|
أرائكم عن معوقات الحضور الجماهيري # و رابطتنا الموقره السلام عليكم ورحمة الله وبركاتة حيالله الزعماء جمهور الزعيم الجمهور الاكثر شعبيه والارقام تثبت ذلك لكن موضوي لكم ولارائكم والبحث عن الحلول .. انا وزبدة موضوعي عن حضور الجماهير وخاصة حضور جمهور الرياض اقولها بصريح العبارة إذا مابالغت 10% من جمهور الزعيم في الرياض لو يحضر ملا مدرجات ملعب الملك فهد نعم نشاهده جمهور الزعيم وفي في كل شي ولكن ماشاهدناه وخاصة في ملعب الملك فهد هو قلة الحضور بغض النظر عن مباريات الديربي والاتحاد و النهائيات والبطولة الاسيوية .. لكن في مباريات الزعيم في الدوري وع بلاطة صراحة الجمهور يحضر بقلة ويالله يملا الواجهه في المدرج السلفي وقلة في المدرج العلوي نكون واقعيين .. ## طيب اذكر ع سبيل المثال ان هناك عوائق تمنع الحضور" @ هل هي من تفاعل الرابطه مع الجمهور مع اني اشوف جمهور الزعيم في عهد حقوي كان افضل ومع كل الاحترام لرابطتنا الحاليه @ ام تعامل رجال الامن عند البوابات @ ام بعد ملعب الملك فهد مع العلم ان الحضور في الملز اكثر ؟ @ ام ان البعض مايقدر يحضر بسبب وسيلة النقل @ ام عدم تفاعل الرابطة بالشكل الصحيح وتغيير الاهازيج والبحث عن الافضل من اهازيج وتفاعل جديد ومشجع للتشجيع والمؤازره @ ام عدم وجود الرابطه في واجهه الملعب ؟؟؟ @ ام طول الانتظار والكل وده يحلق ويحجز محله والانتظار من وقت مبكر @ ام حرارة الجو لها دور @ عدم الدخول بعباراة تشجيعيه للاعبين بشرط ان لاتكون عنصريه وفيها اسائات @ البعض يشتكي ويقول ابي ادخل بصوره لاعب ع تيشيتري واتفاجأ بانه مننوع وماادري وش السبب في منع ذالك ؟؟ @ ام ان المعاناة فقط لجمهور الهلال سوى ان حضر في ملعب الملك فهد او في الملز له تعامل أخر من قبل ادارت الملاعب ولازال حق جمهورنا مهضوم الى الأن !! ............................................................ انتم ياجمهور الزعيم حضرتوا للمعلب وشفتوا هالشي وقد عانا بعضنا من ذلك سؤؤال ؟؟؟ شاهدنا جمهورنا وتفاعلهم في الرابطه البحرينيه في مباراة بنديكور طيب لماذا ابدع الجمهور وقتها ؟؟ طيب هل الجمهور يفتقد الدعم من رؤسائنا وابوفيصل ان شاء لله مايقصر والتحفيز واعلامنا والاهتمام والتركيز من حيث التصريحات والمقابلات التلفزيونيه والصحافه الهلاليه وتشجيع الزعيم وتحفيزهم ع الحضور وصدقوني راح يكون هناك تفاعل مع ذلك وخاصة مجلس الجمهور الهلالي والاخ تركي الهديب الله يبيض وجهه وكل من يعمل معه يكون لهم اهتمام وتنسق ودعمهم والباقي ع تركي الهديب ويكون بينه وبين الرابطة تنسيق وجمع عدد من الاشخاص مثل يجتمعون في مكان ما مثل استراحة المهم يكون قبل كل مباراة والاتفاق والترتبيب لكي يكون هناك تنظيم للتشجيع ويكون هناك تنسيق في مكان الرابطه يتواجد اشخاص خلف قائد الرابطه وينظمون الادوار بشكل افضل ويكون في الواجهه من مجلس الجمهور اشخاص ينظمون لكي يكون هناك تشجيع حماسي واعيد واكرر لازم يكون هناك دعم اقوى اقوى اقوى تكفون ياأدارتنا الحقوو ع الوضع .. بكل صراحه في عهد الامير محمد بن فيصل كان هناك تواصل بين الجمهور والاداره وكان هناك اهتمام اكثر بالجمهور وحضرورهم .... وقبل ان انهي كلامي صحيح ان الجمهور مثلا لو حصل اخفاق هلالي المباراة اللي بعدها مافيه حضور بالشكل المطلوب لكن هذا من راجع للجمهور المحب وشرط اللي يسوييه هذا من حب الزعيم لااكثر ولااقل ولااقصد من كلامي تقليل من ادارتنا الان لكن نبي شي ونبي جمهورنا يظهر بافضل حله لان هالجمهور اللي يملا مدرجات الملاعب في المملكة ويبهرهم ويرعببهم خلف كل انجاز هلالي ع مدى التاريخ ... قبل الختام مع كل الاحترام والتقدير لرابطتنا الحالية ولكن مافيه شي جديد مثل ماتشوفون لكن نبي الافضل نبي الاميز نبي التفاعل لأننا الرقم الصعب .. ولااحب ان اطيل عليكم واشكر اخواني للغالين في روم الزعيم من ادمنية واعضاء ع تفاعلهم في هالموضوع .... ارجو التفاعل اخواني الزعماء |
لي عوده بعد ما اقراء الموضوع -- BACK -- خليني ابدأ معك مع الرابطة البحرينية والتفاعل معاها , انا اجزم واتحدى أي شخص لو الرابطة البحرينية تكون هي رابطة الهلال طول الموسم بأن يكون التفاعل معها نفس تفاعل مباراة بنديكور. مثل ما ذكروا الاخوان بالروم المباراة هذيك حالة استثنائية. بالنسبة للأسباب الي تمنع الحضور الجماهيري في الرياض من وجهة نظري الاسباب كثيرة ومعقدة مثلا زي ما قلت انت ..بُعد الملعب - الامن وتعاملهم- مسألة انك تحضر من 4 العصر كيف تبيني اشجع والمباراة الساعه 8:30 ؟؟ الإتكالية لها دور كبير - الرابطة لها دور - الأجواء الحاره لما احضر من العصر سبب كبير . ومع ذلك كان الحضور الجماهيري العام الماضي ممتاز ولكن مشكلتنا في التفاعل جمهور الرياض بطبيعته نايم يعني حق ابو اهزوجه ويسكت.وانا واحد منهم عشان اكون منصف . صعب نغيرهم الا اذا صارت كل مباريات الهلال مثل مباراة بنديكور .:ba: لاتنسى التطور عندنا من ناحية الملاعب والأمن والتذاكر بطيئ جداً . ومع كل هالاسباب الجمهور العاشق بيحضر مثل ما عودنا . عوافي أخوي أزرقاني على طرحك المميز واعذرني على إطالتي . :rose: |
مع احتراماتي لتركي الهديب الا انه يعمل لمصلحته الشخصيه اولا وثانيا وثالثا والدليل تذمره الدائم ومهاجمته للرابطة بسبب وبدون سبب ومحاولة تشويه سمعتها من خلال استخدامه روم الزعيم لتنفيذ اهدافه بعدين الي يبي يخدم الهلال لا يقعد يتذمر طالما انه متطوع ويعمل لصالح الهلال ( زي مابيئولوا) |
الله يعطيك العافيهـ من اسباب عدم وجود الرابطه الان هو شهر رمضان على ما سمعت سوف ترون الرابطه بالوجه الجديد بعد شهر رمضان |
يعطيك العافيه ازرقاني موضوعك حط يده على الجرح وشخص اغلب الاسباب تقريبا سلمت ودام قلمك |
بعطبك الف عافية على الموضوع الجميل والصراحة كلامك في محله تقبل مروري |
ملاحظه عدد سكان مدينه الرياض 5 ملايين اجانب وسعوديين سعد استاد الملك فهد اكثر من 50.000 شخص يعني لازم يجي اكثر من 1 % من السكان وماننسى نص السكان من السعوديين حريم فعليك الحسبه والشيء الثاني اللي يخلينا مانفكر نحضر في اي مباراه 1- الرابطه اللي تنرفز 2- العساكر والتعامل الزفت 3- الاكل 4- وقت الحضور لازم من بدري |
بصرااحه بعد الملعب وثانياا الراااابطه بصراحه زفت اكل الملعب سيئ الملز وسط المدينه قربي مو مثل الملك فهد مشواااار |
مشكوور والله يعطيك العافيه بالتوفيق للززعييم |
الله يعطيك الف الف الف عافيه على الطرح المميز و انا بعد ما اعرف سبب عزوف جماهير الهلال في الرياض عن الحضور الجماهيري في مبارايات الهلال بعكس الحضور الجماهيري في خارج الرياض تقبل خالص تحياتي و تقديري لك |
ياخي الملك فهد بعععععييييييد مهب زي الملز ثانيا تخيل لازم تجي من قبل المباراة بساعتين او ساعة عشان تحجز مكان ممتاز الحررررر خياس الدخان تعامل الامن الجفس ورغم كل هذا الا اني والله اغلب المباراة في الرياض حاضرها واخرتها التعاون وبأذن الله الفيصلي بنحضرها لكن تكفون ياادارة نبيها في الملز الرابطة لازم تكون موجوده من المباراة القادمة تكفوووووووووون |
اكبر عائق هو موقع استاد الملك فهد الواحد مافيه حيل يضرب مشوار ستين كيلو شرق الرياض عشان يوصل وبعدين مافيه وقت يادوب نطلع من التراويح نلاقي المباراة بدت من اول المباريات عشر ونص الحين عشر !! لو المباريات في ملعب الملز بتشوف الحضور لانه وسط الرياض وقريب من الناس |
