![]() |
يا من تنتقدون الظهير العصري ( نامي ) اسمحو لي اقول لكم ( ماعندكم سالفه ) السلام عليكم ورحمة الله وبركاته اسعد الله اوقاتكم ورمضان كريم الحقيقه من المؤسف ان يتواجد بيننا عقليات لا تؤمن بمبدأ التغيير والتغير ومبداً الاستفاده من الأخطاء الذي هو مطلب كل الجماهير الواعية والمتفهمه .. فبعد ان وجهت تلك العقليات واشبعت ذلك اللاعب بالكم الهائل من الانتقادات في الموسم السابق وما قبله , هاهي تعود مجدداً وتعيد وبنفس الصيغة تلك الانتقادات التي كنا نفرض جدلاً بأن هدفها التغيير وتصحيح الخطأ ولكن يبدو انها لا تعدو مجرد انتقادات سلبيه ولمجرد النقد فقط لا غير ! . الظهير الأيمن اللاعب محمد نامي الذي وُصف بالـ ( النكبه ) ووصف باوصاف كثيرة تجعل من يستمع اليها يشعر بأنها موجهه للاعب مبتدئ لا يعرف من الكرة الا اسمها , فلا هو الذي يجيد التثبيت ولا التسديد ولا الدفاع ولا الهجوم ولا العرضيات !! .. وفي واقع الأمر وعندما نشاهد اللاعب على ارض الملعب تتفاجأ بأنه يعطي كل مجهوده دفاعاً وهجوماً وتمريراً وتمركزاً ( ومحارباً ) .. والمسكين لا يعلم بأنه يحارب في المبارة ويحارب نفسه ايضاً لاجل ان يقول لكم ( اصمتوا ) فأنا اعمل لاجل الشعار وانتم تعملون في عكس التيار !! . كيف للاعب ان يستمر في عطاءه اذا اصبحت انظار الكثيرين من الذين لا يعرفون من النقد الا ( هذا اللاعب فاشل وخلاص ) ؟! .. لماذا يعاني الجمهور من قصر النظر او دعني اقول النظره السلبية الاحاديه التي تشاهد اخطاء اللاعب فقط ولا تلتفت للمجهود والعطاء الكبير الذي يقدمه في الملعب , ولا اقول تاريخاً قدّمه !! . نامي ( العصري ) في هذا الموسم وفي اوله نشاهد أنه يؤدي كل الادوار المفروضه عليه كظهير فشاهدناه يدافع ويهاجم ويتقدم لمساندة خط المنتصف والمقدمه وتحديداً ( الجناح الطائر ) ويلي بالاضافه الى تحسن واضح في الكرات العرضيه والتسديد البعيد ( الدقيق ) وليس العشوائي , كل ذلك كيف اختفى عن انظاركم ؟ وكيف اصبحنا نعشق التطبيل لصاحب المهاراة الفلانيه وصاحب الاهداف السحريه وتناسىينا أن الـ 10 لاعبين لا يلعبون كما يلعب الفريق بـ 11 لاعب !! . ويا من تعشقون ( الذب ) ( وتدمير اللاعبين بانتقاداتكم ) هل لديكم الآراء الفنية والخبرة الكافيه لكي تتفوقون على جريتس وتتجهون اليه وتقولون له ( ترا ماعندك ظهير واللي قاعد تسويه غلط × غلط لانك ملعب لنا لاعب نكبه ) ؟ . لدي أمنية ارجو ان تصل الى شبيه الريح والى صاحب القلب الكبير ( عبد الرحمن بن مساعد ) بالتحدث الى احد الصحف او حتى القنوات الفضائيه بعد احد المباريات ليخصص حديثه عن اللاعب محمد نامي والاشادة بادواره واسكات كل منتقديه ونفس تلك الامنية اتمنى ان اشاهدها من سامي . تحية انصاف : ناعس الطرف . |
يآخي هو لاعب اوووكي بس لو يفكنا أحياننا إذا مسكت معآهـ سبآق ويقلب الكورهـ مضمار سبآق .!! خصوصاً إذا الكورة معآه وشطف مدافع الخصم وهو يمشي3000 والقهر آخرتها مايردهـ إلا التمآس وتطلع الكورهـ آآآوت..!! وأللي يقهرني زيآدهـ تمسك معه غلط ويتنننح ويدعسس وكأن الكوره ماطلعت.!! يآخي ليش يانآمي؟؟ طيب لاتضيع وقتنا ورجع الكوره وخل العالم تلعب التمآس ولاتضيع وقت المباراه وأنت دآآآس وكأن محد شآفكـ أبد ..!! والله لاعب ماقدرت أعرفله ..!! أحسه مسكآآآآت ..!! أحياناً لاعب وأحياناً مادري وش يبي..!! |
محمد نامي مثله مثل غيره من لآعبين الزعيم يستحق كل التقدير والإحترام.. يكفي إنه يعطي في الملعب قد ما يقدر.. يعطيك العاافيه.. |
نآمي نآقصه آلرتم آلموحد يعني صدقني << دآخله عرض :laugh: يعني لو يلعب برتم ثآبت طول آلموسم رآح يكون من أفضل آللآعبين بس تشوفه مبآرآة توب و مبآرآة سيئ ! يحتآج لوقفة صآدقة من آلإدآرة و آلجمهور :smilie47: وحنآ معك يَ نآمي :ba: |
