[[ موبايـلي والحضور المجــاني ]] - نادي الهلال السعودي - شبكة الزعيم

bOoOoOoOoOoOoy · #1 03/09/2010, 01:33 AM

السلام عليكم ..

مساكم الله بالخير.. وعيدكم مبارك مقدماً ..

انا بصراحه قريت بعض ردود الاعضاء يطالبون موبايلي بشراء التذاكر بحيث يكون الدخول مجاناً ..

وانا من هنا أقولكم اذا مجاني مانيب حاظر .. << ضف وجهك لاتحضر

ادري فيه أعضاء بيقولون هالشي ..

لاكن يا أخوان انا حضرت كم مره والحضور مجاني لاكن بصراحه شفت حاجات تكرهك في الملعب وتخليك تقول

تووبه أحضر مره ثانيه .. ناس مالها دخل في الكوره ولاتدري المباراة بين مين ومين .........

لذالك اتمنى يكون الدخول بفلوس عشان نقدر نضمن ان كل من في الملعب جاي يشجع الهلال بإحترام .

والسلام عليكم ...

ضحكتي زرقاء · #2 03/09/2010, 01:38 AM

وربي انك صادق ويجيك جماهير الفقر يعني انني

يشجعون الزعيم بس عشان يكتب عنهم الاعلام ولا يطلعون في النقل التلفزيوني

ايه مانبييها مجانيه لعيون الزعيم ادفع واحضر واشجع

بس مايحضرون البزران والهمج اللى يحضرون عشان المباراة مجانية

زعيم وتفكيري سليم · #3 03/09/2010, 01:40 AM

أنا معك عزيزي

مانبي حونشيه يجون وعرابجه نبي ناس جايه تشجع

وبالتوفيق ان شاء الله

المخاطر _99 · #4 03/09/2010, 01:41 AM

أنا أتمناها مجانية لعشاق الزعيم فقط ..

وطرحت هنا فكرة تجنبنا حضور المخلوقات للمباراة ..

http://vb.alhilal.com/showthread.php?t=923299

الشــ10لهوب · #5 03/09/2010, 01:42 AM

الهلال يستاااهل تروح له حتى وان كان مجااني
اذا كل واحد مثلك موب حااضر محد حضر وش عليك منهم انت احضر وازر
+حتى لو كانت بفلوس كلها 20ريال

²ķάķά² · #6 03/09/2010, 01:42 AM

.
.
.

كلآآآآآآمك صحيح اخوي .. تجيك ناس ههههههه ماتفهم بالكوره شي حقين مشآآكل بس

اتمنى يكون الدخول سعره معقول , واتمنى من الامن يكون حريصين من ناس مدري شيبون من الحياه
تخش تجلس بكرسيك تحصل واحد وراك ويرمي قرش الفصفص عليك ,, يصوبها تصويبه على علبتك هههههههههه
وابن امك اذا قلت له شي

.
.
.
ياليت يشوفون حل << تراه دايم كذا

يعطيك العافيه حبيبي

.
.
.

هلالي 95 · #7 03/09/2010, 01:43 AM

^
^
^
موب اي سالفه تدخلون النصروش جاب طاري النصر اصلاً في قدساوي اتحادي بيدعمون نادي الهلال لانه سعودي ونصراوي

يأخوان لاتخلون الكرة تفرقنا.

خله بفلوس والهلالي يدخل

كدبــووري · #8 03/09/2010, 01:45 AM

والله مجاني بـ فلووووس باللي هي به
حاضرين ان شاء الله حاضرين ..~

هلاليه محترفه · #9 03/09/2010, 01:51 AM

في احد الاخوان طرح فكره
بحيث موبايلي تشتري تذاكر خلف المرمى
والواجهه بـ 20 ريال الي يبي يشتري

بكذا رضا جميع الاطراف
الشخص الي موقادر يدفع يحضر خلف المرمى
والي بيدفع يحضر الواجهه

وإذا شرت موبايلي التذاكر جميعها بالعكس الفائده للهلاال
لضمان حضور جماهيري أكبر ..حتى وان تضايق البعض بسبب بعض الاشخاص "غريبين الأطوار" .. مو سبب مقنع لعدم الحضور !!. . فهذه الاشكال تحصلها في كل مكان

هلالي عتيبـــة · #10 03/09/2010, 01:54 AM

كلامك صحيح

اتمنى الحظور يكون بفلوس

ترى 20 ريال مو مفقرتك نبي ندعم الزعيم

فراس الموهوب · #11 03/09/2010, 02:32 AM

والله انك صااادق

وبعدين بيصير فيه جماهير فقرااويه تحاول تخرب على الهلاال

عواافي

2HILALY0 · #12 03/09/2010, 02:32 AM

كــلآمكـ سلــيم .. بـس آذآ على قولتــكـ منتــب حآضــر لأن في نــآس تحضر و هــي مآ تفهم فــي الكورة

هذي معنــآته آنكــ مب حــآضر و لآ مبــآرآة !! لان هذي العينــآت من آلجمــهور بتشوفهــآ في كـل مبــآرآة مجـآنآ و لآ مب مجآنآ .. !

فــ آحضر آنت و لآتهــتم ..

و آنــآ بصــرآحة مـآ قد شفــت منهــم شي ,,, !!

Lionel Andrés Messi · #13 03/09/2010, 02:37 AM

طيب ليش ماتكون اول 30 الف تذكرة مجانا , والبااقي بفلووس

كذا نرضي الطرفيين ..

GMC-619 · #14 03/09/2010, 02:49 AM

مجاني ولا مجاني حاضر حاضر حاضر

وفي الدوحة بعد...

عاشق ابونايف · #15 03/09/2010, 03:01 AM

والله ياليت يكون الي ورا الحارس مجاني والواجهه ب20