المشكله نيفيز مكانه العمق وهو يجيد اللعب في مركزه

لكن الشلهوب بعد مبدع فمكانه

انا اشوف لو يجربون نيفيز ع الطرف والشلهوب في العمق

يمكن تنفع

>>>وجهة نظر لاحد يجي ويسوي لي سالفه

إقتباس الرسالة الأصلية كتبت بواسطة وليد -ABO AL مشكور اخوي العضو(الشفق الازرق) المنتدى يتيح للاعضاء ابداء الراي والمدير الفريق سامي وغيره يدخلون المنتدى ويقرون مايفيد الفريق مو انت الي تحجب راي الجماهير وخاصة اذا كان راي صحيح وهو ارجاع الشلهوب وجعل نيفيز مهاجم ثاني او لاعب على الطرف تحياتي

اول شي اخوي انا مع اي فكره او رأي تفيد النادي

لكن تكون بعيده عن الامور الفنيه

اللي ماسببت غير الحزازيه بين بعض الجمهور وانت الظاهر تدخل وتقرا

كل واحد يحامي عن لاعب واحد يطالب بتنسيق نامي

وواحد يقول العتيبي مدري وش فيه وبالاخير تظهر الحزازيات والسبب

آرائنا الفنيه

واذا على كلامك سامي وغيره يدخل ويشوف رأينا الفني والخطط

اجل ليه نجيب مدرب وندفع له سامي يجي مدرب

ويدخل ويقرا ارائنا ويطبقها

الرئيس بكبره قال مااقدر اتدخل بشغل المدرب وافرض عليه اسم

لانه بكذا راح يترك الهلال وهو ادرى مين يلعب

حنا لنا اراء اخرى بس اهم شي ماتكون فنيه تكون غير كذاللسبب اللي ذكرته مسبقا

الحزازيات

واحنا كثر خيرنا لادعمنا الفريق بالحضور والمسانده لانه هذا اللي يبونه مننا

الدعم المعنوي لهم

والاداره تبي اراء وافكار تخدم النادي ماديا

والانتقاد له وقته يكون آخر الموسم

اللاعبين يكون ماعندهم مشاركات

يعني يقرا ويعرف الاسباب اللي جعلتنا ننتقده

اتمنى فهمتوني ليه انا ضد ابداء الاراء الفنيه

وسلامتكم

إقتباس الرسالة الأصلية كتبت بواسطة دكتور في حب الهلال مشكور اخوي عالموضوع . وصحيح كلامك عن الشلهوب بس ويييييييييييييييييين الي يفهم ,عندنا جمهور قسم بالله مدري شسميه , اهم شي يلعب نيفيز حتى لو دفاع اهم شي يلعب,انا الاحظ شافو الشلهوب وشافو ابداعة وقبل كذلك عودة ياسر للتسجيل التي صنعها الشلهوب , لكن جمهورنا لازم يفتي بوجود نيفيز ,يعني ممكن يقولون خلاص شيلوا ياسر من الهجوم وحطوا نيفيز , يعني الا غصب يبونه. بالنسبة للي يقول صرنا مدربين بدال قريتس وانه يعرف شيسوي,,, نعرف حنا ان قريتس مدرب قدير لكنه يخطىء احيانا ووليس عيبا ان يخطي. واكبر خطأ له اشراك عيسى على الطرف واجزم لو يجي طفل ,قال عيسى مكانه الصندوق. يعني عندنا جمهور مايبيك تنتقد لا ادارة ولاجهاز فني ولا لاعبين .

يعطيك العافيه اخوي لكن انا ابي اسألك

انت تعرف ليه جيريتس حاط الشلهوب بالاحتياط؟

اذا تعرف قول لنا

واذا ماتعرف كيف تتكلم بما لا تعرف

الله يكتب الخير للزعيم

لكن من وجهه نظري ان الهلال الحين يقدم افضل مستوياتة فكرتك احتمال تنجح واحتمال تفشل فليه ندخل انفسنا في متاهات واحتمالات بم ان الفريق متجانس ومتعود على نفس الطريقة وناجح نغير فيه !!!!!!

مشكور ع الطرح
نيفيز ورا ياسر افضل والشلهوب يسار
بالتوفيق للزعيـــــــــــــــــــــــــــــم!!!

عندما يلعب قريتس بخطة 4-2-3-1

- نيفيز يكون صانع العاب في متوسط الميدان .. وفي حالة الهجمة يتقدم مع ياسر كمهاجم ثاني .. لانه يجيد ضربات الراس ويجيد التسديد من خارج منطقة الجزاء.
- ميزة الخطة هذه .. هناك توازن بين الدفاع و الهجوم .. تعتبر افضل خطة عندما تلعب امام فرق كبيرة

لكن في حالة تبديل نيفيز مع الشلهووووب .. خطة 4-2-3-1 ... مع الاسف تفشل والسبب :
- الشلهوب لا يجيد الالتحامات بشكل قوي
- قصير القامة .. لايستطيع يضرب بالراس زي نيفيز .. مايصلح يتقدم كمهاجم ثاني

لهذا عندما يدخل الشلهووب بدل من نيفيز الخطة الافضل تكوون 4-1-3-2
- يكون دور الشلهوووب صانع العاب فقط وليس مطالب بالتقدم للامام كمهاجم ثاني
- يعاب على هذه الخطة .. الدور الدفاعي ضعيف .. تلعب بمحور واحد
- لا تصلح مع الفرق الكبيرة

اما بالنسبة ليش الشلهووب مايلعب في خانته السابقة الطرف الايسر .. يبدو لي ان قريتس لايريد الشلهووب في هذه الخانة لان لديه نواف العابد .. لاعب سريع و مهاري يستطيع الاختراق من الاطراف وقوي في الالتحامات .. بعكس الشلهوب ابطىء ولا يلتحم زي نواف العابد

اكتفي عليك بالرد من خلال هذا الموضوع :

http://vb.alhilal.com/showthread.php?t=922317

أنا مع الاخ الفينو مينو يجب أن نلعب بمحور واحد رادوي وامامه نيفيز والفريدي وعلى الاطراف فيلهمسون والموهوب وفي الامام الكاسر ويويلهم من الخماسيات مع بقاء دكة بدلاء نارية بعودة عزيز ووجود الدوسري والعابد والمحياني وخيرات صدقوني نصلح في البريميرليغ ونصارع اليونايتد والبلوز