والله يالغالي انا عندي ولد اخوي كل ماجات مباراة للهلال نط لي قال هاهـ عمي نروح المباراة

ووهو مثل اخوك فيه ربووو والله دايم اصرفه ماابي اجيبه الملعب ويتضررر من هاللي يدخنون

ووعشان كذا حاررمه للحين من الزعيم بسبب هاللي يدخنوون

ويااااااااااااااليت يفصلون بين المدخين واللي مايدخنون

ودي لكـ

توي جاي من مباراة الهلال والاتفاق،،
قسم بالله قرف ودخان،، من فوقك وتحتك ويمينك،، ما صارت والله،،

ودنا نأخذ راحتنا،،

مفروض المدخنين يمين والغير مدخنين يسار،،

حالتك عزيزي أشوف فيها حالة شاذه .. بمعنى 1 من 1000
التدخين مو موجود بالملعب بس وانما مختلط بالمجتمع ككل فتجد المدخن بالمدرسه وبالعمل وبالجامعه وبالبيت والاستراحه والشارع والمجمعات وكل مكان يجتمع فيه الناس .. لدرجة أصبح هالأمر روتيني وصعب السيطره عليه

باللهي عليك كيف تبي تسيّر مايقارب 60 الف بالملعب وتقول لا تدخنون ؟؟ طيب حتى هو مزاجه تدخين ومثل ما لك مزاجك بمتابعة المباراه حتى هو له مزاجه .. والمسألة هذي مهي محصورة على مشجعين الهلال علشان ماتخص القضية .. فلا تنسى انه شي اعتدنا عليه وموجود في كل مكان .. وقبل كل شي الملاعب مكشوفه وما اعتقد فيه تأثير الا اذا كان اللي يدخن ينفخ عليك عمداً ..!!!

الله يشفيك ويشفي اخواننا المسلمين ويشفي من ابتلي بالتدخين لمؤثراته السلبية ..

حسبي الله عليهم


انا بعد ما اجي على المدخنين ..

.. .. ..

أخي المدخن:أنت في رمضان تصبر عن التدخين 12 ساعه فهل من المعقول لاتصبر 90 دقيقه في الملعب أكفي شرك عن غيرك وأحتسب الاجر وباذن الله تؤجر لا تؤذي غير فانت لاترضى أحدا يؤذيك أتمنى أن يسمع هذه لو واحد من المدخنين لان هذا من الامر بالمعروف والنهي عن المنكر فالاصل ان يكون صاحب المنكر يخفي منكره لا العكس ربما تائثم على تذخينك ولكن الله غفور رحيم ولكن الذين أذيتهم سيوحاجوك عند الله أتق الله وشكراا

الله يعافيهم من ما ابتلو فيه هذا اولا
ثانيا ملاعبنا مو يبيلها تنظيف من عاده التدخين وبس يبيله اشغال كثيرة من وجود رجال امن فاهمين بادنى مستويات الفكر الكروي مو شيبان مالهم بالكورة ( الله يطول في عمارهم )
ثالثا يبيلك تشتري شمسيه Umbrellaمنشان تفتك او تتجاوز مشكله انو اللي خلفك مايمطرك بوابل من قشور الحب الفصفص يعني
رابعا الشغله يبيلها رفع مستوى احترام الاخرين عند بعض الجماهير وكمان ثقافه الحضور بشكل مثالي مو اصيح على بنقالي طاح وهو يمشي برا الملعب ... هذا يعني انك مو جاي تشوف المباراه
خامسا الله يوفق الهلال في مباراته الجايه مع الايراني العنيد

الله يعينك ويعين الجميع على هذا القرف

والله انا حاس بمعناتك ،، لاني كنت مدخن وتركتة


اللان انا اعاني من ريحتة القذرة

الله يشفيهم والله اهتم اذا حضرت مباراه واذا كان جنبي مدخن

إقتباس لا حول ولا قوة الا بالله ,, شف كم واحد بتاخذ ذنبه المفروض تدعون لهم بتركه جالسين تسبونهم ,, انا مدخن وكنت متعاطف لموضوعك بس بعد كلام الاخ ,, بدخل الملعب بثلاث ابكات دخان ,, ملعب ابووك واحنا ماندري ,,

لا تاخذ الدعوه عناد وبعدين خليت اللي يدعون لك بالهداية على واحد قال له كلمتين!! لاتحكم على 100 شخص بكلام شخص واحد...والله يهديك ان شاء الله ويفتح على قلبك ..

.

تجي ردود العالم العمَي والعور
............. مثل الخريش إللي بليّا خطامي


.
.

إللي يقول رحّ المنصّه يحسب إني جالس على ثروه .. أنا يالله دبّرت الأربعين ريال ..
وإللي يقول دوّر مكان بعيد !؟ أجلس ورى المرمى مثلاً أنا يحق لي أختار مكان مناسب ..
ويحق لي إن محد يدخن في مكان عام , وثانياً والله العظيم إني دعيت للمدخنين ولحد الحين ..
بس بعضهم مبزره بشكل مايتصّور يجبرك تخطي عليه ؟ , أقول له بالله لا تدخن يالطيّب ..
يقول وش جابك الملعب ولا يقول طيّب ويلتفت ويكمّل الزقاره وينفث على شخص آخر غيري ..

تعبنا قسم بالله وأنا توّني جاي من مباراة الإتفاق , وكان فيه مساحات وجلست في مكان بعيد ..
مو مثل مبااراة الغرافه , وبعدين كان التدخين متواجد وبكثررررررررررررررررررررررره ,
العسكري مايخليني أدخل بالمويه ؟ ويخلي المدخن يدخل بالسيجاره .. مشكله يا أخوان مشكله ..

انا صرت احضر بلممتاز قلت لعل وعسى انها اريح والاقي ناس تقدر حتى لو مدخنين طلعو اخيس واخيس رجل على رجل ودخانهم مزعجني ومزعج الي حوالينا
مره كنت جالس انا واخوياي وجلسو ورانا اربعه والدخان شغال التفتنا عليهم انا واخوياي والي جالسين جنبنا مانعرفهم ووجيهنا تقول وش هلقرف حسو شوي ووجيهم تغيرت كل الي حولهم مايدخون الا هم ووقفو تدخين وبعد 5 دقايق رجعت العجه ولا كانهم معبرين ناس ماتستحي قسم بالله

عزيزي صاحب الموضوع
شايف ملاعبنا مرقمه مثثلا؟
الملعب فاضي لو رحت وقعدة بعيد عن المدخين ماصار لك شي
ككك,, وان صار مليان لاتروح

إقتباس الرسالة الأصلية كتبت بواسطة Dash Girl عزيزي صاحب الموضوع شايف ملاعبنا مرقمه مثثلا؟ الملعب فاضي لو رحت وقعدة بعيد عن المدخين ماصار لك شي ككك,, وان صار مليان لاتروح

تجي ردود العالم العمي والعور ..
.............. مثل الخريش إللي بليّا خطامي