وعليكم السلام والرحمه اخوي انا معك بالكثير من ما قلت ف: نامي لاعب جيد ويؤدي كل مالديه ويحاول بذل ما فوق طاقته لكن اخوي كن واقعي قليلا ف كل مالدى محمد نامي لا يرتقي لان يكون في خانه الظهير في نادي الهلال الهلال نادي يلعب بمراكز كامله القوه وكلنا يعلم ان محمد لا يجيد الدفاع بتااااتا ويعاب عليه ايضا عدم الالتزام بالخطط مع المدرب انا اقدر هذا الاعب لانه يبذل كل مالديه ولو بذل كل لاعب في الهلال نصف مجهود محمد لكانت كل البطولات هلاليه |
هذي الموااضع الزينه مو زي بعض الاعضاء الله يهديه كل مواضيعه عن الفقر ! انا اقول محمد نامي مستوااه مرة نازل ومرة صااعد وعلى حسب مزاجيته في يوم المباراة ومحمد هالموسم متغيييير ومتحسن مستواه بالنسبه للموسم المااضي وبكثير لانه اعطي الفرصة الكااااافية ,, صادقين اذا قالو بعض الاصابات خيرة ,, والكعبي لو يعطي فرصة بيكون مببدددددع ويكون فيه تنافس بين نامي والكعبي فيما بينهم ماشاءالله على الهلال يغيب نجم ويطلع نجم ثااااني وان شاءالله هالنجوم يتلئلئون في ليله 15 ومع نجووووم الجمهور الحاضر رآح تكون ليله لا تنسى كل الشكر لك وبالتوفيق للهلال |
مشكور ع الطرح الرـــآ ىع .. :) |
كفايه مجاملات كفايه تلميع لاعب اخذ فرصته وبزياده يوجد لاعبين افضل منه ومن الغنااام بس مااضمهم الهلال لايوجد كشافين |
ما قلنا شيء .. مجتهد ويحاول تطوير نفسه ع عيني وراسي .. ولاعب خلوق ومحترم كل ذي ما اختلفنا فيها! .. لكن كما ذكر الأحبة ببساطة شديدة : اللاعب ليس بمستوى فريق كالهلال :) |
نامي يذكرني بواحد الله يستر عليه ماتدري ويش تقول عنه يعرف يلعب ولا مايعرف يجيييك طاير شوي يدعس على الكوررة ويطيح:s5s: ونت تقول عنه هذا ماعنده ماعند جدتي ومراتن تمسسك معه ويلعب صح ويشوت صح:s5s: بس ياخوي خلك على مقرودك لايجيك اللي أقرد منه :s5s: والله انه اشوا من البارد الزوري هو يمسك اليميين ولي ينق جهة الزوري تحياتي يالغالي:rose: |
ماحد يختلف في ان نامي لاعب مجتهد ولاعب يبذل كل مايملك لكن طبيعي يكون تفاوت في مستويات اللاعبين ، نامي في المباريات الكبيره مرتبك جدا ولو اني اشوفه تطور في الآونه الأخيره وكل جمهور الهلال يتمنى له كل التوفيق بالعكس ودنا له بالنجـاح مع الهــلال . |
والله ما اقول الا الله يعطيك العافية على موضوعك ولبا قلب نامي بس |
عوااااااااااااااااااااافي على هيكــ موضوووووووووووع ون شاء الله نشوووووووووف مستواااااااااه يرتقي الى نااااااااااادي بحجم الزعيم |
لايغرك حكيهم يا نااااااامي والله فعيني انك كبير من ايام كوزمين والله نامي كبير شوفوا مواضيعي عنه واعجبابي فيه صدقوني قلت لكم هو من سيعين ويلي في الانطلاق من الطرف بس ناقصه الاحتكاك مع الاجنبي الاشقر وهذا هو يتعلم الان ويستفيد من لي يونغ والاشقراني نـــــــامـــــي وبس قسم بالله انك فحل يراعي الموضوع يلوموني فيك والله انك فاهم وتفكيرك مثل تفكير العقلاء جيرتس لمن يختار نامي ظهير حاليآً إلا انه مقتنع فيه وراضي فيه كـ ظهير دولي حتى عند مدرب المنتخب ماعليك من راعين البربرة والتجريج انا نزلت موضوع عن الثعبان الازرق مفصل بس الاغبية يتريقوون وانا اقول لهم من خلال موضوعك اتقوا الله ولاتجرحون في الرجال والله نامي كبير ولاعب ومغطي الخانة وماله داعي التريقة الللللللل10000000000000000ـف شكر ياصاحب الموضوع شجعوا نامي ارجوكم وخلوه يستمر هكذا دايم احترامي |
عندما يلعب الهلال مع الاتحاد او الاهلي او الشباب تتوقع نامي بيقدر يلعب كورة زي الناس؟؟ نامي ظهير احتياطي غير مطالب بعمل المعجزات . وجوده مفيد للهلال وهو من وجهة نظري اصرف من كامل المر |
الوقت المعتمد في المنتدى بتوقيت جرينتش +3.
الوقت الان » 09:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd