|
للاسف يا جمهور الزعيم هذه مشكلتنا....والموضوع خطيير وحساااااس جدا بسم الله الرحمن الرحيم.. السلام عليكم ورحمة الله وبركاته,, مدخال,,, ثقافة الجماهير .. وثقافة التشجيع هي ثقافة للاسف ليست من ثقافاتنا, بل والبعض يرى انها دارجه ضمن مقولة (عيب تصارخ) ... عندما تصرخ باسم من تحب تجد من حولك ومن يحبونه ايضا ينظرون اليك باعين مليئة بكلمة...(استح) عنما تقوم لعمل حركة الزلزال تجد نفسك وحيد والكل ينظر اليك وعينهم مليئة بكلمة...(مهبول) .............................. .............................. ثقافة التشجيع وماهو الهدف منها وكيف نفعلها لدى جمهورنا الحبيب.. فالواقع ثقافة التشجيع مرتبطة بالاشخاص انفسهم وثقافتهم الخاصه..وتعود لقناعة الشخص هل يرى بوجوب هذا الشيء عليه تجاه فريقه ام لا..؟؟ طبعا الهدف من التشجيع لا يخفى على اي شخص ولن ادخل في هذه النقطه لكن الي يهم هو انه هل اصبحنا نتجاهل هذا الهدف....!؟ ام اننا اصبحنا (نستحي) من تطبيقة.....!؟ كلا الجوابين وارده اما ان يطلع شخص ويقول ما اعرف اشجع او ما فيه فائده من التشجيع فهذي اجابات غير منطقية ولن نناقشها لانها وان وجدت فهي تعتبر حالات شاااذة ولا تنطبق الا على قطرات من امواج المدرجات الزرقاء,,, بحكم انني وبدون تفضل احضر جميع مبارايات الهلال في الرياض واحضر بعض مبارايات الخارج على حسب ظروف الوقت لذلك عندي خبره كبيييره من 3 سنين حضور متواصل في انطباع الجماهير وحماسهم او بالاختصار (ثقافتهم التشجيعية)..وللاسف لاحظت ان 75% يفتقد لهذا المصطلح... في اغلب هذه المباريات وعندما يصرخ مشجع في الخلف ويقول..(يا هلااااااال) تجد الكل يلتفت ويقول (وش هالمريض).. هل اصبح تعبيره عن حبه مرض ام انكم انتم من افتقد لثقافة التشجيع..؟ للاسف الكثير يعتبر ان التشجيع (وهيجان المدرج) هو حاله هستيرية والدليل تجدنا لا نفرح ولا نشجع الا بعد دخول الهدف..بل ولحظه دخول الهدف فقط.. اين هذا التشجيع قبل الهدف وبعده بخمس دقائق............للاسف يختفي الصوت في هذه الحالتين,, هل الهدف من التشجيع هو الاحتفال بالاهداف ام المساهمه في صناعتها....؟ صدقوني اللاعبين ليسوا في حاجتنا للاحتفال كحاجتهم لنا في صناعة ما يسبب الاحتفال.. اللاعب عندما يسمع وهو يجري بالكوره (هيجان المدرج) فان جميييع هرمونات الحماس والاخلاص تفرز في جسمه مسببة نشوة في الاداء تعتري جمييع اعضاء الجسم.. والي يبي يتخيل اكثر يتذكر (كابتن ماجد) لما يتذكر كلام ابوه وهو طاااير فالهواء ويجلس خمس دقايق يسولف مع ابوه وااخر شي يتحمس ويجيب قول من نص الملعب.. طبعا ممكن تضحكون وتقولون اني جالس استهبل لكن لا والله ما استهبل وانه فعلا ومعروف ضمن علم النفس ان المؤثرات الخارجية تاثر بشكل كبييير في العطاء الداخلي ... مع الفارق ان (كابتن ماجد) كان عنده خمس دقايق عشان تاثر فيه المحفزات الخارجية وخمس دقايق ثانية عشان يشوت.. لكن في الواقع هالامور تحصل في اجزاء من الثانية وتشبع لاعبينا بهيجان المدرج سيجعلهم (يحرثون) الملاعب دون اي تعب.. انتم من يصنع في قلوب لاعبينا الرغبة..وفي قلوب خصومنا الرهبة.. لكن للاسف الي قاعد يصير يا ناس اننا لم نعد وقوود الاعبين في الملعب.. يا ناس لدينا فريق نحسد عليه..ولله الحمد جميعهم نجووم..... لكن للاسف النجومية وحدها لا تكفي,, المدرب وحده ما يكفي,, نحن من نحرك تلك النجومية..ونحن من نستثير عقل المدرب,, ونحن من نصنع الفارق.. ................................ ................................ طبعا لا اريد الحديث عن المشكلة فقط,, فالحل هو ما يجب ان نبحث فيه...... هذي مشكلتنا كجمهور وحلها مهم بالنسبة لنا وللفريق... عند وجود خلل من اللاعب فانه يعاقب من المدرب والادارة,, عنما يخطئ المدرب يعاقب ايضا,,, لماذا نحن نخطئ ولا نعاقب انفسنا بل ولا نحاول ان نصحح اخطائنا...! لماذا نركز في مواضيعنا على اخطاء اللاعبين والمدرب وننسى انفسنا..! اللاعبين لديهم من يحل اخطائهم الفنية اما نحن هل سيجتمع بنا المدرب ليعلمنا كيف نشجع..؟ -عندما نضل جالسين في المدرج (ورجل على رجل)...(وفصفص)..(وزقاير) واللاعبين يحترقون فالملعب نعم نحن مخطئون.. -عندما يرتفع صوت النشاز والاهازيج المسيئة ضد لاعبينا واكثر من نصفنا يتسمعون لهم نعم نحن مخطئون.. ابيكم تفهمون شي واحد بس الي هو نحن جمهور الزعييييم.. لو حصل واكتسبنا ثقافة التشجيع اقسم بالله اننا سنكون حديث البرامج والشاشات.. طبعا من وجهة نظري الشخصية وبحكم وجودي الدائم في المدرج الهلالي اقترح مناقشة والبحث في حلول سريعه الي باذن الله ستكون بداية التصحيح ومن وجهة نظري بحكم قربي من المدرج فاني اقترح بعض هذه الحلول..: # ايجاد صفحه او منتدى خاااص للرابطة ينزل فيه كل ما يحتاجه المشجع..الاهازيج مسجله..والحركات (كالزلزال والموج وحركات الاعلام...الخ) ويكون التواصل مباشر مع اعضاء الرابطه قبل المبارايات # ان الواحد يحاول يحضر مع اكبر قدر ممكن من اخوياه عشان يكونوا في حماس جماعي # ان تكون الرابطه اكثر تواصل وقرب مع الجماهير في الملعب....ولا اقصد قرب المكان لان الاماكن محدده لكن اقصد ان يكون هناك متعاونين يملكون الجرأة والحمااس يتواجدون في الواجهة, يكون كل واحد منهم امام كل مدرج منفصل ويتواصلون بين بعضهم ومع رئيس الرابطة (بوجهة نظري هذي اهم نقطة) لان الناس ينتظرون من يحمسهم والرابطة بعييده عن الواجهة ووجود المتعاونين مطلب ضروووري.. # تطويير الرابطة والبحث عن اهازيج خفييييفه على المشجعين لان الاهازيج الطويله متعبة ولا تجيب الحماس لدى الكثير والدليل اذا صدح رئيس رابطتنا الموقر بموال تجد الكل ساكت واذا قال حبيبكم مين تسمع الكل يقول (هلااااااااال)..لانها كلمه وحده وسهله عليهم لكن عكس الموال الي بصراحه ما نحتاجه في الملعب .. # من اهم الحلول اننا كجمهور نؤمن بالواجب الكبييير الي علينا تجاه فريقنا واننا نتذكر الي قدمه لنا شبيه الريح الله يطول بعمره ونتذكر مجهود اللاعبين وتمارين صبح ومساء وكل هالتعب الي يقومون في لعيوننا كجماهير وان نكون على قلب رجل واااحد في جميع المبارايات... :::::::::::::::::::::::::::::::::::::::::::::::::::::::::::::::::::::::::::::::::::::::::::::::::::: :::::::::::::::::::::: قطوووف: **كل يوم والقناة الرياضية تحاول ان تثبت لنا انها تتقدم للامام ولكن للاسف هي تتقدم نحو التعصب بسبب الضيوف الي تستضيفهم.. **عادل عصام الدين مهنتة كمدير افضل بكثييير منها كمذيع لانه لايمنلك الجرأة لقيادة الحوار.. **سنحتاج للامم المتحده لاقناع النصراويين بان الهلال اكثر شعبية...لذلك لا تشغلوا انفسكم بهالموضوع كثيرا ففريقنا اهم منهم بكثييير ** ياسر القحطاني بامس الحاجة لثقتنا كجمهووور قبل ثقة المدرب....فهل نمنحها له..! ** حسن العتيبي يحتاج الى تمرين من نوع خاص تحت عنوان..(متى تخرج من المرمى..؟) ** اتمنى الوقوف بجانب ويلهامسون عن طريق التصاميم واللوحات داخل المدرجات لانه يمر بظرووف صعبه نتمنى ان ننسيه اياها تحياتي لكم وعلى درب الزعامة نلتقي.. احبك..ياهلال..:alzaeem: |
مشكورين على الرفع............... |
إقتباس:
مآتوقع آبد يفهمون موضوعك رائع عجبتني كثير من النقاط عوافي |
إقتباس:
ومرورك الاحلى |
بارك الله فيك على الموضوع الراقي وانتمنى من الجمهور او الرابطة تقسيم الجماهير حسب النشاط ما يقعد احد جنب الرابطة الا المستعد للصياح والنياح وعمل الحركات التشجيعية اما البقية اللي يستحون من عمل هذي الاشياء يقعدون في اماكن بعيده ويفصفصون براحتهم |
إقتباس:
والله يعطيك العافية مع اني ارفض ان فيه احد يجي الملعب ويرفض التشجيع والحماس بشكل قطعي... الي يبي ييجلش فقط بدون ان يشعرنا انه موجود ما منه اي فايدة... ولا نقول نبي الناس مهبل ما تجلس.. لكن فيه اوقات مهم ان الجمهور يكون فيها متحمس خاصه مع بداية كل هجمة.. تحياتي |
لأحد يزعل مني هذي ثقافة جمهور الرياض بجميع ميوله ان كان هلالي اوغير هلالي ولو تلاحظون جمهور الهلال في الغربيه والشرقيه غير وحتى في القصيم غير بعد واتمنى ان يكون جمهور الرياض دائما متفاعل مثل ماكان في مباراة بونديكور |
كلامك عين الدرر بس عندي لك ملاحظه بسيطه الرابطه عندما تتواجد بجانب المنصه لا تسمع منها اي نبره صوت عكس مباراه الهلال عندما كانت الرابطه بالواجهه تسمع الصوت والتفاعل نقطتك الاخيره بعلق عليها شوف انا دائما الاحظ هذا الشئ لما تشجع ولا شئ تلاقي الي جنبك يا يضحك عليك او يقول شوف الغبي هذا بس والله ما نطور مع وجود ها الاشخاص وبعدين بس الرياض موجود ها الشئ لكن عندنا بجده يختلف كثير التشجيع |
والله انك صادق بخصوص ثقافة التشجيع وانا اؤيد كلامك 100% لأني لو مكان اللاعب والله اتمنى الجمهور يهسترون ويصارخون طوال المباراه ولايسكتون لان هذا اللي يخللي الروح تظهر على الفريق ويبين مدى احترام اللاعب للجمهور اما ان احضر للملعب واجلس اتفرج والله عيب والا يجيك واحد يقوول جلوووووس شباب جلوووس !!!!!!!!!!! اجلس ببيتكم المدرج يعني تشجيع مستمر وإحساس بتفاصيل المباراه بدقه ورده افعال عااااليه الصوت اخوي انت والله جبتها على الجرح واتمنى ما تمل من الكتابه في هذا الموضوع ابد حتى يصبح للهلال جمهور ايجابي وفعااال وانا اشرت لهذه الطريقه في الموضوع (بدون الرابطه-- نحن الأقوى) على الرابط http://vb.alhilal.com/showthread.php?t=920847 |
كلام كبير الجمهور لو يتفاعل مع الرابطة كان شفنا طرب مباراة الزعيم الاخيرة مع انه كان فيه مهرجان اهداف مع ذلك الجمهور مافيه اي تفاعل / : لاهنت اخووي ,, |
احسن شيء بـ موضوعكـ تنظيم الرابطهـ،، |
صدقوني اللاعبين ليسوا في حاجتنا للاحتفال كحاجتهم لنا في صناعة ما يسبب الاحتفال.. في الصميم تقبل مروري |
كلامك كلو صحيح والله كل ما احظر مباراة للهلال في جدة الي يشجع الوحده مهبول و الي يقول اجلسو يا شباب سلامات حنى في الملعب ولا في البيت ؟؟؟ والله جمهورنا انا خلاص تعبت و انا اصيييح |
إقتباس:
لكن المنطقة الشرقية لا تختلف كثيرا عن منطقة الرياض..والمنطقة الجنوبية انا حظرت فيها بطولة النخبة كاملة وكاان الجضور عدديا مميز جدا لكن تفاعليا لم يتفاعل الا ربع الجمهور... يعني نقدر نقول ان المشكلة عاامه لان النسبة الاعظم من الجماهير ماعندها ثقافة التشجيع... تحياتي |
إقتباس:
فعلا انا حضرت مباراة للزعيم في جدة وكانت نهائية وفعلا الجمهور كان اكثر تفاعل من جمهور الرياض لكن ليس بالفارق الكبييير .. خاصة وان مبارايات الهلال في جده لا تكون الا قوية لانه يا مع الاتحاد ولا مع الاهلي...يعني هذا سبب كبيير للحماس.. لكن لما تكون مباراة فالرياض مع فريق متوسط فان الحماس يختلف عن المباراة القوية....يعني نسبة وتناسب.. انا الي ابيه هو تشجييع وتعمييق روح الانتماء قدام اي فريق ولو كان اللجمهور متحمس بالامس امام الفيصلي لانتهت المباراة اكبر بكثييير من 5 بعد مشيئة الله تعالى.. |
| الوقت المعتمد في المنتدى بتوقيت جرينتش +3.
الوقت الان » 07:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd