|
كيف يعود ياسر ومعه مهاجمين متواضعين اولا هاردلكم المستوى السيء الذي قدمه الزعيم امام التعاون ومبروك الثلاث النقاط واعتبرها الاهم لان الدوري الاهم فيه النقاط خاصه في فريق يملك الخبره مثل الزعيم ((نادي القرن الاسيوي)) ولكن أرى البعض يتحدث عن مستوى ياسر القحطاني وانا أتفق معكم ان القناص لم يعد قناصا ولكنه افضل الموجودين واكيد ياسر بينخفض مستواه إذ معه مهاجمين متواضعين وهم سبب انخفاض مستوى ياسر خصوصا المحياني لاعب متواضع وفكره الاحترافي محدود واستسلامه هو سبب انخفاض مستوى ياسر انا اذكر قبل انتقال ياسر للهلال وكان الهجوم الهلالي عمالقه الاسطوره سامي والمدفعجي الجمعان وكان عند ياسر الرغبه بان يكون اساسي وفعلا تحقق مارغب به وكان سامي والجمعان احتياطيين لياسر انها الرغبه والاحترافيه اللتي يفتقدها عيسى لا احد يقول لي عيسى قيريتس يلعبه ع الطرف المهاجم المحترف يتكيف مع اي طريقه ياسر في السابق يبدع كرأس حربه ويبدع ع الاطراف ويبدع خلف المهاجمين ويبدع بالعوده ومساعدة المدافعين اذا تبون ياسر يعود فعلى الاداره الهلاليه التعاقد مع مهاجمين بمستوى نايف هزازي والسهلاوي وناصر الشمراني اما تبون ياسر يعود وهو لا يملك مهاجمين يضغطون عليه فكيف يعووود من ضمن الفرص اللتي اوتت المحياني كانت في المعسكر وسجل المهاجم العالمي عيسى عقم تهديفي ولا احلى وسلامتكم |
للرفــــــــــــــــــــــــــــــــــــــــع |
يارجل اتق الله كيف حكمت على عيسى كذا ؟ عيسى مستوى متواضع وتفكير احترافي محدود ؟!!!! عيسى محتاج للفرصة فقط والفرصة الكاملة يعني ياسر يريح مباراتين او ثلاث وخل عيسى يلعب وشوف وقتها وش تنتظر من لاعب مايلعب الا اخر 10 دقايق والله اخر ربع ساعه ؟ ولاتنسى عيسى ايام الوحده كيف كان ؟ ان لم يكن هداف الدوري السعودي تلقاه بالوصيف دايما |
اتفق معك لو فيه مهاجم مهاري ممكن يساعد ياسر على البروز اكثر لكن ان هذا سبب رئيسي في انخفاض مستوى ياسر لا اتفق معك لان المهاجم بحاجه الى عوامل كثيرة منها وجود صناع لعب مميزين وعيسى لاعب كبير بس ما اعطي الفرصة اللي تخليه يبرز كراس حربه صريح تحياتي لك |
الحين هذا عذر جديد لسوء مستوى ياسر ؟ بعد الاصابه والحاله النفسيه والزواج , الحين العذر مافي مهاجمين يضغطو عليه ؟ هههههه طيب اش فيك تكلمت بس على عيسى وتركت المهاجمين الاثنين الباقيين ؟ |
إقتباس:
,, وقلما يسجل على اندية كبيره الا على النصر :naughty: لأنه نآدي صغير ,, ياسر بالملعب له ثقله اذا تحرك تحركوا اللاعبين ومعه الجمهور ومعه المشاهدين ..!!! وياسر اذا ماسجل صنع بـ مبآرآة التعآون صنع اكثر من إنفرآد بس نيفيز و أخوياه بس تضيع ..,, و أول المباراة وصل المرمى مع الطرف ولا فيه أي مساانده .!! بالتالي لعبها أي كلآم .:yes: |
يا حبييبي لا تقول ما عندنا مهاجمين كويسين والله العيب من ياسر مستواه في الحظيظ وعايش الجو على ان مستواه لا نزل ولا شيء وفوق كذا يكابر ويقول للي انتقدوه الي على المدرج يتفرج !! عيسى لاعب كبير لكنه مهاجم صندووق اتمنى اشراكه كأساسي او على الاقل من الدقييقة 60 في 3 مباريات متتالية او اكثر ويمها احكموا عليه موب يلعب الدقيقة 89 وتقولي سيء ترا ما فيه مشكلة تنتقد لاعب لكن ما تنسف جهود غيره وتحطهم السبب في هبوط مستوى لاعبك |
اللي يقول عطوه فرصه ياسر بالمعسكر مالعب ومع ذلك عيسى لم يسجل ولم نلاحظ فيه مهاجمين يتحركون الا مع عودة ياسر وشكرا للمرور |
الله يصلحك اخوي تقول مهاجمين متواضعين أجل عيسى متواضع والله ثم والله لو عيسى يلعب راس حربة وكم مباراه متتالية راح تشوف قناصك الداج أحتياط ياسر 2007 والحين أحتياط الله لايهينة ياسر مجامل متى أخذ فرصتة عيسى عشان تقول لايملك فكر احترافي حرام ضيعت من وقتي دقيقتين أقرا الموضوع أجل ياسر ياسر مستواة الحين حرام يلعب بدرجة ثانية بأذن الله نشوف طلق المحيا ولا الجيزاني يلعب اساسي ولاعبكم المفضل ياجمهور ياسر نشوف طلق المحيا والجيزاني عشان يخلونة احتياط وتصورو معاه الله يصلحكم الهلال اهم من ياسر والهلال هو من صنع ياسر لاحوة ولا قوة الا بالله صبرنا على ياسر نبي عيسى اساسي وراس حربة نسيت عيسى موسمين هداف الدوري والثالث وصيف ومين وراة احمد الموسى وطقتة كيف لو وراة الشلهوب ويلي تياقو |
إقتباس:
على العموم انا ما ااحرب ياسر بالعكس انا ابغاه يرجع لان ياسر اللي نعرفه مو افضل من مهاجمين الهلال بس افضل من مهاجمين السعودية , لكن ان ما انتقدنا وما قلنا كلمة الحق ما بيفتح عيونه وان قعدنا نطبطب على ظهره ونرقع له ما بيحس انه غلطان ولا بيعرف انه في خطر وهجوم الهلال في خطر . |
إقتباس:
على شان يلعب بفريقك المفضل مثل ماقال رئيسكم لو كنت بالرئاسة وياسر بالقادسية خلصت معاه |
الهلال قبل بداية الموسم فتح خط المفاوضات مع ديفيد فيا لكنه بعد النظر للسيفي حقه اكتشف انه لاعب لا يملك مواصفات المحترف وهو لاعب لا يملك الفكر ولا المستوى انه يلعب جنب ياسر وتراجعوا عنه |
السلام عليكم ورحمة الله وبركاته .... تقبل الله صيامنا وصيامكم وقيامنا وقيامكم .... لا يكون دفاع الشخص عن نجمه المفضل بمهاجمة الآخرين ... اخشى ان تكون الحماقة التي اعيت من يداويها... ياسر القحطاني في بداية انتقاله للهلال كان يمر بإنتقادات كبيرة رغم ابداعاته مع المنتخب والقادسية ... والسبب عدم انسجام ياسر مع الفريق وقد يكون استسلام ياسر في البدايات على الأقل ... لكن عندما اعطي الفرصة كاملة عاد وابدع وقدم كل ما يملك للهلال ... وكانت الجماهير الهلالية تنتظر بل ومتيقنة من أن ياسر سيسجل في كل مبارة على الأقل هدف ... أما الآن فالوضع اختلف فياسر لم يعد ياسر .. وإذا اردنا ان يعود لنا القناص فيجب أن لا نغش القناص نفسه ونوهمه ان مستواه يعد الأفضل حتى وهو منخفض .. صديقك من صدقك لا من صدقك.. والصداقة نوع من انواع الحب ... فإن كنتم تحبون القناص فلا تغشوه... أما عن النجم عيسى المحياني .. فقصته مشابهه لقصة ياسر .. فكلاهما حضرا من نادي صغير .. والفرق أن ياسر أعطي الفرصة كاملة لموسم كامل .. وعيسى يشارك في آخر عشر دقايق او حتى آخر دقيقة ... ورغم نزوله المتأخر فهو لا يشارك كراس حربة صريح... يقال ان عيسى لاعب محترف ويجب ان يطبق كل شي يطلبه المدرب ويجب ان يجيد اللعب على الاطراف ... سؤال : هل أسامة هوساوي سينجح في اللعب في الظهير الأيمن لو طلب منه ذلك؟ سؤال ثاني : ياسر في الفترة الأخيرة نشاهد منه ضياع فرص لا تضيع أشبه ببرنامج طرائف الكرة هل نستطيع أن نقول ياسر لاعب فاشل وغير محترف لأنه لا يسجل؟ سؤال ثالث : كيف يكون ياسر أفضل الموجودين رغم انخفاض مستواه ؟ هل هناك مقياس واضح عقلاني؟ هل أعطي غيره فرصة اللعب لو على الاقل ست مباريات متتالية ؟ 6 مباريات اقل من ربع الدوري.. هل الحكم بأنه الأفضل نابع من محبة اللاعب اكثر من محبة النادي؟ بالنسبة للمشجع الهلالي الأصيل كل اللاعبين الحاليين سواسية بعد رحيل الأساطير بعد رحيل من جلب الكؤوس الأسيوية و ارضخوا آسيا كلها تحت أقدام زعيمها سبحان الله والحمد لله ولا إله إلا الله |
والله أني أرثي لحالكم تضربون في الميت والضرب بالميت حرام أنت كيف حكمت على مستوى المحياني والجيزاني والجمعان والمدرب لم يعطيهم ربع كوم الفرص والتشجيع وحملات التطبيل اللي تمنح لياسر يا أخي اتقى الله وارحموا عقولنا |
ع العموم شكرا للمــــــــــــــــــرور |
| الوقت المعتمد في المنتدى بتوقيت جرينتش +3.
الوقت الان » 07:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd