الملاعب السعووديه
وبتوووفيق للجميع

اي والله وانا اضم صوتي مع صوتك ..~

والله اابتلشنا من الدخان ..~

لكن وش نسوي .. الشكوى لله ..~

مثل ما انت مبتلى بالربو
هو مبتلى بالدخان

من جد أزعجونا وكلمتهم "من قالك تجي الملعب ؟!"
وصراحة اذا شميت ريحة الدخان اتذكر مباريات الهلال في الاستاد !!

الحل مدرج خاص لهم ويفكونا من روايحهم ، والله يهديهم ويهدينا

انا جبت ولد عمي ماهو راعي كوره وكان مدخن سابق ارتفع ضغطه من التدخين وقال توبه احضر مبارايات بسبب التدخين كان قدامنا واحد ماطور ماهو بشر ذبحنا بالتدخين