في يوم من الأيام , ومثلي مثل أي شخص فاضي يدور في الحارة , لقيت لي شايب تاكي في مشراق , جلست عنده ,, وبما انه لحاله حبيت أونّسه , المهم أني سلمت عليه و هو استانس كونه لقى احد يسولف معه , اللي اعرفه عنه ,, أن الناس تسميه ( أبو صنت ) بس ,, وهذا اللي اعرفه عنه , سوالفه واجد , وهذره ماهنا بأكثر منه , لكن اللي متعجب منه هو حفظه بالتفصيل لأحداث القصص اللي سردها علي , أسلوبه زين ويشد , و في بداية الامر حسيت أن الجلسة معه ميب شينة , لكن أنصحكم اذا شفتوه لا تجلسون معه واجد , المهم أنه كان يسولف لي عن ( جدّه ) وكيف كان شجاع ولا يخشى في الله لومة لائم , تصدقون ,, وصل به الحال أنه يقول ( جدي اذا قابله 6 رجال ,, ما يبون معه شي ,, يجلدهم زي السلام عليكم ) ومن زين الطبايع ,, قلب علي ,, موب انا لحالي بس ,, قلب على كل جيلي ,, ما أعجبناه حنا يا معشر الشباب ,, ومدري ليه ,, ويسمينا ( جيل الكتكات ) والله ياهو قوي وجه بعد ,, لكن بحكم العمر ,, سلكت له ,, المهم ,, وزبدة جلستي معه هي ( جده الفلتة ) ,, اللي محد زيه ,, ولاهوب طالع اللي يسوى أظفره ,, يقول ( كان جدي ,, هو قاضي الديرة ومطوعها ,, والناس ترجع له دايم في مشاكلها و اذا مشى في السكك ,, الناس تنحاش خايفة منه و اذا تكلم في السوق الناس كلها تسكت ) وانا طبعا ماسك الضحكة ,, طبعا مالها سنع أفطس ضحك عنده وهو متحمس ويقص لي سوالف جده ,, ومدري ليه أحس جده ذا صتيمة و يدربي دمجته ,, راح الوقت ,, و قمت من عند ابو صنت ,, و رجعت البيت ,, لقيت أبوي يتقهوى ,, جلست اتقهوى انا واياه ,, سألته عن واحد يسمونه أبو صنت ,, أبوي أول ما سمع اسمه ابتسم وقال ( لحووووول ,, وش فيه بعد هالادمي ؟ ) انا قلت ( وش سالفة جده يابوي ,, هل كان شجاع مثل ما يقول أبو صنت ؟ وهل كان فعلاُ هو قاضي الديرة ؟ ) رد الوالد : ( يا ولدي ,, جد أبو صنت كان رجال طيب و وش حليله ,, لكن المشكلة في أبو صنت ) ,, رديت أنا مستغرب ( وش فيه أبو صنت ؟ ) كمل أبوي : ( قبل سنين ,, يمكن قبل عشرين سنة كان أبو صنت يسولف لنا عن جده ,, وما كان يبالغ بالحيل مثل ألحين ,, يعطينا اوصاف معقولة لجده ,, وكنت اسأل أبوي الله يرحمه في ذيك الايام عنه ويعلمني عن هالرجال واكتشفت أن أبو صنت يهك علينا لكن كنا نسلك له ,, ومع الوقت كل ماله يزود الجرعة ويبالغ ,, وصل به الحال ( مثل ما تقول انت يا ولدي ) أنه يقول أن جده كان قاضي و مدري ايش ,, ولو عطيناه جوّه ,, أن كان قال جده الملك ,, وعشان كذا تشوفه جالسن لحاله في مشراقه ,, لإن كل من قعد معه ,, ابلشه بجده ,, ياخوك الله يرحم جدك ويرحم جميع موتى المسلمين ,, بس فكنا من جدك اللي ما طاعت تخلص سواليفه ,, المشكلة ياولدي أنه ما ينتبه لعمره وشوفة عينك ,, ما غير تاكي في هالمشراق يتمنى احد يسولف معه وهذي حالته ,, داج الله يرحم حاله ) ,, إنتهت السالفة
الزبدة ,, أن أبو صنت ذا ,, يذكرني بالاخوان الاشقاء العالميين ,, كل سنة ,, تزود سواليفهم عن ( نصرهم ) الماضي ,, وكل سنة يعطون ناديهم مواصفات ميب فيه ,, حتى وصل بهم الحال ,, انهم يزودون بطولاتهم بالغصب ,, ( تاريخ ناديهم ) مثل ( الإشاعة ) , تاريخ غير ثابت ,, ومختلف من شخص لشخص ,, ومن حبهم الزايد الله يعطيهم الصحة يبالغون وهالشيء يخليهم يألفون قصص مريخية ,, والمشكلة الاعظم انهم يصدقونها ,, أجل ذاك اليوم أسولف مع ولد اختي ( المغلوب على أمره وصاير(ن) نصرواي بحكم ديكتاتورية أبوه ) وأقول له : وانا خالك ,, وش تبي بالنصر ؟ يرد علي ويقول : خالي ,, ان تدري أن النصر قبل سنين كان هو النادي الوحيد المسيطر على البطولات في السعودية والهلال كان ما يوّقش معه وهالكلام استمر لمدة 15 سنة ( مع اني مدري وش دخل أم الهلال في السالفة ) ,, بس اصبر ,, وبتشوف ,, النصر مع كحيلان غير ,, سامحكم الله ,, وش سويتوا في عيالكم ,, ( نصيحة أخوية )
@ قطرات @
- ( أنتم في ديرتكم ,, وحياكم الله يا عيال قطر ,, وبنساندكم يالغرافة ) ويوم جا الصدز وبدت المباراة ,, ما شفنا ابن أمه مقبل على الأستاد ,, ياشيخ مدام ما عندك ماعند جدتي ,, وشو له تحتسي من الاساس ؟
- يقول صديق غرفاوي قبل مباراتنا مع الغرافة : ( يا صديقي ,, جمهور الهلال مثل الابجورات ,, سكتم بكتم ) ,, وبعد مباراة الهلال أتصلت عليه وإلى ألحين مقفل جواله ,, تهقون وش المشكلة ؟ معقول الشبكة رايحة فيها ؟
- قريت مقالة طويلة عريضة لحبيب أصفراني زبدة المقالة : ( الهلال عبارة عن لاعب واحد ,, اسمه : ويلي ) لكن المشكلة أن الهلال يلعب بدون ويلي ويبدع ,, السؤال المهم : وش المقياس اللي استند عليه لما قلل من الهلال هـ ( الفاهم ) ؟
- يقول اخونا القطري ( خلاص ,, الهلال ضمن التأهل وتفكيره مصوّب لنصف النهائي ) خخخخخخ ,, ياخوك أساليب 1405 خلها عنك ,, تراهم ماتوا اللي يستخدمون هالاسلوب ,, وحنا نعرف الكورة زين ,, الوضع بالنسبة لنا 0 - 0
- سالفة ( غياب جونينيو ) أحس انها مثل سوالف ربعنا , واذا جت المباراة ولاه أول واحد يطامر في الملعب , لذلك ,, الله يستر لا تصير مراوغة من قبل الغرفاوية ,, عشان ما يفطسون ضحك لاعبينا في المباراة ويسحبون على المباراة كلها بسبة هالحركة السامجة ,,
- تصرف شبيه الريح لما طالب الرابطة الهلالية بتشجيع الشباب في نفس اليوم اللي راح يلعب فيه الهلال يذكرني بتصرف الاخوان في العالمي ,, لما رفضوا تكريم الشلهوب في ذيك السنة ,, خلق وفرق ,,
- ( متي يعقل شايبنا ) حملة قامت بها مجموعة من عشاق الاتي ,, بسبب المعاناة اللي يجربونها مع بداية كل موسم ,, وبطل المسرحية هو ( أبو نوران ) ,, الا صدز تعالوا ,, تهقون أنه بـ يعقل ؟ ولا مالظاهر ,, ؟؟
- عندنا مشكلة ,, وهي أن أي مدير لازم يكون متخصص في المجال اللي يديره وفاهم الكفت كله بغض النظر عن تجربته ( الإدارية ) ,, وهالشيء غلط ,, يعني بتقنعوني ان عمر المهنا ,, ماسك زمام أمور اللجنة مزبوط ؟ يا عمي رووح ,,
- ماجد اذا قبل مهمة إدارة الفريق ,, فـ مصيره مصير القريني ,, ياخوك مافيه فلووووووووس من وين يجيبون ؟ ,, لكن السؤال المهم ,, إذا قاطع ماجد النادي مستقبلاًُ ,, هل راح يلحقونه العالمييين ؟ فعلاً مسلسل انتظر حلقته الاخيرة بشغف ,,
- نامي الداهية ,, بدا يتحسن مستواه ,, قبل كان يهابد على عماها ,, وألحين بديت أحسن أنه في طور تشغيل مخه وخصوصاً في إنطلاقاته مع الاطراف ,, والحين الزوري تعافى من اصابته ,, السؤال : هل راح ننسى الزوري مثلاً ؟ الله يستر من جيرتس وقناعاته
تذكر يا عزيزي القارئ والله يرحم والديك
الموضوع عبارة عن وجهة نظر الكاتب الخاصة ,, عندما تريد الإنبراش فـ خذ راحتك وادبج الموضوع دبج
بس فكونا ,, ولا تدخلون في الامور الشخصية والهواش اللي ماله سنع ,, امنعونا من الردى
قريت مقالة طويلة عريضة لحبيب أصفراني زبدة المقالة : ( الهلال عبارة عن لاعب واحد ,, اسمه : ويلي ) لكن المشكلة أن الهلال يلعب بدون ويلي ويبدع ,, السؤال المهم : وش المقياس اللي استند عليه لما قلل من الهلال هـ ( الفاهم ) ؟
سبحان الله
كأنها مكتوبه يغيب ويلي ويفوز الهلال بالثلاثه
لان كثير مقتنعين ان الهلال مايوقف الا على ويلي
الموضوع عبارة عن وجهة نظر الكاتب الخاصة ,, عندما تريد الإنبراش فـ خذ راحتك وادبج الموضوع دبج
بس فكونا ,, ولا تدخلون في الامور الشخصية والهواش اللي ماله سنع ,, امنعونا من الردى
سبحان الله
كأنها مكتوبه يغيب ويلي ويفوز الهلال بالثلاثه
لان كثير مقتنعين ان الهلال مايوقف الا على ويلي
يالبى الزعيم بس ,,,
من جد ,, انا ما تحوم تسبدي ألا اذا سمعت واحد متنح من ربعنا اللي بالي بالك وجلس يتفلسف على مخي ,,
ويقول ,, الهلال واقف على ويلي ,, واذا هج ويلي الله يستر على هلالك ,,
عاد تصدق اني أعرف لي واحد ,, لو تجلس معه ,, راح يصير لك احد الامرين
- يا أنك تعطيه مخمس وتلف دمجته خمسين مرة بسبته
- او انك تطلع وتخليه يهذر لحاله
لإنه اذا مسك السبحة ,, وقعد يمسمس شنبه ,,
تفوح قريحته الصفراء الله يحوم تسبده ويبدأ يألف في التاريخ على كيف كيفه ,,
مثله مثل أي شخص يتسذب على عمره ويصدق التسبذة ,,
إقتباس
الرسالة الأصلية كتبت بواسطة M S M
خخخخخخخخخخخخخخخخخخخخخ أهنيك على مدخل الموضوع المجرم يا مجرم ,,
واصل ياخوك والله يوفق الزعيم الليله
امين ,, ياخوك امين ,,
منور بوجودك يا ام اس ام
إقتباس
الرسالة الأصلية كتبت بواسطة بن جبله
عواااااااااااااااافي يااااااااملكــ
طرح مميـــــز تشكـــــر عليه
وبالتوفيق للزعيمـــ
الله يعافيك ,, وكل الشكر لك ياخوك على هالمدح ,,
الصدز أني استحيت ,,
وعلى قولتك ,, الله يوفق الزعيم الليلة
إقتباس
الرسالة الأصلية كتبت بواسطة أبوعبدالعزيز20
طررح ولا اروووع يامبدع
ماقصررت ..
الف شكرر تحياتي أبوعبدالعزيز20
العفو يا عزيزي ,,
أسعدني تواجدك يابو عبدالعزيز
إقتباس
الرسالة الأصلية كتبت بواسطة هلمجرا
اخوي تلك الروح الفكاهية لديك يجب ان تستثمر اكثر هنا
قرات سطورك وانهيتها بدون كلل ....
حياك يالغالي وبانتظارك دائما في الصفوف الاولى
تشكر يا افندم ,, وتواجدك بحد ذاته يسعدني ,,
الله يحييك ويبقيك ,,
اسعدني بجد ,, قراءتك للموضوع وتعقيبك
إقتباس
الرسالة الأصلية كتبت بواسطة حاتم
عووووووووافي يالغالي
تكـفى لا تحرمنا من روووعتك وابداعتك وروحك العالية
مشكووور ......
جنينو حتى مطمار مايقدر يطامر
الله يعافيك ,, يا حاتم
تواجدك في هالصفحة شرف ,,
وبخصوص الشيخ جونينيو ,,
ان شاء الله ما يقوم ألا بعد مباراة الهلال بالسلامة ,,
تخيل ,, لو تبدا المباراة وهو مرتز ,, ويحطون الكاميرا على رئيس الغرافة وهو يبتسم ,,
على اساس انه عايش الجو ,, كونه لعب على العالم ( فيس كحيلان متلطم ) ,,
منور
إقتباس
الرسالة الأصلية كتبت بواسطة °◊שـلـطـζنşùĻţДή◊°
موضوع أكثر من رائع
ويعطيك العافيه
بالتوفيق للهلال يارب
الأروع مرورك وتعقيبك يا سلطان ,,
كل الشكر يا خوك
منور
إقتباس
الرسالة الأصلية كتبت بواسطة نـاقـد ومـحـلـل
ماشاء الله ، عليك موضوع في قمة الروعه ،
شدني في موضوعك الرابط ما بين ابو صنت ، وبنو فقرون ، ههههه
مشكوور ، ما قصرت ،
مشكور يا ناقد يا محلل على مدحك ,,
بنو فقرون ياخوك ,, مسببين لي حموضة مدري ليه
ياخوك حالتهم مزرية والواحد مجبر انه يبحث عن الاسباب اللي دهورتهم ,,
يبقون اخوان مهما عاشوا في ظلال رياضي ,, يبقون إخوان <--
الطنزه تلحق صاحبها .. ياما تشمتنا بمنتدى النصر وان مواضيعهم كلها هلال في هلال ..
قبل كم يوم أتحفنا الزميل [مغآآط] بموضوع عن جمهور النصر وكيف عايشين .. ومن بعده اتانا [عشقي تيماوي] وعطانا موضوع الاعمى والخروف واللي كان يتحدث عن ماجد وجمهور النصر .. والان الاخ [لاتستهن بالقطره] يتحفنا بموضوع جمهور النصر وش حاله مع فريقه ..
الليلة الزعيم يلعب اياب دور الـ8 بكأس اسيا وهناك من يكتب مواضيع مالنا فيها .. والادهى من ذلك مشرفينا الله يجزاهم خير كنها عاجبتهم هالامور .. تثبيت على وش مدري ..
اخوي اسلوبك جميل ورائع .. لكن مهب وقته .. والله مهب وقته ..
صراحة موضوعك جميل جدا وطريقة سردك ممتعة لكن يعاب عليك اخي الكريم الترفيع بالحالميين بوصفهم عالميين وانا اخوك لا يصدقونك وياخذون مقلب في فريقهم الكديش
أرحب يابو نواف يا هلالي
خخخخخخخخخخخخخخخ أجل ترفيع ,, ياخي يستاهلون هالتسمية ,, موب هم أول ناس وصلوا للعالمية ,,
وانت قاعد تفحط عشان تلعب في العالمية ( العالمية صعبة قوية ) <-- هالجملة مدعومة بـ تصفيق ورقص ,, لزوم الطهبلة
ياعزيزي ,, هم مالهم علاج لا تخاف ,, سواء قلت عالميين او حالميين ,, كله واحد ,,
للإسف مالهم علاج ,, أصلا ما عندهم إحساس بالمرة ,,
منور
إقتباس
الرسالة الأصلية كتبت بواسطة ولـد زايـد
×
انا لله وانا اليه راجعون ..
الطنزه تلحق صاحبها .. ياما تشمتنا بمنتدى النصر وان مواضيعهم كلها هلال في هلال ..
قبل كم يوم أتحفنا الزميل [مغآآط] بموضوع عن جمهور النصر وكيف عايشين .. ومن بعده اتانا [عشقي تيماوي] وعطانا موضوع الاعمى والخروف واللي كان يتحدث عن ماجد وجمهور النصر .. والان الاخ [لاتستهن بالقطره] يتحفنا بموضوع جمهور النصر وش حاله مع فريقه ..
الليلة الزعيم يلعب اياب دور الـ8 بكأس اسيا وهناك من يكتب مواضيع مالنا فيها .. والادهى من ذلك مشرفينا الله يجزاهم خير كنها عاجبتهم هالامور .. تثبيت على وش مدري ..
اخوي اسلوبك جميل ورائع .. لكن مهب وقته .. والله مهب وقته ..
×
مقدر وجهة نظرك ياخوك واحترمها ,,
بس هم اخوان لنا ,, ولابد نبحث عن علاج لهم ,,
عموما ,, كل العذر اذا ازعجك الموضوع <-- هالولد محترم
وجودك ,, أسعدني ونقدك من المؤكد راح يفيدني
إقتباس
الرسالة الأصلية كتبت بواسطة الشيخ عليان
اسلوووب رووعه وفكاهي .. لكن اخوي هل تعتقد توقيت طرح الموضوع صح ..!!
والله ياخوك ما حطيته ألا وانا مقتنع انه صح ,, يعني تهقى اني حاطه وانا ما اقتنعت
وقضية أن التوقيت موب مناسب لك ,, فالامر يبقى مجرد وجهة خاصة فيك واحترمها ,,
المهم ,, واللي اعرفه ,, أن مرورك شرفني في موضوعي ,,
وعقبال ما تسير علي في مواضيع تنزل في وقتها
, المهم أنه كان يسولف لي عن ( جدّه ) وكيف كان شجاع ولا يخشى في الله لومة لائم 
) ومن زين الطبايع ,, قلب علي ,, موب انا لحالي بس ,, قلب على كل جيلي ,, ما أعجبناه حنا يا معشر الشباب ,, ومدري ليه ,, ويسمينا ( جيل الكتكات 
) والله ياهو قوي وجه بعد ,, لكن بحكم العمر ,, سلكت له ,, المهم ,, وزبدة جلستي معه هي ( جده الفلتة ) ,, اللي محد زيه ,, ولاهوب طالع اللي يسوى أظفره ,, يقول ( كان جدي ,, هو قاضي الديرة ومطوعها ,, والناس ترجع له دايم في مشاكلها و اذا مشى في السكك ,, الناس تنحاش خايفة منه و اذا تكلم في السوق الناس كلها تسكت ) وانا طبعا ماسك الضحكة ,, طبعا مالها سنع أفطس ضحك عنده وهو متحمس ويقص لي سوالف جده ,, ومدري ليه أحس جده ذا صتيمة و يدربي دمجته ,, راح الوقت ,, و قمت من عند ابو صنت ,, و رجعت البيت ,, لقيت أبوي يتقهوى ,, جلست اتقهوى انا واياه ,, سألته عن واحد يسمونه أبو صنت ,, أبوي أول ما سمع اسمه ابتسم وقال ( لحووووول ,, وش فيه بعد هالادمي ؟ ) انا قلت ( وش سالفة جده يابوي ,, هل كان شجاع مثل ما يقول أبو صنت ؟ وهل كان فعلاُ هو قاضي الديرة ؟ ) رد الوالد : ( يا ولدي ,, جد أبو صنت كان رجال طيب و وش حليله ,, لكن المشكلة في أبو صنت ) ,, رديت أنا مستغرب ( وش فيه أبو صنت ؟ ) كمل أبوي : ( قبل سنين ,, يمكن قبل عشرين سنة كان أبو صنت يسولف لنا عن جده ,, وما كان يبالغ بالحيل مثل ألحين ,, يعطينا اوصاف معقولة لجده ,, وكنت اسأل أبوي الله يرحمه في ذيك الايام عنه ويعلمني عن هالرجال واكتشفت أن أبو صنت يهك علينا لكن كنا نسلك له ,, ومع الوقت كل ماله يزود الجرعة ويبالغ ,, وصل به الحال ( مثل ما تقول انت يا ولدي ) أنه يقول أن جده كان قاضي و مدري ايش ,, ولو عطيناه جوّه ,, أن كان قال جده الملك ,, وعشان كذا تشوفه جالسن لحاله في مشراقه ,, لإن كل من قعد معه ,, ابلشه بجده ,, ياخوك الله يرحم جدك ويرحم جميع موتى المسلمين ,, بس فكنا من جدك اللي ما طاعت تخلص سواليفه ,, المشكلة ياولدي أنه ما ينتبه لعمره وشوفة عينك ,, ما غير تاكي في هالمشراق يتمنى احد يسولف معه وهذي حالته ,, داج الله يرحم حاله ) ,, إنتهت السالفة 
الوضع المتطور
