|
مهم جداً بخصوص مايطرح حالياً... ارجو من الجميع الدخول لو سمحتم حيــــــــــاكم السلام عليكم ورحمة الله وبركاته صلّوا على محمد.. اللهم صل وسلم وبارك عليه وعلى آله وصحبه اجمعين كيف الحال ياجماهير الهلال مايحدث حالياً من جدل ونزاع لايمكن ان يتقبله العقل انقسام الجماهير الى فئتين ( متطرفتين ) امر غريب ومؤذي فئة تمجد اللاعب وتضعه في مصاف أساطير الكرة.. وتختلق له الاعذار باستماته وفئة اخرى قذفت باللاعب الى مزبلة التاريخ وأشبعته شتماً وتحقيراً ماهكذا تورد الإبل يا زعماء دعونا نلتقي في نقطة عبور موحدة يتفق عليها الجميع : هو مهاجم ممتاز ويحمل صفة ( نجم ) ومن يقول غير ذلك فهو مكابر ومغالط للحقائق وبالمقابل يتعرض حالياً لهبوط حاد في المستوى بعد أن أفاق قليلاً من غيبوبته الكروية نهاية الموسم الماضي هذا كل شيء يا أحبه هل كثرة المواضيع والردود الشاتمة والمسيئة له.. ستفي بالغرض ؟ وهل كثرة المواضيع المستميتة بالدفاع والتي تضعه في مصاف عظماء التاريخ.. ستفي بغرضها ايضاً ؟ والأهم من ذلك تطالبون المدرب باستبعاد اللاعب وركنه على مقاعد البدلاء هل كل ماتتم كتابته في هذا المنتدى يحظى بمتابعة واهتمام السيد ( جيريتس ) ؟؟ صدقوني لا يقرأ ماتكتبون سوى سامي وياسر وسامي قد ينقل الصورة الى السيد جيريتس ولكنه لايملك القرار فالموضوع برمته بيد المدرب وياسر يقرأ ولايزيده الوضع الا سوءاً... الضغط النفسي له تأثير كبير يا جماعة لنرجع قليلاً الى نهاية الموسم الماضي وتحديداً آخر 7 مباريات الشلهوب هداف الدوري ( احتياط ).. ونيفيز السيء جداً ( اساسي ) قدّم نيفيز أسوأ مستوى له منذ قدومه للفريق.. ولم يتحسن الا في المباراة الاخيرة الآسيوية وكان هداف الدوري المتألق المتألق حبيس الدكة... دون سبب واضح ولم نقرأ ولا نشاهد ( ربع ) ماتتم كتابته هذه الايام لياسر اتنرفز جداً عندما اشاهد ( يفداك ألف بلنتي يابوعزوز ) وكأن الكيان هو لاعب واحد فقط واتنرفز ايضاً عندما يخسف باللاعب الى اسفل سافلين بسبب ركلة جزاء مهدرة في مباراة وديّة مشكلتنا الرئيسية في التطرف العاطفي يا اننا نكون في اقصى اليمين ..... او نكون في اقصى الشمال مافيه طريق وسط ابداً ياجماعة رب العالمين وش يقول ؟؟ { وَكَذَلِكَ جَعَلْنَاكُمْ أُمَّةً وَسَطًا } الاعتدال في الطرح وفي التوجه وفي إبداء الرأي لكن مايحدث حالياً امر مؤسف ومؤسف جداً انذارات وايقافات وحذف وهذا زعلان وهذاك يشتم... جرحتوا صيامنا في بداية هالشهر الفضيل . . مثال بسيط واتمنى انه يفي بالغرض انت ياللي تطبّل وتمجّد وعينك ماتشوف الا المديح المبالغ فيه لو اخوك الصغير عنده اختبار صعب.. والاختبار يبي مذاكرة وجهد وتعب وانت دخلت عليه وهو يذاكر وقعدت تريّش فيه وتمدحه وتعطيه من هالرخيص : انت اذكى طالب واقوى واحد وناجح ناجح الله لايعوق.. لاتتعب نفسك والف مبروك النجاح مقدماً وحينها الولد راح ينتفخ راسه ويتقاعس عن المذاكرة على اساس انه مو بحاجة التعب حسب كلامك وش راح تكون نتيجة اخوك ؟؟ راسب... وانت بهالحالة ساهمت بتدمير مستقبله وعلى الطرف الآخر لو دخلت عليه وهو يذاكر وقمت تهستر فيه بالذب والتحطيم : مسوي فيها دافور ؟؟ افلقني اذا نجحت... انت غبي ومهما حاولت راسب راسب الله لا يعوق ساعتها الولد راح يتوتر ويرتفع ضغطه منك وانسى موضوع التركيز والمذاكرة وش راح تكون نتيجة الولد ؟؟ راسب ايضاً.. وايضاً انت السبب . . اتمنى ان الصورة تكون واضحة واتمنى اننا نساند الفريق كاملاً ( دون استثناء ) للمباراة القادمة امام الحزم العنيد والله يستر من التفريط بالنقاط نقطة واحدة تضيع في اول الموسم تكلفك البطولة في نهايته وقبل انسى تصفية النفوس يازعماء في هالايام الفضيلة ورمضان مبارك على الجميع |
رمضان مبارك على الجميع وطرح رائع ورآقي تسلم آنـآملك آخي الصخرة وبصراحه المواضيع اصبحت شبه مكرره وكلها عن يـآسر وهذا اكبر ظغط على اللاعب يعني هو يفكر في رجوع مستواه ولا الهتافات القذرة اللي تنتظره في كل مباراة ولا من الجمهور المحب والظغوطات صرآحه الله يكون بعونة يعني اللاعب مو طوال الموسم برتم وآحد والمثال مثل ماذكرت مثل الشلهوب ونيفيز لبد يكون فية تذبذب بالمستوى والمفروض نكون نرتقي بالمواضيع والنقاشات بالمنتدى لمصلحة الجميع ونتمنى كل التوفيق للزعيم ولجميع اللاعبين من دون استثناء تقبل مروري |
السلام عليكم ورحمة الله وبركاته ،،، أشكرك على الطرح الجميل وأسأل الله أن يهدي بعض الجماهير العاطفيه أخوكم أبو باسل |
عين العقل والمنطق ماكتبت يالصخره وأشد على يدك في ذلك ولن أزيد على ماكتبت تحياتي وتقديري |
كلاوجميل وعين العقل ولابد من مؤازت النجوم مهما كان |
واضح ان الكلام طالع من قلبك اخوي الصخرة :) بالفعل مشكلة البعض انه ما عنده الا يا ابيض يا اسود .. وما عنده حل وسط من المهم ان نتحكم بعواطفنا !! وياليت نمدح بصدق .. ونعاتب بحب !! شكرا للجميع ,,, |
أخيرا شفت واحد يفكر بعقله ومنطقي بقضية ياسر : ) |
عليك نور .. جزاك الله ألف خير وجعل مثواك الجنه والمسلمين أجمعين . والله ياسر يعاني من الضغوط والحاله النفسيه السيئه من اللي يرددون الهتافات واحنا نجي كجمهور للهلال ونزيد الطين بله بانتقادات وسب وتجريح ،، يعني ببالكم إذا سوينا كذا بيقدم مستويات حلوه !! ونقول إن شاءالله يرجع ياسر ويكون بأفضل حالاته يإأاإاإاإرب ويكون أفضل مهاجم في آسيا اللهم آمين. شكرا لك .. اللهم وفق الهلال واجعل البطولة الآسيوية السنه هذي والدوري من نصيبه اللهم آمين . |
:/: :/: ألف شكر لكـ ,, يعطيكـ العإآفية .. معاً ضد العاطفة والمجاملات .. :/: :/: |
يعطيك العافية على الطرح والرائع و دآئمآ مبدع << لله درك :ba1: اللآعب بشر مثلي مثلك يوم يكون بيومه ويوم يكون معآنده الحظ مثلك يوم مبصوووط و10 ايآم شايل الدنيآ فوق راسك ض1 يآليت الموآضيع اللي تطرح تكون لهآ فايده اكثر تعبنآ من دوآمه الموآضيع اللي مآلهآ هدف بالآساااس الصخرة كتبت فآبدعت دوووكْ :rose: |
مثال بسيط واتمنى انه يفي بالغرض انت ياللي تطبّل وتمجّد وعينك ماتشوف الا المديح المبالغ فيه لو اخوك الصغير عنده اختبار صعب.. والاختبار يبي مذاكرة وجهد وتعب وانت دخلت عليه وهو يذاكر وقعدت تريّش فيه وتمدحه وتعطيه من هالرخيص : انت اذكى طالب واقوى واحد وناجح ناجح الله لايعوق.. لاتتعب نفسك والف مبروك النجاح مقدماً وحينها الولد راح ينتفخ راسه ويتقاعس عن المذاكرة على اساس انه مو بحاجة التعب حسب كلامك وش راح تكون نتيجة اخوك ؟؟ راسب... وانت بهالحالة ساهمت بتدمير مستقبله وعلى الطرف الآخر لو دخلت عليه وهو يذاكر وقمت تهستر فيه بالذب والتحطيم : مسوي فيها دافور ؟؟ افلقني اذا نجحت... انت غبي ومهما حاولت راسب راسب الله لا يعوق ساعتها الولد راح يتوتر ويرتفع ضغطه منك وانسى موضوع التركيز والمذاكرة وش راح تكون نتيجة الولد ؟؟ راسب ايضاً.. وايضاً انت السبب تسلم يمينك |
طرح رائع ورآقي بأذن الله ماعاد تشوف هالمواضيع بالمنتدى الا المواضيع الي تهم النادي والوسطيه زي ماقلت عساه يتثبت يشوفكه اكبر عدد من الجماهير الهلالييه إقتباس:
امثله في الصمييم يعطيك الف عافيه ماقصرت |
اجبرتني على الكتابه ايها الصخره .. منذ ان ابتلينا بمحبي ومشجعي اللاعبين والاشخاص وتفضيلهم على الكيان والخوف من بروز نجم يضاهي محبوبيهم ونحن للاسف نعاني من هذه المشكله فمصلحة الفرد لديهم مقدمه على مصلحة الكيان ..ياهؤلاء الافراد راحلون والكيان باق والهلال بطل منذ عبدالرحمن بن سعيد الى عزوز الدوسري .. ياهؤلاء الهلال ليس ياسر وليس سامي وليس يوسف الثنيان ولاصالح النعيمه ولاحتى عبدالرحمن بن سعيد .. الهلال هو كل هؤلاء ننتقدهم ان اخطأؤ وناخذ بايدهم ان هم ابدعوا واتركو الاشخاص وتمجيدهم ومجدو الهلال الذي له الفضل بابرازهم للعالم قاطبه .. تحياتي .. |
هلابك اخوي الصخره انا اشوف الانتقاد طبيعي وعادي بس يكون انتقاد وليس تجريح لكن المشكله تكون في بعض الاعضاء مثلا موضوع يطرح من الاعضاء موجه للاعب اومدرب نتفاجاء انه في نفس اللحظه عضو اخر يفتح موضوع مثله وغدا موضوع اخر نفس الموضوع وفي الاخير يصبح المنتدى بأكمله يتحدث عن هذا اللاعب او المدرب شاكر لك التوضيح والموضوع الجميل تحياتي |
يعطيك العافيه وبعدين تونا اول مباراه ع طول انتقاد:wub: لسى الدوري في اوله |
| الوقت المعتمد في المنتدى بتوقيت جرينتش +3.
الوقت الان » 11:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd