بصراحة.. لاعبين ما قدموا شي.. ولا شي..

ساعات احس ان المسنترين في المطارات هذولي بس يبون يظهرون في المشاركات المثبتة والمخصصة بإستقبال لاعبين الفريق..

الله سبحانه وتعالى اللي كتب لنا الفوز.. الله ما غيرهـ..

ولا أنسى دور عيسى المحياني الله يعافيه.. اللي تسبب في الهدف الأول، وأحرز الثاني بكل هدوء وزرانة..

ياجماهير الهلال.. عطوا كل ذي حق حقه..

لا نكابر ونقول تأهلنا بجدارة واستحقاق.. وإننا كان الأحق بالتأهل.. لا.. معصي..

واستغرب بعد هذا كله.. نجم كبير مثل ياسر القحطاني يطلع يقول الهلال فريق المهمات الصعبة..

وإننا نحترق عشان نفوز.. طيب وين الإعتذار يابو عبدالعزيز.. وين الأسف والندم على اللي صار..

ولا على بالك يانجم ياكبير ان 120 دقيقة كلها مذلة اننا راح ننساها.. ابو عبدالعزيز ترى الغرافة عطاكم 3 في شوط واحد..

وأشيد بعيسى مرة ثانية.. في هالشي لأنه اعتذر رغم انه سوا اشياء كثيرة..

يا جماهير الهلال لا نصير مثل جماهير بعض الأندية المتأخرة.. مضحوك عليها في كل مباراة..

وكل مباراة يتفقون انهم ما يحضرون الملعب وفي الأخير يحضرون ولا يحضر الفوز..

إذا قصر اللاعبين يجب لومهم وعتابهم.. بل ويجب على الإدارة توبيخهم.. وعقابهم..

تأهلنا ايه.. بس صدقوني لو كان فريق الغرافة ضارب حسابه انه راح يلعب مبارة زي كذا.. كان انتهت في الوقت الأصلي بأكثر من ثلاثة..

رجاءاً لا تخربون اللعيبة.. بتدليلكم اللي في غير محله..

تخيلوا بالله عليكم بعد اللي سووهـ كله.. ينزلون المطار ما يلقون ولا هلالي مستقبلهم.. امانة عليكم ما راح يحسون باللي سوووهـ؟؟

راح يحسون باللي سووهـ وأكثر وراح فعلا يكون دافع لهم انهم يجيبون البطولة..

لعيبتنا موب لعيبة ناشئين هذولي لعيبة كبار ومحترفين ولعيبة منتخب.. ولا أحد يقولي المدرب..

يا أخوان ياما لعيبة الهلال شالوا مدربين.. مافي روسهم تدريب.. وما يمنع انهم يشيلون حتى قيرتس يوم يطيح..

قيرتس ايه كانت له أخطاء في هالمباراة.. ولكن يفترض بلعيبتنا انهم يعرفون وش قاعدين يسوون.. ويبادرون بالصح..

اللي راح كوم.. والثلاث مباريات القادمة.. كوم ثاني..

تكفون لا تخربون لعيبتنا في كل مناسبة وانتم مطامرين المطار.. عالفاضي والمليان..

وبالتوفيق للهلال..