[ حملة ] نبيهآ فل .. [ 6 / 10 ] يـ الموج الأزرق @ أدخل وسجل حظورك - نادي الهلال السعودي - شبكة الزعيم

MM3.HILAL · #1 02/09/2010, 07:12 PM

نبيهآ فل .. [ 6 / 10 ] يـ الموج الأزرق @

بسم الله نبدأ الحملة .. تقريبا باقي اسبوعين على المباراة .. لازم نسوي اللي علينا كجمهور

الخبر اللي انسخ 300 مليون مرة .. وكل واحد يقول .. أبشركم ترى أريكسون وافق .. ماهو

وقته أبدا أبدا أبدا .. بررضو فيه ناس للحين ما استوعبت إن جريتس ما راح يروح إلا بعد الاسيوية

أنا شايف إلى الان فيه ناس يعتقدون إن جريتس بيروح بعد مباراة الغرافة .. المهم دام إن

جريتس راح يجلس معنا و يمشي متى ما طلعنا من الاسيويه ( إن شاء الله ما نطلع إلا بالكأس )

يا ليت نترك اخبار المدربين و كل شوي نكرر خبر آريكسون وافق و آريكسون وافق

لجيتونا بهالآريكسون .. والله لو إنه ناصر الجوهر يوم معطينه كل هالهالة الإعلامية

قرينا أخبار إن إدارتنا جمدت المفاوضات إلى ما بعد مباراتي الغرافة .. طيب مو حنا اللي معجبين

بإداراتنا ؟؟ مو حنا اللي طايحين فيها مدح و خاقين معها ؟؟ طيب ليش ما نخليها قدوتنا

ونسوي مثلها و نترك الحكي في المدربين و نتفرغ لتحفيز الجماهير و تحفيز اللاعبين بعد ؟؟

شدوا حيلكم يا شباب .. الحملة منكم و إليكم .. اللي يعرف يصمم يصمم .. اللي يعرف

يخرج يخرج مقطع فديو تحفيزي .. راعين الريمكسات يحفزون الجمهور بريمكسات

راعيين الاقلام و المواضيع أقلامهم على حسابي .

مثل ما انتم عارفين إننا مو كلنا نضحي للهلال بنفس الدرجة .. ممكن انا و انت بدون لا أحد

يحفزنا نلقى رجولنا و تواير مواترنا تروح يم الملعب حتى لو يلعب الهلال و الجيل .

لكن فيه غيرنا اذا ما أحد حمسه و شاف العالم متحمسه .. يقول وش هو له أروح ؟

فيه ناس ما تبي تحضر المباراة .. واذا شافوا مقاطع جميله للجمهور زي اللي صارت

في مباراة بونديكيور يغيرون رأيهم و يحضرون .. بعد فيه ناس باقي في وجيههم شوية ماء

واذا سمعوا إن فيه جماهير مظبطة أمورها على أنها تجي من مكة و المدينه و أبها و الشرقية

و عرعر و تبوك عشان تحضر مباراة الهلال يستحي على وجهه و يقول هذولا يطقون مشاوير

وانا متعيجز و الملعب ما يبعد عني إلا نص ساعه .

يا ليت نركز على تحميس الجمهور اللي مو متحمس .. لأن أكثر شي نقدر نسويه كجمهور

ندعم الفريق .. ونحضر و نملى الملعب

نبيهآ فل .. [ 6 / 10 ] يـ الموج الأزرق @

Gz-3 · #2 02/09/2010, 08:59 PM

//

الله يعطيك العآفيه على الموضوع الحمآسي صرآحه
وبأذن الله الجمهور يملون الملعب كله.

سجل عندك أول الحآظرين

فراس الموهوب · #3 02/09/2010, 09:02 PM

والله ياليت احضر بس عندي ظروف مااقدر .. !

ع العموم الباقين مايقصرون ان شاء الله

عواافي

blue white · #4 02/09/2010, 09:04 PM

عوااااافي أخوي على الطرح

باذن الله راح نحسم التأهل من الذهاب وبنتيجه كبييييره

والموج الأزرق ماراح يقصر الملعب بيكون فل ان شاء الله

بالتوفيق لزعيم اسيا

20 الكاسر ياسر 20 · #5 02/09/2010, 09:05 PM

موضوع مهم وفي وقته ، لازم نوقف جنب الهلال قدام الغرافه ونترك الامور اللي ماراح تفيدنا
على جنـب .. الهلال يحتاج وقفتنا في هالبطوله المستعصيه .

نـاقـد ومـحـلـل · #6 02/09/2010, 09:09 PM

بـإذن ، الله ، حآظرين ، وسوف ، نكون مع الزعيـم ، قلبأ ، وقالبآ

دمــتــم

كيّف · #7 02/09/2010, 09:41 PM

إن ًَ

شـاء ٌٍ

الــله
==> حاضر حاضر حاضر ومعي ثلاثه من اخويااااي ..في الرياض وقطر بإذن الله

تَقِبٍل مٍرورٍي ..

HAYA92 · #8 02/09/2010, 09:50 PM

مووووووضووووووعكـــــ’’,,’’ حمآآآآآآآآآس
يآليت آقدر آروح <<< مع اني بآلريآض بس آنـــــــــــــــآ
>>>>بنتــــــــــــت<<<<
الحــــــل بحآول في آخوآني وبيروووحوووووون صقر آخوي بآذن الله آضمنه بس زيزو <<مدري عنه >>
وآدعي لهــــــم ,,’’,,
لكـــــــل البنآت <<< هذا الحــــــــــــــــــــــــــــــــل ..
<<<
لآهنت يآآلغ ـــــــلآ

وليدالقوي · #9 02/09/2010, 09:53 PM

الله يعطيك العآفيه على الموضوع الحمآسي صرآحه
وبأذن الله الجمهور يملون الملعب كله.

سجل عندك أول الحآظرين

abodi al hilaly · #10 03/09/2010, 01:11 AM

الوعد الدرة وان شاء الله سنملئ الملعب ونفوز ,,

ط ا ر ق ا ل ت ا ي ب · #11 03/09/2010, 01:25 AM

شباب ترا الغرافه يخاف من الحضور الجماهيري تذكرون مباراته مع الاستقلال حضر 60 الف وانتهت النتيجه للاستقلال 3-0 يعندي لو نفوز ثلاثه نحسمها باذن الله ...

انا عن نفسي حااضر للملعب

كدبــووري · #12 03/09/2010, 01:29 AM

حااااااااااااااااااااااااااااااضرين

فــــALHILALـــهــد · #13 03/09/2010, 01:30 AM

الله يعطيك العآفيه على الموضوع الحمآسي صرآحه
وبأذن الله الجمهور يملون الملعب كله.

الفريدي 2008 · #14 03/09/2010, 01:31 AM

بإذن اللي ما تنام عينه ( جل شأنه ) حاضر ومعي مجموعه شباب من القصيم ..

ويالله يا كريم إنك توفق الزعيم .. اللهم امين ..

الزعيم الصلب رالديس · #15 03/09/2010, 01:33 AM

إن شاء الله سيملأ الجمهور جنبات استاد الملك فهد فجمهور الزعيم عنوان الوفاء والاخلاص وبإذن الله يطلعوا مستانسين بقطع نصف المشوار
لاهنت على الموضوع الحماسي وبالتوفيق لنادي القرن

تحيااااتي