|
يـكفينآإ تحححزب لنآدي .. وهل يجوز التصدق أو الاستغفار من أجل فوز الهلال ؟ .. http://dc08.arabsh.com/i/01606/z96rscf0loey.jpg من متى وانت تشجع فريقك... اربعين سنه ثلاثين عشرين عشرة...على الاقل سنه؟ هل الفريق اللي شجعته من سنه هو نفسه هذا الفريق ، بالطبع لا... وين رقم 15 الرائع!!! وين رقم 9 ؟؟؟ وين و وين...؟ طيب وش نشجع في فريقنا ؟ اللاعب... او الفانيله... او الاعلام... او الجمهور ؟؟؟! اللاعب... كان عندنا لاعب فنان خطف لب الجماهير بفنه وحمل فانيله رقم السبعه... كان قصته قصه بس يوم غير فانليته هل نسيناه؟؟ ام قتلناه؟؟! وحارس عرين الاسد كيف حبيناه وبداياته كان شوكة في حلق نادينا وجبل قدام رقم 9 ؟ طيب واللاعبين المعارين الآن... رقم 18 لنادي الشرقية نفس النادي اللي خذينا منه رقم 20 ومن زمان رقم 16 هذا غير 23 الى نادي الغربية...ورقم 13 الى نادي العاصمة الشقيق... واغلب لاعبين المنتقلين او المعارين ناجحين في انديتهم الجديده والحمدلله. اما الفنيلة فتتغير كل عام... اما الاعلام... فمتقلب ومتنوع الآن بشكل رهيب... المعلق يعطيك من طرف اللسان حلاوه ويعطي غيرك نفس الحلاوه!! والمقدمين والمحللين يتلاعبون بنا كجمهور عاشق اعمى... اذا نحن نشجع نادينا من اجل الجمهور نفسه!!! ونكره الانديه الاخرى من اجل الجمهور نفسه!!! نعم نحب ونكره بعض بغض النظر عن فوزنا وخسارتنا ، هذا ما لاحظته انا في الواقع ، وبتلاحظونه انتم في مشاركات اعضائنا هنا وخاصة المشاركات في وقت المباريات. والدليل اسأل نفسك واللي حولك كيف شجعوا افرقتهم؟؟ كذا من الله... واحد عشان هديه وثاني عشان يرضي قريبه وثالث عشان يشجع وبس ورابع عشان وخامس عشان..الخ اعذروني اخواني على المقدمه المبهمه ، بس حبيت اكتب موضوع بدون اسامي... :) نعم نحب فريقنا... ونحب وطنا ونحب ديننا اكثر واكثر... استغربت من بعض الجماهير انهم قاموا يدعون ويستغفرون ويتصدقون... من اجل فوز!!! الدعاء... سهام الليل... روي عن الامام احمد وابن تيمية و الفضيل ابن عياض وغيرهم من الفضلاء... (لو كان لي دعوة مستجابة ما صيرتها إلا في الإمام لأني لو جعلتها للنفسي لم تجاوزني ولو جعلتها له كان صلاح الإمام صلاح العباد والبلاد) خلونا من الدعاء للملك عبدالله ، من باب اولى ندعي لأبائنا وامهاتنا... لأنفسنا... لا احد يقول ندعي هنا وهناك... فلنستحي من الله ان ندعوه بمثل هذه الاشياء... ونستغفره لا من اجل ان يغفر لنا وإنما من اجل فوز فريق!! والصدقه!!! التي شرعت من اجل اطفاء غضب الرب يفعل بها كذا!! ولازم اننا ما ننسى ان الفريق طريق لـ المنتخب نفسه!! فهل نشجع المنتخب بنفس الدرجة!!!؟ ما علينا من تاريخ فريقنا... 50 بطوله... 500 بطوله... القاب مالا نهاية... اهم شي يفوز هالمره بس ، بس هالمره... وان انهزم هذا حال الدنيا :) ليه نحس بالنقص واحنا الافضل ، ليه ينرفزنا كلام جماهير الانديه الاخرى؟؟! المباريات من الالاف السنين ، ولها مشجعين من ايام الاغريق والفراعنه والرومان والعرب وحتى التتار... اللاعبين ماتوا والمشجعين ماتوا , وجينا احنا وبنموت ونخلي الدنيا خلونا نشجع بس بدون تعصب... بدون انتقاص من الغير حتى لو ناقشنا احد ليه نترفز... الميدان يا حميدان يكفينا تحزب... لقبيله.. لجنس.. لطبقه.. لوطن.. حتى نزودها تحزب لنادي.. :) كتبه , ابراهيم بن عبدالرحمن " ولد عمتي " نقله , عبدالله العنقري :ba1: |
