نادي الهلال السعودي - شبكة الزعيم - الموقع الرسمي - أحلـى أكــلــة لأحـلـى أعضـاء ....... (( المرقوق ))

مساكم الله بالخير حبايب ألبي

كثرت المواضيع لكن للأسف نسينا مواضيع الطبخ

والمفروض هذا من اختصاص الصبايا

لكن بما أني قد وعدت بطبخة فـــ تفضلوا :

(( المرقوق )) لمن لا يعرفه أكله شعبيه قديمة ............ يازين الشرح

ماني مطول بالكلام و راح أبدأ بالمقادير :

ثلاث كأسات ونصف طحين أسمر ...... مو تجيبون لي أشقر

كيلو لحم غنم مع العظم ............

كأس ونصف ماء ........... ترا تقدرون تستخدمون نفس الكاس مو شرط واحد ونص

كأس ونصف بصل ............ هذي الي عجزت أفهمها كاس بصل ؟؟؟ عاد رقعوها أنتم

ملعقة طعام ثوم مدقوق ........... ( مدقوق ) يعني مطحون اذا ماني واهم

ملعقتي طعام زيت ............

حبتين بطاطس ...........

ثلاث حبات جزر .............

كأسين قرع اصفر ............. والله أموت و أعرف وش يطلع هذا

ثلاث حبات طماطم ...........

علبة صغيرة معجون طماطم ........... معجون طماط يا عالم مو تترسونه معجون أسنان

ثلاث حبات فلفل اخضر حار ............ ترا الفلفل مو غصب

ثلاث حبات ليمون أسود عدل ...........

قليل من الملح .............. قليل يعني شوي

قليل من الفلفل أسود المطحون .......... ( المطحون ) المدقوق

ملعقة شاي بهارات مخلوطة .........

و هذي كل المقادير

و نجي الحين لطريقة العمل :

يعجن الطحين بالماء حتى تتكون عجينة طرية ثم تترك نصف ساعة جانبا

يوضع البصل والثوم في قدر مع الزيت ويحمر جيدا

نضع اللحم مع البصل ويتبل بالملح والفلفل الأسود والبهارات

تضاف حبات الطماطم بعد تقطيعها على الخليط ويترك على النار حتى يذوب الطماطم

يضاف 8 اكواب من الماء على الخليط

يترك على النار حتى ينضج اللحم نصف استواء

يضاف الجزر والبطاطس المقطع والقرع الأصفر ومعجون الطماطم والليمون الأسود

تفرد العجينة ثم تقسم إلى دوائر بواسطة فوهة الكأس

توضع أقراص العجينة على المرق وهو يغلي حتى نفاذ كمية العجين

يوضع القدر على نار هادئة جدا لمدة ساعتين تقريبا حتى ينضج العجين

يوضع الفلفل الأخضر الحار قبل النضج بقليل

وهذا كل شي عن المرقوق :)

,,,,,,,,,,,,,,,

و هذي نصائح على شان تكون أكلة تمام :

أول شي عليكم بالقدور الأصلية .......... والي يتفاعل معها المرقوق

http://www.picturescity.com/gallery/...hen/kitch4.JPG

وبعدين أحرص أن اللحم يكون طازه مو أي كلام :

http://www.picturescity.com/gallery/food/meat/meat3.JPG

ولا ينصح بهذه الخرابيط مع الأكل

http://www.picturescity.com/gallery/...ks/drink12.jpg

و أنما لازم لك كاسة لــبــن <<<<<<<<<<<<.... أخو الحليب يعني مو شي غريب

http://www.picturescity.com/gallery/...nks/drink3.jpg

و الله الله بالخضرة الجديدة

علشان ماتقعد تتلوا بعد الأكل

http://www.picturescity.com/gallery/...ble/veget2.jpg

تنبيه للتماسيح : اذا بغيت و أنا أخوك تتفلسف وتسويها , ينصح بمساعدة وليت الأمر .

وبعد هالأكله حط راسك ونم .

ترا الوصفه ملطوشه ..... بس الباقي مني :D

,,,,,,,,,,,,,,,,,,,,,,,,,,,,,,,,,,,

و أخيراً تقبلوا تحيات الشيف yazeed .. :D

و نتمنى لكم وجبة سعيدة