|
التحويل من STC الى موبايلي .. السـلام عليكم يازعماء .. بغيت أسـأل عن طريقة التحويل من STC الى موبايلي .. وش الأشيـاء الي يحتاجونها .. ويطلبونها .. وماهي أفضل الباقات ..؟ ياليت بالتفصيل .. ولكم ألف شكرر .. |
ياليت يتم تثبيت موضوع بهذا الخصوص لاهميته انا لدي ارقام وارغب بتحويلها الى موبايلي اتمنى كتابة الخطوات |
والله ماادري لكن ياليت يحطون موضوع بهالشان |
يا هلا ومسهلا فيكم يازعماء بالنسبة للتحويل الان موقوف من قبل STC لان اغلب عملاء STC يرغبون التحويل الى موبايلي الشركة الأولى في المملكة بلا منازع وخطواتها ان فتحو مجال التحويل تسديد مبلغ الفواتير وتصفية حساب الرقم وايداع مبلغ زايد اقل شي 10 ريال وفي خلال 24 ساعة يتم الرد من قبل هيئة الاتصالات السعودية رأيي .. اذا مافي تحويل الرقم اتصل على خدمة العملاء 0560101100 عشان فيه امكانية برديف الرقم ام لا ؟ بالنسبة للباقات كثيره وحلوه وفيها تفاصيل اكثر في الموقع الالكتروني ماعليك الزيارة فقط www.mobily.com.sa |
هههههههههههههههههههههه لله يعينك نصيحتي لك طلع رقم جديد بـ موبايلي وووبس لان الــ stc نصاابين نصاابين ومايحوولوون لووو اييييييش ^_^ |
اول شي تسدد كل عليك في stc وتزيد 50 ريال ويقدمون لك طلب طبعا الstc يمكن يقعدون اسبوع اذا ناويين خير لكن ما اتوقع يمكن يبي لك خمس مرات تراجع موبايلي كل اسبوع وتسال عن طلبك وبالتوفيق |
الخطوات يا طويل العمر هي ترسل رساله فاضيه على الرقم 800828 و انتظر شوي عشان تظهر لك جميع الاشتراكات في خدمه الرسائل اللغي كل الخدمات الموجوده ، و تاكد انها اللغيت ،، تراهم نصابين ،، يخلون عندك خدمه او خدمتين ما يزودونك انك مشترك فيها عشان يكون جوالك معلق عندهم سوي اشتراك في موقع خدماتي الخاص بالاتصالات و روح للمكالمات الغير مفوترة و تابع مكالماتك كل يوم ،، لانهم بعض الاحيان يسجلون عليك مكالمات و رسائل نصب ،، بعد ما تخلص هذي الخطوات كلها ،، لا تستخدم رقمك نهائيا خليه استقبال وبس لا رسائل ولا اتصالات وبعد ما تتاكد من موقع خدماتي انك خلال الثلاث ايام ما حسبو عليك اي مكالمه او رساله جوال روح لمكتب الاتصالات و صفي الفاتوره و اهم شئ تصفي كمان اجور الشبكه لانهم نصابين يسددون لك قيمه المكالمات السابقة و يما يفيدونك انك لازم تسدد رسوم الشبكه (عشان يكون لهم حجه يرفضون طلب التحويل) يعني تقول للموظف ابيك تسدد قيمه المكالمات و اجور الشبكه و زيد عليها 50 ريال ،، (انا اضفت 150 ريال و الى الحين ما تحول رقمي) بعد ما تصفي الرقم ،، روح مكتب موبايلي و سوي طلب تحويل طبعا من بكره لما تشيك مع موبايلي يكون ردهم ان الاتصالات رفضت التحويل اتصل على 902 و سجل بلاغ و استفسار عن عدم التحويل بتكون افادتهم لك اليوم الثاني ان التحويل يستمر حوالي 6 ايام بعد 6 ايام روح من جديد لمكتب موبايلي و يكون الصبح قبل الساعه 9 جدد طلب التحويل و على طول روح مكتب هيئة الاتصالات و قدم شكوى او قبلها ادخل موقع هيئة الاتصالات و اطبع نموذج الشكوى و ارسله على الفاكس رقم 014618033 ارسلها مع صوره هويتك و من بكره الصبح احرق هذا الرقم 014618022 الموظف يرد عليه بعد خمس او ست اتصالات متكرره وفي كل اتصال طول الى ما يفصل يعني بالعربي ازعجه ولما يرد عليك تاكد ان شكوتك وصلت سجلت في النظام عندهم الموظف ببيقول لك بعد يومين كلمنا او يقول لك حدث طلب التحويل من موبايليل قبل الساعه 11 الصبح بعدها الموظف يقول لك كلمنا بعد يومين و بيفيدك بان معامله التحويل تاخذ 6 ايام و اذا ما تحول الرقم هم يغرمون شركة الاتصالات انا الحين صار لي اسبوعين شغلي الشاغل تحويل رقمي و بستقعد لهم الى ما يتم باذن الله او الغي رقمي و الارقام اللي تابعه لاسمي معاهم ومن ضمنها رقم زوجتي و اولادي و ثابت البيت و اشترك في موبايلي باقة الموج الازرق بس انا بشوف اخرتها معهم و الوعد قبل اجازه عيد الاضحى والحمدالله موقع عملي قريب من هيئة الاتصالات و مكتب موبايلي الله يلهمنا الصبر ولو احنا وقفنا وقفه رجل واحد و بعد اسبووعين من طلب التحويل و ما يتم نروح و نلغي الارقام و ننهي الخدمه بشكل نهائي وقتها بتعرف الاتصالات ان الموضوع مو لعبه ،، لانها تخلي الرقم عندها اقل شئ تستفيد من رسوم الشبكه ،، اسف على الاطاله ،، اخوك شبيه الــريــح |
طلع رقم جديد ابرك لك بالتوفيق للهلال يارب |
بدل ماتوجع راسك طلع جديد افضل واختصر الوقت |
إقتباس:
|
انا عجزت وانا أحاول يمكن حاولت ٣ مرات وكلها فشلت صفيت حسابي وزودت القيمة وصرت استقبل فقط وحذفت كل الخدمات ونفس السالفة قعدت اسبوع ولاحاولوني ،، وصراحة ماني فاضي وجع رأس وشكاوى ،، انا الان عند الـ stc ويأست صراحة من التحويل ولاني فاضي لهم كل يوم اراجع شركات الاتصالات ، عندي اشغال ومعتمد على هالرقم بشكل كبير والرقم مميز جدا فصعبه اطلع جديد من موبايلي ،، ودي احول لموبايلي واشترك في باقة "الموج الأزرق" اليوم قبل بوكره ،، بس الله يقلع stc وحقارتهم ،، ياجعلهم يفلسون |
إقتباس:
إقتباس:
أما البقية مع أحترامي للجميع اللي يقولون ما أقدر أغير الرقم ياأخي راس مالها رسالة لجميع اللي تعرفهم وكتب هذا رقمي الجديد وانحلت المشكلة ... وأنا أول من طبق هذا الشي فألغيت جيمع أرقامي مع الاتصالات وطلعت ثلاثة أرقام جديدة لموبايلي ... وأزيدكم من الشعر بيت أنا ألغيت الثابت وطلعت موبايلي بروباند ((( واي ماكس)) يعني طلقت الاتصالات بالثلاث ... هذا اللي يحب أن يدعم أما الظاهرة الصوتية فهذا الكلام ليس موجه لهم .... مع احترامي ... |
ابشركم ما يضيع حق وراه مطالب و الحمدالله تم التحويل يوم الثلاثاء لكن بعد فزعه الشباب واحد في الاتصالات و الثاني في موبايلي ولا يهمونك هيئة الاتصالات ما عندهم سالفه اللي في موبايلي يفتح طلب تحويل واللي في الاتصالات يلحق قبل ما تقفل الاتصالات طلب التحويل بالرفض و بالحجج المعتاده باختصار كان واحد يثبت و الثاني يشوت والحمدالله تم التحويل بالضبط بعد يومين من توصلي للي في الاتصالات وصار لي يومين مع الزعملاء في باقة الموج و ما انسى اشكر الاخ ثنياني لاهتمامه بالموضوع و عقبال كل من يرغب بالتحويل الله يوفق الزعيم و الزعماء أخوكم شبيه الـــريـــح |
إقتباس:
تستاهل كل خير والله يعطيك خيره ويكفيك شره وان شاء الله كل الاتصالات تكون خير وفرح وسرور وبصراحه غير موبايلي لا تدور .. موبايلي والله ما اقولها مجاملة او لاني هلالي ولكن اروع شركة اتصالات تعاملت معاها وفوق كذا ترعى الزعيم .. شركة قوية بمعنى الكلمة وازيدكم من الشعر بيت اعرف ناس نصراويين و متعصبين يتعاملون مع موبايلي لا ومشتركين في موبايلي الهلال لان اخبارهم مميزة ودقيقة .. شكرا موبايلي , شكرا لكم :rose: |
اللي ما قدر يحول و مل من التحويل فيه طريقة حلووووووووووووة هي أنك تطلع رقم جديد و الرقم الأساسي خله للإستقبال فقط ... |
| الوقت المعتمد في المنتدى بتوقيت جرينتش +3.
الوقت الان » 08:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd