|
طن أزرق>>>>>>أرفع لك القبعة احتراما موضوعك في الصميم وكلامك صحيح أنا واحد من اللي قرروا عدم الحضور للملاعب بسبب الدخان والمدخنين فبصراحة الوضع مايساعد زود على الحر والكتمة في الملعب من 4 العصر يجيك واحد قدامك وواحد وراك ويقرفون أمك بالدخان...أقسم بالله قرف ووساخة... وأقول لكل مدخن كلمة أعجبتني : إذا كان من حقك أن تدخن ..فمن حقي أن أستنشق الهواء نقيا |
انا ما احضر للمباريات عشان مثل هالامور الواحد بيروح يوسع صدره و لا يتهاوش مع الناس |
والله حتى انا ودي امسك خوياي واشوتهم الدخان ماينزل من فمه تقول قوقس الى بالحاره الى ينام وهو الزقاره مولعه والله قرف والواحد ينكتم واتضرر اكثر منهم وش انقول بس الله يهديهم ويتروكون الدخان < لو كبوه راحو للمعسل هههههه الله يكون بعونك اخوي واذا بتحظر خلك بعيد عن المدخنين تحيتي |
اعتب على المشرفين اللي قاموا برفع هذا الموضوع. اما بالنسبة لكاتب الموضوع, فانا على علم تام بأنه يجهل ما كتبه, وقد يكون السبب هو السن, فلذلك لا املك الا وان ادعي له بالصلاح. مع العلم اني غير مدخن. واحب اذكر ان المسلم من سلم المسلمون من لسانه ويده. |
موضوعك فكرته صحيحة لكن أسلوبك همجــــــــــي . وعيب تدعــــــي على مسلمين بسبة مباراة وكورة وتحرم عليهم الجنة عشان (( دخــــان )) . الله يهديكم ويصلحكم أسلوبكم أسؤء من الدخان بكبـــــره . |
ودي اقول اميين .. بس انا واحد من الي مايروح الملعب بسبب التدخين .. وشي يقرف ماقول غير حسبي الله على كل مدخن .. حسبي الله عليه حسبي الله عليه .. انا ماقول لاتدخن بس لابغيت ادخن روح بعيييييييييييييييييييييييييييييييد طير بأي مكان .. وحسبي الله على كل مدخن |
مو يقولون { ممنوع التدخين بالاماكن العامة } طن ازرق انا مععععععععععععععك مليون % اكرررررررررررررره المدخنين وريحتهم وخشتهم :d الله يهديهم بس , ابي فايدة وحدة من الدخان بس وحدة !! حتى لو انه بلوى , فيه ناس يدخنون 30 سنة وقدروا يتركونه !! المسألة عزيمة وتصميم .. . |
أخوي كلامك صحيح و الله 100% وش ذنب المشجع يحرم من مشاركة الهلال فرحته في الملعب .... بعض الناس مرضى و يصعب عليهم احتمال السموم ذي ....... أنا اعاني منها كثير صراحه يعني لازم المدخن يعل الغير مدخن بسيجاره المفروض فيه إحترام لغير المدخن عاد لو أنا مدير الملعب بخصص جزء لغير المدخنين و جزء للمدخنين و تنتهي المشكله .... الدخان هلاك للصحه و غير إن المدخن يهلك نفسه فإنه يهلك الغير مدخن اللي بجواره |
طيب عندي لك حل جرب الزقاره تراه خطيره اسالني هع الله يشفيك ويشفي جميع المسلمين |
مالك الا المنصه ذا المبزره يبيلهم تسطير على وجيهم ماخذ الدعوه رجاله مشكووور اخووي |
نصيحه لا تاخذ عيالك او اولادك الى المقاعد العادية خلك بالمنصة وأن شاء الله ينزل قرار منع التدخين بالملاعب |
// اي والله حتى ولد اخوي جاي يشتكي راح الملعب العصر ورجع المغرب !! قلت له وش فِيك رجعت قال من المدخنييين أذوني ماقدرت أكمل وأشوف المباراة :( حرآآآآآآآآآآم وش ذنب الصغار اللي يشجِعُــــــــوا .. ترى صحتكم كلمالها تدهور وتدهوروا الأطفال معاكم :( ما أقول إلا الله يهديكم بس. |
والله يالغالي انا عندي ولد اخوي كل ماجات مباراة للهلال نط لي قال هاهـ عمي نروح المباراة ووهو مثل اخوك فيه ربووو والله دايم اصرفه ماابي اجيبه الملعب ويتضررر من هاللي يدخنون ووعشان كذا حاررمه للحين من الزعيم بسبب هاللي يدخنوون ويااااااااااااااليت يفصلون بين المدخين واللي مايدخنون ودي لكـ |
توي جاي من مباراة الهلال والاتفاق،، قسم بالله قرف ودخان،، من فوقك وتحتك ويمينك،، ما صارت والله،، ودنا نأخذ راحتنا،، مفروض المدخنين يمين والغير مدخنين يسار،، |
حالتك عزيزي أشوف فيها حالة شاذه .. بمعنى 1 من 1000 التدخين مو موجود بالملعب بس وانما مختلط بالمجتمع ككل فتجد المدخن بالمدرسه وبالعمل وبالجامعه وبالبيت والاستراحه والشارع والمجمعات وكل مكان يجتمع فيه الناس .. لدرجة أصبح هالأمر روتيني وصعب السيطره عليه باللهي عليك كيف تبي تسيّر مايقارب 60 الف بالملعب وتقول لا تدخنون ؟؟ طيب حتى هو مزاجه تدخين ومثل ما لك مزاجك بمتابعة المباراه حتى هو له مزاجه .. والمسألة هذي مهي محصورة على مشجعين الهلال علشان ماتخص القضية .. فلا تنسى انه شي اعتدنا عليه وموجود في كل مكان .. وقبل كل شي الملاعب مكشوفه وما اعتقد فيه تأثير الا اذا كان اللي يدخن ينفخ عليك عمداً ..!!! الله يشفيك ويشفي اخواننا المسلمين ويشفي من ابتلي بالتدخين لمؤثراته السلبية .. |
| الوقت المعتمد في المنتدى بتوقيت جرينتش +3.
الوقت الان » 01:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd