|
مع كامل احترامي لك اخوي الغالي واضح انك تدافع عن الشخص لسبب معين ومخفي عنا لربما يكون قرابه هو شي من هالقبيل المخرج معروف ميوله نصراوي مليون في الميه هذا اولآ وثانيآ حتى لو ماهو اللي يخرج بعض المباريات فيه تجني على جماهيرية الهلال من مخرجيين القناه الرياضيه وابصم بالعشره انه يوجد بالقناه مريبضات بالعشرات غير محمد المريبض ولذلك ياما يخرج مباراة الهلال بشكل صحيح او يترك الخراج لغيره وان شاءالله ترفع شكوى عاجله للقناه الرياضيه عما قريب من الاداره الهلاليه للمشرف العام الامير تركي بن سلطان عشان يعيد النظر في المخرجين ويجيهم توبيخ... |
إقتباس:
اخوي العزيز / روحي الوجله سبحان الله ماهو السبب ( هل لان كلمه الحق اصبحت سبب معين ) تعودت من خلال عملي في شبكه الزعيم وانتمائي لها مع اخوه احبهم في الله ان نكون صادقين مع انفسنا بعدم ظلم الاخرين . اما المخفي ( لا تخف لم يعطيني مليون ريال لكي ادافع عنه ) الله فوقي وحسيبي على ما افول هذه الكلام الذي كتبته لابراء نفسي وابدي وجهه نظري في انتهاك اعراض الناس ... إقتباس:
انتق مفراداتك عزيزي لكي لا يتغير معنى الكلام ويكون الكلام بصيغه جمع المؤنث السالم ... احترام الرائ من الفكر العالي ... تحياتي لك |
حنا كا جمهور الهلال ماننسى ابداً محمد المريبض في اخراج برامج ماهو مباريات الزعيم واخراجه كا اخراج مبدع وبطل وخاصه اخراجه يوم تحتفي الرياضيه في نادي القرن يعني ذاك اخراج جميل جداً جداً لكن المقصود في المباريات وكيف اخرج مباريات مع احد الفرق واظهر لقطات رااااااائعه للجماهير لكن في مباراة الزعيم للآسف مانشوف هالقطات ..!!! وحتى لو نشوفها في لقطه ثنتين ويكون عليها زووووم تظهر فقط مجموعه من الجماهير طيب نرجع في الذاكره ونشوف اخراجه في مباريات سابقه ونشوف كيف يأخذ لقطه عامه على الجمهور ماهو لقطات زوم لمجموعات ؟؟؟ واكيد كا فرد من الشعب الهلال الكبير ابداً مراح انسى اخراجه مباراة الهلال والسد القطري في الرياض |
خلنا من سالفه الجماهير وش سالفه ابو تي شيرت برشلونه .. اللي طلعت صورته اكثر من رئيس الهلال؟؟ شكله اخوه ولا نسيبه .. بكل دقيقه يرز صورته لنا http://www.youtube.com/watch?v=xKV1_jGLOjI |
إقتباس:
عزيزي / ! غير البشر ! نرجع ونعيد مانبغى ندخل في الذمم ولكن نتكلم بشكل حضاري عن الاخراج صار المشكله الحين صاحب تيشيرت برشلونه ... تحياتي لك وتقديري ... |
ليتك تخصص مواضيعك بالدفاع عن الهلال بدلا من الدفاع عن مريبض وشلته |
إقتباس:
اخي فخر الوطن .. لعلك تقراء الموضوع وانت مشتت الذهن اقراء بتمعن حتى تعرف انا احب وادافع عن الهلال والا اكتب عن الحق .. مرورك مشكور ورائيك محترم .... تحياتي ... |
انا استغرب كيف المشرفين نزلوا موضوعك أصلآ انا حضرت للملعب وشفت المباراة اعادة اكثر من مرة اذا فعل الجمهور حركة الزلزال والكورة ميته ضربة مرمى او يتناقلها الدفاع لايضع المخرج الكاميرا على الجمهور مع حركة الزلزال بل يضعها عندما ينتهون من الحركة ويكون اغلب الجمهور توقف عن الحركة ليظهر ان من يفعل الحركة عدد قليل وغيرها من الحركات كثيييييييييييييير ولم يخرج اي لقطة ياخي يدينا انكسرت من كثر مانرفعها ولا طلع ولا حركة لليدين الامواج ماشفناها واشياء كثيرة ترفع ضغطك يحاول يدور كراسي فاضية ويركز عليها ياخي شي يقهر والله |
انا ما اعرف المريبض ولا غيره .. بس اللي اعرفه أن فيه مخرجين يتعمدون تهميش الحضور الهلالي الكثيف في كثير من المباريات .. والشواهد كثيره ولعل أقربها بطولة النخبة في أبها .. ومباراتي الهلال مع بنديكيور ومع الغرافه .. !! عطونا حقنا .. ما نبي أكثر من هذا . |
إقتباس:
اخوي / موج الخليج الازرق وجه نظر احترمها اذا كنت ترى انت ان الموضوع فيه اسائه لك او اي عضو في المنتدى لك الحق ان تبلغ . إقتباس:
يا عزيزي موج ... اتحداك اي مخرج في العالم اذا انت تتابع مباريات في دوريات اجنبيه يقطع على الجمهور والكوره في الملعب . وانا شاهدت المباراه المخرج كل ما طلعت الكوره او توقف اللعب قطع على الجمهور .. يعني يجب ان نعي ما نطالب به حتى لا نتهم الاخرين ... لك جزيل الشكر على مرورك ... |
القناة الرياضية تطمح لمنافسة الجزيرة وأبو ظبي وغيرها لكن بالعقلية هذي وبوجود أشكال ذا المخرج بالقناة ... أنا أقول إستريحوا وكبروا الوسادة تبطووون وياليت تتعلمون من قناة الجزيرة في تغيطيتها لمباراة هوامير الصحراء الجايه بالدوحه وإذا كان لسى باقي أمل بمسؤولي القناة فالكلام يوجه للأمير تركي بن سلطان اللي سبق أعلن التغيير والتطوير للقناة واللي مارح يصير إلا بإستبعاد الأسماء المتعصبة من إدارة القناة وطواقمها الفنية اللي أساءت للقناة بسبب ميولها وأهوائها سلامي للجميع |
أنا ما ادري هل هو نفسه مخرج الهلال والغرافة .. لأني حضرت المباراة وكان فيه حركات للموج وتفاعل كبير ولما رجعت للبيت وحملت المباراه وناظرتها حسيت أنها مباراة عادية اللهم صوت الجماهير .. ولكن الإخراج والتصوير فاااااااااااااااشل ولا يرقى لمستوى بطولة قارية ودور متقدم بها .. حتى أني قلت لخويي اللي تابعها بالتلفزيون على اللي صار بالمدرجات من حماس وحركات والرجال يسلك لي ما هو مصدقني لانها شافه عااااااااااادية .. إلى متى الهلال محارب حتى من المخرجين .. اقسم بالله أنهم في مباراة النصر والجماهير ما تتعدى 10 الاف يضخمون الحضور بالتركيز على الأماكن المليانه وابراز كل الاهازيج والحركات .. أما في مباريات الهلال الجماهيرية يركز على المدرج بعد القيام بالحركات والاهازيج ويتضح للناس انه نايم او الجماهير غير متفاعلة والجماهير والله كثر الله خيرهم راحت اصواتهم ويديهم تخدرت .. أنا أول كنت اقرأ مواضيع فيها ان جماهير الهلال حضور بدون تفاعل والمخرج ماله ذنب ولكن يوم حضرت ورب البيت تفاعل غير طبيعي وبعد كل هدف حركات واهازيج ولما جيت وشفتها بالتلفزيون لقيت كل اللي سويناه ما طلع أو انه من بعيد يعني يالله تشوف هل فيه احد تحرك .. اللهم الصوت خذ رجال مطلعينه يكفي حركة ادارة الظهر ما شفناها بالتلفزيون لما اقيل كوزمن وانتشرت باليوتيوب اما النصر طلعت والمعلق يمدح ويقول اول جمهور يسويها ؟! والمحللين يقولون طريقة رائعة للتعبير عن الغضب ... |
مهما قدمت من اعذار للمريض المريبض فلن اقتنع بان مايسويه كان فيه عدل وعدم انقاص لجمهور الزعيم، والله حنا بالمعلب الغالي والي سويناه هناك ماشفناه لما اعيدت المباراه، عموما ليتك قبل ماكتبت موضوعك تاكدت الي حاضر مو مثل الي جالس يفصفص ويتقهوى وبالاخير يقول مخرج ماشاءالله عليه 10/10 الله يوفقك بدراستك الخارجيه واذا رجعت ان شاء الله بتشوف بام عينك، واحترم وجهة نظرك بتشبيه البعض بمواضيع الجار، فحقوق جمهور الزعيم اذا مافعلناها ولا قمنا بفضح من يقف خلف هذا الجمهور والا سنشاهد نسخه كربونيه من لجنة الانظباط. |
إقتباس:
اخوي فهد السويلمي ... دعنا نتكلم بالعقل هل تريد جميع الكاميرات على الجمهور .... اريد ان اسالك سوال كيف تغنى فارس عوض والشوالي بالجمهور وبحركاتهم ان لم تظهر على الشاشه مع العلم ان فارس عوض يعلق من مدينه ابو ظبي و الشوالي من الدوحه ... كيف تفاعلوا كيف انطرب فارس عوض ... لك كل التقدير على مرورك ... |
اتمنى منك يا هلالي ايطاليا أن تقرأ موضوع الأخ ناقد ومحلل .. وتشاهد لقطة اليوتيوب بنفسك .. لعلك تخفف من دفاعك المستميت عن المريبض .. !! شاهد .. بعين العدل ثم أحكم ؟؟ وأنا اقول لا نامت أعين الجبناء والخونه .. !! |
| الوقت المعتمد في المنتدى بتوقيت جرينتش +3.
الوقت الان » 07:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd