|
قصتي المجنونة من بداية المباراة وحتى نهايتها .... بسم الله الرحمن الرحيم الف مبروووك لكم يا هوامير الصحراء سآسرد لكم معاناتي وياهي من معاناة الله يهديك يا هلال بس بالطبع اخوكم عبدالعزيز اللي اهو انا طالب في امريكا في البداية يوم الثلاثاء لا نوم زين ولا يحزنون كله تفكير في الهلال وكل شوي متنقل من منتدى الزعيم لشبكة الهلال بصراحة كنت متوقع فوز للهلال المهم كان عندي واجب طويل وكان موعد محاضرتي قبل بداية المباراة بنص ساعة قلت وحليت الواجب في الليل قلت عشان اصحى واشوف الحضور الجماهيري الهلالي للمباراة وعلى الاقل اشوف اول عشر دقايق وصحيت بدري اقلب في المنتدى ادور رابط مباشر يمين يسار والله محد حولك كلن يحب نفسه المهم وما قصر واحد رسل لي رابط يوم دخلت واشوف المباراة الدقيقة الثانية واحد واسكر الكمبيوتر واطلع واكلم واحد على البلاك بيري هلالي صميم قلت ابي كل دقيقة تعطيني اخبار انا بدخل الكلاس ( الفصل ) وبكون متابع للجوال وما راح ارد عليك قال اوكي بصير لك العضيب :laugh: المهم دخلت متاخر قالت المدرسة عبدالعزيز وين الهوم وورك ( الواجب ) قلت معي وافتح الشنطة وقلبي مع الزعيم ادور الكتاب صرت ناسيه كله بسبتك ياهلال ولكن فدا لك المهم تجي رسالة الهدف الثاني للغرافة ويرتفع الضغط والسكر عندي شوي والهدف الثالث :ranting: المهم ارسل لي انها امتدت للاشواط الاضافية قلت الله يوفق الهلال ومشجعين الجار انواع النكت في الهلال وانا معصب مره قسم بالله ما اقدر اوصف لكم الشعور اللي كنت فيه واكثرها اهداءات لي :ranting: المهم جاء الرابع وازددت جنون وحزن وفقد للآمل والرسايل من جماهير الجار زادتني جنون << ثم قالت المدرسة يالله بريك 20 دقيقة جت مع انتهاء الشوط الاضافي الآول المهم طلعت واكلم زميل لي في امريكا هلالي لحد الجنون بس ماراح يجي مثلي :laugh: قلت وش السالفه يا ابو حميد جلس يسب ويلعن والله مستوى يفشل المهم سواليف معه وتبدآ الرجعة للكلاس ( الفصل ) قلت يا محمد مالنا الا الدعاء خلاص قال يالله مع السلامه والله بنبرات الحزن الشديدة وما زالت رسائل جماهير الجار تصلني قلت خلني اقفل الجوال وافتك من شرهم وكان معي في الكلاس واحد هلالي المهم كلنا قافله الاخلاق والجو المهم شوي التفت علي وعطاني ابتسامه يا حلوها من ابتسامه قلت وش سالفته عطاني ابتسامه وصد قلت بشغل الجوال واشغل الجوال الا جنون الجماهير الهلاليه الهدف الثاني انا والله مدري في حلم والا في علم المهم احس ان المدرسة تقول وش سالفة هذا ناسي الواجب ومحزن وقلب 180 درجة اقول في نفسي متى اطلع بس وعلى طول اتصال على ابو حميد <<< ما صدق قلت محمد كم النتيجة قال مبرووووك ومصر اني ما اصدق الا يوم دخلت المنتدى واشوف الاهداف يارباه يالزعيم وعلى طول الرسايل اللي في البلاك بيري اللي ارسلوها الجماهير الحاقدة ردت في اعناقهم اللهم لك الحمد والشكر وان شاء الله اسرد لكم فرحتي بالكأس الاسيوي .... واسف على الاطالة ولا تلوموني والله كل هذا حب في الزعيم وش نسوي |
والله حلو البريك عندكم 20 دقيقة :) الف مبروك وانا اخوك وعقبال الاسيوية بس انتبه مره ثانيه دامك تشجع الهلال لا تيئس لاخر رمق خل عندك ثقة في فريقك |
يوم نسيت الواجب ما ظربوك بلي غاز احمر خخخخخخ الله يوفقك اخوي في دراستك و ترجع تفرح اهلك و الحمد لله على التاهل الصعب و عقبال ما نبارك لبعض بالتاهل للنهائي |
هههههههههههههههههههههههههههههههههههههههه بالتوفيق لك اولا don't forget the homeworke againe |
والله اني حاس فيك المباراه الساعه 11ونص الصباح بتوقيت مدينتي وكلاسي الساعه 2 واللي بعده الساعه 3 قلت عندي وقت ان شاء الله الا والمباراه تروح اشواط اضافيه :d واسحب على ابو الكلاسيين لعيون الهلال والله ياهبلوا فيني تهبيل بس الف الف مبروك وترجع لاهلك بالسلامه :) |
من جد مبـآرآة آعصـآب بس في الدقائق الأخيرة ولا الظغط كـآن للغرآفة لكن رحمة ربك الحمد لله على كل حـآل والله يوفقك ان شاء الله في درآستك |
هههه لبى قلبك يازعيم هذا وانت بأمريكا بتعصبك هذا فكيف بالسعوديه هع الله يوفقك بدراستك وتفرحنا بروجعك لهلك ويفرحونا الهلال بالرجوع للنادي من طوكيو وهم حاملين الكأس الغالية آآآمين يارب العآآلمين |
يالله كل هالتعب والواجبات فدا لعيون الهلال وان شاء الله نحقق اسيا يارب بعد هالمباراة المجنونة |
يسلموا على القصه الاسطوريه الرايعه وخل عندك ثقه في فر يقك |
الف مبروووووووكـ التأهل,,, وعقبااااال الكآآآس يااااااااااااااارب,,, |
مو بس إنت يآبعدي اللي عآنيت .. كلنا والله عانينا وتعبنآ بس الله يسآمح المدرب والاعبين :cry: .. والحمد لله على الفوز اللي جآ بعد توفيق الله سبحآنه الله يوفقك اخوي بدراسك ويعينك على الغربه ويعطيك العاافيه :) |
جماهير منتشرة في انحاء العالم كلها بكت من اجل الهلال , لكن هل لاعبي الهلال يقدرون تلك الجماهير ؟ |
يالله كل هالتعب والواجبات فدا لعيون الهلال وان شاء الله نحقق اسيا يارب بعد هالمباراة المجنونة |
ههههههههههههههههههههههههه اولا الله يوفقك وتفرح اهللك ثق بلهلال ماراح يضيعوا اسيا ابدددددددددددددا بتوفيق للهلال (نبيك يااسيا) |
وربي معاناه حسيت فيك كل شي ولا الواجب لما نسيته قهرر كفايه انك تعبان عليه الله يوفقك يارب وترجع و الشهاده معك |
| الوقت المعتمد في المنتدى بتوقيت جرينتش +3.
الوقت الان » 07:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd