السلام عليكم

اولا احب اني ابدي اعتذاري المسبق للجماهير الواعية اللي مالها دخل بالكلام اللي بيجي ، وخصوصا اننا بالعشر الأواخر .
ثانيا اعتذر للمشرفين لنوعية الموضوع ، لكن الموضوع ماينسكت عنه وماعندي نيه اغير رايي .







سالفة من العام الماضي :
انا من الناس اللي تحضر لمباريات الهلال بشكل متقطع وموب مستمر
لكني اذا رحت اروح مع مجموعة اقاربي او بعض الزملاء (بسبب مشاكل الحضور والعسكر وفقدان المقاعد وقت الصلاة اللي يخلينا نخلي واحد منا يحرس المقاعد لين نرجع من المصلى)



الموسم الماضي حضرت مباراة الهلال والاتحاد بالرياض (سنة الخمسه :d )
ولما بدأ الشوط الأول لقينا احد الجمهور يرمي كاس موية على اللي جالسين تحت (كان يبيها على دكة الاتحاد لكن ماقدر يرميها صح)
حنا ضحكنا نحسبه يبي يستفزهم ولا شي .. واشرنا له بايدينا .. هدي يابو الشباب
اثاري الرجال مندس
وعرفنا هالشي لما طلع اللزر الاخضر وقام يسلطه على لعيبة الهلال
يحسبنا اننا مانشوفه وربعه مغطين عليه



طبعا بدون تفاهم
نط ولد عمي عليهم وحنا لحقناه
قمنا طقيناه طق هو واخوياه
خليناهم يتفلون العافية
والحقيرين يصارخون : والله لا اوريكم ياكلاب ... يافريق الحكام والرشاوي .. يا ×××××



وعلى قولة القصبي : رنووووه رنووووه فقعو وجهه :bash:
http://www.youtube.com/watch?v=TnY23M4q0bk&feature=fvst (الدقيقة 1:00)



المهم ان العسكر تدخلو وطلعوهم برا ولا كأنهم سوو شي
لانهم كذبو عليهم وقالو دخلنا نحسبها جهة الاتحاد وضربونا يوم فرحنا بالهجمة !!! :cry:(مع ان الهلال توجه جايب هدف)
طبعنا حنا تفرقنا وماعرفونا

ياحبني لكم ياجماهير الهلال وقت الفزعه :ga:






نجي للزبدة :
اقسم بالله العلي العظيم لو شفت مندس او غير مندس ومعه ليزر او ألعاب نارية او بيرمي أي شي بغرض افساد مباراة الهلال لن اسكت له وراح أمنعه بكل مااحمله من قوة


واقول هالكلام لاني اشم ريحة تخريب عند الفقراوية
بقيادة بطل دعايات علوك النيكوتين s69s
وبمنتديات عماد راعي البوفيه :to:


انا ادري ان العسكر اغلبهم فقراويه وجايين علشان البدل ومادرو عن التنظيم
لو رحت وشكيت والله مايعطينا احد وجه
ومايتدخلون الا اذا شافو هوشه




وش بينفعني العسكري اذا نقلت مباراة للهلال ؟؟!!
وش بينفعني الهدوء اذا مراقب المباراة كتب بتقريره كلمة (مناوشات) وترجموها ربعنا (شغب) ؟؟!!
وش بينفعني لو طارت اسيا لاني سكت عن الباطل (ماعندي نيه اصير شيطان اخرس) ؟؟!!




اكرر اعتذراني
اتمنى من المشرفين لو بيحذفون الموضوع انهم يصبرون يومين على الاقل لين الفقراويه الحسودين يقرون هالموضوع






معلومة : من الخطأ ان تقول (زيد مشجع نصراوي) .. بل الصحيح ان تقول (زيد مشجع نصري)

مثال :
فخر - فخري (صحيح)
فخر - فخراوي (خطأ)
نصر - نصري(صحيح)
نصر - نصراوي (خطأ)






تذكير:
لا احد يجلس جنبي ويقول تراك اقلقتنا
انا جاي اشجع بملعب حكومي وماجيت اشجع بحوش بيتكم s13s










قفلة : http://www.youtube.com/watch?v=veU9V...eature=related






واللي بيستهتر يقدر ياخذ راحته
الهلال اهم عندي من رايك