02/09/2011, 11:18 AM
|
 | زعيــم نشيــط | | تاريخ التسجيل: 05/10/2006 المكان: الرياض
مشاركات: 738
| |
|
موضوع مهم للاداره الهلاليه !!!
السلام عليكم ورحمه الله وبركآته
وكل عام وانتم بآلف خير وصحه وسلآمه ...
بدآيه الموضوع آحب اشكر ابو فيصل وابو عبدالله والاداره بشكل عآم على ماقدموه وبذلوه
للفريق من انتقالآت متميزه ومستمره .. قواهم الله
لكن فيه شي مهم وغافله عنه الاداره الهلاليه ويمكن اجزم كل الانديه السعوديه بشكل عآم ..
ياجماعه الخير حنا شعب دووله يقدر عدد سكآنه ملايين .. واكثر شبابه عاشق لكره القدم ممارسه ومتابعه
وبكل حي نحصل ملاعب كثيره يلعبون فيهآ .. وبالسنوآت الاخيره بدينا نشوف الملاعب الي آرضيتها صناعيه
تستآجر بكل وقت .. يعني بالمختصر شعب عااشق بقوه للكوره ..
خلاصه الموضوع الي آبي اووصله .. والله ثم والله فيه مواهب مدفووونه بهالاماكن وحرآم ماينظر لهآ ويلتفت لها
انا استغرب كثيرر من الانديه غير مهتمه بهالجانب ولا فيه سماسره يتابعون بالبطولات والدورات الي تقام بهالحواري ..
واكبر مثآل .. ولا مرره سمعنا ان فيه نادي تعاقد مع لاعب حواري هاوي .. دايم نسمع نادي يفاوض لاعب من نادي ثآني ..
وراح اضرب لكم مثآل واقع والكل شآفه الي هوو خانه اليمين الي يعاني منها الهلال من ذهاب احمد الدوخي والحمدلله انحلت بعد ماجاء الكوري لي والحين رحل ورجعنا على نفس الموال نعاني ..
ليه الاداره الهلاليه ماتررسل اي سمسار يتابع الحواري .. ويختارون موهبه شابه بنفس الخانه بدل دفع الملايين والمفاوضات الطويله والصراع بين الانديه ..
للمعلوميه .. آنا اجزم اي لاعب حواري موهبته بارزه ياخذه النادي ماراح يطلب مبلغ خيالي .. كل الي يبيه راتب جزئي شهري وسيآره وشهره تكفيه عن اي شي ..
انا من الناس المتابعين للبطولات الي تقام بالحواري واكثر من مره اشووف فرق والله حرام مكانها الحواري وانها لو تشارك بدوري زين تاخذه وبدون منافسه ولا تقولون لي مبالغ بكلامي .. بس مافيه احد مهتم لهم
سوآل اخير آطرحه على كل متابع للكوره
هل فعلآ افضل الموجودين في المملكه هم لاعبين الانديه فقط ؟؟؟؟؟؟
اتمنى اني ماطولت عليكم ووصلت لكم الفكره الي في بآلي
فمان الله
|
الوضع المتطور
