|
الله الله بالحضور يوم الإربعاء يازعماء .. بسم الله الرحمن الرحيم السلام عليكم ورحمة الله وبركاته ** الحمد لله على الفوز الثاني على التوالي للحفاظ على اللقب بإذن الله , صحيح المستوى ليس كما نريد ولكن لنفكر بالعقل والمنطق الهلال يمر بظروف لو مر عليها أي نادي سيتأثر أبرزها غياب لاعبيين مؤثرين فالمرشدي والزوري وعزيز وفيصل الجمعان وياسر القحطاني بكل تأكيد هم لاعبيين مؤثرين على الخارطة الهلالية خصوصاً غياب ثلاثة لاعبيين مراكزهم متقاربة وهم الزوري والمرشدي وعزيز وهذا يؤثر على الإنسجام والتفاهم بين اللاعبيين .. ** عاد رادوي فعادت الثقة وعاد التوازن للهلال .. ** حسن العتيبي يقدم مستويات متميزة وكبيرة ولكن يعاب عليه الخروج من مكانة المحدد له من دون تفكير ولا حساب لما سيكون ! ** أخطاء حسن خيرات ومحمد نامي المتكررة سيكون الهلال يوماً ما هو الضحية , لا أعلم إلى متى نشاهدها ؟ ** يحيى الكعبي هو الظهير الأيسرالإحتياطي لعبدالله الزوري ومحمد نامي هو الإحتياطي للي يونغ , لماذا غاب الزوري فشاهدنا نامي ؟ ** قد يكون غياب المرشدي والزوري بنفس الوقت وهم في جهه واحدة أجبر جيرتس على وضع لاعب خبرة وثقة مثل لي يونغ بالجهه اليسرى .. ** لكن ليس صعباً أن يكون لي يونغ بمكانة ظهير أيمن ويحيى الكعبي ظهير أيسر ويكون إسامه هوساوي هو قلب الدفاع الأيسر بجانب يحيى الكعبي .. ** أمر غريب مانشاهده من السيد إيريك جيرتس من تجاهله لمحمد الشلهوب بصراحة لا أعلم مالسبب في ذلك , على أقل تقدير يكون متواجد لفترات المفترض أن يكون متواجد فيها , مثلاً في مبارة الحزم تأخر دخولة كثيراً لأن الهلال في الشوط الثاني تائه في خط الوسط ولكن بعد دخول الشلهوب والعابد تغير وضع الفريق .. ** أعيد وأكرر الشلهوب يملك ميزة لا توجد بأي لاعب سعودي إلا ماندر وهي صناعة الأهداف , صحيح الهلال يعتمد بلعبه على الأطراف ولذلك تكون حظوظ نواف العابد وعبدالعزيز الدوسري أكبر بالمشاركة ولكن تواجد صانع ألعاب من طراز عالي ينهي لك مشاكل كبيرة .. ** بإذن الله تكون عودة المصابين بأسرع وقت وبإذن الله يعود الهلال للفوز بالمباريات مع المتعة الكروية .. ** مبارة الهلال والفيصلي بالجولة القادمة ستكون على ملعب الأمير فيصل بن فهد بالملز كما قرأنا , بإذن الله نستغلها بالحضور الجماهيري الكبير ويكون دافع معنوي كبير لنا وللاعبيين وللمدرب أيضاً .. ** بالحضور الجماهيري الكبير وبالتشجيع والمساندة بإذن الله ستنحل مشاكل كثيرة أهمها عودة الهلال للمتعة الكروية التي كنا نشاهدها العام الماضي ولم نشاهدها حتى الأن هذا الموسم .. ** الله الله بالحضور يازعماء موعدنا الإربعاء المقبل .. |
جمهور الزعيم لايحتاج لدعوه .. وان شاء الله حاضرين لعيون الهلال .. وانا اولهم .. بالتوفيق للهلال يارب .. وان شاء الله الثلاث نقاط .. تحياتي لك ؟ |
مشكور اخوي ~,} على الموضوع وان شالله جماهير الرياض تكون ع الموعد وان شالله بالملز وان شالله نفووز وانا راح احضرها لعيون الزعيم الف شكر اخوي ~ s13ss13ss13s:alzaeem::smilie47: تحياتي ابوراشد |
جمهور الزعيم لايحتاج لدعوه .. وان شاء الله حاضرين لعيون الهلال .. وانا اولهم .. بالتوفيق للهلال يارب .. وان شاء الله الثلاث نقاط .. تحياتي لك |
محمد الشلهوب مايقهر هو / أن في مكان محمد الشلهوب يلعب لاعبين لا يستحقون اللعب مكان الشلهوب هذا إذا كانوا يستحقون تمثيل الهلال أساساً لكن ماذا عسانا أن نقول |
ان شاءالله جمهور الزعيم ماراح يقصــر ..! لآهـــــــــــــــــــــــــــــــنــــــــــــــــــــــــــت ..! |
إقتباس:
ما فشلنا إلا جمور الرياض شف جماهير المناطق الثانية كيف يحضر الجمهور بجي زي العادة ولا فية الا انا وكم واحد في كل مباراة للهلال اشوفة |
بخصوص موضوع جيريتس صدقوني جيريتس عارف شغله زين ولو تلاحظون الفوز باقل مجهود السالفه فيها [ إن ] واعتقد والعلم عند الله السبب لـ مباراه الغرافه حتى يخفي تكتيكه الهجومي إقتباس:
فيه تنقاض بخصوص هـ الفقرتين يعني كانك تبرر سبب تواجد نامي وفي نفس الوقت تنتقد جيريتس باشراكه لـ نامي ! وبالنهايه جمهور الزعيم باذن الله في الموعد :smilie47: :rose: , |
إقتباس:
حياك الله يالغالي .. أبداً مافيه تناقض ولا يحزنون أتمنى تكون قرأت النقطة الي بعد ماإقتبسته وراح أضعها لك .. إقتباس:
النقطة الأولى ؟؟ النقطة الثانية أنا أقول قد يكون هذا تفكير جيرتس .. النقطة الثالثة رأيي أنا وحل لجيرتس إذا كانت النقطة الثانية هي رأيه .. أتمنى يالغالي تكون وضحت لك الفكرة .. :yes: |
بإذن الله حضور يبيض الوجه وبالنسبه لنامي والكعبي انا مؤيد لجيريتس انه يدخل نامي (اللي تعرف له العب به) واما الشلهوب اتوقع يخليه لليوم الاسود يوم المباريات الصعبه والصعبه جدا يوم الحسم لانه الشلهوب العام داس من اول الدوي وبآخر ايام الدوري اصيب بإرهاق شديد واضطر انه يريحه كم مباراه لانه ماصار على نفس المستوى إلا بآخر مباريات بعد الراحه الشلهوب جسمه وعضلاته ماتتحمل انه يلعب من بداية الدوري بكل قوه الى النهايه فاعتقد اختار انه يخسره بالبدايه ويستفيد منه بالنهايه وجهة نظر شخص متواضع |
بإذن الله هالمره جمهور الرياض سيكون متواجد هذ |
الله يعطيك العآآآفيه .. لكن انا مب مرتآآح للجمهور ابدن .. وان شالله نشوف الجمهور بالمباراة الجايه مرضي .. بالتوفيق للزعيم .. |
بالتوفيق للزعيــم أتمنى لهم مزيد من التقدم والتألق |
ان شاءالله رآح نحضر وبفلوسنا من زي الفقر وهو ناديه ما يجون الا مجآنآ ههههههههههههه بس اتمنى يكون فيه رآبطه تهز الملعب .... |
مشكووور أخوي والجمهور الهلال لا يحتاج لدعوه بس تكفون ياشباب نبي حظور والتشجيع طول المباره |
| الوقت المعتمد في المنتدى بتوقيت جرينتش +3.
الوقت الان » 04:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd