|
ليلة العثور على الكاسر .. تجدد الثقه .. الجزيرة ما زالت تبث السموم !! بسم الله الرحمن الرحيم ياسر الذي نعرفه و الذي نريده عاد بكل قوة عاد عودة الكبار عاد بهاترك اشكال و الوان عاد بفنه عاد باصراره عاد بتالقه عاد كالبدر الذي يطفئ ضوء النجوم . فرحت بعودة مستواه قبل عودته لهز الشباك نعم فهذا مستوى ياسر الذي يليق بامكانياته و قدراته . " فنيا كيف عاد ياسر " - من اول لمسه للكاسر للكره كانت براسيه جميله حالت العارضه من دخولها . - اول هدف جاء بون تو جميل و فريد بينه و بين المتألق جدا الشلهوب . - ثاني هدف بعد استغلاله لعرضيه لي الارضيه بعد ان اخذ استداره من وراء المدافع لياخذ مكانه الصحيح و يودع الكره و هو مستريح . - ثالث هدف خرافي بعد ان تلاعب بمدافعين دفعه و احده باسلوبه الخاص و مهارته العاليه و يلتف و يسدد بيسراه بقوة و تركيز . كل هذا حصل من ياسر في مباراة واحده ؟ لا بل في شوط واحد !! ما شاء الله . نعم أيها الكاسر اطربنا متعنا دعنا نراك دائما تحمل الفريق على اكتافك دعنا نرى ما لديك من مخزون كبير و هائل من الامكانيات و المهارات . ياسر لو ظهرت بنصف هذا المستوى فيما تبقى من مباريات و بعد توفيق الله ستحقق رقما خرافيا من الاهداف لم يسبقك له احد و لن يصل اليه احد و انت قادر على ذلك و تستحقه باذن الله . " تجدد الثقه " بعد المستوى الكبير و النتيجه العريضه ليلة البارحه أعتقد ان الثقة عادت بين الجمهور و الفريق و القائمين عليه . اتمنى من كل قلبي ان لا يتسرع الجمهور و النقاد في نقدهم ففي العجلة الندامه !! فكيف اصبحت صورتهم الان بعد ما شاهدناه و شاهدوه ليله البارحه !؟ " سموم الجزيرة " ما زالت صحيفة الجزيرة بكل اسف تبث السموم باخبار و اشاعات لم اجد لها هدف و تفسير سوى زعزعة استقرار الفريق و بث الخوف في قلوب محبيه و عشاقه ! حتى لو ان اخبارها صحيحه فيجب الا تطرحها الان ان كانت تبحث عن مصلحة الفريق و يهمها امره !! انتهى |
ما شاء الله . أسمع يالغالي الفريق ككل والكاسر للحين ما أختبروا زين لا تنسى أن هلالنا ظهر في الشوط الثاني فقط . مستوى الموهوب والكاسر والفنان الفريدي والأشقر وزورو ونامي 10/10 |
اي سموم واي مبيدات الله يحفضك ماتقوم به جريدة الجزيره اكبر من تشجيعك للهلال |
والله ياخوي بالنسبه لي مااهتم بالاعلام ابدا يعني بس هم اللي يفهمون ويعرفون الاخبار فيه غيرهم ولابل اصدق منهم وادق بالتفاصيل اكيد عرفتو اقصد مين؟ وسلامتكم |
اللي اعرفه ان الجزيره هلاليه عااد الله يهديكم مشوا الامور اكيد اي جريده يوصلها خبر بتنشره سواء للهلال او غيره خلوا روحكم حلووه ورمضاان كريم .. |
الكاسر يستاهل وهو المهاجم الاول بالمملكه بدون منازع ولكن سموم الجزيره وانت ماوضحت وش من سموم اللي تقصدها انت عموما الجزيره قناه محترمه وتغطيه ممتازه ولو انها الى الان لم تصل لتغطية ال ار تي وهذي وجهة نظر خاااصه وتقبل مروري |
الهلال بداية المشوار بالتوفيق للزعيم |
اللهم كما رددت لنا ياسر كما عهدناه فرده لنا في كل مباراه اللهم بعدد القلوب التي افرحها باهدافه ارزقه الراحه وبعدد كل قلب يخفق بحبه اسكن الطمانينه قلبه وانر بصيرته واحرمه عن النار يا حي يا قيوم وارزقه القوه و العوده الحميده ... |
اذا جاء النقد من شخص في مقام أعلى لمقام أقل منه يقبل منه .. أما اذا كان من اثنين في منزلة واحدة فهي الغيرة.. أما إذا كان من درجة أقل لدرجة أعلى .. فهي الخنبقة والمواضيع الي مادري وش تبي ويكون الكاتب يهرف بما لا يعرف .. . . الجزيرة صحيفتنا ونعتز بها ونعرفها ولا نعرفك .. وتاريخها مع الهلال من ثلاثين سنة .. . . أجل سموم ؟... |
إقتباس:
بما انك هلالي اتمنى ان تكون غيرتك على الهلال اكثر من غيره . بماذا تفسر اخبار ذهاب المدرب من نهاية الموسم الماضي الى الان و طرح اسماء بديله و اخيرا بيع عقود محترفين لهم وزنهم بالفريق في فترة التسجيل القادمه ؟ من عرفت اقرأ وانا متابع الجزيره و مشترك فيها لمدة ثلاث سنوات قادمه ! للاسف لم يعد فيها كتاب يهمهم مصلحة الفريق سوى السليمان و الهويريني . حقيقه لا اعلم سبب تغير السياسه و الى متى ستسمر الحرب البارده !؟ عموما انا اكبر من الجزيرة بحبي للهلال لأني ادفع له و ادافع عنه بدون مقابل او اجر ! تقبل تحياتي |
حبيبي جريدة الجزيرة قدمت أشياء ودافعت عن الزعيم قبل تولد الله يصلحك اما أنت وش قدمت |
إقتباس:
يا اخي الكريم انا طرطور و لا سويت شي لا للهلال و لا حتى لنفسي بس ابغى تفسير للي تسويه الجزيرة الان ؟ ممكن تجاوب لو تكرمت |
ماشاء الله على ياسر ان شاء الله يلعب بالمبارايات القادمه أحسن وأحسن ودمتم... |
ياسر اذا كان في يومه بيسجل لك هاتريك في ربع ساعه ماشاء الله عليه فعلآ لاعب كبير وافضل لاعب ف الكرة السعوديه الآن ,, عييني عليك باردة وبالنسبه لـ لجريدة الجزيرة انا معك مستآآء جدآ منها تدور زعزه الفريق وفي هالوقت الحساس اكيد كل جريدة تدور عن اشياء خاصة وتقول من مصدرنا وبعدين يقوولون صح علينا بس مو بهذي الطريقة يا جزيرتناااااااا ومشكوووووور |
ماعندك ماعند جدتي الا الجزيره لاتقرب لها خلها تقول الهلال بيبيع عقدياسر على راحتهم أسيادالصحافه في الجزيره وعلى رأسهم سيدالصحافه بلامنازع رشيدسليم |
| الوقت المعتمد في المنتدى بتوقيت جرينتش +3.
الوقت الان » 06:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd