بسم الله الرحمن الرحيم ..

السلام عليكم ورحمة الله وبركاته ..

ثواني من وقتكم : ( اللهم لك الحمد حتى ترضى ، ولك الحمد اذا رضيت ، ولك الحمد بعد الرضى ) ..

أبارك لكم الفوز المستحق ( بعد توفيق الله ) ..
ولكن كـ مستوى أتحدى أي شخص يقول نستاهل التأهل ..

أكتب لكم موضوعي بحرقــه ..
واتمنى من الجميع التحدث بعقلانيــه ..

كلنا نعرف ان غيرتس مدرب داهية وله كلمته وهيبته في المباريات ..
لكن الأغلبيه يتفقون على ان غيرتس غير موفق في قراءة المباريات وغير جيّد في اختيار البديل ..

فريق مثل الغرافه عنده عناصر هجوم اقوياء وسريعين ، وتلعب بمحور وحيد مثل الغنام ؟؟
صحيح الفريدي كان يلعب وسط مهاجم الا انه كان يرجع ويدافع ، لكن تبدله بالعابد !؟؟؟؟؟؟؟؟
والشلهوب الي ماكان بمستواه ابدًا ، وفوق هذا مايحتك نهائيا مع اللاعبين تاركه بالملعب ؟
طيب ليه مايكون بديل الشلهوب البرقان من بداية المباراة وتأمين التأهل وتقليل اختراقات دفاعنا ؟
ليه مايكون العابد بديل للشلهوب ؟؟

غيرتس ذكرني كبرياءه بمباراتنا قدام الإتحاد بكأس الملك ..
وللأسف يكابر على حساب الزعييييم ..

نجي للاعبين ..

ياسر القحطاني ، مدري لي متى واحنا ننتظر منك مستويات مميزه ؟
يعني توقف خلف المدافعين تبي الكوره تنط من فوقهم وتجيك ؟؟؟؟؟؟
وين ياسر 2005 - 2007 الي يتخلص من الرقابه ويهدد المرمى ؟؟
ياسر تحركاته قلييييييييله وصاير ينتظر الكوره ، واعتقد لازم يتخلص من الرقابه طول ما الكوره مع وسط لاعبينا ..
وماينتظر لحد ما تجيه الكوره بين رجليه ..

نيفيز ، مجهودك تشكر عليه ، لكن سالفة انك متنرفز وتبي تشوت وتلعب لحالك هذي مانبيها ،
خلك مثل ويلهامسون ، مايبالغ بكورته ويناول ويتقدم يفتح خانه ..

البرقان ، قللت من خطورة الغرافه ، عندك ثقه بنفسك حافظ عليها ..
وانت البديل الأفضل لرادوي وعزيز !!

خيرات ، ماقصرت بأكثر من مباراة ، لكن لاتلعب بالنار وقدامك مهاجمين اسرع منك !!!
حاول تثبت افضليتك عشان تستمر اساسي ..

المحياني ، لو تستمر على حماسك مثل ماسويت قدام الغرافه ، أعتقد بتكون المهاجم الأول بالهلال قبل ياسر القحطاني ..

ملاحظات على المباراة ..
* الجماهير هي سر الزعامــه ، تفاعل حتى مع الهزيمــــه ..
* غيرتس مايحب يغير كلمته خوفـًـا على كبريــــــائه ..
* لاعبين الغرافه مابين أمرين ، منشطات أو حاطين الأسهم كلها فوق مثل البلايستيشن !!
* المحياني أفضل من 13 لاعب في أقل من 90 دقيقه !!
* حسن العتيبي ، متردد مابين أتقدم بهذي الهجمه ولا أقضب المرمى ؟؟
* عبدالملك بشير ، ليتك تعبت من أول دقيقه !!
* ياسر القحطاني ، هدفك ماراح يغطي سوء تحركاتك ..
* سوء اختيـــار الحكم المناسب ، اثبتــه الحكم الرابـــع ..
* نعم ياياسر ، يونس أفضل منك في هذه المباراة ..
* أخيرا ، سيناريو المباراة ذكرني بمباراة ( الوصل VS النصر )

ألف مبروك التأهل ..
ونبارك لنادي الشباب التأهل ..

المباراة جننت نصراويين ، فما بالكم فيني ..
اقسم لكم بالله بعد الهدفين احس حبالي الصوتيه تقطعت ..
وللحين حلقي فيه بلآ مع الصرآآآخ ..

كنت اتمنى الفوز بالمباراة فوق التأهل ..
لكن الحمد لله اننا تأهلنا بشقّ الأنفس..
عشان كل لاعب يعرف خطأه < وياكثر مانردد الكلام هذا

( لحد يقول لا تنتقد اللاعبين بالتجريح فيهم ، الي سووه فينا اليوم أكثر الإنتقاد الجارح فيهم ) ..

سمّ ..