|
ياسر ما يبي يلعب الاسيوية .. و جيريتس لازم يطير .. لصالح الهلال !! السلام عليكم و رحمة الله و بركاته :smilie47: يوووووه مشتاق اكتب في هالقسم .. فقلت أخربط لكم شوي و أشخبط بكيبوردي العزيز :smilie47: :razz: ما ادري من وين أبدأ .. بس نبدا لأنه أكيد الموضوع ما ينتهي الا ببداية :razz: المهم في هالفترة الماضية شفت شيء عجيب و المشكلة انها بشكل يومي أشوفه !! في لحظة حسيت ان الهلال فريق غير سعودي .. جاء يلعب كم سنة و يطلع و الكل ما هو راضي عنه و يتمنى خروجه من السعودية اليوم قبل بكرة !! صرت كل ما احط القناة السعودية الرياضية أشوف كلام عن الهلال و جيريتس .. كل ما أقرا اخبار لا بد إني أقرا شيء عن ياسر و غيابه !! .. ليته كلام حلو و يحافظ على استقرار الهلال .. بالعكس كلام يحاولون فيه زعزعة استقرار الهلال بشكل غريب جداً !! بدوا الموضوع بجيريتس .. و عن روحته للمغرب .. المشكلة ما ادري الى متى يتكلمون عن هالموضوع .. أجزم انهم بيتكلمون عنه حتى نهائي دوري ابطال اسيا دون توقف [ بإذن الله يتأهل الهلال و يتوج بالبطولة ] لاحظوا من مباراة بونيودكور أو حتى قبلها بمدة .. إلى النهائي .. تقريباً سنة .. واااااااوك يا هي مدة يتكلمون فيها عن قضية واحدة المشكلة و اللي اشوفها مصيبة ان المسألة صارت واضحة .. الرجال وقع للمغرب .. بيستمر لنهائي آسيا .. و بيطلع للمغرب أو حتى بيجلس لنهاية الموسم .. طيب وش يبون يثيرون هالموضوع .. يعني هدفهم تعال يا الهلال ترى نبي مصلحتك و نضغط عليه و يجلس .. هذي ما يسويها الا عيال مساعد :smilie47: الهدف واضح .. نشتغل ع المدرب و نحاول قدر المستطاع نزعزع علاقته مع اللاعبين !! كملوها الآن بمستوى الهلال السيء .. سبحان الله ما كأن الفريق بدا الموسم اللي راح بمستوى سيء قدام القادسية و ما قدر يفوز الا في الدقائق الاخيرة .. هالموسم بدينا قدام التعاون فريق كان مقفل بشكل كبير .. و أيضاً بعض اللاعبين منخفض مستواه [ في المباراة ] و أرضية الملعب سيئة جداً .. كل هذي كانت ظروف مباراة فقط لا غير و تروح إن شاءالله .. قدام الحزم الفريق قدم مستوى أفضل بالرغم من الاشكالية المعروفة عن ملعب الحزم اللي هي مساحته :) الشباب مستواه سيء و أسوأ من الهلال بمراحل و ما شفنا هالكلام كله عليه .. عارف ان الهلال يجذب الصحافة أكثر و لكن المشكلة هناك هي اللي يجب انها تُثار .. لكن لأنه الهلال فلا بد اننا نطلع عنه كل هالكلام عشان نأثر عليه و نزعزع ثقة الفريق .. أما الشباب لا فريق سعودي و لازم ندعمه :razz: شر البلية ما يضحك في النهاية رد بسيط على قضية ياسر اللي تضخمت بقدر غير طبيعي .. سمو الأمير عبدالرحمن بن مساعد ما هو جديد على اللعبة و يعرف كل شيء و رجل واعي و يقدر يوزن الأمور بحكمة و رجل عنده دراية كاملة بأمور النادي و الأصلح للنادي .. فـ من المستحيل انه يتأخر عن لاعب مهم في الفريق بمستحقاته قبل مرحلة هامة جداً للفريق نحتاج فيها كُل لاعب :) و أيضاً ياسر و إن كان حق له فـ من المستحيل انه يستغل ظرف الهلال الحالي [ قرب مباراة آسيا ] بالمطالبة بمستحقات متأخرة و ما يتدرب مع الفريق و من هالكلام .. الكلام هذا ممكن يحصل قبل مباراة مهمة في الدوري او ولي العهد او الملك .. لكن قبل آسيا مستحيل ياسر يستغل الهلال و كلنا نعرف تضحيته للهلال و وقفات الهلال معه :) الرجال ضحى أيام انتقاله بأكثر من 20 مليون فرق العرض الإتحادي عن عرض الهلال يجي الحين يساوم الهلال ويغيب!! هذا غير سوالف ثانية .. سالفة ويلهامسون .. وسالفة نيفيز و كلها كانت فيها مراعاة لظروف اللاعبين لكن لازم يتحرف الكلام و يسببون مشاكل فيها :) ايه صدق في النهاية فيه شيء شفته اليوم ما كملته بس ضحكت عليه :razz: حطيت ع السعودية الرياضية بالصدفة لقيت الحكم المعتزل الحمدان يتكلم عن رحيل جيريتس :razz: من بقى ما أبدى رايه :razz: هذي شخبطاتي أتمنى تكون بسيطة .. فاضي و طلعت شيء من اللي في قلبي و اعذرونا على الاسلوب البسيط :) :rose::smilie47::rose: |
والله صدقت يالغالي :rose: فيه ناس مرضى بمرض كره الهلال هذا ياطويل العمر مرض مايصيب الا كل ماهو اصفر ومن اعراضه سب الفريق الازرق وخروج اشاعات :ranting: وكره للاداره واللاعبين واعضاء الشرف وكل ماهو ازرق :s2: تحياتي لك :rose: |
حياك الله اخوي انت وشخبطاتك........ فعلا صدقت والهلال اصبح وجبه اعلامية الكل يتطرق لها ... لكن باذن الله ان الاعلام الهلالي يلتفت ويتعامل مع هالنوعية ......... تحياااتي لك ولا تنقطع ثاني مره...... |
حسبي الله عليهم ماتركوا الزعيم وجماهيرة في حالهم الله يستر على الزعيم في الأسيوية والله اني خايف من المستوى واللعب بطريقة واحدة طول مباراة الحزم والتعاون آآآآآآآآه من جريتس لية راكن الشلهوب............(ماادري) |
والله طرح روعهههه وبالتوفيق للزعيم بالسيويه |
يا شباب ما تلاحظون انهم يستهدفون فريقنا ويسبون ويطلعون الاشاعات ويخططون ههههههههه والله متعبين انفسهم واحنا والله ما جبنا خبرهم تعرفون اني ما فكرة في يوم اني اسيئ لفرقهم اقصد الاصفرين عارفين ليش لان اللون الازرق والابيض طاغي على كل شيء (مالي عيني)لا ارى الا هو لدرجة اني لا اكاد ان ارى اي لون غيرهاللونين لذلك لا اتذكر اي فريق غير الهلال ولا اشغل نفسي بغيره اللهم لك الحمد والشكر ادارة محنكه فريق عمل فني احترافي لاعبين موهوبين بمعنى الكلمه وفوق هذا كل سنه بطولة بطولتين من العيار الثقيل ما اقول الا اللهم لك الحمد والشكر ... ويا رب من اراد الهلال بسوى رد كيده في نحره تحياتي للجميع والعشر مباركة |
والله صاااادق شخابيط في الصميم الكل اصبح همهم الهلال وحال الهلال إلى متى ؟؟؟؟؟؟؟؟؟؟ الله اعلم ولكن بأذن الله تعالى سيبقى الزعيم زعيم لهم كلهم |
s29s s29s s29s انا بحلم ولا بعلم s85s اسير هنا.. بين ظهرانينا ؟؟ أي ريح قذفت بك يالماخوذ s47s عالعموم شوكرن على نبل اخلاقك وتواضعك s96s إقتباس:
مبارك عليك الشهر :smilie47: << يبي يقضي وانت تقول مبارك :d |
يعطيط العافيه أخوي واللله ان شخابيطك ارحم من كلام بعض الاعضاء اللي ماهمهم غير كلام الصحف وكأنهم عايشين بالنادبي وعارفين الوضع |
الله يعطيك العافية بالتوفيق لزعيم بالنسبة لياسر أحتياط الله لايهينة صبرنا علية بما فية الكفاية نبي طلق المحيا أساسي كل مباراه نحترق ونعصب وناس تضيع وتستعرض والنهاية ولا شي عيسى أحرج الكل يلعب ويثبت لكم الحين مباراتنا امام الفيصلي ويجينا المدلل ياسر ويلعب اساسي وعيسى يرجع أحتياط لاحول ولاقوة الا بالله الله يصبرنـــــــــــــا على الهجوم الواسطات نبي طلق المحيا |
يعطيك العااافيه أخوي عى الطرح المميز بالتوفييق للزعييم في الاستحقاقات القادمه وان شاء الله اللاعبين مايخيبون ظننا فيهم |
والله صاااادق شخابيط في الصميم الكل اصبح همهم الهلال وحال الهلال |
شخاااااااااااابيط متعووووووووووب عليهااااااااا الصراااااااااااااحهــ بااااااااااااااااالتوفيق للزعيم |
مشكوررررررررررر ويعطيك عااااااااافيه |
اقولها للمره الثانيه الهلال محارب اعلآميآ.شكرا:rose: |
| الوقت المعتمد في المنتدى بتوقيت جرينتش +3.
الوقت الان » 03:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd