نادي الهلال السعودي - شبكة الزعيم - الموقع الرسمي - امواج تسونامي قادمة .. دعمنا المعنوي اهم .. وتذاكر طيران بالمجان ...قصص كثيرة تجدونها بالداخل ..

السلام عليكم ورحمة الله وبركاته ...

اولا احييكم .. .. رواد شبكة الزعيم ..

طبعا لا احد ينكر .. دور رؤساء الاندية ودعمهم لزعيمنا ... بنقل الجماهير .. من جميع انحاء المملكة ..

وحتى خارجها .... وحتى الجمهور ايضا ... .. كلن فعل مايستطيع فعله ....من اجل الزعيم..

وهذا ماسوف نرى نتاجه في الملعب باذن الله ...

على العموم هذه مقدمة لموضوعي ....

بصراحة لما رأيت ... بعض الجماهير الهلالية ... (خارج الرياض ") يودون الحضور للمباريات ...

فخطرت لدي فكرة ...:alzaeem: .. واكيد الفكرة هلالية >>لاني لا افكر الا بالهلال دائما ..

حينها.. استثمرت وقت وجودي .. في منطقة جده ... حاليا ... (طبعا انا من سكان الرياض )
وقلت في نفسي (جده بعيدة واكثر الناس تعب عليهم السيارة )...

قلت في نفسي ثاني مرة ..>> قايلكم ماافكر الا بالهلال ( لازم ندعم الهلال ولو بشيء بسيط )..

فقررت الذهاب الى اقرب مكتب حجز خطوط طيران ....طبعا مالقيت حجز تذاكر .. قبل السبت ..

حينها بعد توصية من احد اصدقاء اخواني لقيت 8 تذاكر يوم الثلاثاء ... طبعا اكيد حجزتها ..

تتوقعون لميين ..؟؟

اكييد لجمهوور الزعيم ....

فبدأت رحلت البحث عن جماهير الهلال الثمانية .. وطبعا هاذي اسهل مهمة .. لكثافة الجمهور الهلالي في جميع المناطق ..

طبعا قلت انا رايح لجده ... وقلت اكثر الناس اللي اشوفهم في منتزه الشلال ..

رحت هناااكــ ... وادور وابحث وابحث وادور ... شوي والقى واحد لابس تي شيرت الزعيم ..

واكلمه >>طلع من الرياض ..

كملت طريقي المهم واشوف ناس قاعدين يتكلمون ... عن الرياضة ..

واجي واخش معهم ... واكلمهم عن مباراة الغرافة ... طلع فيه هلاليين .. 2 وواحد اهلاوي ..

المهم كلمتهم .. وقلتهم ماودكم تحضرون المباراة قالوا الا اكييد ... بس تعرف السيارة وزي كذا ..

قلت واللي .. يوديكم ويجيبكم بطيارة .. >>بس اكييد مو انا السايق ..

المهم الاخوان تفاجؤوو... وعلمتهم بالموضوع .. والحمدلله وافقوا ..وقلتلهم الرحلة الثلاثاء

طبعا بحثت بعدة اماكن اخرى لين لقيت .. الستة الباقيين .... والحمدلله .. لقيتهم ..

اللي ابوصله ... ان الدعم يجب ان يكون من جمهور الهلال سواء بالحضور والدعم المعنوي ...ونكون سباقيين قبل الاندية الاخرى ..

..

ختاما

موضوعي هذا ليس من باب التفاخر على احد او اني هلالي اكثر من الباقيين ااو شيء من هذا .. لكن والله لو امتلك اكثر من ذلكــ لقدمته للزعيم ... . وانا اعلم ان هناك جمهور هلاليتهم تفوق هلاليتي بمراحل .. ويكفي دعمهم المعنوي الدائم للزعيم بالحضور والمساندة ".

جماهير الزعيم كونوا في الموعد .. وانا باذن الله سوف اكون اول الحاضرين ...

فلتزلزلو الملعب .. بامواجكم .. وهتفاتكم ... (الهديرية)

جماهير الزعيم لنجعلها تسونامي ...لكن بنكهة هلالية ..

شاكر لكم وتقبلوا ودي وتحياتي ,,.

لن اذكر اسمي ... سوف اذكر فقط انني عاااشق سام 6 .. مخلص هلالي للابد..مع قائمة ملايين المخلصين للزعيم ..