نادي الهلال السعودي - شبكة الزعيم - الموقع الرسمي - بين ياسر وابراهيموفتش وبين المحياني وبيدرو

عيسى المحياني لعب الموسم الفائت مع الهلال كذا مباراه لا اعرف كم بس اتوقع والله العالم لاتتعدى الـ 20

ومع ذلك جاب 12 قول ونفس الوقت مايلعب في مركزه الصحيح

وليد الجيزاني هداف نادي الحزم وهو بدون لاعبين وسط نفس طبقة ويلي ونيفيز والشلهوب ومع ذلك

عدد اهدافه 10 اهداف

فيصل الجمعان كان في نادي الفتح وايضا نفس الوضع مع وليد الجيزاني في فريق متواضع ولايملك لاعبين وسط

عدد اهدافه لا اعلم كم عدد اهدافه الموسم الفائت لكن في اخر ثلاث سنوات كانت 23

طبعا كل الي تم ذكرهم وبدون انقاص حق اي واحد منهم لايملكون مواصفات ياسر القحطاني

لكن مظلومين جميعهم من المدرب قريتس يعني اذا نزل الواحد منهم يخليه على الاطراف

انا مااادري يعني سامي الجابر بحكم انه مدير الكره في النادي مايتكلم بالنقطة هذي مع قريتس

مايقول له ان اللاعبين الثلاثي هذولي كلهم جمعيا لاعبين صندوق

طبعا المفروض النادي يلعب بخطة 4 - 4 - 2

يعني خط دفاع ماشاء الله تبارك الله اذا كان مكتمل

محاور ماشاء الله تبارك الله

وسط ناري

هجوم اذا كان يعتمد على ياسر لحاله ردد ياليل ماطولك

واذا كان بيعتمد على ياسر ومعه مهاجم صندوق اكيد راح يختلف الحال

ياسر صدقوني مااراح يسوي شي لحاله

فيه كذا سبب الاول التشبع من الاهداف التقليديه وهذا حسب مااراه انا بياسر

وارى انه يبحث عن الاهداف الدراماتيكية اكثر من اي هدف

ممكن اسوي مقارنة بين اثنين مع ان المقارنة ماتصلح

ياسر وابراهيموفتش

ابراهميوفتش يوم كان في نادي الانتر كان يبحث عن اي هدف تقليدي عادي جدا

ومن سببها انتقل لنادي البرشا بمبلغ وقدره

بعدها مع بداية الدوري العام الماضي كان ماشي على نفس رتمه السابق ولا عليه اي كلام

بعدها بكذا جولة صار له ماصار لياسر وهو البحث عن الاهداف الدراماتيكية

لكن مدرب البرشا ماعنده نظام مجاملة ولا واسطات وتدخلات شرفيه

على طول ركنه في الاحتياط ودخل بيدرو

بيدرو لاعب صغير يبحث عن تثبيت اقدامه في تشكيلة البرشا ومن سابع المستحيلات ان تثبت نفسك

في مثل نادي زي البرشا

نرجع لياسر ياسر نفس الحكايه كان موسم 2007 يبحث عن اي هدف

ومجرد ماكان يبحث عن اي هدف

اغلب اهدافه صارت دارماتيكية وفيها التقليدي بس بحكم اخلاص ياسر بانه المطلوب منه هدف وبس

ربي وقفه وقعد يجيب اهداف دراماتيكية والي هو يبحث عنها وينبسط عليها وهي الي سوت له

جماهيريه خاصه لن عندنا ماشاء الله جمهورين ( الاول يبحث عن مصلحة النادي ) والثاني ( حق ريمكسات )

وتصاميم ومدري ايش يعني يبحث عن الجماليه اكثر من المضمون

ابراهيموفتش ركنه المدرب بالاحتياط وصار يدخل بالمباريات الغير مهمه او يدخل بعد ضمان النتيجة

وصار واضح عليه الندم ويبحث عن اي هدف لمجرد ضمان مكانه في الاساس

بينما عندنا هنا مازال الاخ ياسر يمارس هوايته في احضان الحراس وفي محاولات الاستعراض والدراما

السؤال موجه لياسر / ياياسر هل انت تبحث عن مصلحتك وشهرتك واسعاد جماهيرك قبل ان تبحث عن

مصلحة النادي واسعاد جماهير النادي ؟

برجع للمحياني ياترى لو اعطي المحياني الفرصه كما اعطيت لبيدرو وخلاه المدرب يبلعب في نفس مركزه

هل راح يكون مهاجم ثابت في التشكيلة او ماراح يتغير شي او بما ان المدرب متمسك بالطريقة ذاتها

وهي 4 - 5 - 1 يعني بنشوف ياسر احتياط مثلا ؟ احس انها مستحيل

نفسي اعرف لماذا لايتم ركن ياسر في الاحتياط في المبارتين القادمة حتى نعرف الهجوم عندنا

ونوقف على مستوياتهم يعني والله انا ماادري وش نستفيد من النخبة مدام انكم ماطببتو فيها المحياني

والجيزاني والجمعان والحين بدا الدوري وشفنا الولد زي ماكان عليه الموسمين الفائته

ننتظر لين تنتهي اسيا ونطلع منها لاسمح الله ثم وقتها نجرب المهاجمين الباقين ؟ ؟

المهم لا احد يحسب اني حاقد على اي لاعب او شي

انا انسان مايهمني الا شي واحد وبس الي هو نادي الهلال فقط

اللاعب مهما كبر ومهما صار له صيت لايهمني

اذا احسن بنقول له احسنت وهذا عملك

واذا اخطاء نسكت المره الاولى الثانية الثالثه

بس اذا له سنتين على الوضع نفسه وش نقول ؟؟

ماعاد فيه اعذار

الاغلب امس قالو اول مباراه وقالو اصابه وقالو توه راجع

طيب ياالي انتم جبتو الاعذار

شرايكم باللي يقول يكفي ان لياسر هيبته

ومن قال لك ان له هيبه وش عليك من التخدير الاعلامي انا لو مدرب نادي اخر او مسؤول في نادي ثاني

بصراحه اتمنى اني اشوف ياسر في هجوم الهلال وهو على وضعه هذا

لنه ماراح يتعبني اقل شي اسويه احط معاه واحد نشبه وواحد خشوني وخلاص بكذا ارتاح من ياسر

يعني ياسر صارت معروفه حركاته مافيه شي جديد مايحب يطور نفسه تعود مهما يسوي يلعب

يعني بالله من وين بيجيه طموح اكثر من كذا وهو كل يوم اساسي وتيتي مثل مارحتي جيتي

وبسسسس