السلام عليكم ..

بالنسبه لمباراه الهلال والغرافه , طبعا كل الهلاليين يبونها بالاستاد اصلا من متى والهلال كـ كيان من رئيس لإداره لجهاز فني واداري لـ جمهور كانوا يفاضلون بين ملعب الملز او الاستاد ؟! , اساسا الاستاد ميزه لنا كـ هلاليين , نسيتوا ان الاستاد مرعب للخصوم ؟ ما كنا نتغنّى فيه وانه مقبره لمن يجي يقابلنا فيه ؟! , العام الماضي ما فزنا على النصر فيه بالخمسه ؟ ما فزنا على الشباب بـ ثنائية بالدوري , واقصينا بوندكيور من دور الـ 16 بدوري ابطال اسيا بثلاثية نظيفه ؟ اصلا عيب اني افكر واقول الهلال عنده مشكله باللعب بالاستاد , مجرد تفكير بس .. يعني كـ لعب ما عندنا مشكله فيه .. بالنسبه للأرضيه اتوقع بيمديهم يعالجونها لأن باقي وقت طويل على مباراه الغرافه , الاستاد يرعب بالجمهور يعطي دفعه للعيبتنا ويرعب الخصوم وبشهادتهم !! ,


هذا جانب .. الجانب الثاني المباراه ماراح تكون سهله ابدا لـ عدة اسباب .. اولها ان الفريق خليجي وما اقصد بـ هذا ان في عقده ! لا .. ما فيه عقده من الفرق الخليجيه ولا شي اصلا ما دمرنا مع الفرق الخليجيه الا طريقة اللعب اللي كان ينتهجها الهلال قبل وهو الاسلوب الدفاعي والمشكله ان الفرق اللي قابلناها كلها اسلوبها دفاعي وحنا نلعب بمهاجم واحد وبعرضيات ولا منها فايده . عموما المشكله ان المستويات متقاربه غير النديّه المعروفه بين الفرق الخليجيه اضيفوا الى ذلك ان الفرق السعوديه دائما كعبها عالي على باقي الفرق الخليجيه ومن هالمنطلق لما فريق خليجي يقابل احد الفرق السعوديه يحاول انه يتفوق عليه وشلون لاصار الهلال زعيم اسيا ؟! .. عموما مقابلتنا للغرافه جت من صالحنا وصالحهم بنفس الوقت , بحكم بداية الموسم المتقاربه بيننا وبينهم , عكس الفرق الشرق اسيويه اللي موسمهم بنصه الحين ! وبعد قرب المسافه ولا مطامر لـ كوريا وحنا مو ناقصين ارهاق للعيبتنا بأول الموسم .. الغرافه فريق ما يستهان فيه وبنفس الوقت مهوب الفريق الصعب , شفنا بدوري المجموعات كيف الاهلي احرجه لولا دفاعهم اللي خذلهم , وفاز على باختكور بالدقايق الاخيره بهدف وحيد .. اذكر قبل فتره بمنتدى الزعيم فيه عضو نزل موضوع عن الغرافه وكان متابعهم من بعد القرعه بشكل مكثف وكان يقول انهم يعتمدون بالهجوم على الجهه اليمنى اللي هي جهة نامي حاليا واللي يشغلها لي يونج عادةً , ونقطة ثانيه لازم يركز عليها فريقنا انهم ما يرتكبون اخطاء كثير بملعبنا لان عندهم جونينهو ! .. آسف على الاطاله , وكنت اتكلم بموضوع ودخلت بموضوع ثاني .. اعذروني