السلام عليكم ورحمة الله وبركاته


من جماهير نادي الهلال السعودي ,,

نطالب الامير - سلطان بن فهد حفظه الله ,, بترقيم كراسي استاد الملك فهد


نظرا لعدة اسباب .. ياسمو الامير سلطان بن فهد .. نبيك بس لحظه تتخيل انك مشجع مواطن

( تشجع احد الانديه السعوديه الكبيره )

ومباراة النادي اللي تشجعه اليوم ,, تقوم من النوم بدري عشان تجهز لحضورك للمباراه .. توصل ملعب استاد الملك فهد الساعه اربعه العصر عشان تحجز لك تذكره وتحجز لك مكان حلو في الملعب

ومع الحررر والعرق والتعب والارق .. عطشت وتروح تبي تشرب مويا .. او تاكل شي .. تلقى الخدمات زفت وامن الملعب يطفشك ويقولون اذا طلعت ماراح ترجع الا بين الشوطين

> يعني تشرب او تاكل بس ماتشوف المباراه ,, وكأنك بسجن مو ملعب !!!

المهم عشانك عطشان مره وافقت انك ترجع بين الشوطين .. رجعت لقيت مكانك احد جالس عليه ؟؟

كلمت اللي جالس بمكانك .. يالطيب والله هذا مكاني ؟ يجي يقولك .. لاكان كرسي ابوك تعال خذه !!!!!!!!

ووتدور مكان زين ماتلقى ؟ يصير مردك عقب كل هالتعب مقعد خلف المرميين

( للأسف هذا حال كثير من جماهير الانديه السعوديه )

ياسمو الامير .. نبيك تحس بجماهير الانديه السعوديه .. تحضر وتساند انديتها رغم كل الخدمات الزفت المقدمه للجماهير .. رغم كل هالتطور اللي صاير حولنا .. الا اننا ماتطورنا من ناحية خدمات الملاعب وشكل الملعب الهندسي وتنظيم دخول الجماهير ووو الخ

لاتروح بعيد .. ياسمو الامير حفظك الله ورعاك وطول الله عمرك يارب .. وش فرق قطر عنا ؟؟

وش فرق الامارات عننا ؟؟

خلاص ياسمو الامير .. مانبي تبني لنا ملاعب زي العالم والناس خلاص حنا صابرين على ملاعب الاستراحات اللي عندنا.. كل اللي نطلبه الحين حنا

ترقيم للكراسي .. عشان المشجع ياخذ تذكره وهو ضامن ان كرسيه محجوز .. غير كذا اضمن لك بجميع المباريات المهمه اللتي ستقام في استاد الملك فهد انها ستمتلئ ..

لان المشجع ضامن كرسيه ويجي بأي وقت .. بدل ماينطلع بالحر ويتعب على الفاضي



,,


تكفى ياسمو الامير سلطان بن فهد .. انت هرم الرياضه السعوديه .. تكفى حس بمشجعين الانديه ومعاناتهم

مانطلبك .. الا ترقيم للكراسي ..


هذا وانا بنت .. واتخيل الشباب يروحون احس بمعاناتهم وانا جالسه عند المكيف .. كيف لاجربت هالشي !











خاص للمشرفين [ الموضوع مافيه اي اساءات واتمنى انه ينزل .. لمتى وحنا نخاف ونسكت ولا نقول راينا بكل شفافيه وحريه ! ]