|
هي ليست تورتيلا يا جيرتس ,, بل هي وجبة فطور دسمة ,, ونحن قوم لا نقبل السوشي ؟! [ فضفضة شخص جايع ] بسم الله الرحمن الرحيم “ الموضوع يحتوي على مفردات غذائية كثيرة , اللي يحس انه جايع يحاول بقدر المستطاع أنه ما يطوّل في الموضوع :d “ أول شيء ,, ما أقول ألا الحمد لله أولاً و اخراً ولطف الله بنا هو العامل المنقذ في القصة كلها وجبات سريعة وأخرى بطيئة - مباريات الهلال ( المجموعات ) في البطولة الاسيوية , مثل الوجبة الشهيرة ( تورتيلا :d ) ,, ساندوتش صغير ,, طعم ,, وكل الناس حبته ,, لكن ,, لا يمكن تكون وجبة أساسية ,, لإنها تظل وجبة سريعة ,, أصلاً ,, حتى اللي يبي ياكلها ,, ما يحتاج يروح للمطعم وهو جوعان ,, كونها صغيرة ,, وما تحتاج لتخطيط مسبق أو حجز ,, لإنها تكون جاهزة ,, لذلك ,, انت تروح للمطعم وتطلبها وفي ظرف دقايق تجيك وتفرمها فرم ,, والهلال ,, كان متعود على تخطي هالدور تخطي على طراز ( مزمزة ) , تخطى دور المجموعات ( خلوني أقول ) بسهولة ,, وفي نفس الوقت تخطاها بأداء ممتع ,, وبيني وبينكم ,, ذيك المباريات كانت صغيرة ,, وعطيناها حقها ,, لكن المباريات اللي بعدها غير ,, - مباراة الأوزبك ,, كبرّنا اللقمة شوي ,, وقررنا أننا ناكل من ( عمو حمزة :d ) ,, ومثل منتم عارفين ,, فيه ناس كثير ما يحبون الاكل ( البحري ) ,, وهذا اللي صار في الشوط الاول في ذيك المباراة ,, فيه لاعبين ما كلوا من عمو حمزة لإنهم ما يشتهون ,, لكن ,, في الشوط الثاني ,, اللاعبين جاعوا ,, وعرفوا أن ما قدامهم ألا سمك وربيان ,, وبالتالي ,, لعب فيهم الجوع لعب ,, وهم بدورهم لعبوا في السمك لعب , عفواً لعبوا في ريفالدو وربعه لعب :d ,, الجوع كافر ,, والادمي اذا جاع ,, والله لو قدامه شجرة ان ياكلها اكل ,, وشلون لا صار قدامه عيال حمران عطران ,, زي الاوزبكيين ,, يا لبى قلوبهم ,, وش طعمهم :d - جينا في دور الـ 8 ,, والسنين اللي راحت ,, كنا صايمين ,, لكن المهم ,, ان حنا مازلنا صايمين عن التأهل لـ ( مابعد هذا الدور ) , لعبنا مباراة الذهاب ,, واللي هي أشبه ما تكون وجبة السحور , وعادة ,, الصايم يدق في السحور دق لين يغني بطنه ,, وفعلاً هذا اللي صار ,, وتسحرنا على الغرافة في ذاك اليوم لين غنت بطونا ,, وبعد فترة بسيطة ,, جا موعد مباراة الأياب اللي أشبه ما تكون بـ ( الفطور ) اللي المفترض أن حنا نمزمز عليه مزمزة ,, اللي صار ,, هو ,, أن الفطور حقنا ,, انحط على السفرة قبل اذان المغرب ,, ولا قدرنا ناكل ,, وطبعاً بفعل فاعل ,, وستر ربي ,, واذن المغرب في نهاية الشوط الاضافي الثاني وتلاحقنا ناكل ,, لكن المهم من اللي عجّل وفرش السفرة قبل الاذان بوقت كثير ؟ :( ها يا جيرتس ,, من فرش السفرة قبل الاذان ؟ لا تصدمني وتقول أنك ما دريت ان حنا صايمين وتحسب الدعوى ( تورتيلا ) وانتهينا ؟ ها يا من كنا نعتقد أنهم فعلاً محترفين وأن نتيجة الذهاب ما تأثر عليهم ؟ لا تجاوبون ,, انا اقولها عنكم هو الغرور والثقة الزايدة لذلك ,, ما فيها إحراج أبداً أنكم تصرخون وتقولون : تعلمنا من الغرافة ,, - أن إحترام الخصم واجب ( قولاً عملاًُ ) - أن المفاجأت تنتهي مع صافرة الحكم ( قولاً وعملاً ) كنتم تقولون ,, الكرة علمتنا ,, واتضح أنها مجرد عبارات تقال لا معنى لها لديكم والان ,, تعلمتم الدرس كاملاً من سعادة الأستاذ : الغرافة فكل الشكر يا سعادة الاستاذ :rose: - وجبة ( السوشي ) هي وجبة يابانية شهيرة , ملايين البشر يعشقونها ,, ولكن ,, اللي اعرفه ,, انها ما تمشي عندنا في ديارنا ,, لإن الاخوان اليابانيين يقدمونها ( نيّة ) ,, يعني بدون طبخ ,, وهذا السبب اللي يخلينا ماهنا بذاك الزود عليها ,, جمهور الزعيم ,, ما راح أقول هو ( ملح ) الطبخة ,, لا لا لا ,, جمهور الهلال ,, هو ( طبخ ) الطبخة نفسها ,, وبدونه راح ناكل الخصوم مثل السوشي ,, هو من طبخ ( التورتيلا ) في دور المجموعات ,, وطبخ لنا ( الاوزبك الطعميين مرة :d ) و هو ما قصر وطبخ لنا الغرافة ,, لكن ,, فيه اللي قدم الطبخة قبل موعدها ,, وهذا اللي حاس الدعوة ,, لذلك , مع جمهور الهلال ,, والله لو يعطونا سوشي ,, ان كان طبخناها ,, والحمد لله على كل حال ,, MMS - ( الجنس اللطيف ) قالها الدكتور ,, ما يهم قالها متعمد او بالخطأ او خانه التعبير ,, أيّاً يكن ,, لكن المهم أن الجنس اللطيف هذا هو النصف الاخر للإنسان ,, وقال الحكيم في محكم التنزيل ( ضرب الله مثلا للذين امنوا امرأة فرعون ) ,, لذلك ,, انا ما أدري وين العيب أو الخطأ أو وش السبب اللي اثار المساكين ؟ عالم غريبة ,, - أهداف الهلال بالامس ,, جت بعد صراع دامي ,, خاضه اللاعبين بقيادة نامي ( لزوم السجع :d ) ,, المهم ما راح أهضم حقهم بالكامل ,, هو في الأخير انتصروا وتأهلوا ,, واجتهدوا ,, لكن ,, في أوقات معينة ,, أمور تفقدها ( كان بإستطاعتك الحصول عليها ) هي اللي تهضم حقك بالكامل ,, موب حنا اللي نهضم حقهم ,, - بعد المباراة مباشرة ,, اتصل علي واحد وقال ( أبو راشد ,, أنا عندي ثقة بقدرتك على ربط الامور ,, عندي سؤال سريع ,, وش وجه الشبه بين الغرافة والاندومي ؟ وانفجر ضاحكاً ,, الله يصلحه ) انا طبعاً سكرت السماعة في خشته لإن عليه وقت مدري وش يبي ,, الزبدة ,, أن في اوقات معينة الإستهزاء ماله سنع وشكر الله لابد أنه يكون في المقدمة ,, طبعاً خويي ارسل لي الإجابة بمسج ( كلهم بنطبخون بـ دقيقتين :d ) ,, - سمعت وشفت تصريح شبيه الريح ,, وعن تفكيره في ( كنسلة ) مكافأة الفوز ,, بيني وبينكم ,, ما ألومه ,, واللاعبين أنفسهم ,, لو يكنسلها ما راح تضيق صدورهم ,, لإنهم أعتقد حسّوا بالمصيبة اللي سووها أمس ,, لكن ,, وخلونا نتكلم بواقعية ,, وكما يقال ( العبرة في الخواتيم ) هم في النهاية انتصروا وتأهلوا ,, لذلك اعتقد أنهم يستاهلون يا شبيه الريح على الاقل نصف المكافأة ,, الله من اللقافة وانت وش دخلك فيهم :s2: SMS - أبو عتب مشغول البال ,, اخبارك ؟ كيف الحال ؟ - المرشدي ضرورة ,, أو عقل أسامة فـ شرورة ؟ - رادوي و عزيز لامنا فقدناهم ,, معقولة بالمحور الواحد نقدر نقول نسيناهم ؟! صح نسيت اقول مبروك يمكن عشان مالها طعم نسيتها :( :rose: أبـو راشـد |
اخوي وحبيبي ابو راشد تعجبني تلك الكلمات التي كتبتها خاصة ان بها شي من الاكل ( تراني جيعان ) بس تدري وش اكثر شي راق لي راق لي خويك يوم اتصل وسالك السؤال ( ماتشبكني مع خويك ؟) خخخخخخ احس انه وقتها كان متعشي اندومي مع هنود وعايش الجو بس عز الله صدق كلهم ينطبخون بدقيقتين هههههههههههههههههه ماقول الا اللهم لك الحمد حتى ترضى ولك الحمد اذا رضيت ولك الحمد بعد الرضى ابو راشد ( انت من الذ واشهى الاطباق اقصد الاقلام التي كتبت بهذا الصرح ) الله يسعدك اخوك / $ برق الشمال $ |
ههههههههههههههههههههههههه .. والله انك جبتها .. قيريتس الله يهديه فرش السفرة وخلانا نطالع ولا حنا قادرين نسوي شي :s2::s2: .. والحمدلله أن مؤذن الحارة اليوم صاحي .. العادة لا انزنقنا ينسى ان كان وراه أذان وناس تحتريه :s2::smilie47::smilie47: .. بالنسبة للمكافئة .. يفترض تصرف مكافأة المباراة الأولى فقط فقط فقط " كنوع من العقوبة " .. ولا تدري وش لون .. المباراة عبارة عن ذهاب وإياب .. ومثل ما " تشدق " الكثير بأن المباراة عبارة عن شوطين .. فاللي صار أن الهلال مسك الشوط الأول وذولاك مسكوا الشوط الثاني وبالنهاية حسمها رب العالمين .. يالله لك الحمد والشكر .. اتمنى يكون كلامي واضح لان احس اني من الشعارير اللي فيني " شعارير جمع شعور " مانيب عارف اركز واركب كلمتين على بعض :to::s2::smilie47::smilie47::rose: |
الله ، عليك يا ابو راشد .. موضوع يخفف علينا الحزن والزعل على الاعبين ..! جيرتس بـ تخبطاته جعل تفكير الجماهير شرقي غربي .. اتمنى إعادة ترتيب الاوراق .. بـ التوٍفيق لـ الهلال ... |
عووووووافي يالغالي ابدعـت اروووعت اهم شي اننيا طبخنا الاكل الني وانشاء الله ناكله عندهم بعد ما نطبخة و الله لا يحرمنا من ابداعتك وروووعتك لـبى قلبك مشكووور |
ههههههـآي والله اني جيعآآن :) اشتهيت تورتيلآ هع موضوعك شييق وطرح جدآ رآقي :) وانشاءالله يفهم لغه الاغذيه جيرتس هههههههـآآي :) ومآضضنك نآسيه البطل يأاسيآ :) ---- عوآآفي يآزعيييييييييييييييم |
نيوتن او ابوراشد كما تحب :smilie47: لك وحشه.. ولك محبه.. ووجودك له طعم خاص :rose: |
اولاا /لحمد لله على تأهل الهلال بعد المباراة التي اعتبرها من وجهة منظري عبارة تمرين لنادي الغرافة بالفعل كان راح اصيب بالجنون ثانيا / اكلاتك ماشاء الله عليها كلة طعمه موووووووم بس مدري جرتس ويش يحس فيه شكله الطبخه الاخيره مارقت له او هو ماضبطها صصصصصصصصصحححح ثالثا / كلمة حق اقولها لك يا ابو راشد قد انقص من حقك لكن بالفعل انت نبراس لمنتدى الزعيييييييم والله يكثرمن امثالك |
.../ :rose: أبو راشد ,, الله عليك كلمآتك دُرر .. بس اشتهيت لقمه من التورتيلا وانا رايقه .. ولكن ليس كما حدث البارح كدنا ان نكون اسهل من التورتيلا للغرفاويه وكادو ان يغرفو بنا الى خارج حسآبآت البطوله !! بالنسبه للمكآفآءة >> انا رايي من رآيك يعني يعطون اللاعبين نص المكآفآءة بس واذا بيعطونا النص الثاني مايقصرون :d ومضه ,, جمآهير الهلال في الموعد دائما .. حضور اتكسح مدرجات الغرافه :ba::smilie47: يالبى بس قلوبكم :smilie47: جمآهير وفيه .. آبت الا ان يكون لها بصمه في الدوحه :smilie47::ba::ba1: >> والله احترت مدري آقول آختك والا بنتك :d عشقي الهلال :smilie47::ba: ,, .../ :rose: |
هههههههههههههههههههههههههههههههههههههههههههههههههههههههههههههههههههههه يابو راشد والله موضوعك هو الحلا اللي تكون بعد وجبة العشا او الفطور ان صح تعبيرك ماشالله عليك اسلوب سلس كاتب رائع .. الاساطير اللي كتبتها خفيفه على المعده كانت مو دسمه ويستمتع الشخص وهو ياكلها ممممم اقصد يقراها >> تأثرت بنظام الاغذيه لكن صراحه من اجمل ماقرأت .. موضوع في قمة الروعه .. صراحه استحي ارد عليك .. مدري وش اقول احس سطوري تخجل من سطورك وابداعاتها صدقني ماهي مجامله والله مو مجامله .. اسلووووبك رااااااااااائع جدا جدا جدا اتمنى نشوف لك مواضيع كثيره ياابو راشد ,, بالتوفيق لك ولـ راشد وان شالله نلتقي ونهني بعض بالافراح تحياتي |
وااااااااااااااو موضوعك بطططل !! مباراة الغرافة هي درس لنا وان شاء الله استوعبناه وماراح ينعاااااد ابد ان شاء الله :) بالتوفيق لهلالنا |
مبدع يابو راشد مع العلم انك تواريت عن الأنظار وانقطعت عن الشبكة لفترة طويلة وها انت اليوم تعود بأفضل حلة كل الشكر |
ما اتفقنا على كذا يامحمد :d اغيب كم ساعة وارجع القى موضوعك بالصفحة الخامسة :s5s: :d |
| الوقت المعتمد في المنتدى بتوقيت جرينتش +3.
الوقت الان » 11:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd