الفريدي في برنامج الشاشه لك !!!! ووشف فيكم على العتيبي ما سوى شيء غلط ؟؟ وانا من الي قالو ياسر مكانه الدكه !!
 

بسم الله الرحمن الرحيم ..


اولآ / اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حال :smilie47:

ثآنيآ / الف مبروك الفوز بالثلاث نقاط وبمستوى ممتاز :ba::ba1: وانا قبل المباراة حسيت ان الهلال بيفوز بنتيجة كبيرة وانا ولله الحمد احساااااسي لا يخيبني ابدآ :yes:


قبل قليل وانا اشااهد برنامج الشاشه لك على قناة المجد الفضائيه وانا صرآحة من المتابعين للبرنامج الشيق والممتع :s5s:

http://www.shashalak.com/images/10.png

المهم البرنامج في آخره يكون فيه سؤال عن المقاطع التي ظهرت في الشاشه وبالعادة احد اعضاء اللجنه يقول السؤال بس اليوم غيييير قال المقدم معنا اليوم نجم كبير ولاعب المنتخب السعودي والهلال السعودي " احمد الفريدي " :smilie47:

كانت مفاجئة لم يخبرونا من قبل ولا من بدايه البرنامج كان الفريدي جالس مع الحضور :yes: وقال الفريدي انا من متابعين البرنامج وقناة المجد ولي الشرف اطلع في قناة المجد :smilie47:

وقال السؤوال وجاوب واحد تقريبآ تعطيه من العمر 15 او 16 سنه وسأله مقدم البرنامج من تشجع ؟؟؟ قال الهلااااااااااااال :ba1::ba: وليس في ذلك غرآبه :d وخيره بين الهديتين ( بلاك بيري او اتش تي سي ) واختار الأخ بلآك بيري , والفريدي ما يخلي حركاته وخفة دمه ومزح مع الولد :d يا لبييه يا الفريدي :wub:


البرنامج يأتي يوميآ الساعه 12 والاعاده 8 صبآحآ :wub:

ــــــــــــــــــــــــــــــــــــــــــــــــــــــــــــــــــــــــــــــ

هذا موضوعي الاول :d < ريض الرجال هههههه

انا صرآحة ما احب اكتب مواضيع كثيرة وبما اني نزلت عن الفريدي قلت مرة وحدة انزل كل الي عندي :d < سودداااااااني خخخخ

ابتكلم عن النجم حسن العتيبي وخطأه في مباراة الفيصلي

اكيد الكل عصب عليه واللي دعا عليه واللي سبه !! بس ليه الواحد اذا خطآ قمتو عليه واذا لعب صح ما قلتو شيء !!!!

وهذا ايضآ ينطبق على النجم الكبيير والعائد بقوة " محمد نامي "

انا صح اني عصبت وتمنتيت ما دخل هالهدف حتى تكون شباكنا نظيفة :smilie47:

لكن اعتبرها خيرة للهلال :yes: نعم خيرة , اجعلو هالكلمه في لسانكم دائما اي شيء يصير للهلال قولوا خيرة فالكلمة لها مردود كبير وايجابي اذا قلتها وثقتك بالله كبيرة واكبر دليل على ذلك ذهاب كوزمين وقلت خيرة وانا ثقتي بالله كبيرة وجآنا مدرب احسن منه ونسانا كوزمين :wub: وصحيح حسن اخطأ في مباراة الفيصلي خطآ ذريعآ لكن مستحيل يغلط مرة ثانيه " المؤمن لا يلدغ من جحره مرتين " واحمدوا ربكم انه ما غلط في مباراتنا مع الغراافة !! وايضآ لا تنسون مباراتنا مع التعاون والحزم خاصة ؟؟ نسيتو وش سوى العتيبي لولا الله ثم هالنجم لكانت نتيجة الحزم تعادل او خسارة !! وانا احترت في التصويت بين عيسى ولا العتيبي ؟؟؟

يعني يا أخوان الخطآ واقع من الانسان ولا يوجد انسان معصوم من الخطأ لكن ! يجب ان يكون كلامنا ونقدنا اليه بطريقة صحيحة لا يدخل التجريح فيها ولا الشتم والسب والطعن في الاعب !! واذا لعب اي لاعب صح يجب علينا ان نعطيه حقه من الكلام ليه الحياء ؟ ولا بس ف التجريح جاهزين !! وايضآ نعطيه حقة في التصويت في المنتدى مو في شيء ثااني :s2:

ـــــــــــــــــــــــــــــــــــــــــــــــــــــــــــــــــــــــــ

والمووضوع الثالث < :d

عن ياسر !! انا من الناس الي قلت اذا تبون ياسر يرجع لمستواه جلسوه في الدكه ولو شوط !! والحمدالله كلامي تنفذ وجلس ياسر شوط وحس ان هالمكان مو مكانه ودخل الشوط الثاني وكله حمااااااااس وحيويه :ba1: يعني لو يجلس ياسر مباراة كامله تتوقعون وش بيسوي ؟؟:d

لان النجم يحس نفسه ما تناسب له الدكه ابدآ وياسر من النجوم الكبار :smilie47:

عمومآ عودة نجمنا الكبير يااااسر جت في وقتها المنااااسب وصدق من قال ياسر يمرض ولا يموت :yes:

وايضآ اهم شيء ف المباراة اسعدتي عوده الروح الهلاليه واللعب الجمااعي ,
وايضآ دخول نجمنا المحبوب وهداف الدوري " محمد الشلهوب " وهو من صنع وابددددددع في المباراة فهل يستحق هالنجم المبدع يكون في الدكه في المباريات السابقة وربما القادمه ؟؟؟؟؟؟؟؟؟؟؟؟؟؟؟



وهذا الي عندي من كلام الموضوع حوسه وما خليت شيء ما تكلمت عنه وطريقتي في الكلام ليست مرتبه اعذروني لست من الذين يجيدون كتابه المواضيع :wub:

وأخيرآ / لا تنسون الصلاة ع النبي فـ نحن في ليله جمعه , واسأل الله من الجميع القبول , وان يوفق الهلال في جميع بطولاته ...:ba::ba1:

{ اللهم صلي على نبينا محمد كما ذكره الذاكرون وغفل عنه الغافلون }

رددها دائمآ فلها اجرُ كبير وعظيم :yes:

والسلام عليكم ..

شكرآ للمشرفين على رفع الموضووع ,,


وارآئكم تهمني يا زعماااااء:wub:

اللهـ يعطيك العافيه على الطرررح الرائع ، ، ،



أولا الفريدي ، مو غريب عليه انه يكون ، أحد ضيوف قنوات مشهود لها بالجمهور العريض ويستحق الفريدي ،،


ثانيا حسن العتيبي ،، مو علشان غلطه ،، نقعد نقسي عليه ،، ونقول فيك وفيك وفيك ،، ، --=> كبوت جوأد يا حسن ، ،


ثالثا ،، ياسر ، حتى يوم كان في مستواه دروب انا وقفت معه ودافعت عنه بالمنتدى وراهنت عليه كثييير ،، وقلت بتشوفون ياسر بعد الجوله الـ 3 ، ، ،



مشكور على الطرح المميز ، ، ،


دمتـم ، بـ ود

والله موضوعك حلو وبالنسبة لياسر فعلا كلامك صح جلس شوط احتياط ورجع في هاترك
وبالنسبه للفريدي الله يوفقه وان شاءالله اشوف البرنامج

لي عوده
........................................

ما شاء الله عليك ما ندري ندر على اي موضووع بس الله يهديه العتيبي داايم يطلع غلط بس ربك يسترها

ما شاء الله عليك ما ندري ندر على اي موضووع بس الله يهديه العتيبي داايم يطلع غلط بس ربك يسترها

الله يعطيك الف عاااااااااااااااااااااااااااااااااااااااااااااافيه

ماشاء الله عليك هذا أول موضوع والله اللي يقراءه يقول بالعكس اللي شخص متمرس

لكن أعجبني سردك لكل هالنقاط في موضوع واحد

إلى الأمام ومن أحسن إلى أحسن....

مشكلتنا جماهير عاطفيه من مباراه نخليه افضل لاعب ونهائي كاس الملك كان هو الافضل والحين هو الاقبح ياليت نحكم من مجهود موسم مو مباراه

كلامك رايق وهادي جداا ..اسجل اعجابي بــ أسلوبك ..تحياتي

مشكوررين على ردودكم المتميزة وآرئكم الحلوة

وبالنسبه لـ حنكه نظر المشكلة اسمك مو لايق عليك

ما اقولك الا مرآهقين ومعهم جهاز

اخي كاتب الموضوع كتبت فأصبت
اولا بخصوص الفريدي ليست تلك المواقف غريبة على
لاعبي الهلال فهم دوما سباقون لما فيه الخير

ثانيا بخصوص حسن العتيبي واسمحولي ان استرسلت
من بعد اعتزال الأخطبوط صدقوني لا يستحق الحراسه
الهلاليه سواه حتى وان اخطأ .. نعم العتيبي له هفواته
ولكن بالامكان تدارك تلك الهفوه وبزعمي فقط هفواته
في التقدم الغير مبرر وتلك الهفوه بإمكان جهازنا الفني
تلافيها فلا زلنا في بداية الدوري .. واللي مو عاجبه العتيبي
يرشح لنا حارس بإمكانه سد غياب الدعيع ولا فليصمت ..
وهنا وجب علينا الوقوف مع العتيبي ومؤازرته وسوف ترونه
في افضل حال وثقتي فيه بعد الله كبيره بانه سوف يكون خير
خلف لخير سلف

ثالثا بخصوص القناص آسر قلوب الناس ياسر الألماس
لا يحتاج الى دكة احتياط ليعرف ماهي قيمته كل مايحتاجه
توفيق من الله ودعم جماهيره .

والله الموفق

الله يعطيك الف الف الف عافيــة يابطل
ولاهـنت عالموضوعين بموضوع واحد هع