مسائكم ازرق
اول شي احب ابارك للزعماء النتيجه والمستوى
الزعيم فاز اول جولتين وحصل فيها على 6 نقاط ولكن بدون مستوى فرحنا ولكن مو مثل فرحه الفوز الاخير لعده اسباب منها
1- عوده الروح والمستوى المعروف للزعيم
2- بدايه الخمسات للموسم الجديد
3- عوده اغلب النجوم بالمستوى المعروف منهم منهم الشلهوب
وياسر
بالاضافه الى ان التحكيم لك عليه وانا من يوم شفت عبدالرحمن القحطاني الحكم وانا غاسل يدي عرفت انه بيجيب العيد لانه مو اول مره
مانشكك بالحكم يس مشكله الحكم عارفين مستواه
ومثل ماقال الامير عبدالرحمن بن مساعد ماعنده الشجاعه لاحتساب ولا بلنتي
عمر الزعيم ونادي القرن ماحط التحكيم شماعه علشان كذا كان الزعيم يلعب قدام فريق الفيصلي والحكم
لو اللي صار من الحكم للنادي الجار كان الحين البيان رقم 99
اللهم لاشماته
في المباراه اللي فاهم كورة بيشوف ان الزعيم لعب بثلاث تكتيكات
تكتيك او خطه كانت بالشوط الاول وهي:
اربع مدافعين ومحورين و3 وسط ومهاجم يعني 4-2-3-1
التكتيك الثاني:
اربع مدافعين ومحور وثلاثه بالوسط ومهاجمين اثنين 4-1-3-2
بعد خروج الغنام ودخول ياسر
التكتيك الثالث:
اربع مدافعين ومحورين وثلاثه بالوسط ومهاجم 4-2-3-1
بعد خروج المحياني ودخول البرقان
رجع لتكتيك الاول للمحافظه على وسط الملعب
ماقول الا يالبى قلبك ياجريتس على التكتيك
حسن العتيبي وحراسه الزعيم
حسن ابدع بالمباريات الماضيه وهذي المباراه وياليت مانقسى عليه واتمنى انها تكون درس له بالمستقبل خاصتا بالاسيويه
هدف بالمباراه ولله الحمد ما يأثر على الزعيم
رساله لحسن:
اتمنى منك ماتطلع من مرماك الا وانت متأكد انك بتوصل للكورة قبل المهاجم
مساكين النصراويين اخوياي:
في مباراه الزعيم كل اخوياي النصراويين قاعدين يتابعون مباراه الزعيم يبون يمسكون شي
لاني شبيت عليهم في مباراتهم قدام التعاون
وبعد ماشافوا مستوى الزعيم والخماسيه حولو القناه على شوجي<< هذا مستواهم خخخخخخ
وقفـــه
ماقول الا الحمدلله اني هلالي
ليش مباراتنا قدام الفيصلي فرحتنا + حكم المباراه + تكتيك قريتس+ رساله لحسن 
الوضع المتطور
