24/09/2010, 02:53 AM
|
| زعيــم فعــال | | تاريخ التسجيل: 14/06/2004
مشاركات: 274
| |
|
تقرير عن جمهور الهلال في برنامج فض فض اللي بقناة الكأس هنا التفاصيل
أيها الزعماء انصحكم برؤية إعادة برنامج فض فض اللي ينعرض بقناة الدوري والكأس القطرية فعلا ً كان روعة وهو يعرض كل اهداف المباراة وردة فعل جمهور المباراة الهلالي والغرفاوي.
باختصار سأورد لكم ما شاهدته للي ماشاف الحلقة كالتالي:
1- أن جماهير الهلال اللي تم اخذ لقاءات معهم كنوا يمدحون في الهلال ولعيبة الهلال حتى وهم مهزومين بالأربعة وكان عندهم أمل ان الهلال سيرجع ويسعدهم وهذي ميزة حب وعشق جمهور الزعيم لهذا الكيان وليس كجماهير الأندية الأخرى التي تنعت لاعبينهم بأقذع الأوصاف حال الخسارة.
2- تم عرض لقطات سريعة للجماهير للجماهير وهي مذهولة بعد كل هدف غرفاوي.
3- تم عرض أول لقاء احد الجماهير الهلالية كان مباشرة بعد الهدف الغرفاوي الرابع حيث قال ما نصه (أحنا جينا من السعودية عشان الهلال ولأخر دقيقة نحن مع الهلال، والهلال ما عمرة خذلنا ولا راح يخذلنا ان شاء الله، ولو انهزمنا الموسم هذا لاقدر الله لنا كلمة في الموسم القادم ان شاء الله). انتهى- كفو والله جعل عيني ما تسبتيك.
4- المقابلة الثانية قال المشجع الهلالي ما نصه (الهلال عمره ما انهزم بثلاثة أهداف في شوط مع العلم بأن الغرافة مرهق وكان لاعب مباراة قبل ثلاثة أيام). انتهى, لاحظ أنه لم ينعت اللأعبين بسوء أحد بسوء.
5- المقابلة الثالثة قال حبيبنا المشجع (النتيجة بالأربعة كبيرة وأحملها المدرب الهلالي قيريتس لأنه لعب بمحور واحد من بداية المباراة وهو عبداللطيف الغنام) انتهى - كلام منطقي جداً وأتفق معك.
6- المقابلة الرابعة كانت مع مشجع يتمتع بروح رياضية عالية قال ما نصه (هم جابوا أربعة ولعبوا أحسن مننا ويستاهلون ، ألف مبروك) انتهى ، بصراحة جهور واعي ومثقف على راسي من فوق يا زعماء.
7- المقابلة الخامسة هذا كوم ثاني وبصراحة يتكلم بكل ثقة ويرد على من انتقص حق قيريتس مانصه (افضل مدرب على وجه الأرض قيرتس، قيرتس وصل العام الماضي بالهلال إلى أربع نهائيات ما يحلم فيها نادي بالخليج، ما يحلم فيها الغرافة والسد النصر والإتحاد والأهلي (بصراحة كان منفعل لدرجة اللي وراه يهدون منه بس والله ما ينلام حب الهلال فوق كل شي) وقال غلطة الشاطر بعشرة) انتهى ، والله ما تنلام يا بعدحي وميتي انت.
8- المقابلة السادسة هذا عاد منفعل بقووووووة قال (الهلال فريقي اللي انا اعرفه ما لعب مهوب هذا الهلال ، والله لو لعب الهلال يبطي ثمن يبطي الغرافة يفوز على الهلال، انتم ماشفتوا الحكم بالله هذا حكم ؟؟ هذي مسسرحية) انتهى - المسرحية ان اللآعبين كانوا مو في يومهم والحمد لله جات سليمه.
9- نبدا عاد بالأفراح - بعد الهدف الهلالي الأول برأسية ابو عبدالعزيز وفقنا الله واياه تم عرض الفرح الهلالي وجنون الزعامة وكانت مؤثرة قال أحدهم كبير يا هلال وكبير يا هلال اسيا والكبير الله سبحانه وقال الثالث الهلال يمرض بس ما يموت، انتهى - قايلكم مافيه اجمل من الهلال وجمهوره يا جعلني ما ابتسيكم كلكم.
10- بعد الهدف الثاني واللي بسببه تأهلنا ولله الحمد لدور نصف النهائي قال أحد الجماهير للكاميرا( منيب قايلكم هذا زعيم اسيا عرفتوا منهو الزعيم في دقيقه وحدة وش صار؟ ) انتهى - اللهم لك الحمد.
11- المشجع التالي بالذات يستاهل بوسة على راسه تدرون ليه لأنه كان هادئ وواثق بحول الله وقوته ان الهلال لن يخذل جمهوره اللي حضر وقال (تأخر ورجع، والهلال بطل وإن شاء الله بنفرح بنهائي بين الشباب والهلال) شفتوا مهوب يستاهل بوسة على الراس يتمنى للشباب مثل ما يتمنى للهلال ، يالله يا كريم لا تحرمنا هالنعمة بحولك وقدرتك.
12- يا بعد قلبي انت يا هالمشجع تذكرون في صورة مشجع ملتحي شوي مليان ماشاء الله عليه ويمتعه بالصحة والعافية بعد نهاية المباراة جابته الكاميرا بلقطة سريعة متمسك بالحواجز ويشرب موية ومافيه حيل وجالس لابس تي شيرت ابيض ونظارات يا عزتي له أخذوا معه لقاء بعد الهدف الثاني طبعا ً كان متأثر مرة وعلى جريف غاصته العبرة قال (لا والله ما توقعت والله ما توقعت اللآعبين كانوا متخاذلين وما قدر يكمل اللقاء كان متأثر مرة وبكى) انتهى - اللهم يا رب السماوات انك تعافيه وتسامح لاعبين الهلال وتوفقهم.
13- جاءت لقطات على جمهور الغرافة وكان حزين مرة والله يوفقم في المرات القادمة فعلاً اهل قطر ينحطون على الراس وبيض الله وجيههم ماقصروا.
14- بعد اطلاق الحكم الصافرة أبو التيشرت الأحمر هذا يا لبى قلبه كان فرحان مرة الله يسعده وإياكم دنيا وآخره قال(الهلال ان شاء الله آسيا رددها مرتين) هههههههههه ما ينلام حلاوة طعم الفوز كان يصارخ هههههههههه يا لبى قلبه.
15- فيه لقطات سريعة عن جنون جمهور الهلال بخلفية اغنية راشد الفارس عن الهلال.
17- في نهاية التقرير كان مذيع البرنامج من استوديو فض فض قال كلمة حق في جمهور الهلال مانصه ( ألف الف مبروك لزعيم نصف الأرض وزعيم القرن وجمهوره الكبير ، ولفت نظري احد الجمهور القطري قال نشكر الجمهاهير القطرية اللي كانت حاضرة وأرد عليه أنا اللي شفته أمس للأسف جمهور للأسف الشديد جمهور قليل جداً تتكلم عن مباراة توديك لنصف النهائي للأمانة انا يوم شفت الملعب والجمهور قلت انا حاضر في استاد الملك فهد مو استاد ثاني بن جاسم وين الجمهور القطري اليوم يوم وطن يوم تكاتف واليوم وليش احنا متحطمين ومستسلمين ، ياخي امس يمكن عشرة اشخاص من جماهير الهلال طاحوا ودوهم الاسعاف المستشفى واحد يضحي بصحته وعمره عشان كورة هذا جمهور عاشق واحد جاي من حفرالباطن واحد جاي من الرياض واللي جاي من عرعر من كل مناطق السعودية إلى قطر واحنا عشرة كيلو ماحنا قادرين نحضر انا ما اقول هذا جمهور قطر جمهور قطر يكون بالموعد وفي النهاية نبارك للهلال وراح نوقف مع الهلال في الآسيوية) انتهى - على راسي يا هالمذيع وعلى راسي يا جمهور الهلال والله يوفقنا واياكم واهل قطر للخير في قادم الأيام.
ألف مليون مبروك للزعماء وحظ أوفر للأهل قطر الأعزاء وخاصة الغرفاوية الله يعطيهم العافية.
بتستغربون مني وشلون حافظ هالكلام وكاتبه، انا والله مسجلها على الرسيفر وهو قديم مافيه وصلة يو اس بي عشان انقلها وانزلها بالمنتدى وسأحاول أدبرها, لذلك هذي دعوة أوجهها لمن لديه القدرة على انه يسجلها وينزلها في المنتدى أكون له شاكر.
وسامحونا واعذروني على الإطالة ، وبالتوفيق للزعيم في قادم الأيام.
|
الوضع الشجري
