|
عيسي الحربين لماذا انتقلت لابوظبي....الدوري السعودي مشتــــــــــاق لك بسم الله الرحمن الرحيم عبدالله الحربي وعيسي الحربين اسمين رائعين في عالم التعليق مميزين يعطوك جو ثاني للمباره صراحه خسارنا الحربين في الدوري السعودي مع انتقاله لابوظبي كنت اتمناه يروح السعوديه او الجزيرة حتي مانخسره ونخسر المتعه الي دائما تحضر معاه في المبارة ياها علي الايام الحلوة في الجزيرة والله معلق يطرب ويروقك وايام الدوري الايطالي اصلا ماكنت اتابع الدوري الايطالي الا عشان الحربين يوم راح قللت من المتابعه وماصدقت انه راح طيبه الذكر الارتي عشان يجي يعلق علي الدوري السعودي ولكن خساره راح ابوظبي بس كويس سمعت انو محمد نجيب يقول سنافس علي شراء الدوري السعودي بمليار ريال والله ياريت صراحه افضل معلقين سعوددين حاليا عبدالله الحربي وعيسي الحربين بعيدا عن الهرج الفاضي والخروج عن جو المبارة والحديث في معلومات غلطه في غلطه ولا عدم ذكر اسماء الاعبين بشكل صحيح مافي الا يطرب ويشعر ويعطي كلام جميل غير الحربين والحربي خسارة شفت مباره الشباب وشونبك تحسرت كثيرا علي الحربين تمنيته يكون في الجزيرة بس خسارة والله |
كلامك صح افضل اثنين عندي هم الحربين و ابو مبارك يعطيك العافية يا صاحب الموضوع |
تحسهم يتحمسون بزيادة عند كل هدف |
الفلوس تعمل عمايل يابو’’ بس والله ما نقدر نسوي شيء’’ |
يمكن عبدالله الحربي معلق رائع لكن الحربين والله صراحة مع احترامي الكامل لشخصه لكنه مزعج ابراهيم الجابر أصرف منه بس وش دعوى ابو ظبي بتنقل الدوري السعودي بمليار ريال والله يعني مدري وش يحسون فيه صراحة الحين علشان قلو مشاهيدين قناة ابو ظبي بسبب مقاطعة الاندية اولها زعيمنا وجمهوره وبعد ما حاسو النصر والاتحاد وباقي الاندية ما سلمت مع استاذ التعصب نجيب الرحمن الجزيرة أصرف بعدين مليار ريال يدعمون فيها منتخبهم اولى |
مدري وش أقول بعد الي قلته والله يوفقه ويرجع للدوري السعودي |
عيسى الحربين من افضل المعلقين الي يعلقون ع مباريات الدوري السعودي . احسن شي اذا قال الللل . يالبيه ياعيســى . والله كنت اتابع مباريات الدوري القطري ع شان تعلقيه بس . |
أقسم بالله أن عيسى الحربين معلق يكرهك بالكورة وماأدري وشلون صار معلق ... وياكرهي لة أذا جلس يمدح بالقناة اللي يعمل بها ... بقناة art في مبارة جت الصورة على القمر جلس يزعجنا انهاحصرية على art ماشاء الله صار القمر حصري ... الحمدلله أننا أفتكينى منة ... حدة درجة ثالثة ... |
الله يعطيك الف الف الف عافيه على الموضوع الرائع عيسى الحربين مااعرفه لاكن عبد الله الحربي سمعت له اكثر من تعليق على الدوري و الكاس والجزيره تحياتي لك |
الحمد لله اننا افتكينا منه...!!! يا ذا المعلق راعي شطحات...!!! |
الله لا يقوله برى وبعيد يارجال خلنا نرتاح شوي من الازعاج والنصب :D |
معلق رائع ويليت يعلق ع الدوري السعودي ( وجهه نظر ) |
آآآآه على هالاثنين ... ما انسى في مباراة الهلال والاتحاد يوم الخمسه مقدم الاستوديو التحليلي قال للحربين كم تتوقع نتيجة المباراه قال 4 او 5 لفريق واحد .. |
الله يوفقه ويستر عليه والله قهر |
صدقت والله ياخوى بالنسبه للحربي اما الحربين راعي المدارس والشوارع يتكلمون ابركها من ساعه يوم افتكينا منه |
| الوقت المعتمد في المنتدى بتوقيت جرينتش +3.
الوقت الان » 04:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd