الهلال × الغرافه .. هي مباراة نفسيه اكثر من ماهي فنيه ,, لا للأتكاليه ياجمهور الهلال لا للثوب والشماغ ,, ماهي الا ايام معدوده اذا كنت تحب الهلال فعلا
السلام عليكم ورحمة الله وبركاته ,,
طبعا كلنا نعرف يااخوان ان مباراه ا
لهلال ×
الغرافه .. ماهي الا ايام معدودهـ ورآح نلقى انفسنا نتابع المباراه اللي ننتظرها من شهووور
وماشاهدته حقيقه في المنتدى كثرت الحديث عن الامور الفنيه للاعبين وترك الامور المعنويه والنفسيه
ياجماهير الزعيم كونوا على ثقـه تامه بإن عندكم مدرب قدير بكل ماتحمله الكلمه من معنى سواء تكتيكيا فنيا وحتى انضباطيا
لم نرى هلالنا بهذا المستوى منذ امد طويل الا مع السيد جيريتس ..
ونسيتم وتهاونتم عن الامور النفسيه للاعبين ,, وكلنا نعرف مبارياتنا مع الفرق الخليجيه وحتى المنتخب السعودي لو يلعب مع منتخب خليجي تكون المباراه نفسيه اكثر من ماهي فنيه
نعلم ان الكوره السعوديه وانديتها تتفوق بكثير على الانديه الخليجيه لكن مجرد اصطدام الانديه ببعضها .. نجد ارتباك نفسي اشبه ماتكون بحرب نفسيه يحسها اللاعب في داخله خصوصا بهذه المباريات ..
بعكس مانلعب مع فرق اجنبيه ومنتخبات اجنبيه ...
اذن مالذي يجب ان يفعله الهلال في مباراة الغرافه ؟؟
يجب على الاداره والطاقم الفني ( التدريبي ) بالهلال .. تهيئة لاعبين الهلال نفسيا اولا في هذه المبارايات .. وتذكيرهم بعدم التهاون بالخصم مهما كلف الامر
وان يلعبوا بكل هدوء واريحيه تامه ( مابي اقول ثقـه مفرطه تخرجنا من المنافسه بدري ) ..!
لا يجب ان يعلموا انهم يلعبون للكيان الهلالي الفريق الكبير اللي بأي لحظه يقدر يقلب نتيجة المباراه .. خصوصا اذا دخل في مرمانا هدف بالدقايق الاولى يجب على الفريق
كله من لاعبين ومدربين واداره . ان لايحسو بإحباط بالعكس يجب ان تزداد لديهم الروح المعنويه ويلعبون لآخر الدقايق ويفرحون الجمهور اللي جاي من كل انحاء السعوديه , لازم يعرفون مدى اهمية هذه المباراه ..
لان لو لاسمح الله خسر الهلال بهذه المباراه ستتجه الامور للأسوأ بالتأكيد في البطولات الداخليه سواء الدوري او البطولات الاخرى ..
لانريد الهلال يحذو حذو شقيقة نادي الاتحآد .. كان الاتحاد يستحق الفوز لكن استطاع الفريق الكوري ان يتغلب عليه بالكرات الثابته ( يجب على الهلال ان ينتبه لهذه النقطه )
والاعلام حين ذاك سلط الضوء على الاتحاد واعطاه اكبر من حجمه لدرجة ان الاتحاديين ضمنوا الفوز وتناسوا من هو الفريق اللذي لعبوا ضده
لانريد للهلال ان يكرر اخطااء غيره .. ومن هذه الناحيه انا متطمنه لوجود اميرنا الغالي المثقف الواعي واعتقد ان الامير مستحيل تخفي عليه كل هذه الامور
الاداره وفرت كل شيء للاعبين
والجمهور بإذن الله سيوفر كل شي للاعبين بحضوره ومؤازرته للكيان الهلالي
والمدرب وسامي الجابر اعتقد انهم ادوا الواجب بإكمله ..
بقي اللاعبين .. ان ينتجوا كل هذه الجهود بالفوز ولا غير سوى الفوز
وان يدخل كل لاعب الى ارضية الملعب .. وشغله الشاغل اعطاء كل مافي جعبته في الملعب .. اريد ان ارى اللاعبين كلهم يدا واحده وبروح عاليه يلعبون ..
لآن هذا حلم كل هلالـي يطمح لفريقه الافضل
بالنسـبه للجمهـووور الهلالي يجب عليه اخذ هذه الاحتياطات
1- الرجااااء عدم الاتكاليه .. كل هلالي بالرياض او خارج الرياض يستطيع الحضور فليحضر
( لحد يقول والله ماني حاضر اتوقع الملعب بيمتلي وماراح القى مكان ويتدلع ويقول حر والامن مدري وش بيسوي .. اذا كنت فعلا تحب الهلال وتستطيع الحضور ولا عندك حجه لاتتكل واحضر وساند وشجع وخلي عرقك يصب لآجل الهلال )
2- اتمنى من الجمهور اللي بيحضر .. لحد يلبس ثوب وشماغ ويشخص .. انت مانت حاضر حفلة زوآج .. انت حاضر للملعب تبي ترتاح وتبي تعطي منظر من بعيد للجمهور الهلالي اللي يرتدي فقط اللون الازرق
وبعدين مدري ليش تلبسون ثياب لاهي مريحه والدنيا حر الواحد يبي يلبس شي بارد نص كم ويمشي .. البسوا الطقم الهلالي كامل .
3- مانبي نشوف الجمهور زي كل مباراه جالس ويفصفص ويتابع فقط ..
نبي تشجيع ونبي حماس .. انت يالهلالي اللي جالس بهالمقعد اذا شفت كل اللي حولك جالسين وخاملين مثلك قم وحس بهالكيان وقلهم يلا قوموا نشجع قوموا نساند بصوت عالي عشان اللي جنبك يتحمسون .. كل هلالي لو بيسوي باللي جنبه واللي حواليه كذا كان الجمهور بيصير صاااااااااااااااااخب
وبالنهايه اسأل الله الواحد الاحد ان يجعل الهلال فائزا ونتخطى هذا الدور ونصل للنهائي ونظفر بالكأس يارب .. قولو اميييين
الوضع المتطور
