|
نصراوي مطفــّي النور !! أولا كل عام وأنتم بخير وعيد سعيد .. عشان ما يجي أحد يصجني ويقول وراك ما عايدتنا <<-- العالم بدوا يحجزون حملات للحج وذا مصدّق !! ثانيا : اعتذر لأي شخص آخذ بي مقلب إني هلالي من قلب .. وخصوصا الإدارة وجمهوري أيضا <<-- وش عنده جواد العلي !! ومهوب عيب إني اعتذر عن الخطأ .. العيب إني استمر فيه وإلا أنا غلطان ؟؟! <<-- تحسون إنه معرّق وينتفض !! للأسف : أحب أعلن ( نصراويتي ) وما فيها شي !! حنا بمجتمع ديمقراطي ونتقبل الرأي والرأي الآخر <<-- وين معه ديموقراطي وعمر المهنا رئيس لجنة الحكام .. وفيصل عبدالهادي أمين !! - أكتب لكم من ماليزيا أو ( آسيا الحقيقية ) على قولة رياّن بلال !! ولا تحسبوني رايح هناك عشاني خايف من ردّات الفعل وإلا مقفل جوالي ومطلع شريحة DiGi عشان افتك من شركم وإلا من تريقة الهلاليين وإلا إنهم يمسحون بي البلاط .. بالعكس .. الموضوع وما فيه إني أبي مكان هادي اتخذ فيه القرار <<- اي هيّن يالذروق!! - شارع " بوكيت بنتانج " أو (شارع العرب ) على قولة قدوتي ريّان بلال !! كنت بأحد الفنادق اللي على هالشارع و قاعد ألبس فنيلتي النصراوية وعليها رقم تسعة ومكتوب على الصدر " فهد في قلوبنا " وعلى الظهر فوق الرقم " ماجدونا " .. وبينما أنا أربّط حبال كنادري ولافهــّا (أي الحبال ) على سيقاني عشان اذا انبرشت ما تنفصخ الكندرة <<-- الله يذكرك بالخير يا مصطفايا .. تغيّرت علينا عقب الجمس العودي !! المهم أقول لكم بينما أنا اضبط نفسي اذا بنغمة جوالي تصدح شامخة بـ صوت بلبل العريجاء وضواحيها ( حقوي ) ..وإذا به صديقي النصراوي الذي يسكن منذ سنوات في ( كوالالمبور ) لدواعي عملية !! - ألو مغاااط أخلص ترا عشاء الشباب زان ويحترونا !! - أنا : طيب أجيب الشال الأصفر وإلا تكفي التكميلة والبوت ؟! - هههه يا حليلك لا ما عليك دامك معي يبي يصدقون إنك نصراوي !! - أنا : يالله جايك .. انطلقت مسرعا مع الدرج وبلا اصنصير بلا خراط فاضي .. فصورة ريان بلال وفدائيته داخل الملعب تبعث بداخلي الحماس والأمل .. ويا ويلكم من العالمي ويلاااه !! سلمت على خويي وانطلقنا لشقة أخوياه النصراوية !! دخلت وسلمنا على بعض .. وأنا عادتي اذا دخلت عند ناس ما عرفهم .. أقمط بالبداية و لا أجسر أحتسي و أركّز على واحد من اللي بالمجلس ثمين ما أعطي وجه الا هو !! الين أتعوّد على الباقين ثمين أفلها <<-- وين ببغاء !! جابوا القهوة والعلوم الطيبة .. مادريت إلا يوم حطوّا مباراة ( الغرافة ) .. وهم يضحكون .. و يقولون والله يا القطريين يبي يجيبون العيد بالهلال .. يوم شفتهم يضحكون .. وأنا اللي أكرّها ضحكة معهم قلت أي والله .. التفتوا علي كلهم مستغربين أني حتسيّت لأنهم يحسبوني أطرم !! حتى اللي يصب قهوة ينقال لك ما يبي يجرحني اذا قضا فنجالي قال لي ( تبي ؟ ) وهو يشّر لي بيدينه .. وأنا أهز راسي مستحي .. يعني إيه !! بدت المباراة .. ولعب الهلال بهم شطرنج !! وصوت (القدر الكاتم ) مخلتط مع (صوت جماهير الزعيم ) !! خلصت المباراة ولا بقى من فناجيل القهوة الا الفنجال اللي معي لأني ماسكه بقوة .. والا الباقيات تكسرن من قو التشويّت والترجيم !! جابوا العشاء .. وحنا منسدة نفوسنا !! قلت أنا ( روقّوا يا شباب ) أهم شي الفوز يسجل باسم ( الوطن ) !! وأثر فيه واحد معه فص بصل ويبي يقطعه عشان يحطونه فوق الرز !! قال لخوّيي أقول : سكتّ خويّك لا يجيه ذا .. <<- يقصد البصلة !! ينقال لك بألطف الجو : قلت لهم : تذكرون يوم نرجم على ( زينجا ) شرخ أبو ديك .. تراهم يقولون إن مكان الرمية أسود إلى هالحين على صلعته خخخخخخ !! قال واحد منهم حقه وما جاه وبعدين وش دخلنا في ( زينجا ) !! خلونا في ( جريتس ) !! يقولون إنه يبي يسحب عليهم !! صدق هالهلاليين يضحكّون وشر البلية مايضحك .. كل العالم ما يبونهم !! حتى حقوي ما تحمـّل وانحاش !! قلت لهم : صفقاتنا هالسنة ماش وحواق بـ حواق !! والله يا علينا أجانب ما أجيبهم ولا يشتغلون بمطعم مشاوي .. يا شيــّاب رجل بالملعب ورجل بالقبر .. وإلا مبزرة يستهبلون عليهم !! أنا وديّ أدري من هو العقل المدبر للانتقالات !! أنا من ناحيتي ما أشوف ولا صفقة ناجحة إلا ريان بلال والا الباقين ما عليش !! رد واحد وهو بالمارية أكثر واحد كسّر فناجيل بالمباراة وهو منقهر !! قال الحين عاد من زين أجانب الهلال !! ترا كل ذا ( تفخ ) إعلامي !! وبعدين تقارن عمر ( رادوي ) بأعمار أجانبنا أصلا خل رادوي يمشي .. والله يا هو يبي ينكشف دفاع الهلال وبتبان الفضايح .. قلت أنا والله لو إنه ( شينكو ) وراء باب حريم !! وش اللي ينكشف !! زعل وقال يا اخي شكلك ( نصراوي مندس ) !! رد خويّنا الثاني .. وبالمارية ذا شرب ( كرز مالبورو) بالشوط الأول بلحاله من حومة التسبد .. قال أصلا الهلال كله ( ويلهامسون ) اذا مشى سلم ّ لي على الهلال !! قلت لهم : طيب متى نرجع ننافس على آسيا وعلى البطولات !! قال لي واحد : وأنت مصدق إن الهلال بيوصل للنهائي !! يا رجال ماشي معه الحظ !! ذولا لو يقابلون انجلترا على النهائي انطرد جيرارد و روني ونص الدفاع وفاز الهلال غصب !! أقول لك عليهم حظ يشق الخشة شق !! وبعدين لا تغرّك سيطرتهم على البطولات الداخلية والخارجية من سنوات .. ترا السعيد من يبتسم أخيرا .. قلت يعني متى أخيرا : كل أملنا بالله ثم بريان بلال واذا راح نبي نقعد بها ؟! الا سالفة ( ماسا ) قضت والا هالحين ؟ وبعدين همانا نصراويين ومتكاتفين .. والمبلغ ما يسوى طاريه ويعتبر تافه !! ليه كل هالزحمة ؟! رد علي خويّي اللي جايبني : قال وإلا أنت الحين مقتنع من توقيع موبايلي للهلال !! و إنهم يساندون الزعيم ويكبون عليه من هالدراهم وان العلاقة بينهم ناجحة وقوية !! هههههه ترا ذا كله تصوير اعلامي وتدليس !! قلت وشلون تدليس ؟! لعنبوا بليسك كل الطرفين متفاهمين ومتساندين .. ذا انتصارات وذا أرباح .. لكن تدليس تدليس براسكم !! على العموم أكركم الله ولا بقى على صلاة الفجر شي !! قالوا أي والله يالله يمدينا ندخل نخش منتدى الزعيم ونشيّك المواضيع قبل الدوامات !! ** الزبدة : قد جربتوا تعيشون ( نصراويين ) لمدة أسبوع !! يوم !! جلسة !! حاولوا .. وأضمن لكم إنكم تبي تفلوّن أبوها !! و سواليفكم هي هي ما راح تتغيرّ .. كلها ( عنكم ) يالهلاليين !! أنتم قد شفتوا نصراوي جالس ربع ساعة ما جاب طاريكم ؟! وهذا اللي مضيعنـــّــا !! ** اللي استفدته من تجربتي النصراوية : - دريت إننا يالهلاليين بنعمة ما يعرفها إلا حنا !! - أردى من النصراوي اللي يحاتسيه بالمنطق !! - كونك تعيش بـ ( حلم ) و هالحلم يطوول .. فهذا دليل إنك للحين ( نايم ) !! متى بتصحى ؟! |
جآآآآآآآآآآآآآآآري القرآآآآآآآآآآئه يآ كبيرررررررررر الله يهديك يآ مغآط صآير كنك نجم سهيل مآ تطلع ألا بالسنه مرره :d |
هم كذا الفقراويه كل سواليفهم عن الزعيم << معذوريين موضوع رووووووووووعه وفكرته اروووع يعطيك الف عااافيه اخوي |
لي بــــــــــــــــــــــــــاك |
والله شكلي بجرب اصير نصراوي يوم :s2: منها افلها واوسع صدري ومنها اعيش حيآتهم اللي مستآنسين فيها .. ويمكن اصير قوه شرائيه بعد :s2: سلمت يمينك يآمغآط .. لآهنت .. :smilie47: دمت بوود’’:rose: http://cb.amazingcounters.com/counte...8457&c=7135684 |
مـغــآط :rose: اول شيء ويلكم باك خيووو اشتقنا لمواضيعك والله ,’ ثاني شيء والله صدقت قلت اخرته مغآط نصراوي قهر روعة قلم هالآنسسان تروح للنصر:ap: بس يوم قريت المووضوع صراحه ابداااع الا عال العال وروعه ومتعه وكل شيء تسسسلم يمينك والله طرح اكثر من رائع اجل رادوي رجل يمشي ورجل بالقبر :s2: ياحليلهم هالنصراويين اضحوكة هالزمان:ap: بصراحه بكثثثر ماعجبن هالموضوع الا ان سعادتنا برجعتك ورجعة كتاباتك هي اللي شدتنا اكثر اخر الغيبات ان شاء الله ونبي موضوع فكاهي عن تأهلنا للنصف نهائي ان شاء الله ,’ عواااافي ولاتحرمنا جديدك , |
هذا الفقراويه ماجبت جديد سواليفه عن الزعيم اتركوهم في مشاكلهم وناديهم خلو لنا المنصات وبعدين يامغااااط وينك مختفي منذ مبطي والله اشتقنا لك وعلى دروب الخير نلتقي وباسيا باذن الله نفرح مدير الكره |
والله يالغالي نادي الفقر الحالمي ماهمهم الا تاج روسهم الزعيم ياريت يهتمون بناديهم اصرف لهم عسى يفرحوا ببطولة ( الله لايقولها يارب ) سلمت على الموضوع |
هههههههههههههههههههههههههههههههههههههههههههههههههاي :laugh: اي ولله ياخي هالنصراوين نكته صايرين مسخرره بقوة ,, يكفيك انهم مسجلين بمنتدى الغرافة كله عشان الهلال وكل ماجيت ادخل منتداهم كل مواضيعهم في الهلال ,,, ولله ياهو معقدهم وحاااارق دمهم >> ولله صاير ادخل منتداهم عشان اضحك وللترفيه عن نفسي :s4s: والمشكله يتووقعون ان كلامهم بيأثر فينا :s2: ولله العظيم ينرحمون ماضيع ناديهم الا هم مااقول الا الله يخليهم على هبالتهم |
غريبة طلبتوا العشاء بدون تسوون تصويت :d تجربة ممتعه ومريره بنفس الوقت يامغاط يعني حاولت اتخيل نفسي نصراوي :to: قسم لا اعتزل الدوري السعودي من أول يوم :s4s: يعني فريقنا (النصر) ادارته مشاكل .. وجمهوره ملاقط بالمنتديات .. والفريق من تعادل لهزيمه :s2: يعني حالتنا حاله وفريقكم (الهلال) جمهوره مالي الملعب .. وإدارته ماليه قلوبهم .. والبطولات ماليه ناديهم :ranting: لا لا فكنا بس ماودي اتخيل نفسي نصراوي :d شلون عاد اني اجلس مع شلة نصراويه واشجع معهم :to: لا تقطع يامغاط الفقراوي :smilie47: ترا مواضيعك تجيب الهم لبعض الناس :s5s: |
وربي كـــلآم ينقط عـــسل . . . فعـــلآ كــــلآم صحيح وآنآ آشهد . . كل شيء عندهم الهلال حظ . . .واجانب . . وكان الرد عليهم بمبارات الغرافة . . ,,, يعطيك العآفيه آخوي مغآط وانا متأكد انها من اسوأ التجآرب في حيآتك :s2: تسلم لنآ هآلآنآمل . . :ba: |
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< بــــــــــــــــــــــــــــــــــآآآآآآآآآآآآآآكـــــــ :wub: .... موووووضوووعكــ جنآآآآآآآآآآن :ga: آسلوووب قمة في الجمــآل سلمت يآمغــآط :rose: <<< آول مآقريت آسمك على طووول دوون تردد آدخله وآنآ مغمضه مــآشــآء آبدآع << ضحكت ضحك آوب طبيعي :ap::ap::ap::ap: ... وآخذت رآبط الصفحة وآرسلته برودكآست للي عندي لـآنهم هــلــآيين بس طبعًا مع حفظ حقوووقكــ... :s2::s2::s2: وآنت كتبت الوآقع بس بـخيآلك الرآئع <<< لــآهنت .. |
هههههههههه الله يرج بليسهم ذا النصراوية والله كل همهم الهلال ولو تخش منتداهم وانت بكرامه ابد اطلب عزك اذا ما لقيت موضوع عن الهلال او موضوعين متخلفين والله |
موضوعك جنااااااااااااااااااااااااان ’’ والله انك صادق كل همهم الهلال’’’ يعطيك العافيه’’’ |
والله انك صادق اخوي مغاط وينك يالقاطع من زمان عن مقالاتك الطيبه |
| الوقت المعتمد في المنتدى بتوقيت جرينتش +3.
الوقت الان » 04:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd