|
بكيت لانها فرحه تستحق دموع الفرح |
مباراة هدت حيلي واحرقت اعصابي الهلال ما كان بالفورمة وجيريتس لاعب بمحور واحد !!! يا ناس جيريتس انهبل والا ويش !! ضياع فرصة ياسر الاولى ضربت الريموت وطارت البطاريات وولدي ابو 4 سنوات مطير عيونه من الاستغراب !! حتى بعد تسجيل الغرافة الهدف الرابع كنت حاس ان ياسر بيسجل هدف اقسم بالله حاس وكأني متأكد !! الغرافة الشوط الثاني بدون لياقة ولاعبينا افضل لياقة منهم لكن ما استغلوا النقطة هذي لعبوا الغرافة على المرتدات وجابوا الرابع بكل سهولة الغرافة فريق كبير ويستحق الاحترام ويونس محمود لاعب يستحق ان يكون افضل لاعب باسيا واخلاقه عالية اعجبني بعد المباراة بابتسامته وسلامه على الللاعبين المحياني لبى قلبه والله ابو ابراهيم بعد ما نزل تحرك الهجوم واربك الغرافة وسجل هدف من العيار الثقيل .. الف مبروك لنا التأهل وعقبال الفوز على الاتحاد بالدوري شباب الان النتيجة النهائية 5/4 والا الهدف بهدفين يعني 7/4 جاوبوني يا حبيايبي |
انا كنت في غرفتي ولما جا الرابع قلت خلاااااص اتبخر الحلم بعدين جات شغالتنا تقولي ((شهد كم هادا قول حق مباراة )) قلتها 4 -0 للغرافه قالت فين هادا ياسر ليش مافي جيب قول قلت مدري مدري وابكي ابكي بمووت <<شغالتنا تحبه بعدين قالت ((لا تبكي شهد ياسر جيب هدف دحين )) ولما جا الهدف انا طيرااااااااان على الشغاله واضمهاااا بقووووووه اما هدف عيسي رحت الصاااله امشي مشيت ابو نطه اللى خطوتين وانط :d:d ماما قالت ووي وووي بنتي طار عقلها ورحت عندها وبوووستهاااا وحضنتها ورحت لغرفتي بمشيت ابو نطه :d:d |
الحمدالله على كل حال الواحد يجب عليه يهيئ نفسه قبل المباراة علشان ماينصدم ويغمى عليه صح في مباريات ترفع الضغط لاكن يجب ان تعرف ان الكوره فوز وخسارة لان فيه انديه اوربيه كبيره تنهزم وتطلع بره ريال مدريد مثلا له 6سنوات ماتاهل لدور8 بطولة اوروبا و6سنوات معه افضل الاعبين زيدان رونالدووفيجو ومع ذلك الى الان مااحد كسر رقمة يجب على الواحد يهدي نفسه عندالمباريات لان المشجع مثل الاعب هيئ نفسك لان بالاخير كوره يعني متعه غيرك يفحط على بطوله ونحمد ربنا على الصحة والعافيه وحتى اذا خرجنا من البطوله ليست نهاية العالم فيه السنه القادمه والي بعدها بس اهم شي كسرنا عقدة دور16ودور8 والانديه الخليجيه يعني المواسم القادمه نعرف نتعامل مع الادوار هذه بسهوله وبالتوفيق ان شاءالله |
انا مازال شبح العجلاني وأديموس يطاردني , هالمباراة ذكرتني بهم , توهان كامل للفريق لادفاع ولاهجوم ولا وسط زي الناس . فرحتنا مؤقته والخروج من الآسيوية خالين الوفاض يلوح بالأفق فالمدرب يرغب بالرحيل سريعا ولاتهمه النتيجة بأي حال من الأحوال. الجيزاني وعيسى والمرشدي والزوري وجودهم في الخارطة الزرقاء ضرررررروري جدا |
ناقزت وصرخت وبكيت في نفس الوقت والله أول مره اسوي زي كذا انه روح الزعيم الحمدلله على كل حال |
× × والله طول المبآرآة وانا ضآيق صدري :( ويوم جآء وقت صلآة العشآء رحت اصلي وأدعي من القلب والله اني كنت حآس بالأشواط الاضآفية ان الهلال بيرجع لـ المبآرآة , وبيقلب النتيجة والحمد الله أحسآسي كآن بـ محلة أفرآح الأهدأف .. الهدف الأول كسرت الكرسي بسس , والهدف الثآني حضنت كل العآيلة :d |
انا طول المباراه وانا على اعصابي واغلي وادعي ربي واقول ياربي ياكريم اكرمنا وفي الاشواط لاضافيه خلاص قصرت على التلفزيون مانيب متحمل كلام المعلق الغرافه ابدع ويستاهل وذا الخربيط جاء هدف ياسر قعدت اصارخ واقوم واقعد مانيب مصدق هدف المحياني جاني جنون اصارخ باعلى صوتي واحمد ربي واطامر على الكنب وعلى البلاك بيري برودكاست كل اللسته فزززززززززززززززززززززززززنا بعد الهيستيريا اللي صارت رحت وسجدت لربي :smilie47: |
و الله دقايق اقل ما يقول عنها مجنوه الشوط الاضافي الثاني من بدايته و انا اقول (( يا رب ارحمنا .. يارب يارب ... )) جا القول الاول لياسر و قمت اناقز مو مصدق بعدين رجعت ع نفس الحاله الي قبل القول قلت لا تستعجل يجيب الغرافه << متاثر بمباره البحرين هع جاب المحياني القول الثاني انا انجنيت O.o طبعا ثلاث سجدات شكر الهدف الاول و الثاني و نهايه المباره هع |
يالله لك الحمد ,, ربي أكرمنا بهذا التأهل ,, وما يصح إلا الصحيح ,, أنا فرحتي كانت إستثنائية ,, وخصوصا هدف التعديل كان من القحطاني ,, كان البكاء لايفارق عيناي ,, بعد هدف الغرافة الرابع ,, وكنت أفكر وش بيصير للهلال ,, بعد ضياع البطولة ,, وكان بجانبي أبي ويدعوا ,, ويقول خلو عندكم أمل بالفوز ,, لبا قلبك ياوالدي ,, وجاء هدف ياسر خلاص ,, توقعتها هلالية ,, ويجيك ويلهامسون منطلق من النص قلت خلاص هذا هدف ,, الله أكبر ,, ياعيسى ,, وفرحة ,, وسجود وشكر لله رب العالمين ,, يالله لك الحمد يااااارب ,, |
يا رجال بغيت انطرد من البيت اللي انا ساكن فيه انا مع عائلة ساكن بكندا جا هدف الهلال على دخلت بنت العائله تقول ديو وانت بريكفاست والله يا انا حضنتها حضنه انهبلت لا تلوموني ذيك اللحضه ابي اي شي احضنه صراحه الا يجيني ابوهم عقب ساعه يقولي وش السالفه وقلتله سالفة المباراة انه قاتله للاعصاب بس اشوا قام يضحك وكل العائلة تفهمت الوضع حتى البنت نفسه سلكت لي بس والله ياهي اعصاااااااااااب المباراة الله لا يوريكم بعد عقب المباراة سجود ودعاء والحمدلله على التأهل بس الحمد لله |
الدقيقه 115 غسلت ايدي من العيبه .. ورحت عند الوالده ابيها تدعي .. واسمع صراخ اخواني وفارس عوض ض6 .. ماصدقت الا يوم سمعت كبرياء الزعيم .. واناااقز وكسرت الارض+اصابعي .. والله فرحه ماتنوصف .. وبعد هدف عيسى سجدت لله شكر .. اللي ماخيب رجانا الحمد لله الحمد لله |
الحمدلله وترى صحه الواحد أهم من فريق يفوز لازم الواحد يفكر بالامور بهدوء و يعطي كل شي حقه تابعت المباراه وذكرتنى بمباريات قديمه و جديده كان فيها الفريق بغير وضعه مع تكتيك سيء من المدرب ماعصبت بس كنت متفاعل وعندى قاعده اى هوايه عند الانسان لازم يحبها ويتحمس بس مايفقد اعصابه لانها هوايه وغير كذا معناه ان الواحد ماعنده تحكم بنفسه واعصابه وهذا غلط كبير وش قيمه ان فريقك يفوز او يخسر وانت تمرض سكر او ضغط ا و تغلط على احد او تفقد حسناتك - تلعن هذا وتسب هذا وتشتم الحكم وتدعو على لاعب من الفريق الثانى - كل هذا معناه ان الانسان خلى الهوايه تفقده اخلاقه او صحته وكل هذى خساير كبيره حتى لو فاز فريقك ياليت جماهير الهلال الى اعتبرها قدوه بوعيها وثقافتها تنشر هالمفهوم خلونا نفرح أو نخسر لكن نتعامل مع الامور بفروسيه وأخلاق تحياتى للجميع |
انا بصراحة كان داخلي شعور ان الزعيم راح يسجل وبعد المباراة لقيت الضغط عندي فل والحمدلله على التاهل |
إقتباس:
النظام من يسجل في ملعب الخصم اكثر فمثلا لو فاز الغرافة 4-1 بتصير النتيجة 4-4 وبنتاهل احنا لان احنا سجلنا في ملعبهم وهم ماسجلوا في ملعبنا على فكرة شباب انا ماحسيت برجلي يوم شت الزبالة الا بعد المباراة بنص الساعة اثاري رجلي قامت تخرخر دم :) |
| الوقت المعتمد في المنتدى بتوقيت جرينتش +3.
الوقت الان » 06:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd