|
المعلق عبد الله الحربي ما بقى الإ يطقها بجنب شعبولا الإيطالي السلام عليكم بصراحة ما اتابع مباريات بالدوري غير الزعيم والمباريات القوية ، لكن قدر الله علي وغصب تابعت بعض مباراتين للنصر هالموسم وهي الاولى مع نجران والثانية مع التعاون ،، في مباراة نجران قلت يمكن خلنا نعديها شوي الحربي وده فريقه يطلع هالسنة بعد سنوات العجاف وحال لسانه يقول ليتني اطقها بدال واحد منهم انهي المباراة من البداية ،، لكن اليوم زودها شوي ما احترم المشاهدين المحايدين اللي جايين يشوفون ديربي الوسطى الثالث بين النصر والتعاون ، ليت التعاون مستواه سيء علشان يتحسف على عالميه ،، قاعد يوجه لاعبين ما بغى الله يجي جنب شعبولا مدري زنقا هو وخلاقينها واكسسواراته الجزيرة لازم نوصلها امتعاضنا من هالوضع يعني ما فيه في هالبلد الا هالولد يعلق .. بس عطوني الطريقة |
عبدالله الحربي معلق كبييييير و ماا فييه شي يدعي انك تقول الكلام هذاا عنه يعني لازم يسب النصر و يمدح الهلال عشان تحبونه او يسب الهلال و يمدح النصر عشان النصر يحبونه <<< وجهة نظر :D تحياتي ... |
يعطيك العافيه اخوي فعلا الحربي ما ادري وش يبي مع انه هلالي ؟. اذا كان بهالطريقه بزعمه يبعد عنه الشكوك ف هو متخلف مو طريقه بصراحه الهلال مايتكلم عنه وسب والرابطه وينه ... الخ والنصر لبطل و,و,و الخ تحيتي اليك ع هالملاحظه |
ياخي انا مثلك متعجب من المدح الزايد للنصر و جمهورهـ كل دقيقة ونص لازم يطريهم ,, مع أن التعاون أفضل ،، لكن قد شفت مقطع في برنامج على الكاس كان الحربي و الحربين في الحلقة , و الحربي أعلن عن هلاليته ،، |
نبي الحياديه لا اقل ولا اكثر |
ما علي منه هلالي ولا نصراوي ولا يشجع مرخ :) لكن زودها حبتين |
إقتباس:
88 وانت وش حارق رزك وجهة نظر كاتب الموضوع وهو حر برايه وانت تبي الكل يمددح بالحربي والا ماقدرت تخفي مشاعرك ومعجبك هالمعلق |
انا شفت اهداف النصر في المباراة الماضيه والله نفس ما قلت ما بقى الا يطب الملعب ويلعب معهم |
يبي يكسب جمهور الفقر مو عارف التعليق من سيء الى اسوا الا على فكره ماتابعت معلق الاهلي والفتح مدري ليه يعلق هذا ؟؟؟؟؟ |
ههههههههه شكلكم تبونه يسب جمهور الفقر بالتوفيق لـ الحربي وانا اشوف انه معلق حيادي ونزيـه ويعطي المباراه جوهـا والي يشكك بكلامي شوفو مباراة الهلال وبونديوكور ، وشوفوه كيف تغنى بالهلال وجماهيره |
ياشيخ بغا يموت اليوم تقول المنتخب يلعب في نهائي كاس العالم راح صوت الحربي من الحماس مع النصر وضايق صدره مره من الرفعات ويزاعق زعاق كنه من الجهاز الفني للنصر , مخلينه يعلق مباراتين للهلال ينتقد ويقول مباراة ممله وشوي ويقول الهلال مايستاهل الفوز ,,, بس الغريب التحكيم بعد كل مباراة يجامل النصر خايف من ادارتهم تسبه وتشكك في ذمته كالعاده لكن الشرهه علي الاتحاد السعودي اللي مايوقف السفهاء عند حدهم !! وانا اقول للحكام ترى الله احق من تخشوه من ادارة النصر وصحافته المعاقه ,, هدف النصر الاول الحارثي مرتقي فوق اكتاف المدافع والهدف الثاني للنصر تسلل اوضح من عين الشمس ورجل الخط خايف من جمهور النصر ويبي يلغي هدف اوضح من عين الشمس يقول امير عزمي ضرب لاعب النصر والله اللقطه اوضح من عين الشمس اللاعب مد يده للخلف بنعومه جدا عشان يحمي ظهره من ذا اللي يشوته في ظهره والحكم راح يطرد اللاعب ظلم وتعدي ,, شف لاعبين النصر وشلون طاحوا علي وجيههم مقتنعين ان الهدف صحيح وفيه ضربة جزاء اوضح من عين الشمس للتعاون الكوره مرفوعه واللاعب يبي يضربها راس والدوخي يشوته وهو مرتقي والحكم ياغافلين لكم الله , اهم شي اسلم من سب ادارة النصر وهذي سياسة حكامنا للاسف ناس تخاف ما تختشيش !! معليش طولت بس مقهور من ذا التحكيم قبل ثلاث مواسم كان النصر بيهبط درجة اولى وفي اخر ثلاث جولات حسبوا لهم خمس ضربات جزاء كلها افلام هنديه عشان ماينزل النصر !! حسبنا الله ونعم الوكيل |
الشوط الأول سيطر التعاون فيه سيطره تامه فوصفه الحربي بشوط ضعيف وحينما تحرك قليلا النصر في الشوط الثاني امتدح المباراة وامتدح على ضوء هذا الشوط الدوري السعودي مباراة التعاون والنصر اصبحت من وجهة نظره مقياس للدوري عندما تناصف الفريقان السيطره في الشوط الثاني ماباقي الا شوي ويقول جماهير النصر هي فقط في الملعب .. وعجبي اما الحكم السعودي اثبت بما لا يدع مجال للشك انه ينقصه فانيلة النصر ليتزين بها والدليل ماهو حاصل الأن في مباراة التعاون من تجاوزات عن كروت مستحقه لأربعه لاعبين نصراووين اولهم الدوخي وعباس واجانبهم الذين ثبت فشلهم باستخدامهم اساليب الضرب الواضح هذا فقط في اول نصف الشوط الأول عدا عن ماحصل من احداث عجيبة غريبه الى ان سجل السهلاوي هدفه الثاني من تسلل واضح لدرجة انه السهلاوي بنفسه كان يشك في احتساب الهدف لمعرفته التامه انه في موقع تسلل واخيرا نرجي من حكامنا خير .. الله يخلف بس.. وياقلب لاتحزن لاجديد على التحكيم . |
إقتباس:
اصلا ما عندنا الا هالمعلق فارس عوض و طااار و صدقه ذااك حق الرياضيه يحاول يقلد فاارس بس ما للحبيييب الا الحبييب الاول :s3s: يعني ما فييه الا عبدالله الحربي و عبدالله الحربي هلااااالي :mad: |
ههههههههههههههههههههههههههه ياخي في مباراه الفتح يوم جابو التعادل الفتح جتهم هجمه بغو يجيبون الثالث الفتح الكوره اللي اشترك فيها الدوخي وطلعت ركنيه وحسبها مرمى ودي انكم ترجعون لشريط المباراه مادري اي دقيقه اهم شي بعد القول الثاني للفتح على الفقر على طول وش يقول الحربي غط الجهه اليمين يعني عند الدووخي صدق مايستحي وبعدين اللي يقول هلالي يااخي ماانبيه ينافق فرريق كديش |
يعني لازم يسب النصر و يمدح الهلال عشان تحبونه |
بصراحه انا استمتع بتعليقه لمباريات الهلال واتفائل عندما يعلق على مباريات الزعيم ^_^ معلق كبير |
شوف الحربي معلق صراحة كبير’’ وصحيح ان ميوله نصراوية’’ لكن تكفى يا معلق يا كبير نبغى شوي حييادية’’ |
الوآحد لا طفررر رآسه من الأفكآر بالمواضيع وبيزود مشاركاته نزلكـ موضوع عن عبدالله الحربي.!! يآخي فيه إختراع إسمه ريموت وعندكـ خيارين : يا إكتم التلفزيون ولا غييييييير المباراة كلها ولاشكلك تعآوني..!!؟؟ أما عبدالله الحربي أغلب الجمهور الهلالي يشهد إنه أفضل معلق والديل مباراة بنديكور الكل طبل ونزلت مواضيع كثيره أزعجونا فيها زي ماتزعجنا هالأيام أنت وغيرك بهالمواضيع..!! تحياتــي .. |
وبكل حياديه انا اشوف انه ايضا مدح التعاون خاصة لما اشتدت المباراه باخرها وانا معاك بانه زودها شوي مع النصر وخاصة مع سعد الحارثي اللي اعتقد انه اعطاه اكبر من حجمه واما بخصوص التعليق انا اشوف انه معلق مبدع ويحمس المباراه في اكثر اوقاتها واعيب عليه فقط المدح الزائد لمن لا يستحق وبالتوفيق للجميع ان شاء الله |
نبي الحياديه لا اقل ولا اكثر |
ياكرهي له ذا المعلق !! من جد مابقي الا ينزل ويلعب مع الفقر !! |
الحين اغلب الردود تأيد كلامي لا واللهم اني صائم جاي واحد يقولي ااني ابغى اكثر مشاركاتي .. هيه انت .. شف كم عمري في المنتدى وتعال قل عني اني ابغى اكثر مشاركات ، يومك تحبي وتمش خشمك بطرف كمك وانا اسجل بالزعيم .. شكله ابن اخيك وقلبتها عصبية قبلية بس ما عرفت شلون ترد علي .. والنعم بالحروب رجال ... لكن حدثني حسب الاغلبية ولا تدخل في النيات تقول اكثر مشاركاتي ومش عارف ايه .. اللهم اني صائم |
اليوم اكبر مثال اي هدف للحالمي يقعد يصايح شوي ويطير من الفرحه واي هدف للتعاون كنه يبي يصيح ويالله نسمع صوته |
تسلم اخوي على طرح بس اتوقع انه يتحمس مع فرق المنطقه الوسطى اكثر هذا توقعي |
آنـا شخصيآ ما يـهمني المعـلق يشجع نجرآن يشجع النصر يشجع آلآهلي يشجع الهـلال يشجع الوحدة الامـآرآتي هـذآ شي رآجـع لـة لـكن هآلآسسنآن عبدالله الحـربي لاحظت علية آنـة متحمـس حمآس مو طبيعي مع الفـقـر ذاك اليوم آسسمعة يقوول لآ تخآفون يآ جمآهير النصر الذاابح بيدخل آلحين ومدري وشو هههههه واليوم شوي بيجلس جنب شعبولآ على قولتك يآ معـلق شجع برآحتك بـس آنت معـلق والجميع يسمع لك لازم تصير محآيد وتحترم المشآهدين واللي يقول الحربي معلق كبير آقول لة آول كان معـلق ممتـآز قبل سنتين تقريبآ آلحيـن صآير معلـق ضعيـف بدل ما يحمس المباراة تشوفة يبرد المباراة ولكم في مباراة الهلال والحزم آكبر دليل كانت المباراة بدون روآبـط الحـربي كل شوي يقول وش ذآ كآن الملعـب فآضـي وآلمبآرآة بآردة أذا آنت يآ معلـق تقول هـآلكلآم آجل المشآهد وش بيقول وبعدين آنت يآ معلـق وضيفتك اللي يعطونك رآتب عليهـا هـي آنك تعلـق وتطربنا مو تطفشـنا على العموم اتمنى آلحربي يراجع نفسـة ويرجع مثل آول |
|
عبد الله الحربي من افضل المعلقين السعوديين وتراه هلالي ومحايد وبالتوفيق له وترى الحربي يا ما تغنى بالهلال فلا تصيرون حساسين زيادة عن اللزوم تحياتي |
والله انه معلق صغر في عيني يا ليت اليوم مهب معلق مباراة الهلال |
يخسى يكون هلالي والله كرهت الحربي بعد مباراة التعاون والنصر والله يوم جا الهدف الثاني شف كيف قام يمدح والله لو انه المنتخب للاسف طاح من عيني |
حبيبي لمعلوميتك الحربي اهلاوي مجنون ويموت في مالك ولمعلوميتك قبل سنتين كانت فيه مباراة للحزم والنصر واحتسب فاول للنصر وقال الحربي فاول للفريق (النصراتي). |
خير يابو الشباب ؟؟؟ ترا هذا معلق ولازم يكون محايد ماهو جالس يعلق في بيتكم علشان تتحكم فيه وش يقول في ناس فاهمه الكوره غلط يعصبون الكوره تعصب يعني اذا المعلق هلالي لازم يسب النصر او الاتحاد ويقول الهلال اقوى فريق على الكره الارضيه |
إقتباس:
اقوووووووووووول ولو عن الغلط لا تكلم على مرخ (سابقاً) :ranting: الزلفي ( حالياً ) :laugh: ههههههههههههههه :s4s: رمضانـ كريمـ :rose: |
الحربي نصراوي ومتعصب بعد وجاه انذار بعد اول مباراة بسبب عدم حياديته احسن اوقاته اذا علق وهو رايق اما اذا بدأ يتصنع او يدس السم بالعسل هنا حط المباراة على الصامت واستمتع بالخمسات |
| الوقت المعتمد في المنتدى بتوقيت جرينتش +3.
الوقت الان » 03:27 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd