أمن الملعب وتنظيمه والتطفيش المستمر ... إلى متى ؟ إلى متى ؟ والله تعبنا (وملاحظات على مجلس الجمهور الهلالي)
 

السلام عليكم



مبرووووووووووووك للجميع الفوز وإن شاء الله نفرح بالإياب ونص النهائي والنهائي




يا جماعة أبيكم تتخيلون بس

إذا تشتري التذكرة وعليها الرقم والكرسي مرقم ما ترتاح؟ حلو وإذا كان المشجع مرتاح وش بيصير؟ أكيد يحضر ! ويمتلي الملعب ويوصل 70 ألف ! لكن على اللي أمس صاروالله أنواع الطفش


حضرنا في الواجهة ولله الحمد لأن أخوي حاجز لنا كراسي (هذي ثاني مرة وآخر مرة في الواجهة)

المهم يوم جينا ونبي ندخل لقيناهم مقفلين البيبان قلنا ليش؟ قالوا بنفتح وقت الصلاة ! طيب هي هي !!!!!!!!!!!!!!!!:ranting: المهم بعد تزهيق وطفش دخلنا ورحنا لكراسينا

بدأت المباراة المهم بعد نص ساعة خويي كان محتاج موية وطلع شوي ورجع قلت وش فيك ؟ قال البوابات مقفلة !!!!!! يعني قلب سجن !!! :mad: في النهاية بين الشوطين فتحوا البوابات وكل طلع يوم بدأ الشوط الثاني ويقفلون البوابات ! والناس برا حول 200 شخص وبعد طلبة وبعد ما مرت 5 دقايق من الشوط الثاني فتحوها !

حسيت إنا ما حنا في ملعب! تقريبا إصلاحية شي زي كذا


والله شي يقهر ولازم يشوفون لهم صرفة ومهب اخترااااااااااااااااع وأطالب المهندس النمشان ما نبي شي منه إلا شي واحد : رقموا الكراسي ولو تبون أجي وأرقمها على حسابي ما عندي مشكلة أما اللي جالس يصير ما ينسكت عليه

لا طلبنا تضبطون الخروج وتنظيمه مع المرور ولا طلبنا مطاعم ولا شي فقط رقموا الكراسي وخلوا البوابات مفتوحة

ملاحظة : كل اللي صار عند البوابة 27

ثانيا: قدامي 4 مقاعد فاضية ليش؟ واحد تاكي من يوم جا يقول محجوزة وفي الأخير لا محجوزة ولا شي !

ثالثا: احتساب عدد الجماهير كيف يجري؟ التذاكر يوم طلعنا مرمية على الأرض يعني لا عد ولا شي ! حضرت مباراة بونيوديكور وهذي والفرق أكبر من ألف مشجع بينها! الجمهو كان أكبر من العدد المعلن


بالنسبة لمجلس الجمهور الهلالي:

أمس الصراحة ومع احترامي وتقديري لهم ما لمسنا شي منهم


وللأسف الشديد واحد منهم كان يدخن !! وغثنا غث

ثانيا بخصوص الأعلام اللي وزعوها وزعوها بطريقة عشوائية جدا جدا المفترض مثل ملاعب العالم حطوها تحت الكراسي قبل دخول الجماهير عشان تكون العملية منظمة أكثر

وآسف على الإطالة وما أبي أخرب الفرحة لكن كل مباراة نقول إن شاء الله يتحسن الوضع لكن للأسف من أردى إلى أردى

وإن شاء الله نلقى الوضع متغير إذا تأهلنا بحول الله لنصف النهائي ونسمع المذيع يعلن حضور 65 ألف متفرج أقل شي s13s

كلامك سليم 100%


تخلف وهمجيه في العقليات بملعب الملك فهد
وهالشئ صار عادي بالنسبه لي
من 10 سنوات وحنا على هالحاله

لكن وش نسووووي


أتمنى احد يتدخل ويشووووف لنا حل
وياليت تطبق فكرة ارقام المقاعد بأسرع وقت
مع انه اذا طبقت لازم تجيب معاك عجرة ولا عصا عشان تقوم الي جالس مكانك اذا جاء يقدح عليك

قسم بالله شي يقهر

شوي ويفسخونا والله

انا مره حظرت مباراة لميلان فالسان سيرو والله العظيم أن التفتيش كان عادي جدا هذا ومقر عصابات المافيا هناك ولا فتشوا بقوه

اما هنا اعوذ بالله يخلون الواحد مايحظر أبد الى متى والله

كلاااااااامكم صحيييييييييييييييييييح


بس وش نسوي

عوووووافي يالغالي
لكل مجتهد نصيب ولا يوجد عمل كامل الكامل وجه الله
اما بالنسبه لقطع تقول جطوها على الكرسي علشان يجي واحد ويخذ حقت كرسيه والعشر الكراسي الي بجنبه
بس امس اجتهدو وعملو وما قصر على هذه الحضور لا تنسا هم يعملون بالمجان ويدفعون من جيبوهم بااوقات كثير
ولا تنسا هم لا يتعملون مع واحد او عشر ولا الف هم مع خمسين الف
يجيك واحد محترم وعشره غير محترمين ؟؟؟؟
بس لزم اقل شي الشكر ثم الشكر ثم التوجيه على البعض النقاط الصغيره والبسيطه
وشكر
اسف على الاطالة
يسلموو

الله لاتوفقهم ونظامهم الغبي الي مثل وجيهم بالله اي سبب الي يقفلون بوابات الواجهه

مساكين خلهم هاذي الخطط المهروسه

انا اللي سامعه ان العساكر اللي بالملعب يكونون مجازيين يعني تلقا المدير حقه معاقبه ويحطونه بالملعب وتجي اخلاقه زفت فعشان كذا
المفروض اصلاً يكونون العساكر بس داخل الملعب ( مكافحة الشغب ) اللي دار مادار على الملعب ويكتفون بشركة خاصه تنظم دخول الجماهير عند البوابات كذا صح بس الشكوى لله

والله صادق انا اروح منصة
وامس رحت والله فرق قبل المباراة
برربع ساعة وجاي والمحل محجوز
تحس افضل المباريات الجماهيره احجز منصة
لأن اجي من 4 العصر انهلك صراحة تبدأ المباراة
اطفي وصراحة المنصة ناس اخلاق ولا زي المدرجات
همج تحياتي ويالنمشان تكفى نفذ طلبنا

السلام عليكم

والله كلامك صح دائمآ هاذي حركاتهم مع الهلال في الرياض :ranting:

في مباريات الهلال .... في جدة او مكة ما قد شفتهم يقفلوا الأبواب :naughty:



الله يوفق الزعيم في آسيا:ba:

ياشباب فيه اجرأت أمنيه هي لصالحنا في كثير من الاحيان عشان الأسلحه والمخدرات والالعاب الناريه زي ما شفنا في برنامج 99 عن الجماهير الصفراء اللي انمسكو بممنوعات يبيعونها في الزحام وسكاكين والتباعد بين الكراسي اشوفه شي ايجابي ومريح اذا كان فيه امكانيه للتباعد

مجــلس الجمهووور يشكر على المجتهودات الكبيره والملموسه


اعتقد ولا مشجع هلالي يمتلك الحق ان ينتقد المجلس


امااا عن التوزيع اهم شــىء وصلت لجميع المشجعين الي بالواجهه السفليه وهذا المراد

مجلس الجمهور الف شكر لكم

اتمنى تتقبل انتقادي بصدر رحـب


تقــبل مروري ,,,