عزيزي اللي تقول بأن التذاكر نفدت ليه؟ نهائي كأس العالم مثلاً .. ادخل ياللي مشكك تروح ولا ماتروح المباراة .. - نادي الهلال السعودي - شبكة الزعيم

فـخـامـۃ هلالي · #1 15/09/2010, 03:39 PM

السلام عليكم ورحمة الله وبركاته
\\
\\
كيف الحال .. انشالله الجميع بخير .. تمنياتي بذلك
\\
\\
انشالله اليوم الفوز من حليفنا .. وأعلموا لن يذهب الفوز الا لمن يستحق الفوز .. وانا برأيي ان المستحق هو نحن
\\
\\
هذه مجرد مقدمة اعزائي الهلاليون ..
\\
\\
انا اليوم اصب جام غضبي

على اللي يتكل على غيرة ويصبر نفسه بقول نفدت جميع التذاكر

ياجماعة الخير كلها صحافة صفراء وكلها تخدير في تخدير .. نبيها فل .. انشاء الله ..

اعذروني ياللي تصبر روحك بقول ان التذاكر نفدت وهذا القول في الصحافه .. سأصفك بالمشجع المبتدأ

الحين بعد كل كلامي راح تقولي عطني اثبات .. وه بس تبي اثبات على راسي ..

الاثبات عزيزي اللي مصبر نفسك بقول نفدت التذاكر .. ان موبايلي لم تصرح بنفاد جميع التذاكر كونها هي الشريك الاستراتيجي للزعيم

سمعنا قبل يومين من اعلان نقاط البيع بأن تذاكر المنصة نفدت .. وماشاء الله في عضو شاري 7 تذاكر منصة

ياجماعة الخير كلها تخدير .. وكلها صحافة صفراء

امس مصرح جونينهو انه مشتاق للعب بين الجماهير الغفيرة ..

وصرح السيد ايريك جيريتس بتمنيه بعدم وجود كرسي فاضي ..

وانا اصرح لااحد يلتفت للصحافة الصفراء والى الكلام الفارغ .. بأن التذاكر نفدت ..

انا اثق بالجماهير الزرقاء

كلامي للهلالين اللي في الرياض خاصة .. لكوني كتبت الموضوع متأخراً

تحياتي .. فخــامة هلالي ..

> على فكرة
نبيها فل<

*زعيم الثلج* · #2 15/09/2010, 03:54 PM

أكــــــــــــــــــــــــــــــيد مانفذت

$الشفق الأزرق$ · #3 15/09/2010, 04:04 PM

الله يعطيك الف عافيه اخوي

والتذاكر متبقي منها أكثرمن 47,000 تذكره

ان شاء الله تخلص اليوم قبل الساعه الثامنه

...LEEPOO · #4 15/09/2010, 04:18 PM

هذي مجرد اشاعات من انصار ......[الفقراوي]

ولا هي مانفذت ولا شي

وانا الحين توني مشغل السيارة وعالملعب

وادعو لنا بالتوفيق.....

هلالي والراس عالي 7 · #5 15/09/2010, 04:21 PM

والله ياليت الأخـبار صدق نبيها فل
بس هذي اشاعات لآتصدقونها ياجمهور الزعيـم ..
لآهـنت أخـوي ..

شادي 2010 · #6 15/09/2010, 04:23 PM

أعتقد الساعه 6 المغرب حتكون الواجهه فل , وبعد صلاة المغرب بنصف ساعه حيكون الملعب فل , لا كن نتمنى عدم الاتكاليه

لزقه · #7 15/09/2010, 04:23 PM

والله ما ظنتي بتمتلي الواجهه

خويتها · #8 15/09/2010, 04:26 PM

ان شااء الله فلل

لاحد ياثر على احد

رح للملعب اللحين واذا لقيتها نفذت
اقرب مقهى طالع المباراة فيه وش بيضرك

اصلاا الطريق يونس كله تشجيييع ووناسه

مـاضـي · #9 15/09/2010, 04:27 PM

هلابك فخامة هلالي

طيب واللي مالقى احد يروح معه

يروح لحاله مثلا

آلف شكر لك ..

هلال اسيآ · #10 15/09/2010, 05:24 PM

إقتباس

الرسالة الأصلية كتبت بواسطة MάDђĬ


	هلابك فخامة هلالي طيب واللي مالقى احد يروح معه يروح لحاله مثلا آلف شكر لك ..

الحبيب رايح يسولف مثلا !

يالغالي انت رايح تشجع وتساند الزعيم و راح تكون بين جمهور الزعيم

وبأذن الله ماترجع الا وانت رافع راسك ومستانس

عـ_ـأشـ_ـق 20 القنأص · #11 15/09/2010, 04:30 PM

اناااااا ساكن في النسيم طلعت اروح البقاله ولا اشوف الملعب فاااااااااااااااضي؟!

تكفون احضروو ياجمهور الرياض بالخصوص لان جماهير الي برى ماقصرت وجت بالباصااات؟

مهلوس بالزعيم · #12 15/09/2010, 04:31 PM

يهوووووو. توي جاذ انا. باقي اكثر من 30 الف. ترى ما نباع شي. والله شكلكم منتم مالين الواجهه

امل الشعوب · #13 15/09/2010, 04:36 PM

الى حد الان لم بيتم بيع سوى 22458تذكرة فقط .. ونا الحين ف الملعب __( بيعلمكم معه بلاك بيري )

فـخـامـۃ هلالي · #14 15/09/2010, 04:37 PM

يعطيكم العافيه على التفاعل شرفتو الموضوع

اما كنا نقول الملعب فل الحين جت عالواجهه..؟

حاتم · #15 15/09/2010, 04:43 PM

يا شباب انتم الي اقعدون تكتبون قومو البسو والى الملعب
صحيح نكتب ونرفع بالجماهير الكل
احضرو اذا لم نحضر الان متى نحضر
الحضور و الحضور ثم الحضور وبالخط الاحمر العريض