جمهور الرياض للأسف لايحضر ويضع أمامه المعوقات مره بعد الملعب ومره العسكرومره الرابطه ومره حر ياي ياي هم بس اللي عايشين في حر ماهي كل السعوديه حر ودائما نتمنى مباريات الهلال في أي مكان غير الرياض لنشاهد الجماهير الكبيره جدا وقبلها أداء الاعبين اللي أصبحوا يتشامون من الرياض وملاعبها غريب أمركم ياجمهور الرياض والله |
والله انا اللي اسمعه داايم انهم مايحضرون بسبب عدم وجود وسيلة نقل او تعامل رجال الامن بس والله خااب ظني من الحضوور مع التعاون يعني مباراه افتتاحيه وجمهوور كذاا |
شكراً لكم يازعماء حبايب قلبي ع التفاعل F.C.H سلامي عليك ع هالرد والاطراء الجميل رد بصراحه موضوع لحاله نقاطك التي ذكرت هي مثل ماقلته في الموضوع والله يشفي اخوك فهد ويقومه بالسلامه ان شاء الله لك مني ارق تحيه يابعد حيي فخر الوطن اهلا ياغالي وهذي وجهة نظرك لكن لايعلم بالنوايا الا الله سبحانه وانا لست مطبلا لتركي الهديب فالرجل في نظري ومن وجهة نظري الشخصيه انه يشتغل من اجل الزعيم وحبا فيه وان كانك تقول يشتغل مصالحه الشخصيه فهذا يرجع لتركي الهديب ولاندخل في النوايا يارعاك الله شكرا لمرووك بلوو بلد الغالي ابوفهد الله يعين وان شاء لله في قادم الايام تتلبا امانينا وياليت .. سنايبر حبيب قلبي شكرا ع المرور زيزو ماهوب مقياس ع حسب سكان الرياض فكما ذكرت جمهور الهال بامكانه ملء الملعب كما في مباراة الوحده الاماراتي وبيقى جمهور الزعيم في الرياض كما اطلق عليه جن الملاعب وانت زدت نقطه صحيحه هي الاكل وفطيره الجبن والببسي الحار الله يعين بس قريني الهلال انا تصدق في جمهور يجي من القصيم ومن الشرقيه ومن حايل من اجل الزعيم ماعاقهم بعد المسافات وانت في الرياض وتقول بعيد ؟؟؟ هلالي خالدي مشكور ياحبة عيني ع المرور كرستال الحربي الجمهور اللي خارج الرياض شي طبيعي يحضر لانه مايشوف الزعيم الا في السنه حسنه يعني مره وكذا يحضرون لاكن زعيمنا في الرياض وانت ان كنت من سكان الرياض لايعوق ان تحضر الكنق ياسر الدخان الله يمنعنا منه صحيح يسبب ازعاج والبعض وده يحضر اطفاله للملعب لكن بسببه لايحضرهم وبرضوه ماهووب عايق لاجل الزعيم ان جلس كل واحد منا يقول الدخان وماالدخان الكل لن يحضر فارجوك خلها لعيون الزعيم لانه يفرحنا دايم وهم مايبدعون الابشوفتنا نهز اركان الملعب والجو من ناحية الحرار كلها ايام ويطل نجم سهيل ويجي البراد ماعليك هلال بن فوز بن بطوله اعجبني اسمك :s2: s13s هذي مشكلتنا قرب الملعب وصحيح ان ملعب الملك فهد بعيد وهي اصلا فترة اللعب في رمضان الكريم وباقي المباريات بعد رمضان مع وقت تجهز نفسك وقرب الملز انا معك يجلعك تتشجع للحضور لكن حنا مانبي هالكلام وفرضا لو كانت مباريات الهلال كلها في ملعب الملك فهد بنقول كذا دايم ؟؟؟ لغة الارقام بيض الله وجهك تعجبني الصراحه وانا افهم من كلامك ان كل من قال هالعوائق ماهي مقنعه بغض النظر عن الاسائات لنا من الامن في الملعب والباقي امرها سهل الله يكون في العون اعيد واكرر ردك خيالي وصريح صداها هلالي احب اضيف ع كلامك ان هلالنا هو بطل الدوري العام الماضي ونعرف ان الدوري هو افضل كاس واقواها في العالم من حيث كل دوله ودوريها وفرقها دائما تسعى لحصد الدوري من غير البطولات القاريه فهذا شي ثاني ولكن للاسف المفروض كان حضور اقوى لان هلال زين 2010 امتعنا كثيرا وزاد حلاتها بختام الدوري قبل نهايته بجولات لكن ؟؟؟ اشكر لكم التفاعل واتمنا ان يصل صوتنا للاداره لاننا محتاجين تفاعل وحلول حول هذا الموضوع شكرا لكم من القلب ولكل من عطر الموضوع برد ولي عودة بمشيئة الله |
| الوقت المعتمد في المنتدى بتوقيت جرينتش +3.
الوقت الان » 07:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd