بسم الله الرحمن الرحيم

اللهم لك الحمد حتى ترضى ولك الحمد اذا رضيت ولك الحمد بعد الرضا ...

من امس احاول اكتب هالموضوع بس للاسف افاق شامل ويتواصل الاحتيال انا لله وانا اليه راجعون والله يصبرنا

كيف ابدا ومن وين ابدا

ابدا من نهاية سعيده ام بداية كئيبة

وش الي صار وش الي حصل احد يعلمني انا بحلم ولا بعلم

اتمنى انكم تقرون القصة الى اخرها ...

قبل المباراة صابني قلق غريب مو نفس القلق الي يجيني قبل مباريات الهلال لتحديد المصير مثل مباراة الغرافة

قلق اول مره احس فيه

المهم بدت المباراة وزاد التوتر والقلق والي زاد الطيب بله يوم جا هدف الغرافة الاول لكن كنت احاول اهدي على نفسي واقول حنى فايزين بثلاثة واكيد خطأ حسن خيرات ما راح يتكرر وبيصكهم الزعيم صكه محترمه

مع مرور الوقت حسيت نفسي موب قادر اني اسيطر على نفسي وكني حاس انه في شي جالس اتوتر كل شوي بجلسه وكل شوي بوضعيه حد ما جا الهدف الثاني وقلت خلااااااااااااص وربي انا موب عارف انا فحلم ولا علم وجا بس اني واصلت تطميني لنفسي وقلت ان شاء الله بيبيضون الوجه الشوط الثاني بس للاسف قبل الشوط الثاني جا الهدف الثالث الي خلاني بوضع لا احسد عليه ...

مر الشوط الثاني ولحد يسالني كيف مر اشوف مستوى الهلال كذا ولا فيه حتى بوادر اصلاح للحال من الهلال وانا اقول مع كل هجة للغرافة خلاص ودعنا البطولة

مع الاشواط الاضافية وصلت لمرحلة اني بديت اتصبب عرق بالذات بعد الهدف الرابع

فكرت اني اترك المنتدى واترك التشجيع واترك الكورة كلها عالمية او محليه فكرت بالعذال وايش راح يقولون وبالفقراويه وايش راح يكتبون كل شي جا في بالي حتى اني قلت يمكن ربي يبي يعاقبنا على كلامنا على الفقراوية بعد الخمسه ... رجعت بالذاكرة لمباراة ام صلال وكيف طلعت من الملعب وحالتي يرثى لها

لكن فجأة ومع كورة الشلهوب الفاول الي في الشوط الثاني زال التوتر والقلق رغم ان الكورة بعيده عن المرمى تدرون ليش ..؟

تدرون وش الي خطر في بالي ..؟

300 مليون ريال دفعها رجل مخلص وفي لنادي الهلال عبد الرحمن بن مساعد تذكرت وعده لي انا ونصف شعب المملكة العربية السعودية ان لا يتكرر ذلك المنضر الكئيب

نسيت المباراة وجلست استعد لفرحة الهدف وربي على ما اقول شهيد وكل الي في بالي عبد الرحمن بن مساعد الرجل الي ربي ما راح يخيب ضنه لانه صدق مع ربه اول شي والدليل تبرعاته ب25% من التذاكر للجمعيات الخيريه ثم صدق مه نفسه والدليل المبالغ الي دفعها في الهلال والجهد والعمل الي قام فيه لحد الحين اتذكر كلمته لما قال الهلال معي حتى في منامي ومع جمهوره حينما وعدهم بفريق لا يقهر وقد شاهد كل الهلالين ذلك الفريق باستثناء مباراة الغرافة ... صرت اتابع المباراة بعيوني لكني شارد البال وجواي مستعد لفرحة ما اعرف متى موعدها ... فجأة اذا بكرة عيسى المحياني الي صدها الحارس والكورة تروح لياسر وقتها (فتحت عيوني) وما حسيت الا والكورة بالقول ... ها معقولة وربي ماني مستوعب الهلال سجل ..؟ يعني افرح ..؟ طيب كيف افرح ..؟ بعدها لقيت نفسي جالس ابكي وعيوني موب قادر اشوف فيها حتى الهدف الثاني سمعته من المعلق وما تابعته الا بالاعاده

يا جمهور الزعيم تطمننننننننننننننننوووووووووووواااااااااااااا فريق رئيسه عبد الرحمن بن مساعد لا يكسر وحطوا موضوعي بالمفضلة وارجع اقراه بعد البطولة الاسيويه والكاس وقتها باذن واحد احد تكون في خزائن نادي الزعيم

والله يعطينا على قد نياتنا

هذا جنون الحب وهذا الزعيم وسواياه بقلوب محبينه بس والله فداك يازعيم مليون دمعة وكل شي على شانك يكون






الف مبروك يا زعماء وعقبال الاسيويه

لاتنسونا من ردودكم يازعماء والله تعبت وانا اكتب هالموضوع

يعطيك العافيه

وباذن الله نفرح بالاسيويه معا

دمت بخير

الله يعافيك اخوي نواف

وتسلم على المرور يالغالي

الف مبروك التأهل ،،
تقبل مروري يالغالي

الله يعطيك العافيه اخوي

والحمد لله على التاهل وعقبال التاهل

والله والله الي صار معاك صار معاي نفس الاحساس لكن بصراحه مافكرت بعبد الرحمن بن مساعد اوغيره بس كنت افكر كيف لو خرجنا من الاسيويه بتكون علينا شمااته شي مو طبيعي خاصه واحنا لاعبين باربع فرص للتاهل لا وفكرت بعد بمباراه الاتحاد بنلعبها ونفسيتنا تعباانه زي ماصار معاهم العام وبيرجعوا الخمسه ويمكن اكثر

وسبحان الله كنا نتمنى بس هدف عشان نتعادل معاهم بعد هدفهم الرابع لكن كرم الله غير اي كرم اكرمنا بهدفين ودائما الحمد والشكر لله صاحب الكرم والفضل علينا في
المباراه هذي لان في حياتي كلها ماراح انساها هذي المباراه لانها احرقت قلوبنا حرق ولعبت باعصابنا لا هي ولا مباراه الشارقه لانها من اسوا ذكرياتي مع الزعيم

واتمنى من الله عز وجل يكرمنا بالبطوووووووله هذي لانها بصراحه اهم بطوووووله لنا حتى للسنين الجايه مانبغى بطولات نبغى بالخصوص هذي وفي الوقت هذا

الله يعطيك العافيه اخوي على الموضوع

وصحيح دامك مع شبه الريح بالك دايم مستريح

مشكور على الموضوع
والله من قوة الفرحة بالتاهل قمت بكسر الرسيفر وكل شي يهون عند الهلال والبطوله هلاليه انا شاء الله

يعطيك العافيه اخوي نواف
ومثل ماقلت كلش يهون من اجل الزعيم
وربي يوفقه ويحقق البـــــــــــــــطوله المستعصيه

والله نفس الشعور اللي جاني يعني رجل يدفع دم قلبه 400 مليون ويروح تعبه هبائن منثورا قدام عينه ومشكور ع الموضوع

والله الحال من بعضه ياصاحبي،،،

الحمدلله ع التاهل،،،

بالتوفيق للزعيم،،،