|
الدكه الغرفاااااويه ....؟؟؟ بسم الله الرحمن الرحيم صباااااح الخيررررررر .....في البدايه ماني قايل لكم مبروك الإ والكاس عندنا بالسعوديه ..... اخواني الزعماء اخواتي الزعيمات يعلم الله انني ترددت كثير ان اكتب مافي داخلي من الحرقه من مباراة البارح ومادار بها من ظلم وماخفي عن الكثير منكم .... والمصيبه ان من دبر هذه المكيده اشخاص مسلمين اعماهم التعصب وكان همهم الوحيد ان يكسبو هذه المباراة باي وسيلة كانت ...... بختصار كان في ملعب الغرافه عمل من اعمال السحر " دنبوشي " والله وانا اتابع المباراه كذا مره بالاعاده على قتاتنا السعوديه وعلى قناة الكاس وابوظبي اشوف حاجات غريبه ومريبه حصلت في المباراه ...!!!! ياناس ياعالم ربعنا اللي لعبو امس ماهم ربعنا اللي نعرفهم لاحد يجي يقول ان الغرافه دخل المباراه بحماس قوي وانا كنا بارديين ومستهترين هناك امور يمكن ربطها ببعضها تكشف لنا ما حصل طيلة 120 دقيقيه ..... ارجعو للمباراه وشاهدوا اهداف الغرافه الاربعه كلها في مرمى واحد حتى اهداف الهلال ... خط 18 اللى عند هذا المرمى في الشوط الاول كان كله شوارع في دفاع الهلال اي هجمه تكون على الهلال خطره والغريب بعد انه في الشوط الثاني عندما كان هجومنا على هذا المرمى سبحان الله كان المكان يضيق ومن كثر زحمة اللعيبه من الطرفين كانها وربي دوامه ما ان تكون فيها الكره ترى الارتباك وعدم التركيز وهذا لاحضته بعد على مدافعين الغرافه مو على هجومنا وبس ...... من شاف الهجمات اللي يجليها ياااااااسر عند هذا المرمى ومن شاف تحركات ولي هامسون بنفس المكان عكس المرمى الثاني ربعنا امس نجوا من عمل شيطاني والحمد لله على كل حال .... وحتى ابوعتب في الهدف الثاني طاير للكوره ومن يشاهد الاعاده سيلاحظ ابتعاد الكره عن ايدين حسن من متر الى مترين كل هذي صدف.... وحتى كل اللاعبين لم يسلمو لا الكوري ولانيفيز ومن اصابه في اصابه من كلا الطرفين واغلبها شد عضلي حتى الحكم ماسلم ....... شي غريب اخر يجعلني اتيقن مما كتبت كل تغيرااات الهلال اقصد المحياني ووالبرقان واضن العابد كانو عاااديين ولعبو احسن من باقي الفريق ..... على عكس دكة الغرااافه التي كانت مشحونه على الاخر وكل اللاعبين اللي نزلو من بعد اصابة مدافعهم الاسود وحامد شامي دخلو اللعب وكانت لياقتهم عجيبه جدا صدقوني والله اني ماحب انستنقص حق اي احد ف الهلال لن يكون غريبا ان يخسر من الغرافه ولو فاز على الغرافه ليس بالغريب ... تصرفتات لاعبين الغرافه كانت ايظا محل شك فمن يعرف منكم حماسة يونس ومرغني الزين وانس مبارك وعدم تقبلهم للخساراه في دوريهم في مباريات اقل اهميه بكثير من هذه البطوله كان هذا الشي معكوس بالامس تابعو لقطاتتهم بعد المباراه تحس انهم في مباراه وديه جائوا فقط للتشريف ....... ولاتغفلوا ايظا عن مدربهم والمساعد وافعالهم الغير طبيعيه في المباراه وحتى النهايه ..... من الاخر بقولكم شي واقسم بالله والله على مااقول شهيد اني تابعت اول المباراه مباشر ويوم جابوا الثالث كرهت المباراه وكنت على اعصابي فصرت اغير بالقنوات وبعد كل فتره وفتره ارجع اشيك على النتيجه ومثل ماقسمت لكم انه في اخر مره شفت النتيجه كانت اربعه صفر وكانت الدقايق تقريبا بين 114 و 115 اذكرها هجمه كانت لهم خطيره من يونس وبلا شعور ورب الكعبه عن غير شغور قلت وبالحرف الواحد اللهم فك اسحارهم ان كان فيهم سحر = اللهم فك اسحارهم ان كان فيهم سحر =اللهم فك اسحارهم ان كان فيهم سحر اللهم امين.... وبعدها غيرت القناه وكنت يائس تماما ولاكن الحمد لله رجعت للمباراه واذا النتيجه تغيرت ونصرنا الله على من وضع يديه وطلبه في ايادي المشغوذين واهانهم بعد المباراه والكل شاف اللقطه وكانهم بهايم ..!!! واخيرا لا اقول الا حسبنا الله ونعم الوكيل في من سولت له نفسه الضعيفه ان يفعل هذا الشي فان كانت من النادي فجعلها في هذا الفريق وان كانت ممن هم اكبر من ذالك جعلها في رياضتهم وكل اللي يسعون اليه امين يارب ...... ارجووووكم لاتلومووون لا المدرب ولا اللعيبه اللي ماهم مصدقين ماسارت عليه المباراه ياسر وولي والشلهوب لم تنزل دموعهم بعد الاهداف وبعد الفوز الا من شي الله اعلم به تابعوا الاعادات وخصوصا مع المعلق فارس عوض واحمد الطيب بتاع الكاس كانو صادقين ومستغربين وكانهم مصدومين من كل لاعبين الهلال .....؟؟؟؟ وهناااك امور صدقوني سيكشفها الله وان غدا لناضره قريب ســـــــــــــــــــــــــــــر يازعيم وعين الله ترعاااااك والسلام عليكم ورحمة الله وبركاته |
الله يـــشـــفـــيـــك اخي عيب عليك الكلام هذي استح علي وجهك قال اش قال دنبوشي ياخي فريقك الي هو فريقنا زعيمنا داخل وواثق من الفوز يعني دخل مستهون بالخصم اخي لاتحسب انك لان تحاااسب عند الله علي هذا الكلام الي تكتبو الكوره تخدم الي يخدمها ولا وش تفسر اهذاف الهلال اهااا ولا بتقول عمل الدنبوشي علي قولك لمده 115 دقائق بس ياخي والله ما اتوقع في جمهور هلالي بهذي العقليه كل الي اقوله ارتق بفكرك ياخي و عيب عليك بس |
الله يهديك بس نحنا مسلمين في قطر واهل السنه والخير ولا عندنا اي خرابيط وانت قاعد تحلف بالله وتقسم على الكورة ما اقول الا حسبي الله ونعم الوكيل على كل كلمه كتبتها فينا يا اهل قطر وبذات اهل الغرافة وان شاء الله راح نقتصه منك يوم القيامة |
إقتباس:
يريد تشويها سمعتنا كا هلالين وعتبي الكبير علي المشرفين والمراقبين كيف قامو بنشر مثل هذه المواضيع.. |
لو كان السحر يجيب بطولات كان منتخب الهند بطل العالم خل إيمانك بالله قوي وما يصيبنا إلا ما كتب الله لنا |
ياخي استغفر ربك واحمده ع التاهل واترك عنك هالخرابيط والخزعبلات اقدر شعورك ... بس تراها كوره يعني تسلية ولاتاخذ شئ بذمتك لان الله بيسالك عنه مبروك التاهل وانس اللي راح |
موضوع لا يستحق النشر الله يهديك |
الله يهديكم ويهدينا اجمعين ابوعبدالله انا ماعميت وادري وربي انكم اهل خير وصلاح ولك حق في اللي قلته لو اني عميت ولاكني برأة حتى اللعيبه هناك شخص او اكثر هم من تورطوا في هذا الشي والله بيني وبينهم هلالي روق ياخوي وش فيك معصب ربك قادر على كل شي فلا انا خصمك ولا انت خصمي الله يهدينا اجمعين |
لاحول ولاقوة الا بالله بالله هالكلام ينقال استح .... عيب عليك |
جمهور بن ازرق كلامك صحيح يابعدي ترى حتى العين حق ولولا ثقتنا بالله لما عشنا اعزااااا اقصد جميع المسلمين ياناس ردو علي بكلام منطقي تكفووووووون |
والله اني متوقع هالشي !! يا ناس بالعقل هذا لعب ...؟! هذي فرص تضيع ...؟! ورب البيت شي ماينهضم !! ومعروفين المجنسين حقين افريقيا وبلاويهم ! لكن هذي دعوات المشجعين فكت سحرهم !! |
انا اقول سحر ولا مو سحر مستحيل يكون الهلال اللي لعب امس مو قادرين يتحركون بالملعب ولا تمريره صح شي غريب صار بالمباراة بعيد عن التكتيك لكن شنو الله يعلم |
إقتباس:
ياخي كل كلامك هذا لا يمت للمنطق باي صله اخي اتمنا تعدل موضوعك وتكتب اي شي. |
الله يهديك يا اخوي .. لا تحط بذمتك شي أتمنى حذف الموضوع .. أهل قطر أخواننا .. وقبل كذاا هم مسلمين . يعرفون ربهم .. عيب عليك يا اخوي |
الغريبة إن أول مشاركة لك كتبت عن السحر وأتوقع الموضوع الثاني تكتب عن الأحلام علم الكرة علم واقعي ومنطقي |
| الوقت المعتمد في المنتدى بتوقيت جرينتش +3.
الوقت الان » 01:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd