|
&&& شكرا للجماهير ... لا والف لا للتفاؤل المفرط .. خطأ قريتس الفادح !!..وهذا اللي راح يسويه لاعبي الغرافه &&& اولا نهني انفسنا جميعا بهذا الفوز الغالي والثمين ثانيا يجب الا ننسى بأن امامنا مباراة صعبه وهي تمثل الشوط الثاني مع الغرافه .. يجب الا نستهين بالخصم فهو خصم عنيد وشرس حتى وإن لم يظهر بالمظهر الحقيقي في المباراة .. فقد يكشر عن انيابه على ارضه وبين جماهيره وتذهب عنه الرهبه والخوف من الجماهير .. كذلك اتمنى من اللاعبين انفسهم الا يقعوا فريسة للتهاون بالخصم وان مسالة الفوز عليه مسالة وقت .. كذلك يجب على اللاعبين الجديه كل الجديه بالتعامل مع الفرص وعدم اهدارها حتى لا نندم .. صحيح ان الفارق 3 اهداف ولكن لا يوجد في عالم الكره شيء اسمه مستحيل .. احترم الخصم .. قدم امامه كل ما تستطيع وكأن المباراة مباراة نهائي عندها ستجد نتيجة احترامك للخصم وجديتك في اللعب امامه مفرحه بإذن الله .. قريتس للاسف أخطأ خطأ فاااادح كاد ان يسلم المباراة للغرافه قبل نهايتها بثلث ساعه !!.. ماهو هذا الخطأ ؟!!.. هو إخراج الفريدي وانكشاف وسط الملعب تماما للغرافه وانقطاع الكرات للمهاجمين بعد ان كان الفريدي هو من يصنع اللعب للفريق والممول الرئيسي للمهاجمين .. ولكن ربك سلم والحمدلله ..والشاطر يتعلم من اخطاءه .. من وجهة نظري الشخصيه يجب أن يلعب قريتس بمحور اخر يكون بديلا عن المحياني ... ولا ننسى أن يحافظ اللاعبين على اعصابهم مهما استفزهم لاعبي الغرافه .. فهناك احساس يساورني بأن لاعبي الغرافه سيلجأون الى استفزاز لاعبي الزعيم وخصوصا ياسر لذلك الانتباه لمثل هذه التصرفات والتعامل معها بكل هدوء حتى لا تأخذ المباراة مسلك اخر قد يدفع الزعيم ثمنه .. اما بطرد او بخشونه متعمده وكذلك عدم اخذ الكروت الصفراء بشكل مجاني فالمباريات المقبله مهمه والفريق بحاجه لجميع العناصر حتى لا يتأثر الفريق بغياب احد عناصره بسبب كرت .. ارجع واقول بان الغرافه سيلجأ للاستفزاز ومن اول المباراة حتى يحصل الفريق الهلالي على الطرد ومن ثم باستطاعة الغرافه المعادله بسهوله لذلك يلزم الحذر والتصرف بعقلانيه مهما تغاضى الحكم .. اخيرا اتمنى ان الله يوفق الزعيم بالفوز على الغرافه والا تخرج المباراة عن مسارها الطبيعي .. |
كلامك صحييييييييييييييييييييح والله فعلا الغرافة هالحين بايعها اذا لم يفلح في المباراة سيلجؤن الى الاستفزاز وبعدها والله مشكلة اتمنى من اللعيبة ان يقفلو مسامعهم في الملعب ويحتسبون الاجر ويخلون جل تفكيرهم باللعب |
صدققت يالغالي .. مشكوور .. |
يعطيك العافية يييييييييييييييييييييييييسلمو |
اتمنى عدم إشراك ياسر .. المحياني والجيزاني في التوب ياسر عنده كرت اصفر مو من صالحنا لو لعب .. وانتوا ابخص باللي رايح يصير << الإستفزازات اتمنى اشراك المحياني والجيزاني |
بأذن الله تعالى التاهل من نصيب زعيم هذه القاره :alzaeem: اما بالنسبه لجيرتس انا اعتقد انه لا اخطأ ولا شي .. بالله عليك لو الفرص السهله والسهله جدا للاسف اللي ضاعت كانت اهداف بالله بتفكر بالكورتين اللي كانت للغرافه صدقني بتكون الاجابه لا لذلك الاهم هو استغلال الفرص وبس لذلك لاعليك لاخوف على الهلال ان شاء الله بوجود هالرجال و اولهم شبيه الريح :ba: .. بالتوفيق للهلال في مهمته القادمه ... |
الله يعطيك الف الف عافيه على الموضوع الرائع ان شاء الله راح نسجل هدف بالدقائق الاولى على شان نتقل الاحلام الغرفاويه تحياتي لك |
كل الشكر لكم على اضافاتكم الرائعه ... الاخ اللافندر 8 : اتمنى حبيبي ترجع لشريط المباراة وتشوف كيف الغرافه بدأ يستحوذ على الكوره بعد خروج الفريدي.. الفريدي كان كاتمهم كتم ما يخليهم يتقدمون وبعد خروجه صارت منطقة الوسط مكشوفه وهذا واضح اخوي .. وخصوصا جونينهو اللي كان الفريدي مسبب له صداع مجرد ما يستلم الكوره يلقى الفريدي بوجهه على طوووول ولو تلاحظ جونينهو بدأ يستخدم العنف مع الفريدي لانه استقعد له استقعااااااد كل كوره وهو قدامه ... وتقبل تحياتي |
إقتباس:
انا معاك ميه بالميه في نقطة ان الفريدي قطع كور كثيرة وكان فارق كبير في منطقة الوسط وخروجة اثر في القريق ولكن لا تنسى ان النص الهجومي ضعف في الفترة الاخيرة وكان يحتاج المدرب لاعب نشط بامكانات العابد .. :yes: ولكن لاتنسى خبرة جينينهو بالاضافة الى المجهود الكبيبر اللي سواه الوسط في التغطية وغير كذا انكماش الفريق لتغطية الاماكن الخلفية كل هذي ساعدت جونينهو على التحرر من الضغط .. اتمنى ان اكون قدرت اقرأ المبارة بشكل صحيح .. وانا بشر اخطئ واصيب تحياتي لك |
خطأ قيريتس اللي تكلمت عنه ... صراحة خطأ واضح وانا من صار هذا التغيير .. وأنا حدي خااااااايف ... بس الحمدلله جت على كذا دعواتنا بالتوفيق للزعيم في قطر.. |
كلامك صحيح يلجون لاستفزاز اللاعبين حتى لو ما يتاهلون المهم الهلال ما يحصل على البطولة هذا هو تفكير الخلجيون ولابد على المدرب ان يلعب بالغنام والبرقان في المحور لان الغرافة راح يندفع للامام بحث عن الاهداف |
وربي الله يستر من الغرافة مدري وش ناوين علية تكفون لآنستهين فيهم , الهلآل لو لآ قدر الله خسر الاسيويه , رآح يخسر ورآهآ اشيآء كثيييييرة تكفون يآهلآليين لآزم نحترم الخصم مهما كآن تكفون يآهلآليييين الاسيويه هذه لآزم نأخذهآ < اللهم امين يارب العآلمين يارب نبيييييي اسيآ اللهم وفق الهلآل وفوزة امام الغرآفة واجعل الاسيوية من نصيبة اللهم امين يارب العآلمين |
ايه و الله كلامك سليم المباراة لن تكون سهلة و أذكركم .. صحيح ممكن نفوز لكن بصعوبة .. و بالتوفيق للهلال و الشباب , خوفي نلتقي مع الشباب مع النهائي صحيح الهلال أفضل لكن الشباب أخطر منافس للهلال و العكس أصح . |
كلام صحيح ومنطقي الله يعافيك |
صدقت بكل كلمه كتــبتهـآ بس مدآم عنـدك الذيب سآمي لا تخ ـآف :) ويع ـطيك الع ـآفيه |
