|
بنروح لقطر لعيون الهلال بس كم مشكلة تواجهنا ..؟ السلام عليكم .. انا بدخل في الموضوع بسرعة .. انا وكم واحد من الشباب بنروح لقطر الشقيقة . وابي استفسر عن كم شغله علما اني من الرياض . 1- نقدر نسافر بدون جواز .. بالبطاقة الذكية .. مع العلم ان 2عمرهم اقل من السن المسموح وبيجيبون تصاريح موافقة من ابوهم .. هل يقدرون يدخلون بالبطاقة ومع التصريح . 2- سمعت ان اللي اول مره يسافر بسيارته لازم يجيب جوازه . هل هذا الكلام صحيح . 3- السيارة ليست بأسم السائق بل بأسم والده .. ماهي الاجراءات لاستخراج التفويض وكم يستغرق ..؟ << مهم جدا 4- البطاقة اللي معنا فيها الشريحة بس طلعوا بعدها وحده الصورة تصير ابيض واسود هل لازم اغير بطاقتي ولا عادي مافيه فرق ..؟ * اتمنى تحري الدقة , تعبت من بعض الكلمات العربية .. :s2: اتمنى انكم تساعدوني ..</B> |
يمدحون الاستراحه والقهوه كل عام ونت بخير |
ياشيخ كنك تدري متواعد وانا واثنين من الشباب نطلع وكنت ناوي اسال لكن موضوعك يكفي ياليت اللي راح يسال لنا عن الوضع وكم كيلو بالظبط من الرياض الى الدوحه وبطاقه تكفي ولا لازم الجواز |
مســـــــأء الخير اخوي (p-nedved11) انا راح اجيبك على اسئلتك من واقع تجبرتي... 1- ماعندك مشكله بس اهم شي صور التصريح قبل ما تروح عشان ماتتاخر عند الجمرك. 2- لااعلم. 3- يجب على السائق ان يقوم والده باستخراج تصريح خارجي للقياده من المرور وهذا شغلته ابو يوم او بالكثير يومين. 4- مايهم اللون اهم شي تكون الهويه الوطنيه .. اتنمى ان اكون ووضحت لك الصوره وتروح وترجع سالم يــــارب |
إقتباس:
طبعا بنجلس اسبوع منها سياحة ومنها دعم .. :naughty: وانت بخير |
إقتباس:
كل عام وانت بخير |
إقتباس:
بس انت متى سافرت ..؟ وكل عام وانت بخير :alzaeem: |
بالنسبة يا حبيبي للـسؤال الأول .. فأبن خالي كنا طالعين البحرين .. وكان تحت 21 سنه .. يدخل دايم بالجواز .. قال هالمرره خلني اجرب البطاقه .. وعطاهم البطاقه والتصريح .. ووافقوا .. وبالنسبة للسؤال .. 4- البطاقة اللي معنا فيها الشريحة بس طلعوا بعدها وحده الصورة تصير ابيض واسود هل لازم اغير بطاقتي ولا عادي مافيه فرق ..؟ فأقولك يالحبيب .. البطاقة اللي كانت مع ابن خالي ملووونه .. اللي قبل الابيض والاسوود .. انا بطاقتي اللي اطلع بها ابيض واسوود .. يعني الزبده كلها تمشي دامها على قولة احد الاخوان فووق (( الهويه الوطنيه )) بالتوفيق حبيبي .. ويفيدونك الاخوان اكثررر .. وبإذن الله موعدنا ملعب الغرافه .. :) |
1- نقدر نسافر بدون جواز .. بالبطاقة الذكية .. مع العلم ان 2عمرهم اقل من السن المسموح وبيجيبون تصاريح موافقة من ابوهم .. هل يقدرون يدخلون بالبطاقة ومع التصريح . ج- تقدروون تسافرون باذن الله . وانا مجرب . وبالنسبه للتصريح . جب صوره منه عشان ما ياخذون منك الاصلي 2- سمعت ان اللي اول مره يسافر بسيارته لازم يجيب جوازه . هل هذا الكلام صحيح . ج- لا مو لازم لنه الي بيتسجل في الجهاز معلومات السياره وصاحبها . اهم شي الاستماره 3- السيارة ليست بأسم السائق بل بأسم والده .. ماهي الاجراءات لاستخراج التفويض وكم يستغرق ..؟ << مهم جدا ج- هذي سهله جدآ . الوالد الله يحفظه ياخذ صوره بطاقتك ورخصتك . وصوره من الاستماره . ولا ينسى صوره رخصته وبطاقته كذلك . وصوره التامين ساري المفعول .مع الفحص اذا وجد . ويروح المرور . وياخذ له كم توقيع علي الماشي . ما ياخذ ابو ساعه ان شاءلله .. (ويكون مافي مخالفه لا عليك ولا عليه ) 4- البطاقة اللي معنا فيها الشريحة بس طلعوا بعدها وحده الصورة تصير ابيض واسود هل لازم اغير بطاقتي ولا عادي مافيه فرق ..؟ ج- اي بطاقه جديده سوا ملونه او ابيض واسود . تمشي اهم شي ما تكون القديمه ام خريطه .. يعني بالعربي زي الجواز يكون فيها . خط ممغنط . ===================================== وان شاءلله اني فدتك . وخذ حذرك هناك وانا اخوك المرور متشدد هناك . والاشارات عندهم ساهر منذ مبطي . ولا تقط شي من دريشه السياره سوالف ربعنا في السعوديه في غرامه . ورافقتكم السلامه . تراك بتشووفني بالملعب ان شاءلله :) |
إقتباس:
احسنت وبارك الله فيككككككككككككككككككك |
انا وربي افكر اني اطلع لـ قطر لاني ماراح احظر مبارة الرياض .. على شان كذا قررت اروح لـ قطر بس الشكوى لله بروح بالباصات بس الي مامعه جواز واول مره يسافر برى السعوديه .. هل يقدر يروح قطر ببطاقه |
اي سياحة الله يرحم والديك انا قبل اسبوع جاي من قطر كنت رايح ادور على سيارة اشتريها كنت ناوي اجلس ثلاث ايام بس اقسم بالله من قوووة الطفش يوم واحد وانا راجع للسعودية بالتحديد الدمام . وان شاء الله تروح وترجع بالسلامة وانا راح اكون حاضر في مباراة الهلال سواءا في الرياض يوم الاربعاء او في قطر وكل هذا لعيون الزعيم ( الهلال ) 1/ تقدر تسافر الى قطر بالبطاقة الجديدة وماتفرق بين الملونة وبين الاسود والابيض والشباب اللي معهم تصاريح يقدرون يسافرون بس بشرط تكون البطاقة جديدة والتصاريح موجودة ومصورة صورة وحدة لكل تصريح . 2/ لا غير صحيح اهم شي تكون البطاقة موجودة معك . 3/ استخراج التفويض سهل جدا جدا جدا صورة من تامين السيارة مع الاصل - حضور مالك السيارة وصاحب التفويض - استمارة السيارة - رخصة المفوض له - التاكد من عدم وجود مخالفات سواءا على السيارة او على صاحب التفويض -فقط هاذي الاشياء المهمة لاستخراج التفويض والموضوع مررة سهل يخرج التفويض بنفس الوقت وبسرعة شديدة 3/ بالنسبة للبطاقة عادي جدا مافي اي فرق بين الملونة وبين الاسود والابيض . وتحياتي لك وتروح وترجع بالسلامة وانا راح اكون موجود في الرياض وفي قطر وبالتوفيق لزعيم اسيا ( الهلال السعودي ) |
مشكورين جميعا على الافادة والله يعتق رقابكم من النار والمسلمين |
وانا زيك دعــم وتمشيــة واعتقد ان الاخوان وضحوولك الصوورة اهم شي انتبه من ساااهر اللي عندهــم ملعون والدين رحت يوم مباراة السد بس ساعتين فرارة بالشوارع و14 مخالفة(شغل فلاشات)خخخخ واهم شي التمشية باسباااير وسيتي سنتر مرة خــوؤوقــآأآق |
بتوفيق لك اخوي وانشاء الله تتيسر امورك والى الاماام وانشاء الله اسياا وتقبلو مروري:9 زعيم ومن قدي20 |
| الوقت المعتمد في المنتدى بتوقيت جرينتش +3.
الوقت الان » 06:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd