|
وين نشوف المباراة فيه في دبي؟ سلام عليكم وكل عام وانتم بخير مقدما والله يجعلنا وياكم من المقبولين في هالشهر الكريم باختصار شديد بكون بإذن الله في دبي خلال اجازة العيد ومحتار ما ادري وين اشوف المباراة فيه ابي مكان يعطيني جو في المباراة لأني اقدر اشوفها في الفندق بس هذا اخر اخر اخر حل اللي يخبر مكان كويس ممكن اشوف فيه المباراة ما يكون فيه شيشة كثير (يعني ما يكون تركيز المحل على الشيشة وبس) ويفضل لو يكون مكان ألقى فيه هلاليين يشوفون المباراة معي. ويكون حول المناطق السياحية في دبي بحيث ما اطق مشوار بعيد. اللي يخبر لي مكان يسوي فيني خير ويمكن بعد لو يكون فيه اتفاق للي بيكونون في دبي في فترة العيد نشوف المباراة في مكان موحد عشان نشكل عدد للجمهور الهلالي في دبي اللي بيدعم الهلال في مباراة الغرافة. سلام عليكم |
اذا تــبي جــو يطـــربك رووح لأستــــاد الملـك فهـــد حتى لو انــك بـ دبــي للتــوآصــل >> 2191A3B0 << بس يقــولي انو من شبكــة آلـزعيـم على شــآن آضيفه الى فئـة شبكـة آلـزعيـم .. |
تابع قناة دبي وراح تشوفها والا تدري خل عيد دبي عنك وتعال للاستاد |
بسألك احد بدبي وبردلك اليوم ان شاء الله ..!! |
انا بكون بدبي وقت المباراه .. والله صدق مشكله نبي جمهور هلالي هناك ياليت نلقى مكان حلو ونجتمع فيه هناك للتواصل 220ecfd4 |
أبو رنا لو اني في الرياض كان ان شاء الله حضرتها الشي اللي يمكن يمنعني اني احضرها في الاستاد لو اني في الرياض هو شي واحد اني نحس في استاد الملك فهد اخر 4 او 5 مباريات حضرتها للهلال او المنتخب في الاستاد كلها خساير السعودية وكوريا حضرتها وخسرنا الهلال وام صلال حضرتها وخسرنا الهلال والنصر الدوري حضرتها وخسرنا الهلال والشباب نهائي فيصل حضرتها وخسرنا والظاهر فيه خامسة بس نسيتها من بعدها وانا ماش اخاف احضر مباراة في الاستاد بس اتحرى المباريات في الملز اخوي سلطان المشكلة مهيب في القناة يا كثر القنوات اللي بينقلونها واكيد بتكون موجودة في الفندق ان شاء الله المشكلة وين المكان اللي بيعيطيني جو حلو للمباراة وما يكتمني بالشيشة :( لأني سمعت عن مكان اسمه ريم البوادي على الجميرة بس شكله كله شيشة أبو شملان تسوي فيني معروف لو تلقالي مكان حلو اشوف فيه المباراة ما أبي النهاية التعيسة في غرفة الفندق :( ابو يعقوب ياليت والله نلقالنا مكان ويجتمع فيه الجمهور الهلالي يشوفون فيه المباراة سوى يسوون جو لبعض ما اقعد تعيس اشوف المباراة لحالي |
هلا والله أخوي أنا والله ما أعرف بس أكيد ان شاء الله الزعماء ما يبخلون عليك تقبل مروري |
وإذا تبغى راحة البال .. فيه بالشارقة .. وأنت على البحر متجه غرب على ما أعتقد وتاخذ لك لفة على الشاطي ويكون المسجد الجديد الحجر واضح على يمينك .. ولما يلف الخط على البحر تلقى كوفي بالدور الثاني على يسارك لوحته واضحة واسمه برلين .. عندهم عصيرات وقهاوي وشكله محافظ .. |
هذه احد الردود التقطتها لك عزيزي .. بس لو تحدد مكانك تكون مفيدة للجميع و أتمنى انك ماتروح الا المقاهي النظيفة شرواك ان شاء الله . |
أخوي محمد يعطيك العافية وما قصرت أخوي هيروشيما اشكرك على الاقتراح بس وانا اخوك كنه بعيد شوي الشارقة والا لا خصوصا اني بكون ساكن في الجهة من دبي الاقرب لأبو ظبي لكني بحط الخيار هذا في بالي يعطيك العافية |
أخوي أنا معك بتابع المباره بادبي تقبل المروري |
روح ال ي jbr مكان زحمه وزحمة سعوين وقهاوي |
هلالي متكبر حياك الله خلك معنا في الموضوع الين نلقالنا مكان هلالي الزعيم الـJBR صح كله قهاوي وسعوديين بس انا العام كنت هناك وكنت ابي اشوف مباراة كان ما فيه الا مطعم زعتر وزيت هو اللي كان عنده شاشة وحدة الباقي اذا ما خانتني الذاكرة ما كان عندهم شاشات الا ان كان الوضع تغير الحين فمدري قالي واحد عن قهوة او مطعم في امارات مول اذا خليت السينما على يمينك ومشيت كنك رايح تبي تطل على الثلج بعد تيشيز وصفة المطاعم اللي عناك يجي ممر على يمين تدخل فيه ويجي على يمين احد عنده خبر عنها؟ لأنه يقول منيب متأكد وش وضعه بس يقول الظاهر ان عندهم شاشات ويعرضون مباريات بس مهوب متأكد |
اعرف امارات مول لكن ماظني بوه شاشات حتى لو بوه يمكن لناس معينيين مانيب متأكد مية بالمية و الله .. بس حبيت اذكرك رح لمكان بعيد شوي و ترتااااح افضل من مكان قريب و ماترتاح مثل الارتياح البعيد انا معرف المقهى اللي بالشارقة صراحة بس اللي بأحد الردود اللي نزلته يمدحه .... شكرا |
اخوي اكيد اكثر المقاهي بتقلى جمهور كثير سوا يشجع الهلال أو الغرافه . بس انتبه من العراقيين هناك ترى هم يشجعون الغرافه لعيون يونس محمود . ترى صحتك اهم من انك تقهرهم اذا فزنا عليهم ان اشاء الله .. وحتى المغاربه بعد مع العساس .. لان دبي يكثرون فيها الاجانب << مثل جده ^_^ حمد |
| الوقت المعتمد في المنتدى بتوقيت جرينتش +3.
الوقت الان » 01:42 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd