مخرج أجنبي للقناة الرياضية + جمهور الجار يتعلم اللغة الكورية + قولو لـ "ويلي" لاعاد ياخذ كرت + شكر خآآص
 

السلام عليكم


الحمدلله على الفوز والمستوى
الحمدلله على الفوز والمستوى
الحمدلله على الفوز والمستوى


لن أكتب عن المباراة ونجوم الهلال وعن الفوز لان الأعضاء ماقصرو وكتبوا كل اللي في الخاطر ,, وتبون الجد مافي شي جديد نقوله ,, تعودنا والحمدلله على منه وكرمه والله يزيدنا تفوق وتوفيق وفوز وانتصارات ,,


طبعاً انا كنت بالملعب وبجانب جماهير الغرافة المحترمين واللي للأمانة ماشفنى منهم اي شي او اي اساءة للجمهور او اللاعبين وهذا يبين ان الشد والجذب لم يكن من جماهير الغرافة او جماهير الزعيم انما من جماهير دخيلة تشجع كل فريق ضد الهلال ,,



نجي للمخرج المخرب , انا كنت اتابع المباراة وبيني وبين أحد الأخوان اتصال عن هذا الإخراج ووالله ثم والله اني اتصل عليه اذا قام جمهور الهلال بحركات الموج ( الأمواج المكسيكية ) او الزلزال الهلالي او اهزوجة [ الموج الأزرق جاكم الموج الأزرق ] او حركة اليدين كما هو واضح بهذه الصور http://www.okoos-up.com/up/uploads/i...43eb65d1e1.jpg

اقسم بالله انه يحلف ويقول ان المخرج مايطلع الجمهور الا اذا وقف تشجيع او انتهت الاهزوجة او توقفت الجماهير عن حركة الزلزال وكنت اقول له يمكن هجمة والا حدث مهم في المباراة والله يحلف يقول احيان تكون الكورة ضربة مرمى او يتناقل فيها دفاع الهلال المهم يقول ان الاخراج خرب شكل الجماهير , لان اللي اكلمه يقول تكفون لاتسكتون بعد الهدف الاول واصلو تشجيع عشان اللاعبين يواصلون حماسهم قلت له ياحبيبي انا وانا ماني في الواجهة راح صوتي وصار فيه بحة وجمهور الواجهة صوتهم مدوي والجميع في الملعب منبهرين من تفاعلهم مع المباراة وتحفيز اللاعبين , بعد ربع ساعة دق وقال ان فارس عوض يمدح الجمهور مدح ماهو طبيعي وانه يتغنى فيهم واحيان يغني معهم قلت انا طيب شي طبيعي الجمهور هنا بالملعب من اروع مايكون قال والله مانسمع الا صوت خفيف ولانشوفهم والمخرج مايجيب اللقطة الا اذا بدو الجمهور يجلسون .
للأسف حقد وحقد وحقد , اقسم بالله اني مقهور من هالمخرج اللي من جنبها في الإخراج , والمشكلة اذا ناقشت واحد منهم يقول لك ياخي الإخراج فن وله زوايا اخراجية وله طرق معينة , ياعمي طير .
المشكلة ان الكاتب الكبير صالح السليمان تكلم قبل المباراة وحذر لكن مافي فايدة إخراج القناة الرياضية ماراح يتغير الا اذا تغيّر اللوبي الأصفر في القناة واللي له سنين طويلة وهو يكرر هالحركات المسيئة في حق الهلال ,, وللأسف ان الهلاليين من طبعهم الهدوء والسكوت وعدم تضخيم الأمور لكن مثل هذه الإخراج وبالأخص في هذه المباريات المنقولة على قنوات أخرى امر يسيء للهلال ولجمهوره وظلم كبير لهم لانه من الظلم ان يتواجد 70 الف متفرج وتفاعل كبير واهازيج جماعية وتصفيق مدوي وفي النهاية مخرج مزاجي وميوله تتحكم في الإخراج ويخفي أصوات الجماهير الزرقاء ,,؟؟؟؟

اتمنى من الأمير تركي بن سلطان ان يجد حلاً لهذا المخرج ومن هم على شاكلته , فالأمر سيء جداً وواضح التعمد لإخفاء جماهير الهلال الكبيرة وأصواتهم في الملعب , واتمنى جلب مخرجين أجانب حتى نشاهد الفرق بين اخراجهم واخراجنا , وياليت مخرجينا يشوفون اخراج مباراة الهلال والغرافة القادمة في قطر وكيف سيكون الإخراج مميز وتفاعلي وحاضر في جميع الزوايا وهذا الإخراج الأجنبي في قطر ومايفعله في دوريهم وامتاع لمشاهديهم .




نجي لجماهير المسيار

اولاً الحمدلله انا ضد الشماته دائماً وأبداً والدليل انه بعد فوز الهلال بثلاثية وصلتني رسايل من نصراويين اصدقاء الرسالة الأولى تقول ( فرحانين بالفوز الضعيف على فريق الغرافة العبو مع فرق عريقة مثل برشلونة وريال مدريد والنصر علشان تعرفون مستواكم )
والرسالة الثانية كما هي عادتهم في أي مباراة وعذرهم المميز وهو التحكيم طبعا ماراح أكتبها لانكم عارفين وممكن وصلتكم من كم نصراوي :d
المهم ان النصراويين وبصراحة زودوها , صح نتقبل انهم مايتمنون فوز الهلال او انهم مايدعمون لو بالسكوت لكن توصل انهم يسجلون في منتديات الغرافة ويشرحون طريقة الهلال للغرفاويين وكأنهم متعودين الفوز على الهلال فهذا أمر غريب وبصراحة اكثر امر مقزز ومحير جداً ,, عشان كذا نصيحه لجمهور النصر انهم من الحين يتعلمون اللغة الكورية او الإيرانية


موقع تعليم اللغة الكورية :: اضغط هنا ::

موقع تعليم اللغة الإيرانية :: اضغط هنا ::


وترا ياجمهور النصر في خبر حلو لكم في موقع الفريق الكوري اللي بيقابل الهلال , والخبر هو وجود تصويت في موقعهم يقول من أكثر جماهيرية في كوريا الجنوبية/ هل هو نادي توشنيك هيونداي او سامسونج او النصر
طبعاً انتم عاد معروف شغلكم وفضاوتكم والنصر ينتظر تصويتكم عشان كحيلانكم يتكلم عن القوة الشرائية النصراوية في كوريا الجنوبية :d






(((( اللهم لاشماته اللهم لاشماته وترا ماجبنا طاري الفيصلي ولاشي وانا والله بعد ماعرفت النتيجة ما أرسلت للنصراويين ولا رسالة لاشماته ولاتعليق ولا قلت لهم حنا وحنا .. لاننا ولله الحمد والمنة [ إدارة , اعضاء شرف , جماهير , إعلام ] طبعنا ماهو الشماته ولا الإهتمام بالآخرين , ودايم همنا الأول والأخير الهلال والبطولات خير دليل . ))))






ودي اقول شي بخصوص مباراة الغرافة وانا سبق والوئام اني قلته , كنا نقول لانخاف من الغرافة ولا نستهين فيه ومثله مثل أي فريق والإفراط في التحذير منه كان مبالغ فيه , صحيح ان الكورة ماتعترف بالمنطق لكن فيه امور واضحة للعيان والفاهم يدرك الفرق , الهلال كفريق يعتبر قوي ومنظم ويجيد ترتيب أوراقة ولدية مناطق القوة في كل مركز ولديه الخبرة والمهارة والنجوم والبعض كان يحذر وكأن الفريق المقابل هو برشلونة او ريال مدريد او ,,, ماني بقايل :d
الغرافة جيد هجومياً لكنه ضعيف جداً بالدفاع والأظهرة وهذا أمر معروف للجميع و والأن في مباراة الإياب يجب ان تكون الثقة حاضرة عند اللاعبين دون افراط وهدوء بعيداً عن البرود وتركيز لايخالطه عصبية , والثقة في جيرتس وسامي كبيرة في هذا الجانب ,, ونسأل الله ان يوفق الهلال يوم الأربعاء القادم وان يمن علينا بالفوز والتأهل .










نقاطي برعاية موبايلي






الحمدلله الحمدلله الحمدلله على الفوز , بقي القليل من المباريات ولكن فيها الكثير من الجهد وتحتاج الى دعم كبير وصبر وتهيئة نفسية للاعبين من قبل الإدارة والجماهير والإعلام .



روح الفريق كانت حاضرة واللاعبين كانو مركزين في المباراة بشكل مميز والشكر لله ثم للإدارة والجهاز الإداري والتدريبي في تجهيز اللاعبين فنياً وبدنياً ونفسياً .