ان شاء الله ياسر ما يأخذ كرت هم اكيد بيتعمدون استفزاز الاعبين هذا اسلوب الفرق الخليجية واذا الله اراد وتأهل الهلال بنقابل فرق كوريه ودائما ياسر يبدع امام الشرق اسييوين اذا سجل الزعيم اولا سيقتل كل احلام الغرافة والهلال قادر على ذلك لكن لازم يكون الاعبين مركزين وينسون المباراه اللي راحت اللهم وفق الهلال آآآآآآآآآآآمين |
بس ان شاء الله عزيز + رادوي يلعبون |
الله يعطيك الف الف عافيه على الموضوع الرائع ان شاء الله راح نسجل هدف بالدقائق الاولى على شان نتقل الاحلام الغرفاويه تحياتي لك قوتشي الهلال |
الحقيقة اني ما ألوم جيرتس يوم يطلعه ياخي شوف وش سوا رفع ضغطنا في المباراة في 3 كور كانت أهداف محققة ولكن تفلسف وحاول يصنع شي خارق وثانياً كان الفريدي يساند المحور هو الشلهوب فمن الطبيعي سوف يزداد العبء على الغنام فتكثر الكور المقطوعة لانك تعرف العابد لديه نزعه هجومية وأنا أقول لو نزل الدوسري كان أفضل من الناحية الدفاعية شكرا وآآسف على الإطالة |
كـــــــــــــــــــــــــــــــــــلام سلـــــــــــــــــــــــــــــــــــيم |
سؤال : متى جاء هدف الهلال الثاالث؟؟؟؟؟ صح بعد ماخرج الفريدي ونزل بديل عنه الجيزاني يعني قدموا .... والله ماينعرف لكم |
الله يع ـافيك اخوي’’ ان ششاء الله الزعيم راح يتأهل بإذن الله’’ |
إقتباس:
اوافقك تماما فالفريدي هو الممول الرئيسي.. الف شكر لك.. |
يعطيك العافيه .......... |
كلام سليم 100% ,,, و لا تنسى أن يونس محمود خبير بشغلات الأستفزاز و التمثيل ع الحكام كما فعل مع منتخب بلاده في نهائي آسيا ,,, |
صدقت عندنا أكثر من لاعب يستفز وبالتوفيق للزعيم |
صدقت اخوي في مسالة الاستفزاز لابد اللاعبين ينتبهون لهالشي ولا ينجرون ورى اللي يبونه لاعبي الغرافه ولا ننسى انهم بيلجأون للخشونه واللعب العنيف لاشافوا ان المباراة بتضيع منهم الله يوفق الهلال |
الحمدلله كما يحب ربنا ويرضى .. اللهم لك الحمد حتى ترضى ولك الحمد اذا رضيت ..ولك الحمد بعد الرضى .. باختصار شديد قريتس للاسف كرر نفس الخطأ !!.. واخرج الفريدي !!.. ونحمد الله أن الغرافه طلع كل اللي عنده بالشوط الاول واعتمد على المرتدات بالشوط الثاني وانتهت لياقة لاعبيه ولحقت الاصابه بمعظم لاعبيه اللي عليهم الكلام ما عدا يونس محمود والعساس والا كان اكلها الزعيم علقه محترمه .. قريتس لا مجال للاخطااااااااااء افهم .. بيننا وبين البطوله 3 مباريات نعم 3 مباريات فقط ... لا مجال لارتكاب اي خطأ قد يقصي الزعيم من البطوله .. اقولها بكل صراحه يا قريتس لو خرج الزعيم من البطوله امام الغرافه لهدمت بيدك كل ما بنيته .. ولاصبحت ذكرى مزعجه لكل هلالي .. ولعل من فضل الله علينا أن الاهداف أتت في الوقت القاتل والا كان لاعبو الغرافه يتفـنـنون بإصابات لاعبينا واستفزازهم .. واكبر شاهد على ذلك ما حدث بعد صافرة الحكم مبااااشره .. واخيرا نشكر كل الجماهير التي زحفت للدوحه والتي نعجز عن شكرها وهي العلامه الفارقه للزعيم .. |
| الوقت المعتمد في المنتدى بتوقيت جرينتش +3.
الوقت الان » 01:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd