مشكله في المدرجات الهلاليه - نادي الهلال السعودي - شبكة الزعيم

ماقدر اوصف حبي لك · #1 01/09/2010, 02:00 AM

سلام عليكم ورحمة الله ..!!؟

الف مبروك فوز الهلال ع الوحده ..

وكل عام وانتم بخير .. وعيدكم مبارك

في مشاكل تدور في مدرجات الهلاليه

الحين في ناس يقولون السبب مافي حماس من الرابط

وانا اقول لا اسبب انتم ياجمهور (الزعيم)

ليه تلومون الرابطه صلاح البطاطي ماشاء الله تبارك الله شاد حيله من اكثر مايكون والدليل مبارات الهلال و الفريق الاوزبكي

انا مكلم واحد من اعضاء اداره الرابطه

جالس يقول والله انه البطاطي مقصر لكن جمهور الزعيم الله يهديه خاصه في الرياض

مافي حماس مايردون ورانا الكل ساكت مافي اله نص الجمهور جالس يرد

جمهور الشرقيه وجمهور الغربيه يقولي اكثر حماس وطرب في الملعب ويردون ورانه

ويقول مباراة اما الغرافه نبي تهز الملعب صلاح وباقي المسؤولين وخاص احمد

المهم ياشباب

تكفون وترا تكفى تهز رمجالس ورجاجيل

نبيكم ياهل الرياض تملون الملعب نبيكم 75الف مشجع هلالي

ونبيكم توقفون مع الزعيم انت رقم 1 و 2 و مليون

..

وفي النهايه

وقفو وراء صلاح البطاطي ساعدوا في الرابطه ترى هو الرجال جالسه تجيه ضغوطات من الجمهور

وان شاءالله الهلال يفوز ع الغرافه

انا مراح اقدر اجي المبارات لاني من اهل الدمام وانتم فيكم الخبر والبركه

ويااارب الهلال يفوز ع الغرافه بتوفيق لا زعيم اسيا

لبا قلوبكم ياجمهور الزعيم

ويانادي الزعيم كبير والكبير الله

كــــلـــنا (صلاح البطاطي )

تحياتي

عيسى العجمي

اتمنى من المشرف يقبل الموضوع

ماقدر اوصف حبي لك · #2 01/09/2010, 03:04 AM

مشكورين ع القبول ياحلى مشرفين

(((C.RONALDO))) · #3 01/09/2010, 03:12 AM

يالغالي بغيت أسئلك بما إن لك قرابه معها هل ستحضر الرابطه أو لآ ؟!

وإن شاء الله إني حاضر ..

..همس العشاق.. · #4 01/09/2010, 03:15 AM

يشرفني ان اكون اول واحد يرد على موضوعك بخصوص جماهير الزعيم في عيوب ياخي الواحد يرووح المباراة ليش عشان يشجع الزعيم بس حنى وش مشكلتنا ان الجماهير ساكته الي يطالع في جواله ولي ياكل حب ولي يسولف وبعدين اذا خلصت المباراة يقولون وين الرابطة الهلاليه يا جمهور الزعيم تمنى التفاعل مع الرابطة الهلاليه شف اللاوربين ماعنده رابطة كل الجماهير يشجعون بصوت واحد والله انا ارووح مباريات اطالع الجمهور القاهم ساكتين تفاعلو والله العظيم ان رئيس الرابطة يكلمنى يقول وين التشجيع
وانا صراحة اكول وجهت نظري في جمهور الزعيم وشكرا..

ماقدر اوصف حبي لك · #5 01/09/2010, 03:17 AM

اي راح تجي الرابطه

وبتوفق لك

ماقدر اوصف حبي لك · #6 01/09/2010, 03:19 AM

..همس العشاق..

لاهنت على تفاعلك

بتوفيق لك

فـخـامـۃ هلالي · #7 01/09/2010, 03:20 AM

يلا ياجمهور الرياض كلنا البطاطي

وكلنا بصوت واحد

blueice · #8 01/09/2010, 03:20 AM

صحيح

من زمان كتب كاتب عراقي عن جمهور الهلالروقال عليه انه جمهور فوز، يعني جاي الملعب وعنده خيار واحد هو الفوز

ففريقه لايحتاج للتشجيع ، انما عليه ان يحقق الفوز

طيب شجعوا علشان تنبسطوا

Mr.Raed · #9 01/09/2010, 03:21 AM

*مـشـكور اخوي ع المضووع
*وبــأذن الله الجماهير ماتقصر

*وبالتوفيق للهلال

*وإن شاء الله إني حاضر .

حلم واحد · #10 01/09/2010, 03:22 AM

آولآ مشكور على موضوعكـ آلرآئع وعلى تحميس الجمهور

ثآنيآ : اعتقد وبحكم حضوري لكل مبآرآت للهلال بالرياض

ان الجمهور معذور لاسبآب كثيره
موب معقول اني اجي الساعه 4 والمبارات تبدأ السآعه 8:30

حر + غبآر + كتمه + ما فيه مويه ولا بآرد
وهذا من المسببات اللي تخلى الجمهور يتعب ولا يأزر مع الرابطه

.
لكن بأذن الله مبارات الهلال مع الغرافه سيكون يوم آستثنآئي للجمآهير وللاعبين

.
محتآجين دعم من الجميع
الدخول المجآني .. الباصات من خآرج الرياض ..

تشجيع على الحضور بالتصاميم .. التواقيع .. الصفحه الرئيسيه

المرعب 10 · #11 01/09/2010, 03:22 AM

والله انك صادق اخوي البلا من حنا كل الجماهير ساكتين

مشكوور اخوي على الموضوع

(((C.RONALDO))) · #12 01/09/2010, 03:23 AM

أشكــركـ أخوي على الإجـآبـه ..

وبإذن الله الفـوز هلالي ..

أتمنا من الجميع التفاعل مع الرآبطــه وأنـآ أولكــم !!

الصخره 16 · #13 01/09/2010, 03:23 AM

كلنا بنحضر من اجل الكيان الهلالى مو بس جمهور الرياض

وانا باذن الواحد الاحد ومن حايل جايك يا عشقى الابدى يا سيد اسيا الاوحد

كما سماها اخونا الغالى تابط سرا يوم الزززحف الكبير

تكابر وتعشق الكاسر · #14 01/09/2010, 03:26 AM

يعطيك العافييييييييييه وبالتوفييق ياارب للهلال والرابطه اماام الغرافه
يسلمووووو اخوووي على الموضوع الرااااااااائع وكلناااااا واقفين مع صلااح

ماقدر اوصف حبي لك · #15 01/09/2010, 03:32 AM

كفووووووو

والله ياجمهور الزعيم

البطاطي محتاجكم

كونو معاه