تسلم يدينك:smilie47::smilie47: طرح ولا أروع .. :s5s::s5s: ربي يوففق زعيمنآ ..:ba::ba: مـشـكـور .. :rose: :rose: |
أهنيك على موضوع ولد عمتك ,، :d طرح ولا أروع .. :ba: ربي يوففق زعيمنآ .. مـشـكـور .. :rose: |
عووووووووووووافي يالغالي كـلامك سليم وفي قمة الصميم ومـصحوب بالصحيح كلام يصف الحال هذه الايام ويشابهـ الواقع , مشكووووووووووووووووور" |
موضوع في غاية الروعة وصدقت في كل كلمة فلتها ومهما اتكلم ما راح اوفيك حقك |
كلام جميل وراقي ويدل على فكر نير بصراحه ليت ولد عمتك يكتب في جميع منتديات الاصفرين علشان يتعلموووون |
إقتباس:
كًلآم صًحيح , وّعين آلعّقل :rose: آلله يعطيه آلعآفيه , وّسلمت يدينك على آلنقل :ba1: , |
كلامك معظمه صحيح لكني ما أوافقك في الدعاء .. يا أخي أحد السلف كان اذا نفد الملح من بيته دعا الله ان يرزقه ملح و آخر اذا انقطع شسع نعله دعا الله ان يعينه على ربطه .. لذا ما المشكلة اذا سألت الله ان يوفق الهلال !؟ و الدعاء عباده يعني انت مأجور إن شاء الله ... |
يعيطك العاافيه ع الموضوع الخطير:smilie47: |
. . مشششكورين أخوآني ع المرور لي بآك للتعقيب على بعض الردود . . |
لي باك بعد قراءة الموضوع ................. باااك اول شي اهنيك ياابراهيم على الطرح الرائع محور حديثك عن التعصب وهو طبعا نقطة سوداء صعبة تمحيها من الرياضة لكن تقدر تقللها حاليا المنتديات اساس التعصب ويخليه من الصعب السيطرة عليه والاعلام بعد لكن تخفيف التعصب يجي من ادارات الاندية واللاعبين الكرة متعه نستمتع فيها الجماهير تتضارب عشانها ومن اجل فرقها وتلقى اللاعبين اصدقاء بعض ويضحكون ونحن بالتخلف نتعصب من اخواننا .!! الصدقة والاستغفار احيانا اضحك اذا قريت موضوع التبرع للهلال او نفتح حساب للنادي الفقراء والمساكين يستاهلون هذا التبرع اكثر من النادي اللي له مداخيل وله مجلس ادارة والادارة جزاها الله خير مخصصه 25% من دخل الجماهير للجمعيات الخيرية كلنا عيال بلد واحد وراية وحده كلنا مسلمين ولاتنسون بالوقوف مع ام المؤمنين عائشة رضية الله عنها كتبت فابدعت ياابراهيم الف شكر ياعبودي :d على نقلك وخلنا نقابل ولد عمتك هع تحياتي |
بآك :s2: .. بعد مآقرأت الموضوع لقيت الكآتب له فلسفه خآصه وقلمه مميزَ أولاً مآبي أعلق عالموضوع .. بعلق عالكآتب ، الحين ورآه مآيسجلَ بالشبكه ؟ :smilie47: بنستمتع بكتآبآته ونتآبع جديدهـ .. أتمنى أنه يسجلَ ويترك الكسل عنه :d .. نجيَ للموَضوٍع الي تكلَم فيه .. صدقني يآعزيزي لو نكتب مليون موضوع ، صعب يتغير فكر الجمهور .. التعصبَ وصل وطغى وإنتهىَ وصآر شي آسآسيَ في حيآة المشجع السعوَديَ .. ألف شكر أخوي وإستمتعت بكتآبتك .. لآهنتَ :rose: |
الله يعطيك الف الف عافيه على الموضوع الرائع تحياتي لك |
موضوعك في مجمله صحيح وواقعي .. لكن في مسألة الدعاء مو معاك .. أنا إذا جت مباراة للهلال دعيت ربي إنه يفوز وطبعا في نفس الوقت أدعي لنفسي ولوالدي يعني مو شرط أن اللي يدعي يدعي للهلال بس .. إقتباس:
|
إقتباس:
يعطيك الف عآفيه ابراآهيم على هالموضوع , صراحة موضوع جاء بوقته , في ظل الاحداث هالايآم , كلهآ كورة وماتسوى اننا نسب مسلم , او نلعن احد عشان كورة , ماراح تفيدنا لا بدنيا ولا بآخرهـ , سلمت يمينك آبرآهيم :smilie47: يعطيك العافيه عبود , :smilie47: نواف :rose: |
| الوقت المعتمد في المنتدى بتوقيت جرينتش +3.
الوقت الان » 06:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd