بسم الله الرحمن الرحيم
السلام عليكم ورحمة الله وبركاته
صبحكم الله بالخير ومساكم الله بالنور

حبايبي زعماءً وزعيمات
لايخفى عليكم مايتعرض له الهلال من حرب شرسة , وتصل في بعض الاحيان للدنائة
من قبل ودعوني اسميهم ( مرضى الفوبياء الهلالية )
حيث جعلوا همهم الاكبر وشغلهم الشاغل الهلال
فما ان يُنصف من قبل اي جهةٍ كانت ( محلية , خليجية , عربية , عالمية ) الا وتجد التشكيك

وآخر مسلسلات التشكيك وللأسف كانت امام اكبر قامة في الكرة الاسيوية الا وهو محمد بن همام رئيس الاتحاد
الاسيوي , حيث اصر مذيع العربية بتوجيه سؤال عن لقب نادي القرن الاسيوي ويجيبه بالمباركة للهلال ويعيد
السؤال مرة ثانية بل وثالثة حتى اجابه ابن همام بعد ما طفش من اعادة السؤال : كأن ماودك ان الفريق الفايز باللقب يكون من بلدك , وقاله هل انت ضد الهلال .

شفتوا وين وصلت الدنائة

وبعد ماشككوا في الالقاب والبطولات ولقب نادي القرن , طلعوا علينا بموضه جديدة , انهم اكثر جماهير في المملكة
وسالفة القوة الشرائية ( الماركتنق ) واذا ماتعرفونها ترى عندي كتب هههههههههه

ما اطول عليكم , هذه الادلة والبراهين اللي تثبت جماهيرية الهلال وفي اغلب مناطق المملكة :

ا - استفتاء شركة ( زغبي ) , واذا بيشككون بنقولهم : اللي جاب الشركة هلالي ونصراويين اثنين , الاول رئيسكم ( خبيلان ) والثاني عضو شرفكم ( تركي بن خالد ) .

2- استفتاء شركة ( ابسوس ) الامريكية , واذا بيشككون بنقولهم : رئيس اللجنه عضو شرف اهلاوي اللي هو المهندس ( عادل عزت ) .

3- موبايلي , موبايلي قبل ما تسوي الشراكة مع الهلال سوت دراسة لمدة تسعة اشهر , ظهرت نتائجها بان الهلال هو صاحب الاكثر جماهيرية في المملكة , واعلن ذلك المهندس حمود الغبيني .

4- حديث الشيخ صالح كامل رئيس مجموعة قنوات راديو وتلفزيون العرب ( ارتي ) صرح بان قناة الهلال هي صاحبة اعلى مشتركين من بقية قنوات الاندية الاخرى .

5- اعلن نهاية الموسم الماضي ان الملاعب التالية : ملعب مدينة الملك عبدالله في القصيم وملعب الفتح في الاحساء قد سجلت الرقم القياسي في عدد الحضور منذ اقتتاحهما وكان السبب في ذلك جمهور الهلال .

6- اعلان هيئة دوري المحترفين ان الهلال هو صاحب اعلى المبيعات في المتجر الوطني والمتجر الالكتروني .

7- تصريح عضو شرفهم الامير تركي بن خالد بان الهلال اكثرجماهيرية في المملكة .

8- مباراة الهلال والترجي التونسي على نهائي البطولة العربية . ( الملعب فل عن بكرة ابيه )

9- مباراة الهلال والكويت الكويتي في بطولة آسيا . ( نفس الكلام اللي تحت )

10- مباراة الهلال والوحدة الاماراتي في بطولة اسيا . ( نفس الكلام اللي فوق في النقطة 8)

11- جميع مبارياتنا معهم تكون الغلبة للجمهور الهلالي .

12- مباراة للنادي الجار على نهائي بطولة آسيا عام الف وحطبة يوم يجيبون ستيشكوف , الملعب ما تفلل تخيلوا مباراة نهائية وعلى آسيا وما تفلل , وازيدكم من الشعر بيت ترا كوزمين لعب ذيك المبارة لانه كان محترف في فريق سامسونج الكوري , وعلى فكرة يعرضونها على قناتهم .

ماذكر سابقاً كما يقولون غيض من فيض مدري فيض من غيض

المهم اتوقع بعد اللي ذكرته مالهم اي حجه , لكن مثل ما قال الحمادي لو غير الهلال كان ماسمعت تشكيك

لكن لانه الهلال فابشر بالتشكيك , لذا قلت عنهم ( مرضى الفوبيا الهلالية ) .

في الختام تقبلوا تحياتي وتقبل الله منا ومنكم الصيام والقيام

اخوكم : $ هـــلالـــي ســــامـــــــي $