جماهير الزعيم في هذه المواجهة وقبلها كانت مميزة في تفاعلها وتحفيزها ودعمها للفريق ولو استمر هذا الدعم طوال الموسم لكانت فرقة الرعب الهلالية حاضرة بتركيزها الكامل في كل مباريات الموسم ان شاءالله .



لا إفراط ولاتفريط , لا نبالغ بالفرحة وننسى الإعداد للمواجهة القادمة , ولا نبالغ في التحذير من الغرافة وكأن الهلال فريق عادي لايستطيع الحفاظ على نتيجة الذهاب , الإعداد النفسي لهذه المواجهة كفيل بالقضاء على مفاجأة الغرافة .



من الواضح ان نيفيز سيكون رهان هذا الموسم والدليل لياقته وتحركاته وتسديداته وتمريراته وان شاءالله مايخيب الرجا فيه .



الغنام والفريدي والعتيبي يحتاجون دعم نفسي من الجماهير الهلالية لمواصلة هذا المستوى الرائع .






ويلي ااااه ياويلي ,, قالو الهلال ولي وقالو الهلال رادوي ومادرو ان الهلال روح وزعامة وإخلاص للشعار , ومتى ترجع ياويلي .





aljoker alhilali / شلهوبيه موهوبه / احساس مجنون / Cʜɑᴙisᴍɑ / أزرق والقلب أبيض / الزعيم سام6 / هلاليه محترفه / استثنائي / صــوت أزرق / كرستاله / فخامة الهلال .
شكراً شكراً شكراً على تبليغاتكم عن الردود والمواضيع المخالفة في منتدى الجمهور الهلالي ووقوفكم المستمر معنا ونتمنى من باقي الاعضاء التبليغ من خلال أيقونة التبليغ عن الردود المخالفة .

شكرآ

حمد


.......................................................

يعطيك العافية حمد لاهنت :d


بالنسبة للقناة الرياضية والمخرج الفاشل اذا اردات التطور والتميز للقناة عليها جلب مخرجين مميزين مثل باقي القنوات ويكون مخرج حيادي ويظهر الجمهور في المباراة لايركز على لقطات لاتهم في المباراة وان شاء الله الأمير تركي بن سلطان يحل هذه المشاكل الذي تكرر دائما في هذه القناة.

جمهور النصر عليه الاهتمام بفريقه افضل :ap:
مباراة الغرافة لن تنتهي الى الان باقي شوط ثاني في الدوحة ولكن نجوم الزعيم قادرين على تكرار النتيجة في الاياب بعد توفيق الله سبحانه وتعالى.

بصراحة اجمل مافي الموضوع موقع تعليم اللغة راح يتعلمون ناس كثير اللغتين:s2:

تحياتي لك :smilie47::rose:
aljoker alhilali

×


اللهم لك الحمد حتى ترضى ، ولك الحمد اذا رضيت ، ولك الحمد بعد الرضــا

الحمدلله على الفـوز .. وبأذن الله يكون الأربعاء تكرار الفـوز بنتيجة اجمل وأروع .. نتيجة ومستوى ..


اما عن " جمهور المسيار الفقر .. وفي رواية جمهور الهوهو والزعابيل "

ينبغي عليهم تعلم اللغة الكورية والإيرانية والتسجيل في منتدياتهم لحث فريقهم كما فعلوا مع الغرافة :s2: وتناسوا فريقهم اللي صعقهم الغريم التقليدي الفيصلي :s2:

" اللهم لاشماتة "


فريق خايس جمهور غبي رئيس مكانه شهار


الحمدلله اني هلالي ودايم الراس مرفـوع :ba:



مشكور حمد على موضوعك المميز .. ويارب وفق الزعيم بالبطولة الآسيوية .. بطولته المحببة


×

اي والله انك صادق رافع ضغطي هالمخرج
ما طلع الجمهور الا لقطتين وكلها بعد انتهاء الاهزوجه

وكل الشكر لجمهور الهلال وللاعبينه

وان شاء الله نزيد الغله التهديفيه في الاياب

عوافي

ابه بصراااااحه ابداااااااااااااا الجمااهير مالهم حس على الشااشه

وربي الصوووووووت مره ضعيف ولاحركه شفنااهااااااااا

بس ماايحطو الكااميراااااااا الا اذاا جاااء هدف
وربي اخرااااج زفت بقووووووه
....................
واذاا على الفقرااايه وربي مسااكين
كل حركه يسونهاا ارحمهم
ويعني على التصوويت الا يطلعون اكثر شعبيه
..............
وبالتوفيق للزعييييييييييييم في الاسيوبه ياارب

:ga:بصراااااااااااااااااااااااااااااااااااااااااااااحه ابدااااع من شخص مبدع دائماااا الله يوفقك في حياتك يالغلا:ga:

انتبه اخاااف النصر يطلع بيان يقوول خليل الفيصلي هو اللي حكم المباره :naughty:


الله لا حسد يا مبدع الى الاماام اخااف يكون افضل فريق في الجوله بصياح والنياح :mad::ranting:

يلبي الجمهووووووور اللي حضر المباره الغرافة :ga: من اكثر جمهور الان وين زغبي :naughty:

اخااف الجمهور المسيار يقولون كنا معاهم خخخخخخخخخخخخخخخخخخخخخخخخخخ:naughty:


لك تحياتي:ga::wub:

الله يعطيك العافيه , والمخرجين جداً سيئين ألا قليل , مثل الجزيره كويس ,

بس حلوه موقع تعليم اللغه الأجنبيه والإيرآنيه ,

شكرن لك أخ حمد الهلالي,

تحياتي .

الاخراج في المباريات الجماهيرية للهلال سيء ,, مع سبق الاصرار والترصد ...

تعمد عيني عينك على حجب ابداع الجماهير ...

بلعكس انا متابع على قناة الكاس والدوري والله من اروع مايكون الاخراج وبصراحه قمه بكل شي بلصوت والصوره على الجمهور بين حين واخر... تشكرات أحمد

يعطيك العافيه على الموضوع
وأخراج الرياضيه من زمان هالمهازل تعبنا الباقي على الأداره تاخذموقف
ونصيحة لاراسلك والاناقشك فقراوي قله رددياليل ماطولك والا أسمع أغنيةيحلمووون والا ألعب بلاستيشن

موضووعك ياحمد خيالي

اوماا تعليم اللغات يااني مت عليها ضحك ههههههههههههههههههههههههههه :d

والحمدلله على الفوز :ba::ba1:

ويارب يوصل صوتنا للأمير تررررركي يارب ويشيل اللوبي الاصفر الحاقد من القناه

شي غريب حتى انا وانا اشوف المباراه .. اصوات الجماهير ببعض اللقطات تختتتتتتتتتتتتتتتفي !!!!!!!!!!

وانا اقول بقلبي معقوووووووله سبعين الف كلهم ساكتين ؟؟

حدث العقل بما يعقل يامخرررررج ,,

وشكرا لك ولموضوعك المميز + خفيف على المعده ,, واستمتعت بالقراءه بدون ملل

ألف ألف شكر أخوي على الموضوع الرائع

بس اللي أعرفه أنا أن مباريات بطولة آسياء يكون النقل واحد لجميع القنوات والمخرج محدد من قِبل الأتحاد الآسيوي .

يعني أتوقع أن القناة الرياضية مالها دخل في الأخراج

موضوعكـ خطيييير وحلو

وكـ عادتك مميز وانتظر مواضيع بـ شوق :wub:

وبالنسبه للاخرااااج انا شفت اعادة المباراة ع كم قناة (الجزيرة , الرياضيه , ابوظبي) كلها اخراجهم اقل من عادي وما يطلعون الجماهير ابد الا اذا خلصوا من الحركة اما موج او زلزال او اهااااااااازيج والله حراااااااااام عليهم

وحتى صوت الجمهور ماعطوووووه حقة ابد الصووت مرة خااااااافت واذا جاء هدف قصروا ع الصوت زيادة < قناة الجزيرة

اعلى صوت جمااااااااهير القناة الرياضية :smilie47:

واستغربت من قناة الجزيرة والكاميرا حقتهم تخلي الواحد عرض الباب وقريبة مرة غريبه منك يا قناتنا الاحترافيه ؟؟

إقتباس:

طبعاً انتم عاد معروف شغلكم وفضاوتكم والنصر ينتظر تصويتكم عشان كحيلانكم يتكلم عن القوة الشرائية النصراوية في كوريا الجنوبية :d

هههههههههههههههههههههههههههههههههههههههههههه صدقت والللللللللللللللله

وخلوهم يسجلون ف المنتديات الكوريه او الايرانيه عشان التفعيل خخخخخخخخخ

والله يوفق الهلال فوق كل ارض وتحت كل سماء :ba::ba1:

أن شاء الله يصير فيه تغيير بالاخراج بجد شئ لا ابعد حدلاهنت